BywydCampws

Cefnogi Myfyrwyr

Croeso i BywydCampws ym Mhrifysgol Abertawe

Neges oddi wrth BywydCampws

Bydd holl wasanaethau BywydCampws ar gau ar Ddydd Iau 6 Ebrill ar gyfer Y Pasg. Bydd ein gwasanaethau yn ail agor ar Ddydd Mercher 12 Ebrill. Os bydd angen i chi gysylltu â'r timau, gallwch wneud hynny drwy e-bost - bydd y timau yn ymateb cyn gynted ag y gallent.

Mewn achos argyfwng, gallwch gysylltu â gwasanaeth diogel y campws drwy ffonio 333 o ffôn fewnol, neu drwy ddefnyddio'r ap SafeZone. Tu allan i'r oriau gweithio, gallwch gysylltu â'r gwasanaeth diogel yn uniongyrchol drwy ffonio 01792 604271

___________________________________________________________________________________________________________________

Bydd derbynfa a gwasanaethau ffôn BywydCampws ar gau ar fore Ddydd Llun 3 Ebrill. Ymddiheurwn am unrhyw anghyfleustra.

___________________________________________________________________________________________________________________

Rydym yn deall bod angen i ni eich cefnogi mewn amrywiaeth o ffyrdd er mwyn i chi allu mwynhau eich amser yn y Brifysgol i'r eithaf.

Rydym yn cynnig gwasanaethau cyngor a chymorth diduedd am ddim i fyfyrwyr, heb feirniadu, mewn amgylchedd cartrefol, cyfeillgar a chyfrinachol. Dewch i'n gweld i gael cymorth arbenigol gan wasanaethau'r Gaplaniaeth, Cymunedol, Rhyngwladol, Ariannol, Cyfranogiad a Llesiant.

Ein Gweledigaeth

Myfyrwyr sydd wedi'u hysbrydoli a'u cefnogi i ymrwymo'n llawn i brofiad trawsnewidiol yn y Brifysgol, profiad sy'n llunio eu dealltwriaeth gynyddol o'u hunain, eu cymuned a'u cyfraniadau at gymdeithas fyd-eang.

Ein Cenhadaeth

Ein cenhadaeth yw addysgu myfyrwyr, cysylltu â'r gymuned a chyfoethogi'r profiad ym Mhrifysgol Abertawe. Rydym yn gwneud hyn drwy ddarparu cyfres o wasanaethau cyngor, arweiniad a chymorth sy'n cynorthwyo myfyrwyr ac yn eu galluogi i gyflawni eu potensial addysgol llawn; drwy cael gwared ar rwystrau i ddysgu, cryfhau parodrwydd i ddysgu a chynnal cymuned iach a diogel ym Mhrifysgol Abertawe.

Ein Gwerthoedd

Mae BywydCampws yn gweithredu ar sail set ddiffiniedig o Werthoedd Craidd a disgwylir i'n staff allu arddangos ymrwymiad i'r gwerthoedd hyn o adeg gwneud cais am swydd ac wrth gyflawni dyletswyddau beunyddiol eu rolau. Ein Gwerthoedd:

Rydym yn Broffesiynol

Rydym yn ymfalchïo mewn defnyddio ein gwybodaeth, ein sgiliau, ein creadigrwydd, ein gonestrwydd a'n doethineb i ddarparu gwasanaethau arloesol, effeithiol ac effeithlon ynghyd ag atebion o safon ardderchog.

Rydym yn Cydweithio

Rydym yn ymfalchïo mewn amgylchedd gweithio rhagweithiol a chydweithredol o gydraddoldeb, ymddiriedaeth, parch, cydweithio a her, i ddarparu gwasanaethau sy'n ceisio rhagori ar anghenion a disgwyliadau cwsmeriaid.

Rydym yn Ofalgar

Rydym yn derbyn cyfrifoldeb am wrando ar ein myfyrwyr, ein cydweithwyr, partneriaid allanol a'r cyhoedd, eu deall ac ymateb yn hyblyg iddynt, fel bod pob cysylltiad rhyngddynt a ni yn brofiad personol a chadarnhaol.