Casgliad Hanes Cyfrifiadura

Cyflwyniad i'r Casgliad Hanes Cyfrifiadura

“We had the experience, but we missed the meaning.” T. S. Eliot

Mae Casgliad Hanes Cyfrifiadura'r Brifysgol yn cynnwys offer, meddalwedd, archifau, effemera, hanesion llafar a fideos. Sefydlwyd y Casgliad yn ystod hydref 2007 er mwyn astudio datblygiad ac arloesedd technolegol hanesyddol, a'r berthynas rhwng technolegau cyfrifiadura â phobl a'r gymdeithas yn benodol.

Un ffocws pwysig yw datblygiad cyfrifiadura yng Nghymru. Trwy ymchwilio i hanes cyfrifiadura yn lleol, rydym wedi canfod ein bod ni'n gallu gweld a cheisio deall cydadwaith "achosion ac effeithiau" technegol, cymdeithasol, economaidd a diwylliannol yn well.

Mae'r Casgliad hefyd yn ymwneud â meysydd arbenigol penodol o gyfrifiadura. Mae'r dewis o'r pynciau hyn yn adlewyrchu diddordebau aelodau Prifysgol Abertawe a chyfeillion y Casgliad. Er enghraifft, mae gennym archif L. J. Comrie, FRS (1893-1950), arloeswr dulliau rhifiadol, sy'n cynnwys nodiadau a'i gasgliad o dablau mathemategol; ac mae gennym archifau sy'n dangos datblygiad cyfrifiadureg ddamcaniaethol a dulliau ffurfiol ar gyfer peirianneg meddalwedd.

Mae'r wefan hon yn rhoi gwybodaeth am y Casgliad. Mae hefyd yn declyn ymchwil i adeiladu'r Casgliad, ac i annog pobl i ddehongli a lledaenu hanes cyfrifiadura. Rydym yn gobeithio y byddwch yn ystyried y syniadau a'r myfyrdodau yma'n ddiddorol. Rydym yn gobeithio y byddwch yn ein helpu i adeiladu'r casgliad; mae croeso mawr i chi gysylltu â ni.

John V Tucker

Casgliadau Arbennig Hanes Cyfrifiadura

Mae'r Casgliad Hanes Cyfrifiadura yn gartref i rai casgliadau arbennig.

Damcaniaeth rhaglennu

Mae ein diddordeb penodol mewn rhaglennu a datblygu meddalwedd wedi denu nifer o roddion gan archifau. Rydym wedi derbyn casgliadau o nodiadau, o erthyglau ac o lyfrau gan athrawon ym maes cyfrifiadureg

Willem Paul de Roever (Kiel),
Peter van Emde Baos (Amsterdam),
a Dines Bjorner (Copenhagen).

Gyda'i gilydd, mae'r archifau'n ymdrin â datblygiad llawer o'r ieithoedd rhaglennu modern, a rhoddir pwyslais ar ddulliau ffurfiol ar gyfer semanteg, manylu a gwirio.

Leslie J Comrie, FRS (1893-1950)

Roedd Comrie yn arloeswr ym maes dulliau rhifiadol ar gyfer gwyddoniaeth a pheirianneg cyn cyfrifiaduron, ac mae ein harchifau'n cynnwys nodiadau, papurau a'i gasgliad o dablau mathemategol sy'n gysylltiedig â'i gwmni cyfrifiadura sef y Gwasanaeth Cyfrifiadura Gwyddonol.

Gwybodaeth am y casgliad

Nodau a ffocws

Mae cyfrifiaduron wedi trawsnewid sawl agwedd ar wyddoniaeth, y gymdeithas a diwylliant ers y 1940au. Ym mhob degawd, mae cryfder y newidiadau wedi dwysáu ac nid oes unrhyw arwydd y bydd yn tawelu. Mae'r trawsnewidiad yn rhyfeddol ac mae'n anodd amgyffred ag ef. Mae mawr angen astudio'r technolegau hyn, a'u datblygiad a'u heffaith o wahanol safbwyntiau. Nid yw hanes y trawsnewidiad wedi'i gofnodi'n dda, heb sôn am ei ddadansoddi. Mae mawr angen achub yr hanes hwn er mwyn i'n cenedlaethau presennol a chenedlaethau'r dyfodol myfyrio yn ei gylch.

Nodau:

Diben y casgliad yw

Achub, casglu, cadw a dogfennu deunyddiau sy'n nodi hanes cyfrifiadura a sicrhau eu bod ar gael, gan gynnwys llyfrau, papurau, effemera, darluniau, fideos, llawlyfrau, meddalwedd a chaledwedd.
Gweithio mewn partneriaeth ag amgueddfeydd, archifau a chymdeithasau dysgedig i hysbysu ac addysgu ysgolheigion a myfyrwyr am natur a hanes technoleg.
Cynnal casgliad byw y gellir ei ddefnyddio i gysylltu â systemau a etifeddwyd a chyfryngau digidol sydd wedi diflannu.
Ceisio cyllid i dyfu a chynnal y casgliad a gweithgareddau cysylltiedig, gan gynnwys datblygu'n fasnachol.
Hyrwyddo ymchwil ar hanes lleol cyfrifiadura.
Ennyn diddordeb y cyhoedd.

Bydd y Casgliad yn canolbwyntio ar:

Ddatblygiadau ym maes caledwedd;
Datblygiadau mewn rhaglennu ac ieithoedd rhaglennu;
Datblygiadau ym maes meddalwedd;
Datblygiadau mewn dealltwriaeth ddamcaniaethol;
Systemau a etifeddwyd a chyfryngau sydd wedi diflannu;
Effaith cyfrifiadura ar Wyddoniaeth, Diwydiant, Busnes, Cymdeithas a Diwylliant;
Hanes cyfrifiadura a'i ddylanwad ar Gymru, a Bae Abertawe yn benodol.

Bydd ei ddefnyddwyr yn ysgolheigion proffesiynol, yn haneswyr, yn fyfyrwyr israddedig ac ôl-raddedig.

Pobl y Casgliad Hanes Cyfrifiadura (CHC)

Mae'r Casgliad Hanes Cyfrifiadura yn bartneriaeth rhwng yr Adran Gyfrifiadureg a'r Gwasanaethau Gwybodaeth a Systemau (GGS).

Pwyllgor Rheoli'r Casgliad Hanes Cyfrifiadura:

Yr Athro John V Tucker, Dirprwy Is-ganghellor Cynorthwyol, Cyfrifiadureg [Cadeirydd]
Steve Williams, Dirprwy Gyfarwyddwr, GGS
Tim Davies, Darlithydd, Peirianneg/Electroneg
Phil Grant, Athro Cyswllt, Cyfrifiadureg
Yr Athro Peter Townsend

Cymorth Technegol: