Pryd galla i wneud cais am ysgoloriaeth chwaraeon?
Bydd y broses gwneud cais yn agor o 1 Tachwedd ac yn cau ar 31 Mawrth 2023. Ni chaiff ceisiadau ar ôl y dyddiad hwn eu derbyn.
Alla i wneud cais drwy'r broses glirio?
Bydd ein ceisiadau ar gyfer ysgoloriaeth yn ailagor am wythnos ym mis Awst (dyddiad i'w gadarnhau) er mwyn rhoi cyfle i'r athletwyr hynny sy'n astudio sydd am ymuno drwy'r broses glirio. Gellir cyflwyno ceisiadau yn ystod y cyfnod hwn drwy ein gwefan.
Mae'r dyddiad cau ar gyfer cyflwyno ceisiadau wedi mynd heibio, alla i wneud cais o hyd?
Yn anffodus, ni fyddwch yn gallu gwneud cais y tu allan i'r cyfnod ar gyfer cyflwyno ceisiadau. Fodd bynnag, gan fod ysgoloriaethau chwaraeon yn cael eu cynnig bob blwyddyn, byddech yn gymwys i wneud cais yn ystod y flwyddyn academaidd ganlynol.
A oes dyfarniad ariannol?
Bydd ein Hysgolorion Elît a Pherfformiad yn cael hyd at £2,000 bob blwyddyn academaidd.
Bydd ein Hysgolorion Chwaraeon Talentog yn cael hyd at £1,000 bob blwyddyn academaidd.
Yn ogystal â'r buddiannau ariannol, rydym yn cynnig amrywiaeth lawn o wasanaethau cymorth fel rhan o bob pecyn ysgoloriaeth.
*Dylid nodi mai'r uchafswm dyfarniad ar bob lefel a nodir ac y gall dyfarniadau ariannol amrywio.
A oes meini prawf perfformiad y mae angen i mi eu bodloni?
Mae'r meini prawf dethol ar gyfer ein hysgoloriaeth Chwaraeon Perfformiad Uchel wedi'u nodi yma: Meini Prawf Dethol ar gyfer Ysgoloriaeth Chwaraeon. Caiff ceisiadau gan athletwyr nad ydynt yn cystadlu yn y chwaraeon a restrir eu hystyried fesul achos unigol.
A ddylwn i ddarparu geirdaon fel rhan o'm cais?
Dylech. Mae'n bwysig darparu cymaint o dystiolaeth â phosibl a byddai'n fuddiol i chi ddarparu dau eirda gan ganolwyr wedi'u henwi er mwyn cefnogi eich cais. Gallant fod ar ffurf llythyr/datganiad ategol ar bapur pennawd neu unrhyw dystiolaeth ategol fel clipiau fideo.
Alla i gario fy ysgoloriaeth drosodd i'r flwyddyn academaidd nesaf os bydda i'n gohirio?
Ni fyddwch yn gallu cario eich ysgoloriaeth drosodd. Rhaid i chi fodloni'r amodau a amlinellir yn eich llythyr derbyn. Os na fyddwch yn gwneud hynny, yna ni fyddwch yn derbyn eich pecyn buddiannau ar gyfer y flwyddyn dan sylw, a bydd angen i chi wneud cais arall.
Pryd fydda i'n derbyn taliad os bydda i'n llwyddiannus?
Os byddwch yn cael dyfarniad ariannol fel rhan o'ch ysgoloriaeth, byddwch yn cael dau
randaliad cyfartal: un cyn toriad y Nadolig, ac un cyn toriad y Pasg.
Sut fydda i'n derbyn fy nhaliad os bydda i'n llwyddiannus?
Bydd y taliad yn mynd yn uniongyrchol i'ch cyfrif banc.
Pwy sy'n gwneud y penderfyniad terfynol o ran dyfarnu ysgoloriaeth chwaraeon?
Mae panel dethol annibynnol yn cynnwys staff chwaraeon perfformiad, staff chwaraeon myfyrwyr a goruchwylwyr ysgoloriaethau.
Os cefais ysgoloriaeth y flwyddyn academaidd ddiwethaf, oes angen i mi wneud cais eto?
Oes. Bydd angen i chi wneud cais eto, gan fod amgylchiadau yn newid. Nodwch nad yw'r ffaith eich bod wedi cael ysgoloriaeth yn y gorffennol o reidrwydd yn gwarantu y caiff ysgoloriaeth arall.
A all unrhyw chwaraeon fod yn gymwys i gael yr ysgoloriaeth chwaraeon?
Rhoddir blaenoriaeth i chwaraeon BUCS, ond nid yw ysgoloriaethau wedi'u cyfyngu i hynny.
Alla i gael arian yn lle'r gwasanaethau a gynigir?
Na. Os byddwch yn llwyddo i gael ysgoloriaeth, byddwch yn cael y pecyn sy'n berthnasol ar gyfer y dyfarniad dan sylw.
