Yn sgil grant hael gan Sefydliad Waterloo, mae gŵyl wyddoniaeth fwyaf Cymru wedi dychwelyd i Abertawe yr hydref hwn i ddathlu degawd o ddarganfod, gwyddoniaeth ac arloesi, gan gynnwys rhaglen lawn dop o sioeau, sgyrsiau, arddangosiadau a gweithgareddau ymarferol cyffrous i bawb o bob oed.

I ddathlu'r garreg filltir arbennig hon, daeth trefnwyr Gŵyl Wyddoniaeth Abertawe â rhai o ffefrynnau'r gorffennol yn ôl, gan gynnwys sêr CBeebies, Maddie Moate a Grace Webb, a'r cyfathrebwr gwyddoniaeth hynod boblogaidd, Jon Chase. Yn ystod dydd Gwener a dydd Sadwrn, gwahoddwyd ymwelwyr i ganfod y wyddoniaeth y tu ôl i bopeth o beirianneg arloesol a thechnoleg werdd i gynrhon meddygol, bomiau bath a byd hudolus Harry Potter.

Hefyd, dychwelodd gweithgaredd hynod boblogaidd CSI Abertawe ar ôl seibiant o naw mlynedd – gyda lleoliad trosedd newydd i ymchwilio, dan arweiniad technegydd Prifysgol Abertawe, Sasha Chubar, a dau 'Fradwr' o Gymru, Fiona ac Amanda, yn sgwrsio â seicolegydd Prifysgol Abertawe, Dr Alex Jones, am sut wnaethon nhw lwyddo i daflu llwch i lygaid eu cyd-chwaraewyr yng nghyfres deledu boblogaidd y BBC.

Diolch o galon i Sefydliad Waterloo am gefnogi un o uchafbwyntiau'r calendr yn Abertawe, a gwella cyfleoedd i bobl ifanc o'r De-orllewin a thu hwnt ryngweithio ag ymchwil ac arloesi STEM sy’n torri tir newydd.

“Mae'r holl brofiadau ymarferol i blant yn wych ac yn ysbrydoliaeth. Diolch i bawb am sicrhau gŵyl mor llwyddiannus.” 
-Un o fynychwyr Gŵyl Wyddoniaeth Abertawe

Oriel lluniau llawn
grŵp o bobl
bechgyn gyda robot
bechgyn gyda robot
Merch gyda chrwban
gwers achub bywyd
Grŵp o bobl
Bachgen
Dyn mewn swigen
Archarwyr
Merched
Pobl ar y beiciau
Arddangosfa
rhith-realiti
traciau trên
Stondin Prifysgol Abertawe
Amgueddfa'r Glannau yn llawn pobl