Myfyrwyr Ymchwil sy'n Ymweld

Mae Prifysgol Abertawe yn awyddus i annog myfyrwyr ymchwil cenedlaethol a rhyngwladol i ddod i ymweld â ni lle y mae’r cyfle i astudio neu gwblhau prosiect mewn prifysgol arall sy’n uniongyrchol berthnasol i’r cwrs maent yn ei astudio. Rydym yn ystyried pob cais ac rydym yn gwneud pob ymdrech i hwyluso’r ceisiadau, ond sylwer ein bod yn derbyn llawer o ddiddordeb yn y rhaglen yma. Mae’r gystadleuaeth yn uchel, ac mae pob cais yn cael ei ystyried fesul achos.

Ceisiadau hyd at 6 mis – Pwyntiau Allweddol:

• Yn rhad ac am ddim
• Proses mewnfudo hwylus, trwy lwybr Fisa Ymwelwyr Safonol y DU.
• Mae ein gofynion iaith Saesneg yn cynnwys IELTS 5.5, IELTS 6.0 ac IELTS 6.5 (nodwch fod Prifysgol Abertawe yn cydnabod tystiolaeth iaith Saesneg arall) sydd yn dibynnu ar y maes ymchwil. Am fwy o fanylion am ein gofynion iaith Saesneg, ewch i yma. Mae ymwelwyr llwyddiannus sydd wedi derbyn cynnig amodol gyda sgôr arholiad iaith Saesneg yn gallu cadw lle (yn rhad ac am ddim am y tro cyntaf) i sefyll arholiad SWELT Prifysgol Abertawe.
• Mae’n rhaid i ymwelwyr llwyddiannus sydd angen cliriad ATAS cyn cofrestru gyflwyno cais gyda digon o amser cyn dyddiad arfaethedig yr ymweliad. Mae hyn er mwyn caniatáu digon o amser i’r cais cael ei brosesu.

Nid oes angen i fyfyrwyr neu academyddion ymchwil sydd yn ddinasyddion o wledydd yr UE, yr Ardal Economaidd Ewrop (EEA), Awstralia, Canada, Japan, Seland Newydd, Singapôr, De Corea, y Swistir neu Unol Daleithiau America gyflwyno cais am dystysgrif ATAS. Nodwch gall y rhestr yma newid yn sydyn, felly mae’n bwysig i bob ymgeisydd wirio ei gymwysterau ATAS cyn cwblhau’r ffurflen gais.

Ceisiadau rhwng 6 a 12 mis – Pwyntiau Allweddol:

• • Mae bosib y codir tâl o rhwng 50 a 75% pro-rata o gyfanswm ffi y cwrs ar gyfer misoedd 6-12.
• Mae’r costau am ymweliadau dros 6 mis yn cael eu hadennill yn y mwyafrif o geisiadau, ond gall Cyfadrannau ildio costau lle ceir rhesymeg glir yn y ffurflen gais, ac y mae’r penderfyniad yn cael ei ardystio gan y Prif Weithredwr (neu enwebwr).
• Nodyn i ymwelwyr sy’n gymwys i dalu ffioedd y DU, mae ymweliad 12 mis yn gallu costio dros £1,500. Nodwch fod hyn yn esiampl o’r gost lawn a gall newid. Mae cost yr ymweliad yn cael ei nodi’n gywir yn y llythyr cynnig.
• • Nodyn i ymwelwyr sy’n gymwys i dalu ffioedd rhyngwladol, mae ymweliad 12 mis yn gallu costio dros £6,750. Nodwch mai esiampl o’r gost lawn yw hyn a gall newid. Mae cost yr ymweliad yn cael ei nodi’n gywir yn y llythyr cynnig.
• • Mae myfyrwyr sydd yn bwriadu ymweld â ni am 6 i 12 mis angen Llwybr Myfyriwr Nawdd Haen 4  – Mae proses gyflawn Fisa’r DU i fyfyrwyr yn angenrheidiol. Cofiwch ganiatáu digon o amser i drefnu eich Fisa wrth gynllunio dyddiadau arfaethedig.
• Mae ein gofynion iaith Saesneg yn cynnwys IELTS 5.5, IELTS 6.0 ac IELTS 6.5 (nodwch fod Prifysgol Abertawe yn cydnabod tystiolaeth iaith Saesneg arall) sydd yn dibynnu ar y maes ymchwil. Am fwy o fanylion am ein gofynion iaith Saesneg, cliciwch yma.  Mae ymwelwyr llwyddiannus sydd wedi derbyn cynnig amodol gyda sgôr arholiad iaith Saesneg yn gallu cadw lle (yn rhad ac am ddim am y tro cyntaf) i sefyll arholiad SWELT Prifysgol Abertawe.
• Mae’n rhaid i ymwelwyr llwyddiannus sydd angen cliriad ATAS cyn cofrestru gyflwyno cais gyda digon o amser cyn dyddiad arfaethedig yr ymweliad. Mae hyn er mwyn caniatáu digon o amser i’r cais cael ei brosesu 

Nid oes angen i fyfyrwyr neu academyddion ymchwil sydd yn ddinasyddion o wledydd yr UE,g Ardal Economaidd Ewrop (EEA), Awstralia, Canada, Japan, Seland Newydd, Singapôr, De Corea, y Swistir neu Unol Daleithiau America gyflwyno cais am dystysgrif ATAS. Nodwch gall y rhestr yma newid yn sydyn, felly mae’n bwysig i bob ymgeisydd wirio ei gymwysterau ATAS cyn cwblhau’r ffurflen gais.

Cam 1:  Gwnewch yn siŵr bod eich ymweliad yn cwrdd â rheoliadau’r Brifysgol ac UKVI.
Mae’n rhaid i fyfyrwyr sy’n ymweld â Phrifysgol Abertawe –

a) Fod wedi cofrestru ar gwrs i astudio mewn sefydliad arall, trwy gydol yr ymweliad.

b) Mae’r cyfle i astudio neu gwblhau prosiect mewn prifysgol arall yn uniongyrchol berthnasol i’r cwrs rydych yn ei astudio.

Cam 2: Enwebwch academydd arfaethedig sydd yn fodlon cynghori chi trwy gydol eich ymweliad. Chwiliwch am academydd perthnasol trwy ddefnyddio’r ‘Cyfeiriadur Arbenigedd’ drwy’r ddolen yma.

Cam 3: Cysylltwch â’r academydd i drafod yr ymweliad.

Cam 4: Os yw’r academydd uchod am eich enwebu chi er mwyn i ni ystyried eich cais, llenwch y Ffurflen Gais i Fyfyrwyr Ymchwil sy’n Ymweld yma os gwelwch yn dda. Ar ôl cwblhau’r ffurflen, lanlwythwch gais yr ymweliad PhD ffurfiol electronig trwy System Dderbyn Prifysgol Abertawe (Apply) – Gweler Cam 5.

Cam 5: Cwblhewch ffurflen dderbyn y Brifysgol trwy’r system ‘APPLY’:

i) Dewiswch y ddolen briodol ar gyfer y dyddiad cychwyn yr ydych yn bwriadu dechrau eich ymweliad: mis Hydref, mis Ionawr, mis Ebrill neu fis Gorffennaf. 

ii) Noder, er mwyn llenwi’r ffurflen trwy gyfrwng y Gymraeg, dewiswch ‘Cymraeg’ ar frig y sgrîn ar ôl clicio’r ddolen briodol o’r rhestr isod.

iii) Cwblhewch ffurflen gais, a chofiwch atodi’r canlynol: y ffurflen enwebu sydd wedi ei harwyddo gan yr Arolygwr Academaidd perthnasol, trawsgrifiadau a thystysgrifau, llythyrau cefnogi, eich CV a chopi o dystysgrifau sy’n profi lefel eich iaith Saesneg (os yw’n berthnasol).

Cam 6: Mae’r cyfadrannau’n derbyn ceisiadau gan y Tîm Ymchwil Ôl-raddedig fel carfan (gweler y llinell amser ar gyfer disgwyl penderfyniadau yn y Cwestiynau Cyffredin isod).

Cam 7: Mae’r Tîm Ymchwil Ôl-raddedig yn cysylltu â’r myfyrwyr aflwyddiannus i esbonio’r penderfyniad, a hefyd yn cysylltu â’r myfyrwyr llwyddiannus i’w cyfarwyddo nhw ar y camau nesaf, er enghraifft cwblhau cais am Fisa – os yw’n berthnasol.

Cam 8: Llythyr gwahodd/cynnig (yn cynnwys cyfarwyddiadau Fisa/ATAS – os yw’n berthnasol) yn cael ei anfon at y myfyriwr, gan aelod o’r Tîm Ymchwil Ôl-raddedig.

Mae pob cynnig yn amodol ac yn ddibynnol ar sefydliad y myfyriwr yn cadarnhau’r pwyntiau isod:

   1) Cadarnhad eich bod chi wedi cofrestru ar gwrs astudio ar hyn o bryd yn eich Sefydliad gwreiddiol.      

   2) Cadarnhad bod y Sefydliad gwreiddiol yn fodlon eich rhyddhau chi o’r cwrs er mwyn i chi ddod i ymweld â Phrifysgol Abertawe tra eich bod chi’n astudio eich gradd.

   3) Cadarnhad gan y Sefydliad gwreiddiol bod yr ymchwil yn berthnasol i chi ac i’r cwrs yr ydych yn ei astudio.

ffaith allweddol

• Mae'r brifysgol yn croesawu ymholiadau gan ymchwilwyr cysylltiol sy'n meddu ar ysgoloriaeth/cyllid allanol i ymgymryd â chyfnod o ymchwil annibynnol. er bod y brifysgol yn awyddus i gefnogi ymchwilwyr cysylltiol yn eu gwaith ymchwil, oherwydd rheoliadau allanol a dwysedd cystadleuaeth ar gyfer nifer cyfyngedig o leoedd ymchwil, ni allwn warantu hyn.

cysylltwch â'n rheolwr derbyniadau (ymchwil) i drafod hyn ymhellach r.r.ward@abertawe.ac.uk