Mae byw yn llety'r brifysgol yn eich rhoi yng nghanol bwrlwm bywyd y campws, gan ei gwneud hi'n hawdd ymuno â digwyddiadau, cwrdd â phobl newydd a chreu atgofion bythgofiadwy.
Cadwch mewn cysylltiad, byddwch yn gymdeithasol a pheidiwch â cholli dim - oherwydd bod y profiadau gorau'n digwydd pan fyddwch chi yn y lle cywir!
Ym Mhrifysgol Abertawe, rydym yn cynnig ystod eang o opsiynau llety sy’n addas i bob ffordd o fyw, cyllideb a dewis.
Os ydych chi am ddeffro i weld golygfeydd o'r traeth neu am gael eich amgylchynu gan fwrlwm y ddinas, gallwch chi ddod o hyd i'r lle perffaith i'w alw'n gartref.
Mae opsiynau hefyd i fyw oddi ar y campws os yw hynny'n well gennych chi.
Archwiliwch ein preswylfeydd
Bydd myfyrwyr ag anableddau, cyflyrau meddygol neu anghenion penodol yn cael blaenoriaeth yn ystod y broses ddyrannu unwaith y byddan nhw wedi cysylltu â'r Gwasanaeth Lles ac Anabledd a chyflwyno'r wybodaeth angenrheidiol i'r tîm llety.
Gweler ein harweiniad i gael mwy o wybodaeth a chysylltwch â'r Tîm Llety os oes gennych chi unrhyw gwestiynau.
Arweiniad i lety hygyrch
Mae gennym ystod o opsiynau llety i fyfyrwyr y mae ganddynt ddewisiadau neu ofynion byw penodol, megis llety un rhyw, di-alcohol neu fyw gyda myfyrwyr eraill sy'n siarad Cymraeg.
Byddwn bob amser yn ceisio diwallu anghenion myfyrwyr â'r dewisiadau hyn lle bo'n bosib. Gwnewch yn siŵr eich bod yn nodi ar eich cais os byddai’n well gennych fyw yn un o'r dewisiadau preswyl a restrir.
Opsiynau dewis preswyl
Mae ffïoedd llety'n amrywio gan ddibynnu ar y math o ystafell rydych chi’n ei dewis, gan gynnig opsiynau i fodloni dewisiadau a chyllidebau gwahanol.
Mae'r ffïoedd yn cael eu cyfrifo'n seiliedig ar y canlynol:
I ddewis yr hyn sydd orau ichi, gallwch chi weld mwy o wybodaeth am gostau llety penodol ar ein tudalen ffïoedd benodol.
Ein ffïoedd llety
Os ydych chi’n cael problemau wrth geisio mewngofnodi i'ch cyfrif llety, darllenwch ein harweiniad i ddatrys y broblem.
Os ydych chi’n dal i fethu mewngofnodi, e-bostiwch y tîm Llety gyda sgrinlun a disgrifiad o'r broblem.
Arweiniad i gyfrif llety
