Pam gwneud cwrs ôl-raddedig a addysgir?

Dysgwch a chydweithiwch gyda'n hacademyddion byd-enwog ac astudiwch mewn amgylchedd ysgogol. Mae ein holl feysydd pwnc wedi'u rhestru mewn cynghreiriau byd-eang (Rhestr QS o Brifysgolion Gorau'r Byd yn ôl Pwnc 2022). Yn flaengar yn eu meysydd pwnc, mae ein hacademyddion yn defnyddio eu gwybodaeth a'u profiad arbenigol i lunio ein cwricwlwm a addysgir. 

Cysylltwch ag unigolion o’r un anian o bob cwr o'r byd! P'un ai’n diwtoriaid i chi neu'n gyd-fyfyrwyr, bydd ein cymuned ôl-raddedig gref yn sicrhau y byddwch yn adeiladu rhwydwaith o gysylltiadau cefnogol a defnyddiol — yn yr ystafell ddosbarth a’r tu hwnt iddi.  

Mae ein partneriaethau diwydiant cryf ac Academi Cyflogadwyedd Abertawe yn sicrhau bod ein myfyrwyr ôl-raddedig yn gallu manteisio ar raglenni a digwyddiadau hyfforddi sy'n hybu datblygiad personol a phroffesiynol.  Rydym yn cynnig nifer o gyrsiau trosi a all eich helpu i gymryd y camau cyntaf tuag at yrfa newydd gwerth chweil. 

Ewch i'r afael â heriau'r byd go iawn yn Abertawe a gweld yr effaith y gallwch ei chael! Mae ein hymchwil rhyngddisgyblaethol yn cael effaith fyd-eang ar fusnes, diwydiant, gofal iechyd, technoleg, diwylliant, a lles cymdeithas. Cydweithiwch â’n hacademyddion ac fe welwch sut y gall eich gwaith helpu i wneud gwahaniaeth go iawn! 

Y tu allan i’ch astudiaethau ôl-raddedig, gallwch fwynhau diwylliant bywiog ac arfordiroedd cyfareddol Abertawe. Crwydrwch Benrhyn Gŵyr - sef yr ardal o harddwch naturiol eithriadol gyntaf yn y DU - a darganfyddwch lawer o drysorau cudd ynghyd ag economi ffyniannus ein dinas.