Pam gwneud gradd ymchwil?

Ymunwch â'n cymuned academaidd a chyfrannwch at ein hymchwil sy’n cael effaith fyd-eang. Rydym wedi cyflawni ein huchelgais i sicrhau bod 86% o'n hymchwil yn arwain y ffordd yn fyd-eang ac yn rhagori’n rhyngwladol (Fframwaith Rhagoriaeth Ymchwil 2021).  Mae'n cael effaith fyd-eang go iawn ac mae'n mynd i'r afael â rhai o'r heriau anoddaf a welir ym meysydd busnes, diwydiant, gofal iechyd, technoleg a diwylliant.  Byddwch yn rhan o newid y byd gan gydweithio â'n hacademyddion byd-eang. 

Mae ein myfyrwyr ymchwil yn cydweithio’n ddyddiol ag academyddion a grwpiau ymchwil byd-enwog. Mae ein partneriaid allanol a'n cysylltiadau cryf â diwydiant yn  darparu ystod gynyddol o gyfleusterau ac adnoddau i ni — gan ganiatáu i'n hymchwilwyr ddarganfod datblygiadau arloesol yn eu meysydd.  Cefnogir ein holl fyfyrwyr trwy'r offer labordy diweddaraf, ein harchifau a'n darpariaeth gwaith maes. 

Ymunwch â'n cymuned ôl-raddedig gref o 4,000 o fyfyrwyr ymchwil. Mae Abertawe'n dod â'i myfyrwyr ôl-raddedig at ei gilydd i gymdeithasu a chydweithio y tu hwnt i'r ystafell ddosbarth. Bydd gennych lawer o gyfleoedd i gysylltu â myfyrwyr o bob rhan o'n cyfadrannau ac i gymrydrhan mewn gweithgaredd ``il, Cystadleuaeth Thesis Tair Munud, Cymdeithas Ôl-raddedigion Ymchwil a llawer o Grwpiau a Chanolfannau Ymchwil. 

Anogir pob myfyriwr ymchwil i fynychu cyfres o gyrsiau datblygu sgiliau pwrpasol. Mae cyrsiau fel Sgiliau Cyflwyno ac Ymgysylltu â'r Cyhoedd, a Chynllunio a Datblygu Gyrfa, wedi'u cynllunio i'ch cefnogi yn eich astudiaethau, yn ogystal â rhoi hwb i'ch datblygiad personol a phroffesiynol.