Trosolwg
Ymunodd Dr Troy Kaighin Astarte â Phrifysgol Abertawe fel darlithydd (yn canolbwyntio ar addysgu uwch) ym mis Hydref 2021. Mae ymchwil Troy yn ymwneud yn bennaf â dau faes hyd yn hyn, sef hanes cyfrifiadureg ag agweddau ffurfiol ar gyfrifiadura. Mae addysgeg cyfrifiadureg yn faes diddordeb sy'n tyfu. Mae’n gyfarwyddwr rhaglen y radd BSc Technoleg Ddigidol newydd a fydd yn croesawu myfyrwyr ym mis Medi 2024.
Ym mis Mai 2024, ymgymerodd Troy â rôl Prif Olygydd y cyfnodolyn, IEEE Annals of the History of Computing.
Mae Troy yn aelod o Bwyllgor Hanes yr ACM (y Gymdeithas ar gyfer Peiriannau Cyfrifiadura), Pwyllgor Hanes Cymdeithas Cyfrifiaduron IEEE, a Phwyllgor Cyfrifiadura Hanesyddol Prifysgol Newcastle. Mae’n awyddus i agor Casgliad Hanes Cyfrifiadura Prifysgol Abertawe at ddibenion ymchwil ac addysgu sy'n canolbwyntio ar wrthrychau. Mae Troy yn aelod o’r grŵp ymchwil ryngddisgyblaethol PROGRAMme sy'n ystyried y cwestiwn “Beth yw rhaglen?” o safbwynt hanesyddol, athronyddol a thechnegol.
Fel unigolyn sydd heb rywedd penodol (rhagenwau Saesneg: ‘they/them’), mae Troy yn gwerthfawrogi teitlau ac enwau niwtral o ran rhywedd. Hoffai gael ei nabod fel ‘Troy’ neu, mewn sefyllfaoedd mwy ffurfiol, ‘Dr Troy’. Peidiwch â defnyddio ‘athro’ neu ‘syr’.