Effaith Ymchwil yn yr Ysgol y Gyfraith

Ymchwil ar strategaeth, naratifau a chylchredeg propaganda terfysgaidd.

Mae hyn wedi helpu i nodi cyfrifon ar y cyfryngau cymdeithasol sy'n lledaenu propaganda terfysgaidd, er mwyn eu hatal mor glou â phosib.

Ymchwil sydd wedi ymchwilio i natur gwaith rhyw yng Nghymru.  

Mae hyn wedi arwain at argymhellion, cynlluniau gweithredu, a gweddnewid polisïau ac ymarferion ar gyfer pawb sy’n gysylltiedig â rheoleiddio, iechyd, a lles gweithwyr rhyw yng Nghymru.  

Cynhaliodd y Prosiect Myfyrwyr sy’n Weithwyr Rhyw (TSSWP) yr astudiaeth gyntaf ar raddfa fawr i natur a chyffredinolrwydd myfyrwyr sy’n weithwyr rhyw yn y Deyrnas Unedig.

Mae cyfres o ffilmiau prosiect byr sy’n amlinellu canlyniadau’r ymchwil wedi cyrraedd 17 miliwn o wylwyr. Mae myfyrwyr sy’n weithwyr rhyw wedi dod yn brif ffocws ar gyfer Undeb Cenedlaethol y Myfyrwyr ac mae pecynnau hyfforddiant wedi helpu i ffurfio ymarfer proffesiynol yn y maes hwn. 

Ymchwil ar y defnydd o dystiolaeth ffynhonnell agored a'i photensial ar gyfer ymchwilio i doriadau hawliau dynol torfol a'u herlyn, a ariennir gan yr ESRC, Nesta a Cherish-DE.

Mae'r ymchwil hon wedi profi ffyrdd newydd o wneud defnydd gwell o dystiolaeth a grëir gan ddinasyddion mewn achosion o doriadau hawliau dynol torfol. Mae hyn wedi arwain at ddatblygu offerynnau ar-lein newydd i gynorthwyo ymchwilwyr wrth hidlo cynnwys.

Ymchwil ar effaith argaeledd yswiriant atebolrwydd a physgota anghyfreithlon, nas adroddir amdano sydd heb ei reoleiddio gan Sefydliad Waterloo.

Mae hyn wedi cyfrannu at ddatblygu datganiad diwydiant yswiriant cyntaf y byd ar yswiriant morol cynaliadwy.

Ymchwil arobryn ar sgiliau goruchwylio yng ngwasanaeth prawf Jersey a'u heffaith ar gyfraddau ailddedfrydu.

Mae hyn wedi bod yn sail i fentrau datblygu staff ar raddfa fawr yn Ffrainc a'r Ffindir.

Mae ein prosiect cefnogi busnes Eiddo Deallusol Cymru arobryn gwerth £4m (1999-2020) wedi cynnal ymchwil newydd i amddiffyn cyfrinachau masnach ar-lein.

Yr effaith yw bod BBaChau Cymru wedi bod yn mabwysiadu methodolegau a phrosesau newydd i amddiffyn eu gweithgareddau masnachol ar-lein.

Ymchwil ar wreiddio hawliau dynol rhyngwladol yng nghyfraith Cymru.

Mae hyn yn helpu Shelter Cymru, Tai Pawb a CiH Cymru i ymgyrchu dros ddiwygiad yn y Gyfraith Tai yng Nghymru.

Ymchwil i effaith canclwm Japan ar werthu tai.

Mae hyn wedi bod yn sail tystiolaeth i Bwyllgor Gwyddoniaeth a Thechnoleg Senedd San Steffan ar Ganclwm Japan ac Adran yr Amgylchedd, Ffermio a Materion Gwledig.

Ymchwil ar ddatblygu cyfraith yr amgylchedd ar draws cenhedloedd datganoledig y DU wedi Brexit.

Mae hyn wedi helpu i lywio'r pwyllgor perthnasol yng Nghynulliad Cenedlaethol Cymru am y materion hyn.

Ymchwil sy'n helpu i ddatgelu helaethder cam-drin plant yn rhywiol mewn cofnodion gofal cymdeithasol.

Caiff hyn ei ddefnyddio i lywio Cynllun Gweithredu Llywodraeth Cymru 2019 ar 'Atal cam-drin plant yn rhywiol ac ymateb iddo'.

Ymchwil i effeithiolrwydd yswiriant risg seiber fel arf ar gyfer BBaCh yng Nghymru

Nod y prosiect ymchwil hwn yw dangos sut y gellir defnyddio yswiriant risg seiber fel arf rheoli risg effeithiol ar gyfer BBaCh yng Nghymru.  

Mae’r prosiect yn un parhaus ac mae yn y cyfnod gweithredu ar hyn o bryd.