Arian@BywydCampws Cefnogi eich amgylchiadau

Dylid cyflwyno pob ymholiad cychwynnol ynghylch cyrchu cymorth ar gyfer y rhai sy’n gadael gofal i Cyfranogiad@BywydCampws. Am ragor o wybodaeth ynghylch y cymorth a gynigir i Ymadawyr Gofal a sut i gysylltu â Cyfranogiad@BywydCampws, dilynwch y ddolen hon: Cefnogaeth i bobl sy’n gadael gofal

Mae’r Fwrsariaeth ar gyfer Myfyrwyr sy’n gadael Gofal ar gael i bob myfyriwr ‘cartref’ cymwys, sy’n astudio’n amser llawn neu’n rhan-amser ar unrhyw raglen radd israddedig neu ôl-raddedig. Rydym yn cynnig bwrsariaeth Ymadawyr Gofal ym mhob blwyddyn astudio israddedig gwerth £1500 a rennir yn ddau daliad ar draws pob blwyddyn academaidd. Bydd myfyrwyr rhan-amser yn derbyn taliad pro rata gwerth £750 ym mhob blwyddyn astudio eu cwrs israddedig.

Mae myfyrwyr ôl-raddedig, myfyrwyr PhD, a myfyrwyr sy’n cwblhau ail gynllun gradd (gan gynnwys myfyrwyr Meddygaeth i Raddedigion a myfyrwyr TAR) yn gymwys i dderbyn bwrsariaeth Myfyrwyr sy’n Gadael Gofal sy’n werth cyfanswm o £1,000 ar gyfer hyd eich cwrs. 

Dylid cyflwyno pob ymholiad cychwynnol ynghylch cyrchu cymorth ar gyfer myfyrwyr sydd wedi’u dieithrio i Cyfranogiad@BywydCampws. Am ragor o wybodaeth ynghylch y cymorth a gynigir i fyfyrwyr sudd wedi’u dieithrio a sut i gysylltu â Cyfranogiad@BywydCampws, dilynwch y ddolen hon: Wedi'u dieithrio o'u teulu

Mae'r Fwrsariaeth i Fyfyrwyr sydd wedi'u dieithrio ar gael i'r holl fyfyrwyr o'r DU sy'n astudio llawn amser a rhan-amser ar raglenni israddedig a addysgir. Rydym ni'n cynnig Bwrsariaeth i Fyfyrwyr sydd wedi'u dieithrio gwerth £800 ym mhob blwyddyn astudio i fyfyrwyr israddedig, wedi'i rhannu i ddau daliad yn ystod pob blwyddyn academaidd. Bydd myfyrwyr rhan-amser yn derbyn taliad pro rata gwerth £400 ym mhob blwyddyn astudio eu cwrs israddedig.

Nid yw myfyrwyr ôl-raddedig, PhD a myfyrwyr sy'n cwblhau ail radd (gan gynnwys Meddygaeth i Raddedigion a TAR) yn gymwys i dderbyn y fwrsariaeth ond gellir rhoi blaenoriaeth iddynt wrth gael mynediad at Gronfeydd Caledi Arian@BywydCampws.

Dylid anfon yr holl ymholiadau cychwynnol ynghylch cyrchu'r cymorth sydd ar gael i ofalwyr i Llesiant@BywydCampws. I gael rhagor o wybodaeth am y cymorth a gynigir i fyfyrwyr sy'n ofalwyr a sut i gysylltu Llesiant@BywydCampws, dilynwch y ddolen: Pecyn Cymorth Gofalwyr Myfyrwyr Prifysgol Abertawe.

Rydym yn yn cynnig bwrsariaeth i fyfyrwyr sy'n ofalwyr ym mhob blwyddyn astudio i fyfyrwyr israddedig a rennir yn ddau daliad yn ystod y flwyddyn academaidd. Bydd myfyrwyr rhan-amser yn derbyn taliad pro rata ym mhob blwyddyn astudio o’u cwrs israddedig.

Mae myfyrwyr ôl-raddedig, myfyrwyr PhD, a myfyrwyr sy’n cwblhau ail gynllun gradd (gan gynnwys myfyrwyr Meddygaeth i Raddedigion a myfyrwyr TAR) yn gymwys i dderbyn bwrsariaeth i Fyfyrwyr ôl-raddedig sy'n Ofalwyr fesul cwrs i fyfyrwyr llawn-amser a fyfyrwyr rhan-amser.

Telerau ac amodau yn berthnasol

Mae Arian@BywydCampws yn falch o gyhoeddi ein bod ni bellach yn cynnig dyfarniad nad oes rhaid ei ad-dalu i ddarparu cymorth ariannol i fyfyrwyr sy’n feichiog.  

Taliad untro gwerth £600 yw'r Taliad Cymorth Mamolaeth. Bydd angen i chi gyflwyno cais 10 wythnos cyn eich dyddiad geni disgwyliedig a bydd angen darparu ffurflen MATB1 fel tystiolaeth i gefnogi eich cais.  

Sylwch fod y Taliad Cymorth Mamolaeth ar gael i fyfyrwyr Cartref yn unig.

I dderbyn ffurflen gais, e-bostiwch hardshipfunds@abertawe.ac.uk  I gael rhagor o wybodaeth, gweler yr amodau a thelerau a’r cwestiynau cyffredin Maternity Support Payment FAQ's - CYMRAEG

Mae Arian@BywydCampws yn falch o gyhoeddi y byddwn yn cynnig dyfarniad i fyfyrwyr cymwys nad oes rhaid ei dalu yn ôl.   Bwriedir i hyn fod yn dâl atodol i'r cymorth gofal plant a geir drwy ddarparwr cyllid y myfyrwyr.  

Dyfarniadau gwerth hyd at £1000 i fyfyrwyr amser llawn a £500 i fyfyrwyr rhan-amser. Rhaid bodloni'r meini prawf cymhwyso.

Cymhwysedd 

• I fod yn gymwys i gyflwyno cais am y bwrsari hwn, mae'n rhaid eich bod: 
• Yn fyfyriwr cofrestredig presennol 
• Yn derbyn yr elfen Grant Gofal Plant gan y Cwmni Benthyciadau i Fyfyrwyr 

Tystiolaeth sydd ei hangen 

• Hysbysiad am eich dyfarniad gan y Cwmni Benthyciadau i Fyfyrwyr gan roi tystiolaeth o gyfanswm eich Grant Gofal Plant 
• Derbynebau o daliadau gan eich darparwr gofal plant wedi'u dyddio yn ystod y mis diwethaf 
• Ni chaiff ceisiadau eu prosesu oni bai y caiff yr holl dystiolaeth ei lanlwytho i'r ffurflen ar-lein.  

Dyfarniadau sydd ar gael i fyfyrwyr israddedig amser llawn cymwys:-

• 1 plentyn mewn gofal plant £600
• 2 blentyn mewn gofal plant £800
• 3 neu fwy o blant mewn gofal plant £1000

Dyfarniadau sydd ar gael i fyfyrwyr israddedig rhan-amser cymwys:-

• 1 plentyn mewn gofal plant £300
• 2 blentyn mewn gofal plant £400
• 3 neu fwy o blant mewn gofal plant £500

Cyflwynwch gais yma 

Telerau ac amodau yn berthnasol Gwybodaeth Taliad Cymorth Gofal Plant i Fyfyrwyr Israddedig 24-25

Meini prawf cymhwysedd ar gyfer myfyrwyr ôl-raddedig:-

• Mae'n rhaid i fyfyrwyr dderbyn eu benthyciad ôl-raddedig llawn gan eu darparwr cyllid. Os ydy myfyrwyr wedi dewis derbyn rhan o'r benthyciad unig, ni fyddant yn gymwys.
• Mae'n rhaid i'r plentyn/plant mewn gofal plant fod rhwng 0-5 mlwydd oed

• Derbynebau o daliadau gan eich darparwr gofal plant wedi'u dyddio yn ystod y mis diwethaf 

Dyfarniadau sydd ar gael i Fyfyrwyr Ôl-raddedig cymwys:-

• 1 plentyn mewn gofal plant £750.00
• 2 blentyn mewn gofal plant £950.00
• 3 neu fwy o blant mewn gofal plant £1150.00

Cyflwynwch gais yma 

Telerau ac amodau yn berthnasol Taliad Cymorth Gofal Plant Prifysgol Abertawe (Ôl-raddedig) 2024-25

Dyfarniad untro o £300 i helpu gyda chostau annisgwyl sy'n gysylltiedig â phrofedigaeth.

Gall myfyrwyr gyflwyno cais i Gronfa Cyfle Prifysgol Abertawe (y rhai sy’n talu ffïoedd myfyrwyr o’r DU) neu’r Gronfa Cymorth i Fyfyrwyr Rhyngwladol   (y rhai sy'n talu ffïoedd myfyrwyr o dramor).

Nodwch yn adran 'Tystiolaeth' eich ffurflen gais eich bod wedi cael profedigaeth yn ddiweddar, ar ôl profi marwolaeth aelod agos o'r teulu (er enghraifft rhiant/gwarcheidwad, brawd neu chwaer, partner, plentyn, priod) neu ffrind agos ers dechrau eich blwyddyn academaidd bresennol (er enghraifft 01/09/23 ar gyfer myfyrwyr a ddechreuodd ym mis Medi 2023), sydd wedi cael effaith annisgwyl arnoch chi a'ch cyllid.

Rhaid i fyfyrwyr cymwys fod wedi 'cofrestru' neu fod wedi 'gohirio' ac o fewn 5 wythnos i ddyddiad gorffen eu cwrs (fel y'i cofnodwyd ar eu cofnod ar y fewnrwyd).

Mae'r taliad ar gyfer costau annisgwyl, er enghraifft teithio, costau byw a biliau, ac ni all dalu am gost y gwasanaethau y mae'r brifysgol eisoes yn eu cynnig (er enghraifft cwnsela) na therapi preifat.

Bydd eich cais yn cael ei asesu fel blaenoriaeth ac o fewn ein hamserlenni asesu safonol.

Rydym yn gofyn am gyfriflen banc gyfredol am gyfnod o fis os ydych chi'n cyflwyno cais am y taliad cymorth profedigaeth yn unig.

E-bostiwch ni yn uniongyrchol yn hardshipfunds@abertawe.ac.uk gan nodi eich bod am gyflwyno cais am y Taliad Cymorth Profedigaeth.