Gwirfoddoli am Groeso

Croeso | Welcome

Gwirfoddoli yn ystod Cyrraedd a Chroeso

Ydych chi'n hoffi cwrdd â phobl newydd a bod yn rhan o brosiectau mawr? Ydych chi am wella eich set o sgiliau, gwneud gwahaniaeth i ddiwrnod rhywun a rhoi'n ôl i gymuned Prifysgol Abertawe?

Os ateboch chi’n gadarnhaol, beth am ymuno â'n tîm gwych o wirfoddolwyr 'Croeso i Abertawe' a helpu i gyfarch myfyrwyr newydd sy'n cyrraedd a gwneud iddynt deimlo'n gartrefol yn eu dinas newydd y mis Medi hwn.Mae’r cyfnod Croeso yn un o'r adegau mwyaf prysur yn ystod y flwyddyn academaidd ac mae'n dibynnu ar staff a myfyrwyr o bob rhan o'r Brifysgol yn rhoi o'u hamser i gynnig profiad Croeso pleserus i fyfyrwyr newydd, i roi argraff gyntaf wych o Brifysgol Abertawe ac yn y pen draw ddechrau creu ymdeimlad o gymuned.

Eleni bydd gweithgarwch Croeso ar waith rhwng dydd Mawrth 16 Medi a dydd Sul 22 Medi.

Sut gallaf wirfoddoli?

Cofrestrwch eich diddordeb drwy gwblhau'r ffurflen ganlynol

Datganiad Cenhadaeth ar gyfer y cyfnod Cyrraedd

Cynllunio proses gyrraedd ddiogel, broffesiynol ac arloesol sy'n helpu myfyrwyr i integreiddio yng nghymuned Prifysgol Abertawe a gwneud iddynt deimlo'n gartrefol.

PA ROLAU SYDD AR GAEL?

Gwirfoddolwr Croeso

Gwirfoddolwyr Croeso

Crynodeb

Mae gwirfoddolwyr Croeso i Abertawe yn gweithio i gefnogi myfyrwyr newydd sy'n cyrraedd y campws ac yn chwarae rhan hanfodol wrth wneud iddynt deimlo bod croeso iddynt yn Abertawe. Maent yn ffactor allweddol wrth sicrhau bod y cyfnod Cyrraedd yn mynd rhagddo’n ddidrafferth.

Rolau a Chyfrifoldebau

Cwrdd â myfyrwyr/rhieni/ymwelwyr a'u cyfarch, drwy fod yn gyfeillgar, yn groesawgar ac yn hawdd mynd atoch a chynorthwyo wrth ateb unrhyw gwestiynau am y Brifysgol a'r broses gyrraedd.
• Cyfeirio myfyrwyr/rhieni/ymwelwyr at y mannau casglu allweddi a chyfleusterau cyffredinol y campws, e.e. parcio, toiledau, bwyd a diodydd, derbynfeydd cyfadrannau etc.
Bod yn gyfeillgar, yn groesawgar ac yn hawdd mynd atoch i'r holl fyfyrwyr/rhieni/ymwelwyr.
•   Cynorthwyo wrth ateb cwestiynau am y Brifysgol a'r broses gyrraedd.
•   Uwchgyfeirio problemau/ymholiadau'n brydlon i'r Cydlynydd Cyrraedd/Casglu Allweddi.
•   Cynorthwyo'r Cydlynydd Cyrraedd/Casglu Allweddi gyda cheisiadau rhesymol ar y dydd.
•   Helpu i gadw ardaloedd yn daclus ac yn glir.
•   Uwchgyfeirio unrhyw broblemau'n brydlon i'r Cydlynydd Gwirfoddolwyr.

Beth rydym yn ei ddarparu

Hyfforddiant
Cinio
Siaced llachar
Cwestiynau cyffredin

Hyfforddiant

Bydd pob gwirfoddolwr yn cael sesiwn sefydlu cyn y cyfnod Cyrraedd i ategu eich rolau a'ch cyfrifoldebau a datrys unrhyw ymholiadau

Profiad Dymunol

Gallu i gyflawni safonau uchel o wasanaeth cwsmeriaid.
Gallu i weithio dan bwysau.
Golwg smart a phroffesiynol.
Bod yn gwrtais wrth fyfyrwyr, rhieni/ymwelwyr ar bob adeg, gan gynnwys mewn sefyllfaoedd a allai fod yn anodd.
Bod yn hawdd mynd atoch ac yn barod i helpu, gyda gwên ar eich wyneb.
Gwybodaeth dda am sut mae Prifysgol Abertawe'n gweithredu.

Y Cydlynydd Gwirfoddolwyr

Y Cydlynydd Gwirfoddolwyr

Crynodeb

Bydd y Cydlynwyr Gwirfoddolwyr yn gweithio mewn parau i reoli'r sifft a rheoli ac ysgogi'r gwirfoddolwyr.

Rôl a Chyfrifoldebau

Cynnal sesiynau briffio dyddiol
Dosbarthu siacedi llachar a thalebau cinio
Dyrannu gwirfoddolwyr i leoliadau priodol
Sicrhau bod gwirfoddolwyr yn y prif ardaloedd, newid gwirfoddolwyr ar sail rota
Sicrhau bod gwirfoddolwyr yn cymryd seibiannau (egwyl de am 15 munud a chinio am 30 munud)
Cadarnhau hafan lle bydd un cydlynydd ar gael drwy'r amser (e.e. Tŷ Fulton/Y Twyni)
Uwchgyfeirio unrhyw broblemau at y Cydlynydd Croeso.

Beth rydym yn ei ddarparu

Hyfforddiant
Cinio
Siaced llachar
Cwestiynau cyffredin

Hyfforddiant

Bydd pob cydlynydd gwirfoddolwyr yn cael sesiwn sefydlu cyn y cyfnod Cyrraedd i ategu eich rolau a'ch cyfrifoldebau a datrys unrhyw ymholiadau

Profiad Dymunol

Gallu i reoli ac ysgogi pobl
Gallu i gyflawni safonau uchel o wasanaeth cwsmeriaid.
Gallu i weithio dan bwysau.
Golwg smart a phroffesiynol.
Bod yn gwrtais wrth fyfyrwyr, rhieni/ymwelwyr ar bob adeg, gan gynnwys mewn sefyllfaoedd a allai fod yn anodd.
Bod yn hawdd mynd atoch ac yn barod i helpu, gyda gwên ar eich wyneb.
Gwybodaeth dda am sut mae Prifysgol Abertawe'n gweithredu.