Delweddu Deunyddiau Uwch
Cyfleuster delweddu a nodweddu gwyddonol integredig gwerth £10M a ariennir gan Lywodraeth Cymru yw'r Ganolfan Delweddu Deunyddiau Uwch (AIM). Mae’r ganolfan â’r gallu i ddarparu canlyniadau delweddu a dadansoddi ar draws graddfeydd o gentimetrau i angstromau gyda moddolder lluosog. Mae'r cyfleuster hefyd wedi'i gysylltu â chyfleusterau mawr y sector preifat a’r sector cyhoeddus, megis syncotron cenedlaethol y DU - ffynhonnell golau diemwnt a ffynhonnell niwtron ISIS a Muon - sy'n gallu ymestyn y gallu hwn (i'r ddau gyfeiriad) i fesuryddion a phicomedrau.
Rydym yn gyfleuster cydweithredol a rhyngddisgyblaethol yn y Coleg Peirianneg, sy’n cefnogi ymchwil academaidd ac ymchwil ddiwydiannol: yn gweithio ar draws meysydd peirianneg, deunyddiau biolegol, gwyddorau bywyd a’r ddaear, a hefyd yn cefnogi’r sectorau peirianneg, gweithgynhyrchu, gofal iechyd a threftadaeth, yn ogystal â gweithredu fel pont ar gyfer diwydiant i gyfleusterau STFC.
Bydd y Ganolfan yn darparu llif gwaith dadansoddi micro/nano llawn trwy ddelweddu uwch-gymharol o’r radd flaenaf (gan gyfuno setiau data gwahanol ar raddfeydd hyd) gyda gallu mewn microsgopeg electron trosglwyddo (TEM), microsgopeg electron sganio (SEM), nano-saernïo trawstiau ion cydgyfeiriedig, Diffreithiad pelydr-X (XRD), Sbectrosgopeg Ffotoelectron Pelydr-X (XPS), technegau dadansoddi EM (EDS, EBSD, WDS a EELS), a thomograffeg gyfrifiadurol pelydr-x micro a nano (microCT). Y nod yw hwyluso sylfaen eang o ddefnyddwyr cydweithredol ac ymestyn galluoedd uwch yng Nghymru.
Mae'r cyfleuster hwn yn darparu gallu, arbenigedd, a symiau sylweddol o ddata ar gyfer nifer fawr o brosiectau cydweithredol, gydag ymchwilwyr amrywiol ar draws pob rhan o Brifysgol Abertawe, a’r tu hwnt.
Cysylltwch â ni
Canolfan AIM
Coleg Peirianneg
Prifysgol Abertawe
Campws y Bae
Ffordd Fabian
Abertawe
SA1 8EN
Llun trwy garedigrwydd Mark Coleman
Llun Cysylltwch â ni trwy garedigrwydd Tom Dunlop
