Llythrennedd Digidol yn y Cwricwlwm Nyrsio

Rydym am i chi allu defnyddio ystod o wahanol ddyfeisiau digidol yn ystod eich astudiaethau yn y brifysgol a'r amgylchedd dysgu ymarfer. Mae gan Lyfrgelloedd Prifysgol Abertawe ar gampysau Abertawe a Dewi Sant gyfrifiaduron bwrdd gwaith a gliniaduron ar gael i chi eu defnyddio. Fe'ch anogir i ddod â'ch dyfeisiau digidol personol (e.e. gliniadur, tabledi, smart phones) i ddosbarthiadau i wella eich dealltwriaeth o bynciau ac ymgysylltu'n weithredol yn yr ystafell ddosbarth.

Rydyn ni am i chi ddatblygu sgiliau wrth ddefnyddio technolegau a fydd yn gwella'ch bywyd y tu hwnt i'ch astudiaethau a'r brifysgol. Mae gennych fynediad am ddim i Office 365 gan gynnwys Microsoft Word, PowerPoint, Outlook ac Onedrive. Bydd gennych gyfleoedd i ddefnyddio pob un o'r rhain yn ystod eich astudiaethau e.e. ar gyfer ysgrifennu traethodau, cyflwyniadau, datblygu posteri.

Byddwch yn cael cyfle yn yr ystafell ddosbarth a'r tu allan iddi i lawrlwytho a chyrchu gwahanol wybodaeth o'r rhyngrwyd. Defnyddia’r darlithwyr offer addysgol rhyngweithiol yn rheolaidd - fel Kahoot, Socrates, Mentimeter a Vevox, gan alluogi myfyrwyr i ddatblygu eu sgiliau cyfrifiadurol cyffredinol a'u gallu i gael mynediad i'r rhyngrwyd. Yn ogystal, rydym yn defnyddio apiau sydd ar gael ar ddyfeisiau Android ac iOS fel ap Resuscitation Council UK Lifesaver (ar gael o https://www.resus.org.uk/apps/lifesaver/).

Gallwch ofyn am gefnogaeth gan y llyfrgellwyr i chwilio, casglu, gwerthuso a storio gwybodaeth sydd ei hangen arnoch ar gyfer eich dysgu. Bydd gennych fynediad am ddim i reolwyr cyfeirio fel Endnote, Mendeley a Zotero.

Bydd darlithwyr yn eich cynnwys mewn gweithgareddau dysgu syncronaidd ac ansyncronaidd fel Wikis, Blogiau, a byrddau trafod trwy Canvas.

Trwy fapiau meddwl, diagramau, wikis, blogiau, byrddau trafod, sain a fideo.

Bydd gennych fynediad i Microsoft Outlook ar gyfer e-byst. Gall mentoriaid academaidd ddefnyddio Skype neu gynadledda fideo pan fyddwch chi ar leoliad i drafod eich cynnydd. Byddwn yn eich annog i ddefnyddio cyfryngau cymdeithasol i wella'ch rhwydwaith proffesiynol a datblygu'ch hunaniaeth broffesiynol.

Fe'ch anogir gan ddarlithwyr a llyfrgellwyr i farnu dilysrwydd y cynnwys rydych chi'n dod o hyd iddo ar y rhyngrwyd a chael cefnogaeth i ddod o hyd i ddeunydd priodol o ffynonellau y gellir ymddiried ynddynt.

Bydd Gwasanaethau Digidol yn eich hysbysu trwy e-bost pan fydd bygythiad o faleiswedd a firysau ac rydym yn disgwyl i chi roi gweithredoedd ar waith a fyddai’n amddiffyn eich hun rhag bygythiadau o’r fath. Byddwch hefyd yn ennill dealltwriaeth o sut i amddiffyn a monitro eich hunaniaeth ddigidol a'ch ôl troed.

Disgwyliwn i chi gyfathrebu a chydweithio gydag eraill yn unol â'r Cod (Cyngor Nyrsio a Bydwreigiaeth (NMC), 2018) a'r canllawiau cyfryngau cymdeithasol a nodwyd gan yr NMC (2019).

Byddwn yn darparu gwybodaeth i chi ar sut mae asesu, lleihau neu osgoi technoleg ddigidol pan fydd yn cael effaith negyddol ar eich iechyd.

Defnyddio Canvas, Safemedicate, Wikis, Blogiau, byrddau trafod a’r fewnrwyd.

Trwy gynnwys teclynnau digidol yn eich bywyd beunyddiol i gynyddu ansawdd eich bywyd.