Gyrfaoedd GIG

Os oes gennych chi ddiddordeb mewn bod yn Fydwraig, mae ein cwrs Bydwreigiaeth wedi'i ariannu gan Gynllun Bwrsariaethau GIG Cymru. Bydd ein gradd mewn Bydwreigiaeth yn eich arfogi chi â'r wybodaeth, y sgiliau a'r ddealltwriaeth i gefnogi mamau yn ystod beichiogrwydd, genedigaeth a phan fydd eu baban newydd yn cyrraedd. Mae gan ein cwrs enw da rhyngwladol ac mae yn y 13^eg lle yn y rhestr o gyrsiau gorau’r DU.

Tudalen y cwrs:

• Bydwreigiaeth, BMid (Anrhydedd)

Mae Therapyddion Galwedigaethol yn grymuso pobl i ddatblygu, cynnal neu wella ystod amrywiol o weithgareddau sy'n berthnasol ac yn ystyrlon yn eu bywydau bob dydd, o hunanofal sylfaenol gartref i weithgareddau sy'n gysylltiedig â gwaith, hobïau a mwy.

Tudalen Cwrs:

• Therapi Galwedigaethol, BSc

Mae Ymarferwyr Adrannau Llawdriniaeth yn darparu gofal a chymorth medrus a chyfannol i gleifion ar bob cam o lawdriniaeth, o anestheteg, trwy gydol llawdriniaeth ac i adferiad. Maent yn chwarae rhan hollbwysig yng ngallu’r ysbyty i wneud llawdriniaethau gan eu bod hefyd yn gweithio fel rhan o’r tîm llawdriniaeth ac yn cysylltu’r tîm hwn â thimau ac adrannau eraill yn yr ysbyty.

Tudalen Cwrs: 

• Ymarfer yr adran Llawdriniaethau, BSc

Mae Ymarferwyr Gwyddor Gofal Iechyd yn cyflawni rôl hanfodol wrth atal, diagnosio a thrin nifer enfawr o gyflyrau meddygol, gan gydweithio â meddygon, nyrsys a gweithwyr iechyd proffesiynol eraill. Os ydych chi'n frwdfrydig iawn am wyddoniaeth a thechnoleg, ac yn ffynnu pan fyddwch yn helpu pobl eraill, gallai ein Graddau Gwyddorau Gofal Iechyd a ariennir gan Gynllun Bwrsariaethau GIG Cymru fod yn ddelfrydol i chi.

Graddau sydd ar gael:

• Gwyddor Gofal Iechyd (Ffisioleg Gardiaidd), BSc (Anrh.)
• Gwyddor Gofal Iechyd (Meddygaeth Niwclear), BSc (Anrh.)

   

• Gwyddor Gofal Iechyd (Niwroffisioleg), BSc (Anrh.)
• Gwyddor Gofal Iechyd (Ffiseg Radiotherapi), BSc (Anrh.)
• Gwyddor Gofal Iechyd (Ffisioleg Anadlu a Chysgu), BSc (Anrh.)
• Gwyddor Gofal Iechyd (Peirianneg Adsefydlu) BSc (Anrh.)

Mae'r rhan fwyaf o'n cyrsiau gofal iechyd israddedig yn cael eu hariannu gan Gynllun Bwrsariaethau GIG Cymru.

• Nyrsio
• Bydwreigiaeth
• Therapi Galwedigaethol
• Ymarfer yr adran Llawdriniaethau
• Gwyddorau Gofal Iechyd (ac eithrio Ffiseg Ymbelydredd)

I gael cyllid drwy Gynllun Bwrsariaethau GIG Cymru, mae'n rhaid i chi ymrwymo i weithio yng Nghymru am ddwy flynedd ar ôl cwblhau’r cwrs.

Rydym yn cyfweld ag ymgeiswyr ar gyfer ein holl gyrsiau meddygaeth a gofal iechyd. Mae eich cyfweliad yn gyfle i ni weld eich bod chi’n meddu ar y rhinweddau academaidd sydd eu hangen ar gyfer y cwrs, ond bod gennych chi hefyd ddealltwriaeth dda o'ch proffesiwn yn y dyfodol, a'ch bod chi'n gallu trafod pynciau sy'n ymwneud â'ch cais yn hyderus. Gall cyfweliadau gael eu cynnal wyneb yn wyneb yn Abertawe neu ar-lein.

Mae pedwar maes allweddol o nyrsio y gallwch ddewis arbenigo ynddynt, gyda phob un yn arwain at ystod eang o rolau gwobrwyol sy’n cynnig digon o gyfle i wneud cynnydd:

• Nyrsio (Oedolion)
• Nyrsio (Plant)
• Nyrsio (Anableddau Dysgu)
• Nyrsio (Iechyd Meddwl)

Rydym yn cynnig bwrsariaeth Sharon James i fyfyrwyr benywaidd o Gymru yn y flwyddyn gyntaf sy'n astudio cyrsiau clinigol yn y Gyfadran Meddygaeth, Iechyd a Gwyddor Bywyd ac sydd hefyd yn bodloni un neu fwy o'n meini prawf Ehangu Cyfranogiad. 

Mae cyrsiau cymwys yn cynnwys Meddygaeth i Raddedigion, Nyrsio, Bydwreigiaeth, Therapi Galwedigaethol ac Ymarfer yr Adran Lawdriniaethau a Gwyddor Gofal Iechyd.

Mae gwladolion Gwyddelig yn gymwys ar gyfer Bwrsariaeth y GIG. Mae hyn yn cynnwys myfyrwyr o Ogledd Iwerddon a Gweriniaeth Iwerddon (drwy'r trefniant Ardal Deithio Gyffredin). Dysgwch fwy am wneud cais i Brifysgol Abertawe fel myfyriwr Gwyddelig a Bwrsariaeth GIG Cymru.

Os nad ydych chi eisiau ymrwymo i weithio yng Nghymru ar ôl graddio, gallwch ariannu eich astudiaethau eich hun yn hytrach na derbyn bwrsariaeth y GIG. Mae’r rhan fywaf  o fyfyrwyr o’r DU yn talu eu ffïoedd dysgu a’u costau byw drwy wneud cais am gymorth ariannol ar-lein drwy eu gwefannau Cyllid Myfyrwyr perthnasol. Bydd y cymorth sydd ar gael i chi yn dibynnu ar eich amgylchiadau personol, ble rydych chi'n byw, beth rydych yn ei astudio ac ar ba lefel.