Cwrs a Ariannir gan y GIG

Os ydych chi'n hapus i ymrwymo i weithio yng Nghymru am 2 flynedd ar ôl graddio, byddwch yn gymwys am Gynllun Bwrsariaethau GIG Cymru, sy'n cynnwys benthyciad ar gyfradd is gan Gyllid Myfyrwyr.

Dylech wneud cais am fwrsariaeth y GIG cyn gynted â phosib ar ôl i chi dderbyn cynnig cadarn gan eich prifysgol o ddewis. Y dyddiad hwyraf i gyflwyno cais am gyllid yw chwe wythnos ar ôl dechrau'r cwrs.

Rhaid i chi gofnodi eich bwriad i astudio a chofrestru eich penderfyniad ar System Cofrestru Addysg Iechyd Cymru Gwasanaethau Dyfarniadau Myfyrwyr yr NWSSP. Os na fyddwch yn cofrestru drwy’r System, ni fyddwch yn gymwys i hawlio’r holl arian sydd ar gael i chi fel myfyriwr.

Gallwch wneud cais am gymorth tuag at gost eich Ffïoedd Dysgu a'ch costau byw drwy wneud cais ar-lein drwy'r gwefannau Cyllid Myfyrwyr perthnasol. Mae'r swm y bydd gennych hawl i’w dderbyn yn dibynnu ar eich amgylchiadau personol. Am ragor o wybodaeth, fe'ch cynghorir i edrych ar y tudalennau sy'n berthnasol i'ch gwlad chi.

Er nad ydych yn derbyn cyllid gan Gynllun Bwrsariaethau GIG Cymru, gallwch gael mynediad at system gymorth y GIG ar gyfer costau teithio a llety sy'n gysylltiedig â lleoliadau gwaith.

PWYSIG – Mae’r rheolau astudio blaenorol yn wahanol gan ddibynnu ar y cyllid rydych yn bwriadu cyflwyno cais amdano. Os ydych eisoes wedi astudio ar raglen Addysg Uwch ac yn dymuno cael mynediad at fenthyciadau a grantiau i fyfyrwyr, dylech gysylltu ag Arian@BywydCampws i drafod eich amgylchiadau cyn cyflwyno cais am gyllid.

Y ffioedd dysgu yw £9000 y flwyddyn ond cânt eu talu'n llawn gan y GIG, felly ni fydd angen i chi dalu ffioedd dysgu.

Mae cyllid ar gael gan y GIG hefyd ar ffurf grant o £1,000 nad yw'n destun prawf modd a bwrsariaeth o £4491 sy'n destun prawf modd. Bydd cyfanswm y fwrsariaeth y byddwch yn ei dderbyn yn dibynnu ar hyd eich cwrs ac incwm eich aelwyd.

Yn ogystal, gall myfyrwyr wneud cais am nifer o grantiau atodol ychwanegol hefyd os ydynt yn bodloni meini prawf penodol. Mae'r grantiau hyn yn destun prawf modd:

• Lwfansau Dibynyddion
  Lwfans Dysgu i Rieni
  Lwfans Gofal Plant

PWYSIG - sylwer, nid yw rhandaliad cyntaf cyllid y GIG yn cael ei dalu fel arfer tan ddiwedd ail fis eich cwrs.

Mae Gwasanaethau Dyfarniadau Myfyrwyr yn gweithredu Cynlluniau Bwrsariaeth y GIG sy'n darparu cyllid ar gyfer myfyrwyr gofal iechyd ar gynlluniau a ariennir gan y GIG yng Nghymru. Os ydych yn ystyried gyrfa broffesiynol mewn gofal iechyd a hoffech wybod mwy am y cymorth ariannol byddwch yn ei dderbyn wrth i chi hyfforddi, cysylltwch â:

• Ymholiadau Bwrsariaeth - Ffôn: 02920 905380
• E-bost: abm.sas@wales.nhs.uk 

Mae pob myfyriwr cymwys, amser llawn o Gymru ar gynllun Bwrsariaeth y GIG hefyd yn gallu cael mynediad at swm llawn y benthyciad cynhaliaeth. Bydd angen gwneud ceisiadau i Gyllid Myfyrwyr Cymru neu Gyllid Myfyrwyr Lloegr* (*yn dibynnu ar ble rydych yn ‘preswylio fel arfer’). Bydd y benthyciad hwn yn ychwanegol at unrhyw daliad bwrsariaeth prawf modd a dderbynnir

Mae cymhwysedd cyllid myfyrwyr yn wahanol i fyfyrwyr ar raglenni rhan-amser sy'n derbyn bwrsariaeth y GIG. Cysylltwch â thîm Arian@BywydCampws i drafod eich opsiynau ariannu.

Sylwer, o dan gynllun ariannu Bwrsariaeth y GIG, os ydych chi wedi cofrestru ar raglen gyn-gofrestru cwrs gradd BSc israddedig, rydych chi’n gymwys i dderbyn ariannu am uchafswm o dair blynedd oni bai bod gennych chi amgylchiadau esgusodol a gadarnhawyd gan y Brifysgol. Os byddwch chi’n newid eich cwrs yn ystod eich hyfforddiant a bydd angen mwy na thair blynedd arnoch chi er mwyn cwblhau eich hyfforddiant, yna bydd angen i chi hunan-ariannu’r hyfforddiant ychwanegol angenrheidiol. 

Mae telerau ac amodau eraill yn berthnasol ac rydym yn eich cynghori chi i wirio a ydych chi’n gymwys i dderbyn ariannu cyn cofrestru neu newid eich statws cofrestru. 

Gan ddibynnu ar amgylchiadau myfyriwr, gall Lwfans Myfyrwyr Anabl fod ar gael hefyd. Mae rhagor o gyngor ar gael gan ein tîm Anabledd@BywydCampws.

Mae Prifysgol Abertawe'n darparu cymorth pellach i fyfyrwyr sydd ag anghenion ychwanegol. Mae rhagor o wybodaeth ar gael yma.

Astudiaethau - Os ydych yn derbyn Bwrsariaeth GIG Cymru ac yn gadael eich cwrs oherwydd methiant academaidd, methiant yn eich lleoliad, rhesymau addasrwydd i ymarfer (salwch), ni fydd rhaid i chi ad-dalu unrhyw arian. Ond, os penderfynwch adael y cwrs am nad ydych wedi dewis y cwrs iawn i chi, bydd rhaid i chi ad-dalu rhan o'r cyllid rydych wedi'i dderbyn drwy gynllun Bwrsariaethau GIG Cymru. Bydd hyn ar sail graddfa gynyddol i adlewyrchu'r costau a gronnwyd hyd at y dyddiad hwnnw.

Cyflogaeth - Os ydych yn derbyn cyllid drwy Gynllun Bwrsariaethau GIG Cymru ac yn gadael eich cyflogaeth yng Nghymru cyn pen 2 flynedd, bydd eich ad-daliad yn cael ei gyfrifo ar sail y raddfa gynyddol i adlewyrchu'r amser byddwch wedi gweithio yng Nghymru.

Os bydd angen i chi ad-dalu rhan o'ch cyllid gan Gynllun Bwrsariaethau GIG Cymru, neu'r swm cyfan, rhaid talu'r ddyled yn llawn o fewn 3 mis i gael eich hysbysu. Cyfrifoldeb yr unigolyn yw gwneud ad-daliad o'r fath. Caiff costau teithio, llety ychwanegol, costau gofal plant, lwfans myfyrwyr anabl, lwfans dibynyddion a lwfans dysgu i rieni eu heithrio o ad-daliadau.