Cyrsiau Cyfreithiol Proffesiynol

Mae'r cwrs LLM Ymarfer Cyfreithiol Proffesiynol yn gwrs i raddedigion y Gyfraith a'r rheiny sydd â Diploma yn y Gyfraith i Raddedigion.  Fe'i dylunnir ar gyfer y rhai sydd am baratoi ar gyfer yr Arholiad Cymhwyso Cyfreithwyr (SQE 1a2).

Er bod yr SQE yn benodol ar gyfer y rhai sydd am gymhwyso'n gyfreithwyr yng Nghymru a Lloegr, mae'r cwrs ar agor i unrhyw un sydd â diddordeb mewn meithrin gwybodaeth a sgiliau cyfreithiol sy'n seiliedig ar ymarfer, wrth ennill cymhwyster ar lefel Meistr. Mae asesiadau SQE yn arholiadau sy'n cael eu hasesu'n ganolog sy'n cael eu rheoleiddio gan yr Awdurdod Rheoleiddio Cyfreithwyr ac nid ydynt yn rhan o'r cwrs.

Mae'r LLM yn gwrs ymarferol sy'n canolbwyntio ar feithrin yr wybodaeth a'r sgiliau y mae eu hangen i gwblhau'r SQE ac am lwyddiant mewn ymarfer cyfreithiol. Mae'r LLM yn rhan o'r Ganolfan Ymarfer Cyfreithiol Proffesiynol, sy'n cynnal cynllun lleoliad gwaith llwyddiannus sy'n helpu myfyrwyr i gael y profiad y mae ei angen arnynt i sicrhau gwaith yn y sector cyfreithiol.

Bydd angen i unrhyw un sy'n dechrau ar ei radd yn y Gyfraith neu ei GDL ar ôl mis Medi 2021 sefyll yr Arholiad Cymhwyso Cyfreithwyr (SQE) er mwyn cymhwyso fel cyfreithiwr.

Gall y rhai a ddechreuodd eu GDL neu eu gradd yn y Gyfraith cyn hynny ddewis cymhwyso drwy'r SQE neu drwy'r Cwrs Ymarfer Cyfreithiol a llwybr contract hyfforddi. Gweler ein Cwrs Ymarfer Cyfreithiol a'n LLM Ymarfer Cyfreithiol a Drafftio Uwch os ydych chi yn y categori hwn ac os hoffech ragor o wybodaeth.

Rhagor o wybodaeth ar dudalen y cwrs LLM Ymarfer Cyfreithiol Proffesiynol

Cwrs trosi yw'r LLM yn y Gyfraith ac Ymarfer Cyfreithiol, a gynlluniwyd ar gyfer graddedigion nad ydynt yn meddu ar radd yn y Gyfraith sydd am baratoi ar gyfer yr Arholiad Cymhwyso Cyfreithwyr (SQE 1).

Er bod yr SQE yn benodol ar gyfer y rhai sydd am gymhwyso’n gyfreithwyr yng Nghymru a Lloegr, mae'r cwrs ar agor i unrhyw un nad oes ganddo gefndir yn y Gyfraith sydd â diddordeb mewn meithrin gwybodaeth a sgiliau cyfreithiol sy'n seiliedig ar ymarfer, wrth ennill cymhwyster ar lefel Meistr. Mae asesiadau SQE yn arholiadau sy'n cael eu hasesu'n ganolog sy'n cael eu rheoleiddio gan yr Awdurdod Rheoleiddio Cyfreithwyr ac nid ydynt yn rhan o'r cwrs.

Gellir astudio'r LLM ar sail amser llawn dros ddeunaw mis. Mae'n cynnwys sylfeini'r gyfraith, meysydd ymarfer craidd a sgiliau sy'n ofynnol ar gyfer asesiadau SQE 1 mewn cymhwyster ar lefel Meistr a fydd yn cael ei gydnabod a'i werthfawrogi gan ddarpar gyflogwyr. Mae'r LLM yn rhan o'r Ganolfan Ymarfer Cyfreithiol Proffesiynol, sy'n cynnal cynllun lleoliad gwaith llwyddiannus sy'n helpu myfyrwyr i gael y profiad y mae ei angen arnynt i sicrhau gwaith yn y sector cyfreithiol.

Rhagor o wybodaeth ar dudalen y cwrs LLM yn y Gyfraith ac Ymarfer Cyfreithiol.