Gweithio gyda myfyrwyr o'r Ysgol Reolaeth

Mae myfyrwyr sy'n astudio am radd BSc Rheoli Busnes yn cael cyfle i gwblhau prosiect sy'n cael ei bennu gan un o'n partneriaid allanol. Dywedwch wrthym beth yw'ch anghenion, a gallwn ddarparu grŵp o hyd at bum o'n meddylwyr mwyaf disglair i gynhyrchu canlyniadau go iawn y gallwch eu defnyddio i ddatrys angen busnes. Dyma rai o'r prosiectau llwyddiannus blaenorol:

• Astudiaeth ymchwil marchnata ar gyfer cynnyrch newydd
• Cynllunio newid gweithredol
• Gwella gweithrediadau diwastraff
• Astudiaethau adnoddau dynol
• Strategaeth gwerthu
• Dadansoddi'r farchnad stoc

"Roedd y grŵp o fyfyrwyr a ddaeth i'n cynorthwyo ni (Fossitt Tremlow) yn ardderchog. Byddwn i'n falch iawn o roi argymhelliad personol i unrhyw un ohonyn nhw, naill ai am raglen addysg bellach neu am swydd ym mha broffesiwn bynnag maen nhw'n ei ddewis." Byddaf yn cysylltu â nhw os bydd angen cymorth arbenigol ar un o'm cleientiaid yn y dyfodol" – Jeff Bear, Fossitt Tremlow.

"Credaf fod prosiect y flwyddyn olaf wedi gwella fy nealltwriaeth o sefyllfaoedd y gallwch ddod ar eu traws ym myd busnes ar ôl gadael y brifysgol. O ganlyniad i'r ddealltwriaeth well hon, rwy'n teimlo fy mod yn fwy parod i ymdopi â sefyllfaoedd busnes y tu allan i'r brifysgol" - Olivia Clarke, BSc Rheoli Busnes.

I gael rhagor o wybodaeth, e-bostiwch ein tîm cyflogadwyedd.

Os oes gan eich sefydliad swydd wag dros dro i’w llenwi neu waith prosiect byr tymor, beth am fanteisio ar ein cynllun Lleoliadau Blwyddyn mewn Diwydiant? Mae'r lleoliadau gwaith hyn yn para 12 mis. Yn ystod y flwyddyn honno, bydd y myfyriwr yn manteisio i'r eithaf ar y cyfle i ddangos ei alluoedd a gweithio ar brosiect, gan ymdrochi'n llwyr yn eich cwmni. Mae'r myfyrwyr yn gwella eu gwybodaeth a'u profiad o'r gweithle, rydych chi'n elwa o feddyliwr disglair ac uchelgeisiol i'ch helpu i greu syniadau newydd ac, efallai, cewch gyfle i recriwtio aelod staff graddedig yn y dyfodol.

Yn ddiweddar, treuliodd un o'n myfyrwyr BSc Economeg, Jodie Hennah, flwyddyn yn gweithio mewn diwydiant fel rhan o'i hastudiaethau.
Gallwch ddarllen mwy am Jodie a'i blwyddyn mewn diwydiant isod:

I gael rhagor o wybodaeth, e-bostiwch ein tîm cyflogadwyedd.

Er mwyn darparu'r cyfleoedd gorau i'n myfyrwyr wella eu cyflogadwyedd, rydym hefyd yn eu hannog i gwblhau lleoliadau gwaith neu interniaethau byrrach dros yr haf.

Gall myfyrwyr ar leoliad:

• cefnogi ac ymgymryd â gwaith prosiect byr neu gyfnod penodol
• cynnig gwybodaeth arbenigol a safbwynt allanol i'r busnes drwy gydol y bartneriaeth
• rhoi cyfle i fusnes weld darpar aelodau staff wrth eu gwaith cyn gwneud penderfyniadau ynghylch penodi

Doniau sy’n Ysbrydoli - Apsire2Be Astudiaeth Achos:

"Gwnaeth y ffordd yr ymgartrefodd Toby i’r hyn sy’n gallu bod yn amgylchedd gwyllt iawn wneud argraff fawr arnaf. Roedd yn mynegi ac yn cyflwyno ei hun fel gweithiwr proffesiynol a oedd wedi hen arfer, yn hytrach na fel myfyriwr." - Jeremy Stephens, Aspire2Be.

"Cefais amser gwych yn ystod fy interniaeth yn Aspire2Be. Roedd hyn yn bennaf oherwydd athroniaeth y cyfarwyddwyr, sef y dylai fy amser yno fod o fudd i mi a’r cwmni. Gwnaethant ddweud wrthyf am gwblhau nifer o dasgau dymunol a diddorol, wrth roi’r rhyddid i mi fynd i’r afael â nhw yn y ffordd a oedd yn briodol yn fy marn i." - Toby Benson, BSc Rheoli Busnes.

I gael rhagor o wybodaeth, e-bostiwch ein tîm cyflogadwyedd.

Mae mentora'n ddull pwerus sy'n gallu helpu myfyrwyr i wella eu dealltwriaeth o fyd gwaith. Mae hefyd yn datblygu eu sgiliau cyflogadwyedd a'r hyder y bydd ei angen arnynt ar gyfer eu gyrfaoedd yn y dyfodol ac mae'n darparu arweiniad hanfodol ar gyfer datblygiad personol.

Pam bod yn fentor?
Gall partneriaeth fentora fod yn brofiad sy'n eich cyfoethogi'n bersonol ac yn broffesiynol. Gall helpu ein myfyrwyr i ddatblygu eu sgiliau gwaith gynnig boddhad personol sylweddol, cyfle i wella'ch sgiliau arwain a chyfathrebu eich hun a rhoi rhywbeth yn ôl i'r gymuned.

Am faint o amser mae'r cynllun yn para?
Mae'r cynllun yn para am chwe mis, o fis Hydref tan fis Mawrth, ac argymhellwn fod y myfyriwr a'r mentor yn cael dwy awr o gyswllt bob mis yn ystod cyfnod y cynllun. Lle bynnag y bo modd, dylai hyn gynnwys cyfarfodydd wyneb yn wyneb. Gellir estyn y bartneriaeth fentora y tu hwnt i'r cyfnod hwn, os dymunwch wneud hynny, ac os yw'r ddwy ochr yn cytuno.

Gair gan  ein mentoriaid
"Mae gweld rhywun yn tyfu a dechrau magu hunanhyder yn brofiad hynod bwerus" - Emma Grant, Golygydd Newyddion gyda The Wave a Sain Abertawe, The Wireless Group.

"Y peth mwyaf gwobrwyol i mi yw gweld y myfyriwr rwy'n ei fentora'n dechrau gweld y golau drwy'r niwl - mae'n wych gweld sut maen nhw'n gweithio ar eu gwendidau a rhoi eich cyngor ar waith." - Michael Bello, Brand Insight Executive (Marchnata) - Admiral.

I gael rhagor o wybodaeth, e-bostiwch ein tîm cyflogadwyedd.