Faisat Oyetoun Oshilalu

Sut wyt ti'n teimlo am ennill yr ysgoloriaeth hon?
Roeddwn i wrth fy modd! Gwnaeth yr ysgoloriaeth leihau fy meichiau ariannol yn sylweddol, rhoddodd dawelwch meddwl i mi, a hefyd roedd modd imi ddilyn fy mreuddwydion addysgol.

Pam y dewisaist astudio ym Mhrifysgol Abertawe?
Prifysgol Abertawe yw'r unig brifysgol sydd â'r cwricwlwm cwrs sy'n cyd-fynd yn union â'm gofynion. Mae'r rhan fwyaf o brifysgolion y DU naill ai'n cynnig gradd Dadansoddeg Busnes neu Reoli ar wahân ond ym Mhrifysgol Abertawe rwy'n siŵr o gael cyfuniad o'r ddau bwnc gyda gradd Meistr mewn Rheoli (Dadansoddeg Busnes). Mae hynny'n golygu bod Prifysgol Abertawe yn cyfateb yn llwyr i'r math o brifysgol roeddwn i'n chwilio amdani o ran fy rhestr wirio.

Elli di ddweud wrthym ni am dy gwrs?
Mae'n gwrs rheoli gyda Dadansoddeg Fusnes fel maes arbenigedd. Mae wedi ymrwymo i feithrin sgiliau arbenigol a sgiliau meddal sy'n bwysig wrth ddylanwadu ar bobl a sefydliadau.

Beth yw dy dri hoff beth am Abertawe?
Fy hoff beth am Abertawe yw'r bobl. Mae pawb yn gyfeillgar ac yn barod i helpu wrth fynd hwnt ac yma. Yn ail, Abertawe yw un o'r dinasoedd mwyaf diogel ym Mhrydain ac yn drydydd, mae gan y ddinas olygfeydd twristaidd syfrdanol, fel glan môr unigryw Campws y Bae lle mae fy adran i.

Beth yw dy gynlluniau ar gyfer y dyfodol?
Fy nghynlluniau yn y dyfodol yw ennill profiad yn y diwydiant i gryfhau fy sgiliau dadansoddi, sefydlu fy nghwmni fy hun a helpu pobl i dyfu.

Pa gymorth neu gyfleusterau sydd wedi bod yn enwedig o ddefnyddiol i ti fel myfyriwr rhyngwladol?
Cyflogadwyedd yr Ysgol Reolaeth, yn fy marn i. Maent wedi bod yn gefnogol iawn o'r cychwyn cyntaf ym Mhrifysgol Abertawe. Maent bob amser yn anfon e-byst atom i sicrhau nad ydym yn colli cyfleoedd o ran digwyddiadau gyrfaoedd a fydd o fudd i ni yn ogystal â swyddi gwag.

A fyddet ti'n argymell Prifysgol Abertawe i fyfyrwyr eraill?
Byddwn yn argymell Prifysgol Abertawe gan mai dyma'r brifysgol orau yng Nghymru o ran rhagolygon graddedigion. Hefyd, mae darlithwyr a staff y brifysgol yn gefnogol ac yn gyfeillgar iawn.