Mae cyflogwyr yn chwilio am lawer mwy na gradd wrth ddewis graddedigion i’w cyflogi, felly bydd cael profiad a datblygu sgiliau tra byddwch yn y brifysgol yn rhoi mantais gystadleuol i chi.
O brofiad gwaith â thâl i gyngor gyrfaoedd arbenigol, yma yn Abertawe mae gennym gyfoeth o gyfleoedd ac adnoddau i’ch cefnogi chi bob cam o’r ffordd.
Gan eich helpu i gymryd y camau nesaf tuag at eich dyfodol, mae ein tîm ymroddedig yn eich cefnogi drwy gynnig:
Mae llawer o’n rhaglenni gradd yn cynnwys yr opsiwn i weithio am flwyddyn mewn diwydiant fel rhan o’r cwrs, gan roi profiad gwerthfawr i chi a’r cyfle i roi theori ar waith tra’n cael eich talu. Mae hyn yn rhoi mantais sylweddol i chi wrth gychwyn ar eich gyrfa ac yn edrych yn wych ar eich CV.
Drwy gyllid interniaeth ein tîm Gyrfaoedd a Chyflogadwyedd, rydym yn cysylltu cyflogwyr â myfyrwyr a graddedigion diweddar o bob disgyblaeth ar gyfer interniaethau chwe wythnos ar lefel graddedig. Gall interniaethau redeg drwy gydol y flwyddyn ar draws ystod eang o feysydd pwnc.
Datblygwch eich sgiliau entrepreneuraidd a phrofwch eich syniadau busnes mewn amrywiaeth o ffyrdd ac enillwch brofiad gwerthfawr trwy weithdai, cystadlaethau, masnachu prawf, cyngor busnes un-i-un, rhaglenni cychwyn busnes, mentora busnes a lleoliadau gyda phartneriaid corfforaethol sy'n dod â chyfoeth o arbenigedd yn y diwydiant.
