Mae Discovery SVS yn elusen a arweinir gan fyfyrwyr ym Mhrifysgol Abertawe sy’n rheoli ystod eang o brosiectau gwirfoddoli.
Mae gwirfoddoli gyda Discovery yn ffordd wych o wneud ffrindiau newydd, i ddysgu sgiliau newydd, ac i wneud gwahaniaeth yn y gymuned leol. Mae gwirfoddoli yn edrych yn wych ar eich CV a gall wella eich lles ond, yn fwyaf oll, gall fod yn hwyl! A gall unrhyw fyfyriwr neu aelod o staff Prifysgol Abertawe wirfoddoli gyda ni.
Nod ein prosiectau yw cyfoethogi bywydau pobl ddifreintiedig ar draws Abertawe a gweithio gyda gwahanol aelodau o’r gymuned. Mae gennym ni ystod eang o brosiectau a chyfleoedd gwirfoddoli unigol y gallwch chi wirfoddoli ar eu cyfer, yn bersonol ac o bell, a rhai y gallwch chi gymryd rhan ynddynt ble bynnag rydych chi yn y byd. Gallwch chi wirfoddoli gyda phlant, pobl ifainc, oedolion hŷn, ffoaduriaid a cheiswyr lloches, oedolion anabl, ar brosiectau iechyd meddwl neu ar brosiectau ymarferol.
Sylwer bod pob un o’n prosiectau yn destun rheoliadau Covid a gallent newid wrth i’r rheoliadau newid.
