Amdanom Ni
Mae'r Ganolfan Deunyddiau Lled-ddargludyddion Integreiddiol (CISM) yn fenter newydd, gan gynnwys cyfleuster ymchwil ac arloesi gwerth £29.9 miliwn, i ddod â llwyfannau lled-ddargludyddion a deunyddiau uwch ynghyd i ymchwilio a datblygu technolegau a chynhyrchion newydd ar Gampws y Bae Prifysgol Abertawe.
Bydd y cyfleuster yn cynnig galluoedd ymchwil a datblygu, prototeipio a datblygu prosesau. Bydd hefyd yn cynnig cyfleoedd i ddeori a phartneriaid yn y diwydiant gael lle datblygu a chefnogaeth a darparu mynediad at hyfforddiant a datblygiad.
Mae CISM yn gysyniad amlddisgyblaethol, aml-adrannol a ddatblygwyd gan rwydwaith o bartneriaethau ac sy'n tyfu allan o ecosystem TRL sydd eisoes yn datblygu yn Ne Cymru. Prif bartneriaid y prosiect yw Prifysgol Abertawe, IQE, SPTS a Newport Wafer Fab gyda naw partner arall.
Bydd yr adeilad ei hun yng nghanol Campws y Bae Prifysgol Abertawe, o fewn y chwarter peirianneg presennol. Dyma'r lleoliad delfrydol i ganiatáu cydweithio a chyfleusterau a rennir gyda'r adeiladau peirianneg presennol. Mae'r prosiect yn cael ei ariannu gan Gronfa Buddsoddi Partneriaeth Ymchwil Research England (UKRI) a bydd yn cael ei ddarparu gan y Prif Gontractwr, Kier.
