Mae lled-ddargludyddion ym mhob man - dyma'r dechnoleg sy'n pweru pob agwedd ar ein byd modern.
Nod y Sefydliad Ymchwil yw ehangu cymuned lled-ddargludyddion y Brifysgol sydd ag aelodau mewn sawl maes yn y Brifysgol, cymuned sydd eisoes yn gydlynol, yn gysylltiedig ac wedi'i chefnogi.
Mae ein grŵp gweithredol yn cynnwys staff o nifer o feysydd yn y Brifysgol, gan gynnwys Ffiseg, Peirianneg, Deunyddiau a Chemeg. Rydym yn trefnu ac yn annog rhaglenni mentora a chymorth ac rydym byth a beunydd yn gweld manteision enfawr y cysylltiadau cryf â diwydiant a ddatblygwyd gennym dros y tair blynedd diwethaf.
Diffiniwyd themâu ein gwaith ar y cyd â'n prif bartneriaid diwydiannol (SU, IQE, SPTS ac NWF):
- Electroneg pŵer effeithlon
- Systemau ynni glân
- Ioneg ac ‘O-the-H’
- Bio-nano a synhwyro
Yn 2022 byddwn yn symud i CISM, cyfleuster newydd sbon a adeiladwyd yn sgîl buddsoddi £50m ar Gampws y Bae. Cafodd yr adeilad hwn ei greu er mwyn dod â phlatfformau a phrosesau lled-ddargludyddion a deunyddiau uwch ynghyd i ddyfeisio technolegau a chynhyrchion newydd.
Lle mae gweithgynhyrchu'n cwrdd ag ymchwil a datblygu, bydd CISM yn darparu amrywiaeth o wasanaethau arbenigol, gan gynnwys prototeipio a datblygu prosesau, deori, ymgysylltu, hyfforddiant a mynediad at bortffolio grantiau arloesi'r DU a’r UE.
Gyda'n gilydd byddwn yn meithrin y sgiliau a'r doniau i sicrhau bod ein diwydiant yn parhau ar flaen y gad.
