Sut i dderbyn eich cynnig ar gyfer cwrs ôl-raddedig a addysgir

Mae cynnig amodol yn golygu nad ydych eto wedi bodloni ein gofynion academaidd, iaith Saesneg nac unrhyw ofynion mynediad eraill (megis tystlythyrau). Bydd y cynnig yn cynnwys manylion yr holl amodau academaidd sy'n weddill.

Gellir gweld yr holl Delerau ac Amodau Cynnig a Wnaed 2019 ar ein tudalennau Derbyn.

Mae cynnig diamod yn golygu eich bod wedi cwrdd â'n holl amodau academaidd, Saesneg neu amodau eraill. Bydd ymgeiswyr rhyngwladol yn cael eu cynghori ar sut i gael datganiad ‘Cadarnhad Derbyn i Astudio' (CAS).

Gellir gweld yr holl Delerau ac Amodau Cynnig a Wnaed 2019 ar ein tudalennau Derbyn.

Mae hyn yn golygu nad ydym wedi gallu gwneud cynnig i chi ar eich cwrs gwreiddiol, ond ar ôl ystyried eich cofnod academaidd blaenorol, cystadleuaeth am leoedd a chyfuniad o bynciau rydych chi wedi'u hastudio, rydyn ni wedi gallu gwneud cynnig i chi ar gwrs gwahanol. Gallwch ddewis derbyn neu wrthod y cynnig.

Gallwch chi neu ni dynnu cais yn ôl. Darperir y rheswm yn eich ffurflen gais ar-lein. Efallai y bydd yn cael ei dynnu'n ôl oherwydd na wnaethoch chi ymateb i unrhyw negeseuon e-bost gennym ni, neu oherwydd na wnaethoch chi fynychu cyfweliad.

Mae hyn yn golygu ein bod, yn anffodus, wedi penderfynu peidio â chynnig lle i chi.

Efallai y byddwn yn gwrthod eich cais am lawer o resymau. Os hoffech ddarganfod pam y bu'ch cais yn aflwyddiannus, anfonwch e-bost atom a byddwn yn ceisio rhoi adborth ichi a allai fod yn ddefnyddiol ar gyfer ceisiadau yn y dyfodol.

Mewngofnodwch unwaith eto i’ch cyfrif i dderbyn eich cynnig. Byddwn yn cydnabod eich bod wedi derbyn eich cynnig o fewn 2 ddiwrnod gwaith.

Anfonwch neges e-bost i postgraduate.admissions@abertawe.ac.uk er mwyn gohirio eich lle ar gyfer y flwyddyn academaidd nesaf. Caniateir i chi ohirio cais dwywaith. Ar ôl hyn, bydd angen i chi gyflwyno cais newydd gan gynnwys geirdaon newydd a datganiad personol newydd os na fyddwch yn gallu astudio o fewn y cyfnod gohirio a ganiateir.

Noder: Nid oes modd gohirio cynnig ar gyfer ysgoloriaeth gan y Brifysgol. Bydd angen i chi gyflwyno cais newydd ond ni ellir gwarantu y bydd unrhyw gais am ddyfarniad yn y dyfodol yn llwyddiannus.

Y prif faen prawf ar gyfer statws ffioedd Cartref/UE yw preswyliaeth sefydlog: 3 blynedd fel preswylydd arferol yn y DU neu un o wledydd yr UE at ddibenion ac eithrio addysg llawn amser. Fel arfer, caiff y cyfnod o 3 blynedd ei ystyried fel y cyfnod cyn 1 Medi cyn dechrau eich cwrs. Ni fydd eich statws ffioedd fel arfer yn newid yn ystod eich cwrs gradd. Ceir manylion llawn yn nodi sut y caiff eich statws ffioedd ei bennu ar wefan UKCISA.

Os bydd gennych unrhyw ymholiad am eich statws ffioedd, gallwch ofyn i'r Swyddfa Derbyn am holiadur ymholiadau ffioedd. Dychwelwch eich holiadur wedi'i gwblhau a'r ddogfennaeth ategol i'r un cyfeiriad e-bost.

Os byddwch wedi cael caniatâd amhenodol i aros, rhaid i chi gyflwyno'r tudalennau perthnasol o'ch pasbort neu lythyr gan y Swyddfa Gartref yn cadarnhau eich statws. Ar ôl cael yr holiadur wedi'i gwblhau, a'r dystiolaeth berthnasol, byddwn yn adolygu ein penderfyniad ar eich statws ffioedd a chewch wybod y canlyniad.

Os ydych wedi bod yn gweithio dramor ar gontract dros dro, rhaid i chi gyflwyno copi o'ch contract ac amodau eich cyflogaeth.

Os oes angen Tystysgrif Glirio ATAS arnoch, byddwn yn rhoi canllawiau i chi o ran sut i wneud cais. (Gan mai dim ond o fewn 6 mis o ddyddiad dechrau eu rhaglen y gall ymgeiswyr wneud cais am dystysgrif glirio ATAS, byddwn yn anfon y wybodaeth hon o fis Ebrill ymlaen, yn ystod y flwyddyn dderbyn. Caiff y wybodaeth hon ei hanfon atoch ar wahân i'ch llythyr cynnig, felly cadwch lygad ar eich cyfrif e-bost!) Bydd angen i chi wneud cais am dystysgrif glirio ATAS cyn gwneud cais am eich fisa myfyriwr. Gweler gwefan ATAS i gael ffurflen gais a manylion sut i wneud cais.