Ar ôl i chi dderbyn eich lle ar gyfer astudio ôl-raddedig

Edrychwch ar y cyfrif e-bost a nodwyd gennych ar eich ffurflen gais ar-lein yn rheolaidd. Byddwn yn anfon gwybodaeth allweddol atoch drwy gydol y cylch am eich cynnig lle, ysgoloriaethau, matriciwleiddio, cofrestru ac ati.

Dylech geisio bodloni holl amodau eich cynnig erbyn diwedd mis Awst os ydych yn gwneud cais i ddechrau ym mis Medi. (Mae hyn yn arbennig o bwysig i fyfyrwyr rhyngwladol oherwydd terfynau amser gwneud cais am fisa). Mae hyn yn golygu y bydd angen i chi ddarparu'r ddogfennaeth angenrheidiol sy'n dangos eich bod wedi bodloni unrhyw amodau oedd yn weddill (e.e. gofynion academaidd, Saesneg a/neu eirdaon) fel y nodir yn eich llythyr cynnig. Byddwn yn anfon neges atgoffa atoch cyn y dyddiad cau hwn. Anfonwch eich canlyniadau atom drwy e-bost.

Bydd angen gwiriadau Gwasanaeth Datgelu a Gwahardd (DBS) boddhaol ar ymgeiswyr sy'n gwneud cais ar gyfer rhaglenni a gynigir gan ein hadran Plant a Phobl Ifanc. Nodwch y bydd angen i ni gael y copi gwreiddiol o'ch tystysgrif datgeliad cyn gallu ystyried eich bod wedi bodloni'r amod hwn a'ch bod yn cael cofrestru â'r Brifysgol.

Os na allwch fodloni'r holl amodau a amlinellir yn ein llythyr cynnig, neu os byddwch yn penderfynu peidio â derbyn ein cynnig am resymau personol, gallwch ofyn i ohirio'r cynnig tan ddyddiad cofrestru diweddarach.

Pan fydd holl amodau cynnig wedi'u bodloni, gellir 'cadarnhau' eich lle yn ffurfiol fel lle diamod. Ceir gwybodaeth fanwl am gofrestru, sut i dalu ffioedd dysgu, sut i deithio i Abertawe (gan gynnwys manylion ein gwasanaeth 'cwrdd a chyfarch' ar gyfer myfyrwyr rhyngwladol) a digwyddiadau sefydlu i ôl-raddedigion newydd ei hanfon atoch drwy gydol mis Medi.

Caiff ymgeiswyr rhyngwladol sy'n cwblhau'r broses dderbyn gyfarwyddiadau a rhif CAS y gallant eu defnyddio i wneud cais am fisa myfyrwyr i oedolion o dan Haen 4 o'r System Bwyntiau er mwyn astudio yn y Deyrnas Unedig. Nodwch mai'r ymgeisydd sy'n gyfrifol am wneud cais am fisa myfyrwyr yn y Llysgenhadaeth Brydeinig neu Uchel Gomisiwn Prydeinig perthnasol. Bydd hefyd angen i ymgeiswyr rhyngwladol sydd wedi gwneud cais am raglenni mewn rhai pynciau gwyddonol/peirianyddol penodol gael Tystysgrif Glirio ATAS cyn gwneud cais am eu fisa myfyrwyr. Caiff cyfarwyddiadau ar sut i wneud cais am Dystysgrif Glirio ATAS eu hanfon atoch drwy e-bost ar ôl i chi gael eich cynnig.

Fe'ch anogir i gysylltu â'r Swyddfa Derbyn i Ôl-raddedigion ar unrhyw adeg yn ystod y broses gwneud cais os bydd gennych unrhyw gwestiynau. Cofiwch ddyfynnu eich rhif myfyriwr Abertawe ym mhob neges e-bost.

Edrychwch ar dudalennau Ysgoloriaethau a Bwrsariaethau y Brifysgol. Mae gennym wybodaeth lawn hefyd am ffynonellau cyllid amgen a benthyciadau i ôl-raddedigion.

Unwaith y byddwch wedi cael cynnig lle, gallwch wneud cais am lety gan y Brifysgol. Bydd angen eich rhif myfyriwr 6 digid arnoch. Mae amrywiaeth o opsiynau llety a thai ar gael. Os byddwch yn gwneud cais am un o neuaddau preswyl y Brifysgol, edrychwch i weld pa gampws y byddwch yn astudio arno a dewiswch yn ofalus p'un a fyddwch yn gwneud cais am lety ar Gampws y Parc neu Gampws y Bae. Nodwch fod y rhan fwyaf o ystafelloedd ar gael ar gyfer y flwyddyn academaidd 40 wythnos, ond mae nifer o ystafelloedd i ôl-raddedigion ar gael am gyfnod o 51 wythnos er mwyn cyfateb i'ch cyfnod astudio.

Myfyrwyr o'r DU/UE

Gellir talu ffioedd dysgu yn llawn adeg cofrestru, ond rydym hefyd yn caniatáu i fyfyrwyr dalu mewn 3 rhandaliad (33% ym mis Tachwedd, 33% ym mis Chwefror a 34% ym mis Mai).

Nodwch na fydd unrhyw ysgoloriaethau na bwrsariaethau y gallech fod wedi'u cael yn cyfrif tuag at dalu eich rhandaliad cyntaf.

Os byddwch yn dewis manteisio ar yr opsiwn rhandaliadau, gofynnir i chi gyflwyno mandad debyd uniongyrchol dilys adeg cofrestru neu cyn hynny. I gael rhagor o wybodaeth, gweler ein tudalennau Sut i Dalu eich Ffioedd - Ôl-raddedigion o'r DU/UE.

Myfyrwyr Rhyngwladol

Rhaid i bob myfyriwr rhyngwladol dalu blaendal o £2,000 er mwyn cadarnhau ei le a chael datganiad CAS. Dim ond os bydd y Llywodraeth yn gwrthod dyfarnu fisa ar gyfer y DU, neu os bydd myfyriwr yn methu â bodloni gofynion mynediad y Brifysgol, y caiff y blaendal hwn ei ad-dalu. Bydd y blaendal hwn yn cyfrif tuag at dalu ffioedd dysgu ac nid yw'n swm ychwanegol a godir ar ben y ffi ddysgu a ddyfynnir mewn llythyrau cynnig. 

Gellir talu gweddill y ffioedd dysgu naill ai'n llawn adeg cofrestru neu cyn hynny neu gellir eu talu mewn dau randaliad. Rhaid talu 50% o'ch ffioedd dysgu adeg cofrestru neu cyn hynny a dylid talu'r 50% sy'n weddill erbyn mis Chwefror fan bellaf.

I gael rhagor o wybodaeth, gweler ein tudalennau Sut i Dalu eich Ffioedd - Rhyngwladol.

Mae ffurflen gais a rhagor o wybodaeth ar gael yn ein tudalennau Llety i fyfyrwyr ôl-raddedig.

Mewngofnodwch unwaith eto i’ch cyfrif gwneud cais ac atodi eich canlyniadau.

Os byddwch yn bodloni union delerau eich cynnig, caiff eich lle ei gadarnhau fel lle diamod, fel arfer o fewn dau ddiwrnod gwaith o gael eich canlyniadau. Bydd ymgeiswyr Cartref/UE yn cael neges e-bost yn eu hysbysu bod eu cynnig lle wedi'i gadarnhau ac os bydd angen hynny at ddibenion swyddogol, gallant ofyn am ddatganiad o gynnig diamod. Rhoddir datganiad o gynnig diamod i bob myfyriwr rhyngwladol unwaith y bydd eu canlyniadau wedi'u prosesu ac y bydd eu lle wedi'i gadarnhau. 

Mae'n debygol o gymryd mwy na dau ddiwrnod gwaith i wneud penderfyniad ar eich cais os NA fyddwch wedi bodloni union delerau eich cynnig gan y bydd angen i'r Detholwr Derbyn priodol ailystyried eich cais. 

Caiff eich cais ei ailystyried os byddwch wedi methu â bodloni amodau eich cynnig ac mae'n bosibl y bydd modd cadarnhau eich lle o hyd. Felly, Sicrhewch eich bod wedi atodi eich canlyniadau i’ch cyfrif gwneud cais cyn gynted ag y byddant ar gael. Bydd p'un a fyddwn yn gallu cadarnhau eich lle yn dibynnu ar ba mor agos at yr amodau y mae eich canlyniadau, yn ogystal â nifer y myfyrwyr sydd wedi bodloni eu hamodau ac, felly, sawl lle gwag sy'n weddill.

Gallwch. Edrychwch ar fanylion rhaglenni iaith Saesneg rhag-sesiynol y Brifysgol. Mae ffurflen gais yn rhan o'r tudalennau hyn.

Os oes angen Tystysgrif Glirio ATAS arnoch, bydd y Swyddfa Derbyn yn rhoi canllawiau i chi o ran sut i wneud cais. (Gan mai dim ond o fewn 6 mis o ddyddiad dechrau eu rhaglen y gall ymgeiswyr wneud cais am dystysgrif glirio ATAS, byddwn yn anfon y wybodaeth hon o fis Ebrill ymlaen, yn ystod y flwyddyn dderbyn. Caiff y wybodaeth hon ei hanfon atoch ar wahân i'ch llythyr cynnig, felly cadwch lygad ar eich cyfrif e-bost!) Bydd angen i chi wneud cais am dystysgrif glirio ATAS cyn gwneud cais am eich fisa myfyriwr. Gweler gwefan ATAS i gael ffurflen gais a manylion sut i wneud cais.

Rhaid i chi ganiatáu digon o amser i'r Brifysgol ystyried eich cais ac amser i chi wneud cais am dystysgrif glirio ATAS a'ch Fisa Haen 4. Er enghraifft, os bydd eich cwrs yn dechrau ym mis Medi, dylid sicrhau y byddwn wedi cael eich cais erbyn 31 Gorffennaf fan bellaf.

Os ydych yn fyfyriwr rhyngwladol, bydd angen i chi dalu blaendal o £2,000 cyn y gallwn roi rhif CAS i chi. Ceir cyfarwyddiadau o ran sut i dalu eich blaendal ar ein tudalennau CAS ar y wefan.

Os mai llywodraeth neu gwmni sy'n talu eich ffioedd, dylech ofyn iddynt am lythyr yn cadarnhau hyn. Fel arfer, ni fyddai'n rhaid i chi dalu blaendal os ydych yn cael cymorth ariannol gan noddwr swyddogol neu drwy Fenthyciad Ffederal yn yr UD. Yn anffodus, nid ydym yn derbyn rhieni neu aelodau o'r teulu fel noddwyr ac nid ydynt yn dderbyniol at ddibenion fisa.

I gael manylion am sut i dalu blaendal a ph'un a geir derbynneb ai peidio, gweler ein tudalennau gwe CAS.

I gael manylion eich i'n tudalen cadarnhad derbyn i astudio (CAS).

Ceir gwybodaeth fanwl yn ein tudalennau Rhyngwladol@BywydCampws.

Os hoffech drafod y broses gwneud cais am fisa, cysylltwch â'n cydweithwyr yn nhîm Rhyngwladol@BywydCampws y Brifysgol.  international.campuslife@abertawe.ac.uk

Mae'r rhan fwyaf o hediadau rhyngwladol yn glanio ym Maes Awyr Heathrow Llundain, ond sut bynnag rydych chi'n cyrraedd y DU, mae'n bwysig eich bod chi'n cynllunio eich taith ymlaen i Abertawe.  

Mae cludiant cyhoeddus a throsglwyddiadau preifat ar gael a cheir manylion yma.

Gweler ein tudalennau Cofrestru ar gyfer Myfyrwyr Newydd. 

Anogir myfyrwyr rhyngwladol i gadarnhau amodau eu fisa cyn gwneud unrhyw waith rhan-amser gan y bydd cyfyngiadau. 

Myfyrwyr cartref/ yr UE - mae canllawiau'r Brifysgol yn cyfyngu ar yr oriau y gall ei myfyrwyr ôl-raddedig eu gwneud (sef chewch awr yr wythnos yn ystod y tymor academaidd ar hyn o bryd).

Anfonwch e-bost i'r Swyddfa Derbyn i Ôl-raddedigion gan ddyfynnu eich enw llawn a'ch rhif myfyriwr 7-digid. Nodwch y rhesymau dros eich cais a byddwn yn tynnu eich cynnig am le yn ôl.