Ffiseg Gronynnau Ddamcaniaethol: Cymwysiadau damcaniaethol a ffenomenolegol o ddeuoliaeth medryddion disgyrchiant i fodelau ffiseg newydd gyda tharddiad cyfansawdd (RS942)

Darparwyr y cyllid: STFC

Y meysydd pwnc: Ffiseg Ddamcaniaethol

Dyddiadau dechrau'r prosiect: 

• Hydref 2026
• Ionawr 2027

** (Gweler y nodyn isod ynghylch dyddiadau dechrau hwyrach posibl.)

Goruchwylwyr: 

• Maurizio Piai
• Carlos Nunez

Rhaglen astudio gydnaws: PhD mewn Ffiseg

Dull astudio: Amser llawn a Rhan Amser

Man Astudio: Prifysgol Abertawe (Campws Y Singleton)

Disgrifiad o'r Prosiect: 

Rydym yn gwahodd ceisiadau am ysgoloriaeth ymchwil a ariennir yn llawn i weithio ar faes rhyngddisgyblaethol cymwysiadau deuoliaeth medrydd disgyrchiant (h.y. holograffeg) i astudio damcaniaethau sy'n berthnasol i ffiseg gronynnau a chosmoleg. Bydd yr ymgeisydd yn defnyddio offer ffurfiol sy'n deillio o ddamcaniaeth llinynnau a disgyrchiant uwch i gynnal cyfrifiadau dadansoddol a rhifiadol ar symiau canfyddadwy mewn cynnig ffiseg newydd ar gyfer estyn y Model Safonol. Bydd y ddamcaniaeth darged a'r elfennau y gellir arsylwi arnynt yn cael eu nodi gyda'r ymgeisydd, gan ddibynnu ar ei set sgiliau penodol a'i ddiddordebau ymchwil, ac ar y tueddiadau ymchwil arloesol presennol.

Bydd yr ymgeisydd yn ymuno ag amgylchedd ymchwil amrywiol, rhyngwladol, rhyngddisgyblaethol arloesol a ddarperir gan y Ganolfan ar gyfer Meysydd Cwantwm a Disgyrchiant ym Mhrifysgol Abertawe. Bydd yn elwa o ryngweithiadau dyddiol mewn grŵp o oddeutu 40 o staff a myfyrwyr ac o'r rhaglen helaeth o seminarau ymchwil, clybiau cyfnodolion a chyfleoedd hyfforddiant y maen nhw'n eu cynnal.

Ysgoloriaeth ar agor i:

Ymgeiswyr o'r DU a rhyngwladol

Arall: Cyllid yr UKRI, yn amodol ar gwota rhyngwladol yr UKRI

PhD: Rhaid i ymgeiswyr ar gyfer cwrs PhD feddu ar radd israddedig ar lefel 2.1, neu gradd meistr â ‘Theilyngdod’ cyffredinol o leiaf (neu radd gyfatebol o'r tu allan i'r DU, fel y'i diffinnir gan Brifysgol Abertawe).

Yr Iaith Saesneg: 

IELTS 6.5 yn gyffredinol (gyda sgôr o 6.0 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Ceir manylion llawn am ein polisi iaith Saesneg, gan gynnwys cyfnod dilysrwydd tystysgrifau, yma.

Nodyn ar gyfer ymgeiswyr rhyngwladol ac Ewropeaidd:

Gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Os oes gennych gwestiynau o ran eich cymhwysedd academaidd neu ffïoedd yn seiliedig ar yr uchod, e-bostiwch pgrscholarships@abertawe.ac.uk gyda'r ddolen i'r ysgoloriaethau y mae gennych chi ddiddordeb ynddynt.

Sylwer bod y rhaglen yn gofyn i rai ymgeiswyr feddu ar gymeradwyaeth ATAS, mae mwy o fanylion am gymwysterau'r cynllun ATAS ar wefan Llywodraeth y DU.

NID yw'n ofynnol cael cymeradwyaeth ATAS fel rhan o'r broses ymgeisio am ysgoloriaeth. Rhoddir manylion i ddeiliaid dyfarniad (fel y bo'n briodol) ynghylch sut i gyflwyno cais am gymeradwyaeth ATAS ar yr un pryd â chael cynnig ysgoloriaeth am gwrs.

Mae'r ysgoloriaeth hon yn talu'r holl ffïoedd dysgu gan gynnwys ariantal blynyddol ar raddfa UKRI (sef £21,805 ar gyfer 2026/27 ar hyn o bryd).

Bydd treuliau ymchwil ychwanegol gwerth hyd at £1,000 y flwyddyn ar gael hefyd.

I wneud cais, cwblhewch y ffurflen gais gyfan, gan ddilyn y ddolen isod:

Llawn amser – Hydref 2026

Rhan amser – Hydref 2026

Er mwyn cael eich ystyried ar gyfer y dyfarniad ysgoloriaeth hon, mae angen y camau canlynol hefyd. 

1) Yn yr adran 'Gwybodaeth sy'n gysylltiedig â'r Rhaglen', rhowch y Cod RS perthnasol ar gyfer y dyfarniad ysgoloriaeth h.y.  RS942

2) Yn yr adran 'Ymchwil' fe welwch 'Teitl prosiect arfaethedig/teitl ysgoloriaeth'* (Gorfodol) 

• Yn 'Teitl prosiect arfaethedig/teitl ysgoloriaeth' rhowch y ddau:  

• y Cod RS942, a 
• teitl yr ysgoloriaeth.   

• Gadewch y maes Goruchwyliwr Arfaethedig yn wag 

• Gadewch y Prosiect Ymchwil (os yw'n berthnasol) yn wag 

• Yn 'Oes gennych gynnig i'w uwchlwytho?*' (Gorfodol) Dewiswch Ydw 
• Yna uwchlwythwch gopi o'r hysbyseb (gallwch gadw'r hysbyseb trwy glicio print, ac yna argraffu i pdf) 

3) Yn yr adran 'Gwybodaeth am gyllid' dewiswch yr opsiwn 'Cyllid Ysgoloriaeth' yn unig. Gwnewch yn siŵr nad oes unrhyw opsiynau eraill wedi'u dewis.  

* Cyfrifoldeb yr ymgeisydd yw rhestru'r wybodaeth uchod yn gywir wrth wneud cais, sylwch na fydd ceisiadau a dderbynnir heb y wybodaeth uchod a restrir yn cael eu hystyried ar gyfer dyfarniad yr ysgoloriaeth. 

Mae angen un cais i bob dyfarniad ysgoloriaeth ymchwil unigol dan arweiniad Prifysgol Abertawe; ni ellir ystyried ceisiadau sy'n rhestru sawl dyfarniad ysgoloriaeth ymchwil dan arweiniad Prifysgol Abertawe. 

NODER: Ymgeiswyr ar gyfer PhD/EngD/ProfD/EdD - er mwyn cefnogi ein hymrwymiad i ddarparu amgylchedd heb wahaniaethu a dathlu amrywiaeth ym Mhrifysgol Abertawe, mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant (EDI) yn ychwanegol at eich ffurflen gais rhaglen.    

Sylwch fod llenwi'r Ffurflen Monitro EDI yn orfodol; Efallai na fydd eich cais yn symud ymlaen os na chyflwynir y wybodaeth hon. 

Fel rhan o'ch cais ar-lein, RHAID i chi uwchlwytho'r dogfennau canlynol (peidiwch ag anfon y rhain trwy e-bost): 

• CV 
• Tystysgrifau gradd a thrawsgrifiadau (os ydych chi'n astudio ar gyfer gradd ar hyn o bryd, mae sgrinluniau o'ch graddau hyd yma yn ddigonol) 
• Llythyr eclawrol sy'n cynnwys 'Datganiad Personol Atodol' i esbonio pam mae'r swydd yn cyd-fynd yn arbennig â'ch sgiliau a'ch profiad a sut rydych chi'n dewis datblygu'r prosiect. 
• Un geirda (academaidd neu gyflogwr blaenorol) ar bapur pennawd neu gan ddefnyddio ffurflen geirda Prifysgol Abertawe. Sylwch nad ydym yn gallu derbyn cyfeiriadau a dderbynnir yn dyfynnu cyfrifon e-bost preifat, e.e. Hotmail. Dylai dyfarnwyr ddyfynnu eu cyfeiriad e-bost cyflogaeth i wirio geirda. 
• Tystiolaeth o fodloni gofynion Iaith Saesneg (os yw'n berthnasol). 
• Copi o fisa preswyl y DU (os yw'n berthnasol) 
• Cadarnhau cyflwyno ffurflen EDI 

Croesewir ymholiadau anffurfiol; cysylltwch â:

NAME: Yr Athro Maurizio Piai

EMAIL: m.piai@swansea.ac.uk

*Rhannu Data Cais Partner Allanol – Sylwer, fel rhan o'r broses dethol ceisiadau am ysgoloriaeth, y gall rhannu data cais ddigwydd gyda phartneriaid allanol y tu allan i'r Brifysgol, pan fo cyd-ariannu prosiect ysgoloriaeth yn berthnasol.

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.