Trosolwg
Mae Andy Leckie yn ddarlithydd ac yn Ddirprwy Gyfarwyddwr y Rhaglen Meistr mewn Astudiaethau Cydymaith Meddygol yn Ysgol Feddygaeth Prifysgol Abertawe. Mae ganddo gylch gorchwyl eang ar y rhaglen gan fod yn rhan o dderbyn myfyrwyr, asesu, datblygu'r cwricwlwm, sgiliau clinigol, lleoliadau gwaith, profiad y myfyrwyr ac efelychu, ac mae'n addysgu ar draws y rhaglen gyda diddordebau mewn iechyd meddwl a gofal sylfaenol.
Fel Arweinydd Lleoliadau Clinigol ar gyfer y rhaglen, mae'n ymrwymedig i ddatblygu addysg Cydymaith Meddygol mewn ymarfer clinigol. Fel arweinydd y modiwl Sylfeini mewn Meddygaeth Glinigol, mae Andy'n gyfrifol am gydlynu a chyflwyno’r cwricwlwm addysgu clinigol craidd ar y cyd ag arweinwyr bloc a darlithwyr clinigol.
Mae Andy hefyd yn Gydymaith Meddygol mewn Practis Cyffredinol yng nghymoedd Cymru. Ers 2022, mae wedi bod yn arholwr ar gyfer yr OSCE Cenedlaethol Cydymaith Meddygol ac mae ganddo ddiddordeb allweddol mewn asesu a datblygiad proffesiynol Cydymaith Meddygol.