Newyddion Diweddaraf 2020

Mae dull cyflym, gwyrdd, un cam o gynhyrchu sfferau carbon mandyllog, sy'n elfen allweddol ar gyfer technoleg dal carbon ac ar gyfer storio ynni adnewyddadwy mewn ffyrdd newydd, wedi cael ei ddatblygu gan ymchwilwyr o Brifysgol Abertawe.

Mae Ysgol Feddygaeth Prifysgol Abertawe wedi cryfhau ei chysylltiad unigryw â Wuhan drwy gyfrannu at gynhadledd ar-lein ar gyfer ymarferwyr iechyd proffesiynol, yn ogystal â Llysgennad Prydain yn Tsieina, Caroline Wilson CMG, sydd wedi helpu i daflu goleuni ar ofal iechyd a gwaith arloesi yn ystod argyfwng Covid-19.

Mae prosiect newydd a sefydlwyd i astudio'r ffordd orau o ofalu am gleifion â chyflyrau llygaid hirdymor yn y gymuned wedi sicrhau grant ymchwil sylweddol. 

Mae ymchwilwyr yn Ysgol Feddygaeth Prifysgol Abertawe yn helpu i feithrin dealltwriaeth o'r feirws sy'n achosi Covid-19 a sut gellir mynd i'r afael ag ef. 

Mae cwrs cydymaith meddygol Prifysgol Abertawe yn dathlu camp anhygoel – llwyddodd cant y cant o'i fyfyrwyr i basio'r arholiadau cydymaith meddygol cenedlaethol am y drydedd flwyddyn yn olynol. 

Mae astudiaeth newydd dan arweiniad ymchwilwyr yn Adran Daearyddiaeth Prifysgol Abertawe yn datgelu graddau eithafol y coedwigoedd trofannol, a oedd yn gorchuddio llawer o dir ar ynysoedd Sumatra a Kalimantan yn Indonesia gynt, sydd wedi'u colli a'u rhannu.

Mae astudiaeth newydd a gyhoeddwyd yn Nature yn cynnig atebion i afonydd rhanedig.

Mae myfyrwraig o Brifysgol Abertawe sydd hefyd yn bencampwraig y byd ym maes cicfocsio ar ben ei digon ar ôl ennill gradd meistr. 

Mae tîm Arian@BywydCampws Prifysgol Abertawe wedi derbyn Gwobr Addewid Stand Alone 2020 am helpu myfyrwyr sydd wedi ymddieithrio yn ystod argyfwng Covid-19. 

Mae ymchwil newydd gan Brifysgol Abertawe wedi datgelu y gallai mân algâu chwarae rôl hollbwysig wrth ailddefnyddio gwastraff bwyd a ffermydd yn llwyddiannus ar raddfa fawr, yn ogystal â chreu miloedd o swyddi. 

Mae llyfr diweddaraf academydd o Brifysgol Abertawe, am blant a oroesodd yr Holocost, wedi cael ei gynnwys ar restr y Daily Telegraph o lyfrau hanes gorau 2020.

Mae ymchwilwyr ym Mhrifysgol Abertawe'n datblygu dull arloesol o ddylunio adeiladau clyfar.  Bydd model amgylcheddol gynaliadwy, mwy diogel a chost-effeithlon newydd yn cynnig system well ar gyfer cyflenwi ynni i synwyryddion mewn adeileddau clyfar. Dylunnir y model yn y Sefydliad Deunyddiau, Prosesu a Thechnolegau Rhifyddol Arloesol (IMPACT).

Ar y cyd â sefydliadau rhyngwladol a rhai yn y DU, mae Prifysgol Abertawe wedi ennill y tlws fel Cydweithrediad Rhyngwladol y Flwyddyn yng Ngwobrau Times Higher Education. 

Awgryma astudiaeth newydd gan Brifysgol Abertawe bod menywod sy’n rhoi’r gorau i gymryd eu meddyginiaethau asthma yn ystod beichiogrwydd o risg o eni’n gynamserol ac yn llai tebygol o fwydo eu babanod ar y fron.

Gall busnesau gweithgynhyrchu ledled Cymru barhau i arloesi’n flaengar yn sgîl cyhoeddiad gan Lywodraeth Cymru bod £4 miliwn o gyllid yn dod o’r UE. 

Cyhoeddwyd y beirniaid ar gyfer Gwobr Dylan Thomas Prifysgol Abertawe yn 2021 heddiw (8 Rhagfyr).  

Mae biowyddonwyr Prifysgol Abertawe'n helpu cymuned i greu gardd glöynnod byw a bywyd gwyllt yng nghanol pentref yn Abertawe.  

Mae tri phrosiect ymchwil a allai helpu'r diwydiant dur i fod yn ddoethach ac yn wyrddach wedi cael caniatâd fel rhan o raglen ymchwil genedlaethol dan arweiniad Prifysgol Abertawe.

Mae Prifysgol Abertawe wedi cael cyllid gwerth £125,000 gan Health Data Research UK (HDR UK) i astudio effeithiau uniongyrchol ac anuniongyrchol Covid-19 ar glefydau cardiofasgwlaidd (CVD).

Bydd yr ymchwilydd Dr Lewis Francis o Brifysgol Abertawe yn rhannu ei waith â chynulleidfa fyd-eang mewn cynhadledd ar-lein ryngwladol yr wythnos nesaf. 

Bydd gwaith prosiect ymchwil Cymru gyfan sy'n helpu i wella perfformiad cystadleuwyr o Gymru ym myd y campau yn parhau diolch i grant gwerth £440,000 gan Chwaraeon Cymru.

Mae ymchwil gan Brifysgol Abertawe wedi cynnig dealltwriaeth newydd o ymddygiad elfennau ym myd natur sy'n amddiffyn yn erbyn pelydrau'r haul pan fyddant yn dod i gysylltiad â rhannau eraill o'r sbectrwm golau. 

Mae Sefydliad Diwylliannol Prifysgol Abertawe yn ail-lansio’r Gystadleuaeth Stori Fer Rhys Davies nodedig i awduron o Gymru, neu sy’n byw yng Nghymru.

Mae gwaith arloesol prosiect Prifysgol Abertawe i wella ffyrdd o bennu diagnosis o ganser yr ofari a thrin y clefyd wedi helpu i sicrhau buddsoddiad gwerth mwy na £3m gan bartneriaid diwydiannol. 

Mae Llywodraeth Cymru yn cefnogi prosiect gwyddoniaeth hynod flaengar sy’n newid plastigion gwastraff yn gyfansoddion gwerthfawr iawn ar gyfer y diwydiannau ynni.

Mae tîm ymchwil, dan arweiniad Coleg Peirianneg Prifysgol Abertawe, yn datblygu marchnadle peilot ar-lein, gyda’r bwriad o optimeiddio rhwydweithiau cadwyn gyflenwi gweithgynhyrchu a chreu model busnes newydd ar draws y diwydiant.

Bydd cydweithrediad newydd yn rhoi hwb rhwydweithio gwerthfawr i fyfyrwyr entrepreneuraidd wrth iddynt lansio eu syniadau busnes.

Mae adolygiad gan academyddion o Brifysgol Abertawe wedi gweld bod pobl hŷn, dlotach sy'n cadw pellter cymdeithasol rhag eu meddygon neu eu fferyllwyr yn dioddef mwy o adweithiau niweidiol i gyffuriau na'r boblogaeth gyffredinol.   

Mae arddangosfa newydd sbon am fywyd Richard Burton yn datgelu’r dyn y tu ôl i’r penawdau – yn ŵr, yn dad, yn ddarllenydd, yn sgwennwr a Chymro balch.

Gellid defnyddio golau'r haul i drawsnewid gwastraff meddygol peryglus yn danwydd hydrogen glân, gan ddefnyddio techneg newydd sy'n cael ei datblygu gan dîm rhwng Cymru ac India ar y cyd dan arweiniad ymchwilwyr Prifysgol Abertawe. Mae'r prosiect newydd gael cyllid gwerth £47,000 gan Lywodraeth Cymru.

Mae Cymru’n wynebu ton o broblemau iechyd meddwl yn sgil Covid-19, gydag oedolion iau, menywod a phobl o ardaloedd difreintiedig yn dioddef fwyaf.

Mae pedwar prosiect gan Brifysgol Abertawe sy'n ceisio gwneud gwahaniaeth a allai achub bywydau cleifion wedi cymryd cam mawr i’r cyfeiriad cywir. 

Mae gwyddonwyr ym Mhrifysgol Abertawe wedi datblygu dull sensitif iawn o ganfod mân arwyddion ‘trapiau gwefru’ mewn lled-ddargludyddion organig. 

Bydd ymchwilwyr o Brifysgol Abertawe a Tata Steel yn rhan o brosiect newydd i ymchwilio i'r posibilrwydd o ailafael mewn gwres gwastraff o fyd diwydiant er mwyn ei ailddefnyddio.

Mae prosiect allgymorth gan Brifysgol Abertawe wedi helpu i ddosbarthu cannoedd o werslyfrau gwyddoniaeth i blant sy'n astudio gartref yng Nghymru yn ystod y cyfnod atal byr. 

Mae cwrdd â phartner oes, meithrin cyfeillgarwch a mwynhau gyrfa hir a hapus ymysg y profiadau bythgofiadwy sydd bellach yn cael eu coffáu ym Mhrifysgol Abertawe. 

Pan ddaw i helpu cleifion i baratoi eu hunain ar gyfer llawdriniaeth, gellir dadlau bod Rea Pugh-Davies o Fae Abertawe yn un o'r goreuon sydd o gwmpas.

Mae'r tîm a wnaeth ddylunio ac adeiladu dau adeilad carbon isel ym Mhrifysgol Abertawe, sy'n cynhyrchu eu hynni eu hunain, yn cyhoeddi pecyn cymorth sy'n nodi'r egwyddorion dylunio a ddefnyddiwyd. Y nod yw annog eraill i adeiladu'r “Adeiladau Ynni Gweithredol” hyn gan y byddai hynny'n lleihau ôl troed carbon y DU yn sylweddol; ar hyn o bryd, mae 40% o'n hallyriadau'n deillio o wresogi a phweru ein hadeiladau.

Mae astudiaeth newydd yn cael ei lansio gan Brifysgol Abertawe i ymchwilio i'r ffordd y mae mesurau diogelwch Covid-19 o bosib yn cael yr effaith anffodus o wneud i bobl deimlo'n llai diogel, gan gynyddu pryderon ac achosi i bobl osgoi sefyllfaoedd a mannau roeddent yn teimlo'n ddiogel ynddynt o'r blaen.

Mae'r astudiaeth gyntaf i nodi risg COVID-19 i weithwyr gofal cartref ledled Cymru yn cael ei lansio heddiw.

Mae'r Sefydliad Ffiseg wedi rhoi anrhydedd uchel ei fri i ffisegydd o Brifysgol Abertawe am ei arweinyddiaeth dros 30 mlynedd ym maes gwyddor gwrthfater.

Mae academydd o Brifysgol Abertawe wedi helpu i lunio cytundeb arloesol rhwng arbenigwyr rhyngwladol ar gyfarwyddyd safonol cyntaf y byd ynghylch sut gall pobl â diabetes ddefnyddio dyfeisiau monitro glwcos modern er mwyn eu helpu i wneud ymarfer corff yn ddiogel.

Mae Matt Townsend, myfyriwr Nyrsio Oedolion o Brifysgol Abertawe, wedi ennill gwobr Myfyriwr Mwyaf Ysbrydoledig y Flwyddyn yng Ngwobrau Myfyrwyr Nursing Times eleni.

Mae academyddion Prifysgol Abertawe wedi galw am glinigau triniaeth anhwylder gamblo GIG i’w sefydlu yng Nghymru, wrth i lythyr, a gyhoeddwyd yn The Lancet ddatgelu effaith difrifol y broblem o gamblo yng Nghymru, yn enwedig ymhlith pobl ifanc. 

Mae gwaith ymchwil dan arweiniad Prifysgol Abertawe wedi darganfod bod hormon yn y coludd, sef ghrelin, yn allweddol wrth reoli nerfgellau newydd yn ymennydd oedolion. Gallai helpu i baratoi'r ffordd ar gyfer cyffuriau newydd i drin dementia mewn pobl sy'n dioddef o glefyd Parkinson.

Mi fydd casgliad digidol o lawysgrifau a ffotograffau sy'n gysylltiedig â'r bardd a'r awdur Dylan Thomas ar gael ar-lein cyn hir, diolch i gydweithrediad rhyngwladol.

Mae uwch-diwtor er anrhydedd a myfyriwr gradd meistr o Brifysgol Abertawe wedi cael eu hanrhydeddu am eu hymroddiad i ofal diabetes mewn seremoni fawr i wobrwyo gweithwyr gofal iechyd yn y DU. 

Mae fideo animeiddiedig newydd wedi'i ddatblygu gan Brifysgol Abertawe i godi ymwybyddiaeth o lymffoedema ac i helpu cleifion i ddeall mwy am sut caiff eu cyflwr ei drin.

Mae SUNRISE wedi cyrraedd y rhestr fer ar gyfer ‘Cydweithrediad Rhyngwladol y Flwyddyn’ yng Ngwobrau Times Higher Education (THE), sydd yn ei 16eg flwyddyn. 

Mae'r Athro Steve Conlan o Ysgol Feddygaeth Prifysgol Abertawe wedi derbyn rôl allweddol yn helpu i dynnu sylw at ymchwil i nanofeddygaeth yn y DU. 

Gall Cymru ddal i arwain y ffordd o ran technoleg ynni solar y genhedlaeth nesaf, ar gyfer defnyddiau megis synwyryddion o bell a cherbydau trydan, diolch i gyllid gwerth £2.5m o'r UE a gyhoeddwyd gan Lywodraeth Cymru, er mwyn parhau â rhaglen ymchwil dan arweiniad Abertawe.

Gall dur wedi'i gaenu ddefnyddio ynni solar a lleihau allyriadau carbon, yn ôl darlith gyhoeddus ar-lein gan arbenigwr o Brifysgol Abertawe, a gynhelir i nodi'r ffaith bod y Sefydliad Deunyddiau, Mwynau a Mwyngloddio (IOM3) wedi dyfarnu Medal Aur Bessemer iddo.

Mae'r ymchwilydd ôl-ddoethurol Dr Claire Price wedi cael ei chydnabod am ei gwaith i wneud gwyddoniaeth yn fwy hygyrch i'r gymuned yn ei thref leol. 

Mae'r ymchwilydd ôl-ddoethurol Dr Claire Price wedi cael ei chydnabod am ei gwaith i wneud gwyddoniaeth yn fwy hygyrch i'r gymuned yn ei thref leol.

Roedd cyfraddau problemau iechyd meddwl pobl sy'n gofalu am blant ac oedolion ag anabledd deallusol yn eu teulu hyd at 10 o weithiau'n uwch yn ystod y cyfyngiadau symud nag yn achos rhieni heb y cyfrifoldebau hynny, yn ôl astudiaeth newydd.

Mae Prifysgol Abertawe wedi cael ei henwi ymysg enillwyr Gwobr y Faner Werdd unwaith eto eleni. Dyma arwydd rhyngwladol sy'n dynodi parc neu fan gwyrdd o safon. 

Mae grŵp o fyfyrwyr peirianneg wedi dechrau modiwl a gynhelir gan Brifysgol A&M Tecsas, gan weithio o bell gyda pheirianwyr eraill dramor, diolch i fenter newydd gan y Coleg Peirianneg, sy'n seiliedig ar gysylltiadau Prifysgol Abertawe â Thecsas.

Pan gafodd Matt Townsend, myfyriwr nyrsio o Brifysgol Abertawe, gyfle i ymuno â rheng flaen y GIG ar anterth argyfwng y coronafeirws, roedd yn gwybod yn syth beth oedd yn rhaid iddo ei wneud.

Mae Llywodraeth Cymru wedi cyhoeddi cyllid i'r Sefydliad Ymchwil Diogelwch Ynni (ESRI) ym Mhrifysgol Abertawe at ddiben datblygu ymagwedd unigryw at gyfarpar diogelu personol y genhedlaeth nesaf fel rhan o'r frwydr yn erbyn feirysau. 

Mae Tîm Menywod Cymru'n defnyddio cyfleusterau chwaraeon Prifysgol Abertawe wrth iddynt baratoi i wynebu'r Alban ym Mhencampwriaeth y Chwe Gwlad. 

Mae Sefydliad Diwylliannol Prifysgol Abertawe wedi cael ei ddewis i fod yn un o bedwar hyb Bod yn Ddynol 2020. Dyma unig ŵyl genedlaethol y dyniaethau yn y DU. 

Mae cyllid gwerth £1,100 wedi cael ei ddyfarnu ar y cyd i arbenigwr ar hanes yr henfyd a Chanolfan Eifftaidd Abertawe er mwyn datblygu arddangosfa newydd ar yr Aifft a'i chymdogion, a ddefnyddir ar gyfer rhaglen addysg y Ganolfan ar faterion megis hunaniaeth, hiliaeth a senoffobia yn yr henfyd.

Mae cydweithrediad ymchwil newydd dan arweiniad Prifysgol Abertawe wedi tynnu sylw at ddiffyg cefnogaeth bwydo ar y fron o ansawdd uchel i rai teuluoedd yn ystod pandemig Covid-19.

Bydd Gŵyl Wyddoniaeth Abertawe yn dychwelyd ym mis Hydref, gyda llu o westeion arbennig, gan gynnwys yr Athro Brian Cox, Steve Backshall, Konnie Huq, Iolo Williams a Lyn Evans.

Mae ymchwilwyr o Brifysgol Abertawe wedi lansio cyfres newydd o bodlediadau sy'n defnyddio data ar y pryd o farchnadoedd gamblo gwleidyddol er mwyn dadansoddi ymgyrch arlywyddiaeth 2020 yr Unol Daleithiau.

Mae ymrwymiad Prifysgol Abertawe i gynaliadwyedd wedi arwain at ddau gyflawniad. 

Bydd prosiect newydd gwerth £3.7m yn helpu sefydliadau gwasanaeth cyhoeddus yn ne Cymru i gydweithredu i ddatblygu atebion gwasanaeth rhanbarthol newydd ar gyfer heriau presennol yr economi gylchol.

Mae ymchwilwyr sy'n archwilio dull newydd o helpu i adfer iechyd pobl ar ôl Covid-19, gan ddefnyddio ymarferion anadlu a dyfais llaw, yn chwilio am wirfoddolwyr sydd wedi dioddef o'r cyflwr er mwyn eu helpu i'w brofi. Gallai'r gwaith fod o fudd i gleifion a lliniaru'r straen ar y GIG.

Mae Prifysgol Abertawe wedi troi'n wyrdd, a hynny'n llythrennol, er mwyn pwysleisio'r neges y dylid ailgylchu. 

Mae ymchwil newydd a arweinir gan academyddion o Brifysgol Abertawe, drwy gymorth gwyddonwyr gwirfoddol, wedi gweld bod 99% o fasnau afonydd yn y DU wedi'u rhannu gan rwystrau artiffisial fel argaeau, coredau a chwlferi. Mae angen cymryd camau gweithredu brys i ailgysylltu afonydd, er mwyn sicrhau eu hiechyd hirdymor, ac iechyd hirdymor y cymunedau o'u cwmpas.

Cafodd mwy na mil o ddisgyblion yn ne Cymru eu helpu i astudio yn ystod y cyfyngiadau symud, diolch i brosiect y mae Prifysgol Abertawe'n cymryd rhan ynddo. 

Mae tîm rhyngwladol o ymgyrchwyr – gan gynnwys rhai o Brifysgol Abertawe – wedi defnyddio data a synhwyrir o bell sydd ar gael drwy beiriant Google Earth er mwyn nodi, mapio a dilysu isadeileddau mewnffrydiau megis argaeau, coredau a lociau ledled y byd. 

Mae miloedd o fyfyrwyr wedi mynd drwy ddrysau Prifysgol Abertawe dros y 100 mlynedd diwethaf, ond mae'n annhebygol bod llawer ohonynt wedi cael amser mwy cofiadwy na Jeffrey Temple. 

Mae Prifysgol Abertawe wedi datblygu rhaglen gofal iechyd bwrpasol sy'n seiliedig ar werth (VBHC) mewn cydweithrediad â'i phartner strategol Sprink Ltd, fel rhan o'i chynnig Addysg Weithredol. 

Bydd tîm ymchwil o Goleg Peirianneg Prifysgol Abertawe yn ffurfio partneriaeth newydd â'r darparwr atebion ynni byd-eang mawr ENSERV POWER.

Bydd oddeutu 1,000 o fyfyrwyr gofal iechyd a meddygaeth sydd wedi gwirfoddoli yn ystod pandemig Covid-19 yn derbyn tocyn anrheg am fusnes lleol, diolch i gyfraniad gwerth £27,500 gan Santander, drwy'r fenter Prifysgolion Santander.

Mae astudiaeth newydd dan arweiniad Prifysgol Abertawe a Phrifysgol Bryste wedi datgelu maint siarc anferthol chwedlonol y Megalodon, gan gynnwys esgyll sydd mor fawr â dyn. 

Mae Prifysgol Abertawe wedi cyrraedd ei safle uchaf erioed mewn unrhyw dabl cynghrair yn y DU ar ôl codi o safle 31 i 24 yng Nghanllaw Prifysgolion y Guardian 2021.

Mae cyfleuster newydd o'r radd flaenaf ym Mhrifysgol Abertawe a fydd yn cyfuno ymchwil arloesol â datblygu technoleg ym maes peirianneg a gwyddor lled-ddargludyddion gam yn agosach ar ôl dyrannu'r prif gontract adeiladu i Kier ar gyfer y Ganolfan Deunyddiau Lled-ddargludydd Integreiddiol (CISM) ar Gampws y Bae.

Mae myfyrwyr Tsieineaidd, yn eu hawydd i baratoi ar gyfer cyrsiau Prifysgol Abertawe, wedi parhau i astudio – er bod pellter o fwy na 5,000 milltir rhyngddynt a'u hathrawon. 

Plant mewn 12 o ysgolion lleol sy'n dychwelyd i'w gwersi yr wythnos hon yw'r bobl ddiweddaraf i gael eu diogelu gan hylif diheintio dwylo a wnaed ym Mhrifysgol Abertawe, lle mae labordy technoleg solar wedi newid yr hyn y mae'n ei gynhyrchu dros dro yn ystod argyfwng COVID-19.

Mae astudiaeth newydd gan Brifysgol Abertawe sy'n ystyried y ffordd orau i wasanaethau ambiwlans ymdrin â galwadau Covid-19 tybiedig newydd ennill cymorth ariannol mawr. 

Bydd Academi Iechyd a Llesiant Prifysgol Abertawe'n dechrau darparu gwasanaethau osteopatheg i'r cyhoedd eto o ddydd Llun 7 Medi.

Mae amgylchiadau amgylcheddol megis tymheredd arwyneb môr ac achosion o bistyllio dŵr oer yn gyfrifol am strwythur rhwydweithiau rhyngweithio mewn cymunedau rhynglanwol morol o ganlyniad i'w heffaith ar gyfoeth rhywogaethau, yn ôl ymchwil newydd.  

Mae'r Prosiect AgorIP, sydd wedi helpu economi ac arloesedd Cymru yng Ngorllewin Cymru i ffynnu dros y pedair blynedd diwethaf, wedi'i ymestyn er budd Cymru gyfan, gyda chyfanswm buddsoddiad o dros £20m. 

Mae The Living Planet Index for Migratory Freshwater Fish, yr adroddiad byd-eang cynhwysfawr cyntaf am statws pysgod mudol, wedi datgelu bod poblogaethau pysgod dŵr croyw wedi cwympo 76% ar gyfartaledd rhwng 1970 a 2016 – gan gynnwys cwymp cyfartalog syfrdanol o 93% yn Ewrop.   

Wrth i ysgolion ailagor, mae arolwg o staff ysgolion cynradd yng Nghymru'n dangos eu bod yn cefnogi'r ffaith bod plant yn dychwelyd i'r dosbarth, er lles eu haddysg a'u datblygiad cymdeithasol, ond bod ganddynt bryderon gwirioneddol hefyd.

Bydd myfyrwyr ym Mhrifysgol Abertawe'n elwa o hwb ariannol i gynnal rhaglen o ddigwyddiadau ar gyfer myfyrwyr newydd a rhai sy'n dychwelyd rhwng mis Medi 2020 a mis Chwefror 2021.

Mae ffordd newydd chwyldroadol o roi brechlynnau drwy glytiau micronodwydd yn cael ei phrofi ym Mhrifysgol Abertawe, diolch i gyllid gwerth £200,000 gan yr UE a gyhoeddwyd gan Lywodraeth Cymru.

Gall mewnfridio leihau cydweithrediad rhwng mongwsiaid rhesog yn ôl astudiaeth ddiweddar gan ymchwilwyr. 

Mae'r awdur plant hynod boblogaidd David Walliams wedi cefnogi cystadleuaeth i blant a gynhelir i nodi canmlwyddiant Prifysgol Abertawe. 

Mae ymchwilwyr wedi dadlapio a dadansoddi tri anifail mymïaidd o'r hen Aifft yn ddigidol, gan ddefnyddio sganiau 3D eglur iawn sy'n rhoi manylder digynsail am fywydau'r anifeiliaid – a'u marwolaethau – dros 2,000 o flynyddoedd yn ôl.

Mae Prifysgol Abertawe'n falch o gyhoeddi mai hi fydd noddwr blaen crys Clwb Pêl-droed Dinas Abertawe ar gyfer tymor 2020-21. 

Mae ymchwilwyr o Goleg Peirianneg Prifysgol Abertawe wedi ffilmio hylif yn ymateb fel solid drwy ddull newydd o arsylwi ar hylifau dan amgylchiadau gwasgeddedig.

Mae pedwar academydd o Brifysgol Abertawe'n rhan o brosiect ymchwil mawr newydd sy'n ymchwilio i Covid-19 a'r hyn y gall ein dysgu am ymdopi â chlefydau pandemig yn y dyfodol. 

Mae Llywodraeth Cymru wedi dyfarnu dau grant i'r elusen Discovery SVS er mwyn helpu ei gwaith i liniaru effaith COVID-19 yng Nghymru ac mewn cymunedau yn Affrica.  

Mae'r arwr rygbi rhyngwladol James Hook, a wnaeth chwarae 81 o weithiau dros Gymru a theithio gyda Llewod Prydain ac Iwerddon i Dde Affrica yn 2009, wedi derbyn swydd hyfforddwr ymosodol timau rygbi Prifysgol Abertawe.

Mae prosiect arloesol gan Brifysgol Abertawe'n defnyddio mân algâu i archwilio sut i ailddefnyddio gwastraff a chynhyrchu mwy o fwyd ar yr un pryd. 

Mae Prifysgol Abertawe wedi llwyddo yn ei chais i'r Adran Addysg i recriwtio 250 o fyfyrwyr peirianneg ychwanegol fel rhan o ymgyrch gan Lywodraeth y DU i gynnig dros 9,000 o leoedd ychwanegol mewn prifysgolion yn y DU ar gyfer cyrsiau a fydd yn darparu gwasanaethau allweddol, yn cefnogi'r economi ac yn creu canlyniadau cadarnhaol i fyfyrwyr.

Mae Prifysgol Abertawe wedi croesawu Dirprwy Is-ganghellor newydd i'w huwch-dîm rheoli, a fydd yn gyfrifol am bortffolio Ymchwil ac Arloesi'r Brifysgol.

Mae rhieni sy'n pryderu am y posibilrwydd bod eu plentyn yn dioddef o un o anhwylderau'r sbectrwm awtistig (ASD) yn gorfod aros am hyd at bedair blynedd am ddiagnosis ffurfiol, ond gall asesiadau ar-lein helpu i gyflymu'r broses hon, yn ôl dwy astudiaeth ymchwil newydd gan Brifysgol Abertawe.

Mae prosiect i atal llosgiadau a gefnogir gan arbenigwyr o Brifysgol Abertawe wedi cael effaith ddramatig ar gymunedau yn Nepal. 

Roedd disgwyl i wythnos gyntaf mis Awst fod yn un brysur i Dregaron eleni, ond gan na fydd y Brifwyl yn cael ei chynnal yno bellach, mae’r Eisteddfod wedi lansio Gŵyl AmGen 2020 - prosiect a fydd yn rhoi blas ar y Brifwyl i bobl rhwng 30 Gorffennaf ac 8 Awst, a’r cyfan ar gael ar S4C, Radio Cymru a gwefan Cymru Fyw.

Bydd grant gwerth £6 miliwn yn ysgogi'r broses o ddefnyddio technoleg solar y genhedlaeth nesaf mewn ffyrdd newydd.

Mae arbenigwyr arloesi ym Mhrifysgol Abertawe'n helpu i fireinio dyfais o'r radd flaenaf sydd eisoes yn gwneud gwahaniaeth allweddol i bobl sy'n byw gyda dementia a'u gofalwyr. 

Mae Prifysgol Abertawe'n nodi ei chanmlwyddiant drwy ofyn i blant rannu eu gweledigaeth ynghylch pa olwg fydd arni ymhen 100 mlynedd arall. 

Mae prosiect ym Mhrifysgol Abertawe sy'n archwilio sut i ddefnyddio algâu i greu'r genhedlaeth nesaf o gynhyrchion eli haul bellach yn cydweithio â chwmni gofal croen arobryn er mwyn helpu i ddatblygu'r syniad. 

Mae gwas sifil sydd wedi ymddeol yn dathlu ar ôl graddio o Brifysgol Abertawe – 50 mlynedd yn hwyrach na'r disgwyl. 

Mae dau fyfyriwr yn edrych ymlaen at ragor o lwyddiant i'w busnes hedfanaeth byd-eang ar ôl iddynt raddio o Brifysgol Abertawe. 

Mae Tywysog Cymru wedi recordio neges fideo arbennig ar gyfer Prifysgol Abertawe wrth iddi ddathlu ei chanmlwyddiant ar 19 Gorffennaf.

Mae ymchwil newydd gan academyddion yn dangos bod canhwyllau llygaid claf yn gallu dangos a yw wedi dioddef profiad trawmatig yn y gorffennol.

Bydd Prifysgol Abertawe, sy'n nodi ei chanmlwyddiant eleni, yn defnyddio cyllid a glustnodwyd yn flaenorol ar gyfer digwyddiadau dathlu er mwyn ymladd yn erbyn Covid-19 a hyrwyddo arloesedd

Mae astudiaeth arloesol gan wyddonwyr wedi ateb un o hen gwestiynau Charles Darwin ynghylch sut mae crwbanod yn dod o hyd i ynysoedd. 

Mae Prifysgol Abertawe wedi cyrraedd y chweched safle am foddhad cyffredinol myfyrwyr yn Arolwg Cenedlaethol o Fyfyrwyr (NSS) 2020.

Mae ymchwil newydd wedi datgelu nad yw'r adar mwyaf yn dibynnu ar chwifio eu hadenydd er mwyn symud yn yr awyr. Yn hytrach na hynny, maent yn defnyddio ceryntau aer i'w cadw yn yr awyr am oriau ar y tro. 

Profiad personol myfyriwr o Brifysgol Abertawe oedd yr ysbrydoliaeth ar gyfer ei gynnig buddugol mewn cystadleuaeth ledled y wlad i ddod o hyd i'r cynnyrch mwyaf arloesol ar gyfer pobl anabl.

Mae Prifysgol Abertawe wedi cytuno i fod yn rhan o fenter ar-lein newydd sydd am helpu myfyrwyr sydd dan anfantais oherwydd y pandemig coronafeirws i gyrraedd addysg uwch. 

Mae darlithydd ym Mhrifysgol Abertawe wedi ennill y wobr urddasol, sef Gwobr Jacob Bronowski ar gyfer Gwyddoniaeth a’r Celfyddydau gan Gymdeithas Wyddoniaeth Prydain.  

Mae dau fyfyriwr o Brifysgol Abertawe wedi bod yn gweithio i helpu'r gwasanaethau brys yn ystod pandemig Covid-19.

Mae Prifysgol Abertawe wedi cyrraedd y rhestr fer ar gyfer Profiad Gorau i Fyfyrwyr yng Ngwobrau Prifysgolion 2020 The Guardian. 

Mae’r Banc Data Diogel ar gyfer Cysylltiadau Gwybodaeth Ddienw (SAIL), y mae Ymchwil Iechyd a Gofal Cymru’n ei ariannu, wedi’i ddewis i chwarae rhan allweddol mewn cydweithrediad rhyngwladol i gyflymu ymchwil Covid-19.

Beth sy'n digwydd pan geir gwrthdrawiad rhwng moleciwl ac arwyneb? Mae ymchwilwyr ym Mhrifysgol Abertawe wedi dangos bod cyfeiriad moleciwl wrth iddo symud – p'un a yw'n troelli fel llafn hofrennydd neu'n rholio fel olwyn cert – yn bwysig wrth benderfynu'r hyn sy'n digwydd yn y gwrthdrawiad.

Heb os nac oni bai, bydd Sandra a Bob Cuthill ymhlith y rhai a fydd yn cynnig llwncdestun i Brifysgol Abertawe pan fydd yn nodi ei chanmlwyddiant y mis hwn. 

Yn 2011, Roedd SPECIFIC yn un o chwe Chanolfan Arloesi a Gwybodaeth yn y DU a grëwyd gan Lywodraeth y DU.

Mae academyddion yn rhybuddio bod y system gyfredol yn rhoi gormod o ddylanwad i ddiwydiant ar sut mae arian yn cael ei wario.

Daeth mwy na 150 o gyn-fyfyrwyr yn ôl at ei gilydd i ddathlu eu hamser yn Ysgol Feddygaeth Prifysgol Abertawe mewn seremoni raddio rithwir unigryw. 

Mae Isabel Francis, sy'n astudio'r gyfraith ym Mhrifysgol Abertawe, wedi ennill yr anrhydedd uchaf sydd ar gael i rywun ifanc rhwng naw oed a 25 oed am weithredoedd cymdeithasol neu ymdrechion dyngarol – Gwobr Diana.

Mae amddiffynwyr wyneb i ddiogelu staff y GIG, sydd wedi'u dylunio a'u cynhyrchu drwy argraffyddion 3D gan dîm ym Mhrifysgol Abertawe, wedi ennill nod diogelwch CE, sy'n golygu y gellir bellach eu cynhyrchu ar raddfeydd mwy ar gyfer ysbytai.

Bydd beicwyr yn Abertawe yn ôl ar y cyfrwy o 1af Gorffennaf yn dilyn penderfyniad i ailagor cynllun rhannu beiciau poblogaidd y Brifysgol.

Mae ymchwil newydd wedi dangos bod afonydd Ewrop ymysg y mwyaf rhanedig yn y byd, gyda hyd at filiwn o rwystrau i'w llif, ac mae bellach yn hollbwysig cymryd camau ar frys i'w hailgysylltu er mwyn sicrhau iechyd hirdymor yr afonydd hyn a'u cynefinoedd cyfagos.

Mae Canolfan Technoleg Gofal Iechyd Prifysgol Abertawe wedi chwarae rôl allweddol wrth ddatblygu adnodd cymorth cyfathrebu ar gyfer staff iechyd ar y rheng flaen sy'n gorfod gwisgo masgiau wyneb yn ystod y pandemig.  

Mae Llywodraeth y DU wedi cyhoeddi bod prosiect mawr gwerth £43.74m ar y cyd â chlwstwr lled-ddargludyddion cyfansawdd De Cymru wedi cael ei gymeradwyo ymysg y cyllid cyntaf i'w ddyrannu drwy gronfa flaenllaw Strength in Places y corff Ymchwil ac Arloesi yn y DU (UKRI). Bydd cyllid gwerth £25.44m o gronfa Strength in Places (SIPF) yn ategu'r prosiect.

‘Ffurfiwyd gan Ddur’ yw’r gynhadledd Twitter gyntaf erioed i gael ei chynnal gan Brifysgol Abertawe. Wrth i gynadleddau ‘wyneb yn wyneb’ mwy traddodiadol gael eu canslo oherwydd pandemig COVID-19 mae tîm prosiect ymchwil ‘Byd Cymdeithasol Dur’ yr Adran Hanes yn defnyddio Twitter fel ffordd arall o rannu ymchwil ac ymarfer treftadaeth i gynulleidfa wahanol y Twittersffêr.

Mae ymchwilwyr o Brifysgol Abertawe wedi datblygu dull newydd o gael gwared ar gemegion gwenwynig o ddŵr.

Mae tîm ymchwil ym Mhrifysgol Abertawe wedi datblygu dull newydd ar gyfer canfod llygryddion sy'n deillio o gynhyrchion fferyllol cyffredin fel paracetamol, ibuprofen ac asbrin, a chael gwared arnynt yn gyflym, a allai leihau eu heffaith ar yr amgylchedd.

Daw hanes Prifysgol Abertawe o dan y chwyddwydr mewn llyfr newydd a gyhoeddwyd i nodi canmlwyddiant y brifysgol yn 2020.

Mae'r Athro Dave Worsley o Brifysgol Abertawe wedi ennill Gwobr Dewi Sant am ei gyfraniad at Arloesedd, Gwyddoniaeth a Thechnoleg. 

Mae Prifysgol Abertawe wedi rhoi grant cymunedol gwerth £250 i'r elusen i'r digartref Llamau. 

Mae un o fyfyrwyr Prifysgol Abertawe'n chwarae rôl allweddol wrth reoli'r cyflenwad o gyfarpar diogelu personol yn un o'r ysbytai sydd wedi dioddef fwyaf o ganlyniad i'r pandemig.

Mae ymchwilwyr i ganser o Brifysgol Abertawe wedi herio eu hunain i feicio am fwy na 4,500km ym mis Mehefin er mwyn codi arian am yr elusen Gofal Canser Tenovus. 

Mae partneriaeth Academi Hywel Teifi a Tafwyl yn parhau unwaith eto eleni wrth i’r ŵyl boblogaidd symud ar-lein yn sgil pandemig coronafeirws.

Mae'r gwersi Saesneg am ddim i ddechreuwyr a gynigir gan Brifysgol Abertawe yn dal i ffynnu er gwaethaf y cyfyngiadau symud. 

Mae'r ymchwilwyr sy'n gyfrifol am astudiaeth newydd fawr sy'n nodi sut y mae pobl Cymru wedi ymdopi â'r argyfwng coronafeirws yn apelio am wirfoddolwyr i rannu eu profiadau. 

Mae tîm o feddygon a pheirianwyr o Abertawe wedi dylunio peiriant anadlu newydd y gellir ei adeiladu'n gyflym o gydrannau lleol ac – yn hollbwysig – y gall hyd yn oed cleifion sy'n dioddef yn ddifrifol o coronafeirws ei ddefnyddio. Hyd yn hyn, mae’r naill beth neu'r llall wedi bod yn wir am beiriannau anadlu, nid y ddau.

Mae myfyrwraig PhD o Brifysgol Abertawe wedi ennill rownd derfynol Thesis Tair Munud (3MT) Prifysgol Abertawe. 

Mae Prifysgol Abertawe’n rhannu’r 32ain safle yn Nhablau Cynghrair 2021 y Complete University Guide – ei safle uchaf erioed.

Mae Prifysgol Abertawe wedi cael ei hachredu fel cyflogwr cyflog byw go iawn gan y Sefydliad Cyflog Byw (LWF).

Mae Rebecca Ellis, myfyriwr ym Mhrifysgol Abertawe, wedi ennill FameLab UK - cystadleuaeth gyfathrebu fwyaf blaenllaw'r byd ym maes gwyddoniaeth.

Fel rhan o Wythnos Gwirfoddolwyr ledled y DU (1-7 Mehefin), rydym yn bwrw golwg dros y ffordd y mae Discovery yn parhau i helpu i newid bywydau yn Ne Cymru ac ym mhedwar ban byd. 

Mae gwyddonwyr ac academyddion allgymorth o Brifysgol Abertawe wedi bod yn gweithio'n galed yn eu ceginau a'u gerddi i lunio gweithdai a gwersi gwyddoniaeth a chynnwys ar gyfer clwb gwyddoniaeth ar-lein, er mwyn rhoi'r cymorth a'r adnoddau y mae eu hangen ar fyfyrwyr ysgol i barhau i ddysgu am wyddoniaeth gartref, yn ystod y cyfyngiadau symud.

Mae tîm o ymchwilwyr dan arweiniad Prifysgol Abertawe wedi datblygu technoleg newydd i fonitro colesterol ym meinwe'r ymennydd a allai ddatgelu ei berthynas â chlefydau niwroddirywiol a chreu cyfle i ddatblygu triniaethau newydd. 

Mae Prifysgol Abertawe wedi cyhoeddi ei bwriad i agor ac addysgu ar-lein ac wyneb yn wyneb ar ddechrau’r flwyddyn academaidd newydd ym mis Medi 2020.

Penodwyd yr Athro Keith Lloyd, pennaeth Ysgol Feddygol Prifysgol Abertawe, yn Aelod Annibynnol o Fwrdd Iechyd Prifysgol Bae Abertawe (SBUHB).

Mae'n ymddangos bod lefelau heintio â feirws ymysg cimychiaid yn gysylltiedig â chynefinoedd a rhywogaethau eraill, yn ôl dwy astudiaeth newydd o ardaloedd morol gwarchodedig yn y Caribî.

Mae’r Athro Daniel G. Williams o Adran Saesneg Prifysgol Abertawe a Chyfarwyddwr Canolfan Astudiaethau Cymreig Richard Burton, wedi cadeirio sesiwn drafod ddigidol ar y cysylltiadau rhwng De Asia a Chymru. Roedd dros 150 o gynrychiolwyr o bob rhan o’r byd yn mynychu trwy ‘zoom’.

Bydd naw o'r lleisiau newydd gorau ym maes gwyddoniaeth o bob rhan o'r wlad, gan gynnwys dau o Brifysgol Abertawe, yn brwydro i gynrychioli'r DU yn FameLab – cystadleuaeth gyfathrebu fwyaf blaenllaw'r byd ym maes gwyddoniaeth.

Mae ymchwil i effaith newid yn yr hinsawdd yn Antarctica wedi cael ei hybu gan ddyfarniad gwerth $20 miliwn (£10 miliwn) gan lywodraeth Awstralia ar gyfer gwaith a arweinir gan Brifysgol Tasmania mewn partneriaeth â rhewlifegwyr o Brifysgol Abertawe.

Mae clinigydd blaenllaw o Brifysgol Abertawe ymysg grŵp o arbenigwyr sy'n galw am gyflwyno asesiad risg ar gyfer gweithwyr iechyd proffesiynol ar y rheng flaen sy'n trin cleifion sy'n dioddef o coronafeirws. 

Mae astudiaeth gan ymchwilwyr ym Mhrifysgol Abertawe a Phrifysgol Manceinion yn awgrymu bod gwahaniaeth barn rhwng pobl ynghylch a fyddant yn defnyddio ap ar gyfer ffonau symudol i olrhain cysylltiadau o ran COVID-19, y bwriedir iddo gael ei ryddhau yn y DU yn ddiweddarach y mis hwn. 

Mae Ysgol Feddygaeth Prifysgol Abertawe wedi penodi dau aelod allweddol o staff wrth iddi baratoi i lansio ei chwrs fferylliaeth newydd. 

Mae dau academydd o Brifysgol Abertawe ymhlith enillwyr diweddaraf medalau Cymdeithas Ddysgedig Cymru, a gyhoeddwyd yng Nghyfarfod Cyffredinol y Gymdeithas ddydd Mercher, 20 Mai.

Bydd gwyddonwyr o Brifysgol Abertawe'n cyflwyno cyfres o weithgareddau ar-lein cyfrwng Cymraeg fel rhan o ddigwyddiad amgen Eisteddfod Genedlaethol yr Urdd ar ei newydd wedd a gynhelir ar-lein rhwng 25 a 30 Mai.

Mae'r Ysgrifennydd Hillary Clinton wedi canmol staff a myfyrwyr Prifysgol Abertawe am eu “hymateb critigol” i bandemig Covid-19.

Mae Bryan Washington, awdur 27 oed o America, wedi ennill Gwobr Dylan Thomas Prifysgol Abertawe gwerth £30,000 am ei gasgliad cyntaf o straeon byrion, LOT.  

Gweithwyr tai ar y rheng flaen, gwasanaethau cymorth i'r digartref a'r bobl y maent yn gofalu amdanynt, y mae llawer ohonynt yn agored i niwed, yw'r grwpiau diweddaraf i ddefnyddio hylif diheintio dwylo a wnaed ym Mhrifysgol Abertawe, lle mae labordy technoleg solar wedi newid dros dro i gynhyrchu 5,000 litr yr wythnos yn ystod argyfwng COVID-19.

Mae Ysgol Feddygaeth Prifysgol Abertawe wedi sicrhau hwb ariannol o ffynhonnell uchel ei bri i gyflymu'r broses o droi darganfyddiadau ymchwil yn brosiectau datblygu ym maes nanofeddygaeth. 

Mae Llywodraeth Cymru am fuddsoddi £4.85 miliwn dros y pum mlynedd nesaf ar ymchwil i ofal sylfaenol a gofal brys yng Nghymru.

Yr Athro Steve Conlan o Brifysgol Abertawe fydd y prif siaradwr yn uwchgynhadledd rithwir gyntaf y byd ar ymchwil canser ac imiwnoleg.

Bydd myfyrwyr rhyngwladol sydd am astudio yn Abertawe bellach yn cael sefyll prawf iaith Saesneg hollbwysig ar-lein, gan sicrhau y gall eu ceisiadau i'r Brifysgol barhau yn ôl yr arfer. 

Mae un o raddedigion Prifysgol Abertawe wedi dweud ei bod yn falch dros ben o fod yn rhan o'r Gwasanaeth Iechyd Gwladol (GIG) yn ystod pandemig Covid-19. 

Bydd pobl ifanc ac oedolion anabl yn gallu elwa ar gyngor iechyd a lles gan Brifysgol Abertawe wrth iddynt ymdopi â bywyd yn ystod y cyfyngiadau symud. 

Mae Labordy FIRE (Ymchwil ac Ymgysylltu Rhyngddisgyblaethol o ran Dŵr Croyw) ym Mhrifysgol Abertawe wedi helpu i lansio ffilm fer wedi'i hanimeiddio ar gyfer plant ifanc yn Ne Cymru a'r tu hwnt.  

Mae gwyddonwyr o bob rhan o'r DU, gan gynnwys Prifysgol Abertawe, yn galw ar y cyhoedd i gymryd rhan mewn astudiaeth newydd a fydd yn helpu i adnabod pwy sy'n wynebu'r perygl mwyaf o ddal COVID-19 a pham mae rhai pobl yn dioddef yn waeth nag eraill.

Mae academyddion o Brifysgol Abertawe ymhlith arbenigwyr blaenllaw'r byd sy'n rhannu eu gwybodaeth er mwyn helpu disgyblion chweched dosbarth i astudio yn ystod cyfnod y cyfyngiadau symud. 

Mae ymchwil newydd gan Brifysgol Abertawe'n awgrymu y gallai cyfyngiadau symud byr, dwys i wastatáu cromlin epidemig COVID-19 arwain at fwy o farwolaethau – ac y gellid lleihau cyfanswm cyffredinol yr achosion drwy gyflwyno amrywiaeth o fesurau dros gyfnod hir.

Myfyrwyr nyrsio Abertawe yn dweud eu bod yn falch o allu wynebu’r her o ymuno â’r GIG yn ystod y pandemig.

Nid yw'r aelodau'n cael ymarfer yng nghwmni ei gilydd, ond mae myfyriwr o Brifysgol Abertawe wedi llwyddo i sicrhau bod ei gôr yn dal i berfformio yn ystod yr argyfwng coronafeirws. 

Mae'n bleser gan Brifysgol Abertawe gyhoeddi partneriaeth tair blynedd newydd â Chlwb Pêl-droed Dinas Abertawe tan ddiwedd tymor 2022-23.

Mae astudiaeth newydd gynhwysfawr – a oedd yn cwmpasu dros 170 o rywogaethau o bysgod a chreaduriaid morol eraill megis crancod, môr-lewys a sêr-bysgod – wedi datgelu bod tonnau a llanwau'n cael mwy o effaith na gweithgarwch pobl ar fywyd morol ym Mae Abertawe.

Mae Prifysgol Abertawe wedi defnyddio ei chysylltiad unigryw â Wuhan i ddod ag arbenigwyr o bob rhan o Gymru ynghyd â rhai o'r ymarferwyr meddygol cyntaf i fynd i'r afael â coronafeirws. 

Mae ymchwilwyr ym Mhrifysgol Abertawe yn gofyn i blant 8-12 oed gymryd rhan mewn holiadur ar-lein i ddeall mwy am eu hiechyd a'u llesiant yn ystod cyfyngiadau symud Covid-19.

Mae pedwar o academyddion Prifysgol Abertawe ymhlith y newydd-ddyfodiaid i Gymrodoriaeth Cymdeithas Ddysgedig Cymru.

Mae Prifysgol Abertawe wedi llwyddo i ennill cyllid i leihau’r cyfnod o amser sydd ei angen i ddiheintio ambiwlansys ar ôl iddynt gludo claf yr amheuir ei fod yn dioddef o covid-19.

Mae Gwasanaethau Hyfforddiant Iaith Saesneg Prifysgol Abertawe'n parhau i gynnal eu rhaglen CELTA Caergrawnt glodwiw er gwaethaf y cyfyngiadau symud.

Mae arbenigwyr yn rhybuddio llywodraethau bod angen iddynt roi 'ystyriaeth frys' i'w hymateb iechyd cyhoeddus er mwyn atal y pandemig coronafeirws rhag cael effaith ar nifer yr achosion o hunanladdiad. 

Mae'r Ganolfan Ymchwil Seiberfygythiadau (CYTREC), sydd wedi'i lleoli yn Ysgol y Gyfraith Hillary Rodham Clinton ym Mhrifysgol Abertawe, wedi cael gwahoddiad ffurfiol i ymuno â Rhwydwaith Ymchwil Byd-eang Cyfarwyddiaeth Weithredol Pwyllgor Gwrthderfysgaeth y Cenhedloedd Unedig.

Mae academydd Prifysgol Abertawe, Norah Keating, ymhlith grŵp o wyddonwyr cymdeithasol amlwg sydd wedi cael eu hanrhydeddu gan Academi y Gwyddorau Cymdeithasol.

Gallai tranc rhywogaethau megaffawna morol sydd dan fygythiad arwain at golledion mwy na'r disgwyl o ran amrywiaeth swyddogaethol, yn ôl gwaith ymchwil wedi'i arwain gan Brifysgol Abertawe.

Mae tîm o ymchwilwyr wedi lansio astudiaeth newydd i archwilio effaith strategaeth cyfyngiadau symud Llywodraeth y DU ar lefelau gweithgarwch corfforol a lles y boblogaeth yn ystod pandemig Covid-19.

Mae astudiaeth gan ymchwilwyr ym Mhrifysgol Abertawe a Phrifysgol Manceinion yn dangos bod cadw pellter cymdeithasol ac ynysu yn cael effaith sylweddol ar iechyd meddwl a lles emosiynol pobl. 

Tynnodd tri gwyddonydd o Brifysgol Abertawe eu cotiau labordy er mwyn troi eu sylw at ddeddfwriaeth pan wnaethant dreulio wythnos yn San Steffan yn nau Dŷ'r Senedd a Whitehall. 

Mae cleifion yn Abertawe, y bu'n rhaid canslo eu hapwyntiadau oherwydd coronafeirws, yn cael cefnogaeth arbenigol dros y teleffon yn hytrach nag wyneb i wyneb fel y gallant barhau â'u triniaeth.

Mae tîm o fyfyrwyr Prifysgol Abertawe wedi datblygu ateb i amser ymateb cerbydau brys mewn cystadleuaeth fyd-eang sy’n cynnwys mwy na 40 o brifysgolion.

Mae labordy technoleg solar ym Mhrifysgol Abertawe wedi gwneud newid dros dro i gynhyrchu 5,000 litr o hylif diheintio dwylo bob wythnos er mwyn helpu’r GIG yn y frwydr yn erbyn Covid-19.

Mae’r hylif diheintio, sy’n dilyn y safonau a osodwyd gan Sefydliad Iechyd y Byd (WHO), eisoes yn cael ei ddefnyddio o fewn y GIG yng Nghymru.

Mae Dr Michael Bresalier, sy'n ddarlithydd yn Hanes Meddygaeth ym Mhrifysgol Abertawe, wedi cyhoeddi cipolwg hanesyddol sy'n amlygu gwahaniaethau pwysig rhwng COVID-19 a phandemig ffliw 1918-19.

Mae cyfle gan raglen allgymorth ysgolion arloesol Prifysgol Abertawe ennill gwobr nodedig am ei gwaith yn hyrwyddo amrywiaeth ym myd addysg gwyddoniaeth. 

Mae darpar famau y bu'n rhaid canslo eu dosbarthiadau cyn-enedigol oherwydd y coronafeirws bellach yn manteisio ar gyngor ar-lein am ddim gan arbenigwr ym Mhrifysgol Abertawe.

Mae myfyrwyr sy'n gwirfoddoli gydag oedolion anabl yn cadw mewn cysylltiad â nhw er gwaethaf yr argyfwng coronafeirws, trwy gynnig cefnogaeth dros y ffôn a'u cael i gymryd rhan mewn gweithgareddau ar-lein i helpu eraill.

Wrth iddi ddathlu 15 mlynedd, mae Gwobr Dylan Thomas Prifysgol Abertawe yn dwyn y bardd ei hun i gof diolch i'r lle blaenllaw sydd gan feirdd ifanc ac arbrofol ar y rhestr fer, y mae gan bob un ohonynt gyfle i ennill y Wobr gwerth £30,000.

Mae myfyrwyr meddygol o Brifysgol Abertawe sydd yn eu blwyddyn olaf yn ymuno â staff y Gwasanaeth Iechyd Gwladol (GIG) yn y frwydr yn erbyn Covid-19. 

Mae arbenigwyr arloesi ym Mhrifysgol Abertawe yn chwarae rôl allweddol wrth wella'r ffordd mae ysbytai yn defnyddio gwybodaeth am gleifion.

Mae pâr wedi dychwelyd i Brifysgol Abertawe i adael eu marc ar y man lle gwnaethant gyfarfod gyntaf dros 60 mlynedd yn ôl.

A yw byw gydag ynysu cymdeithasol wedi eich ysbrydoli i roi beiro ar bapur? Os felly, fe allech chi fod yn rhan o brosiect ymchwil cymdeithasol unigryw sy'n archwilio sut mae cymdeithas yn byw trwy coronafirws.

Mae academydd o Brifysgol Abertawe wedi bod yn gweithio ochr yn ochr â Chymdeithas y Gyfraith i gymeradwyo canllawiau ar gyfer cwmnïau trawsgludo sy'n cynghori cleientiaid ar symud tai yn ystod yr argyfwng coronafeirws.

Mae timau ar draws Prifysgol Abertawe yn dod at ei gilydd i gefnogi consortiwm sydd newydd ei sefydlu - SWARM (Consortiwm Gweithgynhyrchu Ychwanegion a Chyflym de Cymru) - yn ei genhadaeth i gefnogi ymateb GIG Cymru i covid-19.

Mae’r cyllid newydd, a fydd yn cynnal Banc Data SAIL am o leiaf y 5 mlynedd nesaf, yn rhan o becyn buddsoddi gwerth £44 miliwn gan Lywodraeth Cymru i ymchwil iechyd a gofal cymdeithasol i wella gofal a gwasanaethau.

Bydd myfyrwyr bydwreigiaeth a pharafeddyg o Brifysgol Abertawe yn rhoi eu cefnogaeth i gydweithwyr rheng flaen y GIG yn y frwydr yn erbyn pandemig y coronafeirws.

Mae darlithydd o Brifysgol Abertawe a'i gŵr wedi trawsnewid eu busnes poblogaidd i gynhyrchu hylif diheintio dwylo wrth i’r pandemig coronafeirws barhau.

Amcangyfrifir y gellir priodoli dros 100,000 o farwolaethau dynol bob blwyddyn o 700 i frathiadau gan nadroedd. Daw hyn gan rywogaethau nadroedd gwenwynig y byd, gyda phob brathiad yn cael ei wneud wrth i'r nadroedd amddiffyn eu hunain pan fyddant yn teimlo dan fygythiad gan fodau dynol a ddaw'n rhy agos atynt.  Fodd bynnag, daw darn newydd o ymchwil Bangor/Abertawe i'r casgliad na esblygodd gwenwyn neidr fel dull o amddiffyn.

Mae Canolfan Ymchwil Heneiddio a Dementia Prifysgol Abertawe (CADR) wedi derbyn £2.8m mewn cyllid i ymestyn eu prosiect am bum mlynedd arall tan 2025.

Mae prosiect Technocamps Prifysgol Abertawe wedi lansio cyfres o adnoddau ar-lein rhad ac am ddim i gefnogi disgyblion, athrawon a rhieni yn ystod yr achosion o Covid-19. 

Mae staff ym Mhrifysgol Abertawe wedi uno gyda'i gilydd i ddarparu eitemau hanfodol i'w hysbyty lleol i'w cefnogi yn ystod achos Covid-19.

Mae grŵp o fyfyrwyr ym Mhrifysgol Abertawe wedi cynnig ffordd ymarferol o helpu staff y GIG yn ystod pandemig y coronafirws.

Gall strwythur crisial arwyneb deunyddiau lled-ddargludydd wneud iddynt ymddwyn fel metelau, a hyd yn oed fel dargludyddion uwch, yn ôl ymchwil ar y cyd gan dîm o Abertawe a Rostock. Mae’r darganfyddiad yn agor y drws i ddatblygiadau, megis dyfeisiau electronig sy’n fwy ynni-effeithlon.

Fel rhan o ddathliadau Canmlwyddiant Prifysgol Abertawe, mae'r Gwasanaethau Hyfforddiant Iaith Saesneg yn ceisio olrhain cyn-fyfyrwyr.

Mae dau fyfyriwr arbennig ym Mhrifysgol Abertawe wedi cyrraedd y rhestr fer yng nghategori Myfyriwr Mwyaf Ysbrydoledig y Flwyddyn yng ngwobrau'r Student Nursing Times eleni.

Defnyddiwyd cofnodion iechyd mwy na 80% o boblogaeth Cymru i greu cronfa ddata iechyd ar raddfa genedlaethol gyntaf y DU ar gyfer ymchwil dementia, ac mae wedi ei lleoli ym Mhrifysgol Abertawe.

Mae Sky Ocean Rescue, WWF a Phrifysgol Abertawe wedi cyrraedd carreg filltir bwysig yn y prosiect mwyaf erioed i adfer morwellt yn y Deyrnas Unedig – hau mwy na 750,000 o hadau morwellt ym Mae Dale yn Sir Benfro. 

Bu staff a myfyrwyr Prifysgol Abertawe'n dathlu Diwrnod Rhyngwladol y Menywod gyda thaith feicio mewn grŵp o gampysau'r Brifysgol i'r Ganolfan Ddinesig.

Dyfarnwyd £2.9miliwn i Brifysgol Abertawe ar gyfer Partneriaeth Hyfforddiant Doethurol y Cyngor Ymchwil Peirianneg a'r Gwyddorau Ffisegol (EPSRC) 2020-21.

Mae ffisegwyr o Brifysgol Abertawe, sydd ymhlith arweinwyr cydweithrediad ALPHA yn CERN, wedi mesur, am y tro cyntaf, y strwythur main mewn gwrth-hydrogen sy'n gysylltiedig â darganfyddiad enwog Willis Lamb bron 70 o flynyddoedd yn ôl.

Bydd tîm o'r Sefydliad Ymchwil Diogelwch Ynni Prifysgol Abertawe yn archwilio sut orau i integreiddio ffynonellau ynni adnewyddadwy i grid pŵer y DU, gan helpu i dorri allyriadau carbon, diolch i ddyfarniad ymchwil newydd gwerth £244,000.

Bydd Oriel Science Prifysgol Abertawe'n dychwelyd i Amgueddfa Genedlaethol y Glannau ddydd Sul 8 Mawrth i gynnal "Gwyddoniaeth Wych Abertawe" fel rhan o Wythnos Wyddoniaeth Prydain.

Bydd DylanED, menter gan Brifysgol Abertawe sydd â’r nod o gyflwyno plant a phobl ifanc i fyd llenyddiaeth, yn derbyn hwb ariannol mawr gan Ymddiriedolaeth Rhys Davies dros y tair blynedd nesaf.

Ers ei lansio ym mis Awst 2017, mae'r nifer o gleientiaid sy'n defnyddio'r cyngor cyfreithiol am ddim gan fyfyrwyr yng Nghlinig y Gyfraith Prifysgol Abertawe wedi mwy na dyblu.

Mae myfyriwr o Brifysgol Abertawe, a ysbrydolwyd i astudio am yrfa mewn gofal iechyd ar ôl i'w dad a'i dad-cu farw o diwmor yr ymennydd, yn cymryd rhan flaenllaw mewn ymgyrch i helpu i ddod o hyd i driniaeth ar gyfer y clefyd.

Mae’r Coleg Cymraeg Cenedlaethol wedi penodi pedair llysgennad newydd ym Mhrifysgol Abertawe er mwyn annog mwy o ddarpar fyfyrwyr i ymddiddori ym maes addysg uwch cyfrwng Cymraeg.

Bydd chwe ffilm Richard Burton yn cael eu dangos yn Cinema & Co Abertawe fel rhan o ŵyl arbennig sy’n dathlu bywyd y seren Hollywood o Bontrhydyfen.

Mae ymchwil ym Mhrifysgol Abertawe i'r bygythiad sy'n cael ei beri gan ymwrthedd i gyffuriau gwrthffwngaidd wedi cael ei hamlygu mewn dau gyfnodolyn o bwys.

Mae grwpiau newid yn yr hinsawdd, cwmnïoedd ac ymchwilwyr prifysgolion ledled y DU wedi bod yn archwilio sut y gallant gyfrannu at ddiwydiant dur sy'n fwy clyfar, gwyrdd a glân mewn digwyddiad a gynhaliwyd gan brosiect SUSTAIN, dan arweiniad Abertawe.

Mae academydd o Brifysgol Abertawe wedi cyfrannu at astudiaeth nodedig a gyhoeddwyd yn y cyfnodolyn Science, sy'n dangos y gall y cynnydd mewn crinder mewn rhai rhannau o'r byd achosi newidiadau sydyn i ecosystemau mewn ardaloedd lle mae dros 2 biliwn o bobl yn byw.

Mae cynlluniau i lansio rhaglen gradd fferylliaeth newydd Prifysgol Abertawe bellach ar waith ond nid dyma fydd y tro cyntaf i fferyllwyr gael eu hyfforddi yn y ddinas.

Mae partneriaeth unigryw rhwng Cymru ac Iwerddon, sy'n elwa o arbenigedd gwyddor bywyd ym Mhrifysgol Abertawe, wedi ennill cyllid ychwanegol gwerth pum miliwn o Ewros.

Sefydliad ymchwil peirianneg newydd a fydd yn darparu ymchwil effaith uchel, sylfaenol a chymhwysol trwy bartneriaethau rhwng academia a diwydiant yn cael ei nodi mewn lansiad gyda Phrif Weinidog Cymru.

Mae gwyddonwyr o Brifysgol Abertawe wedi datgelu bod A68, sef mynydd iâ mwya'r byd, ar fin cyrraedd y cefnfor agored am y tro cyntaf.

Y Brifysgol yn ennill cyllid ar gyfer dau brosiect i helpu'r cyhoedd i gyfrannu at ymchwil.

Fel rhan o’i dathliadau i nodi’i chanmlwyddiant, mae staff a myfyrwyr ym Mhrifysgol Abertawe wedi plannu 50 o goed derw ar Gampws Parc Singleton a Champws y Bae.  

Mae myfyriwr ym Mhrifysgol Abertawe wedi lansio ymgyrch i gasglu taclau ymolch sylfaenol ac adnoddau ar gyfer cleifion ysbyty nad ydynt yn gallu eu cyrchu eu hunain.

Mae data newydd gan Brifysgol Abertawe wedi dangos bod y tanau gwyllt yn Awstralia yn debygol o lygru ansawdd aer dros ardal ddaearyddol fawr a allai gael effaith andwyol ar iechyd cyhoeddus.

O sgrinio am glefydau heintus i ddiagnosis cynnar canser y coluddyn, deall effaith amgylcheddol tanau gwyllt, ymateb i bropaganda ar-lein gan derfysgwyr, datblygu cyfarpar diogelwch ar gyfer athletwyr proffesiynol a hyrwyddo gwyddoniaeth yn y gymuned; amlygwyd amrywiaeth syfrdanol yr ymchwil a wneir ym Mhrifysgol Abertawe yng Ngwobrau Ymchwil ac Arloesi 2020.

Mae Prifysgol Abertawe wedi cael ei chynnwys ymhlith 100 cyflogwr mwyaf cynhwysol gorau'r DU ar gyfer staff lesbiaidd, hoyw, deurywiol a thrawsrywiol (LHDT) am y bumed flwyddyn yn olynol.

Mae Prifysgol Abertawe'n apelio am wyddonwyr a pheirianwyr benywaidd i gymryd rhan yn nigwyddiad Gwyddoniaeth Bocs Sebon Abertawe a rhannu eu hangerdd ar strydoedd Abertawe er mwyn ysbrydoli’r genhedlaeth nesaf o wyddonwyr.

Mae’r dyngarwr enwog a goroeswr canser tair-amser Dr James Hull wedi ymuno â chwe phrifysgol ledled y wlad i ymchwilio i pam mae canser yn dychwelyd mewn rhai pobl ac nid mewn eraill.

Dyfarnwyd €131,400 (£112,588) o gyllid i Brifysgol Abertawe i gefnogi symudiad myfyrwyr rhwng Abertawe a Phrifysgol Houston.

O Frasil i Hong Kong, yr India ac Wcrain drwy Fietnam, mae rhestr hir bwerus eleni’n cyfuno casgliad cyfoethog a rhyngwladol o awduron ifanc ac arbrofol sy’n cynnig llwyfan i leisiau sydd wedi’u tangynrychioli ac yn ymchwilio themâu cymdeithasol a byd-eang hollbwysig ym meysydd hunaniaeth, diwylliant a phŵer.

Mae Rory Wilson, athro sŵoleg ym Mhrifysgol Abertawe, wedi derbyn Gwobr Ymchwil Humboldt gan Sefydliad Alexander von Humboldt yn yr Almaen. 

Mae dull newydd o gynhyrchu nanodiwbiau carbon – moleciwlau bach iawn sydd â phriodweddau ffisegol anghredadwy a ddefnyddir mewn sgriniau cyffwrdd, rhwydweithiau 5G ac electroneg hyblyg – wedi'i gymeradwyo gan ymchwilwyr, sy'n golygu bod modd i waith yn y maes hanfodol hwn barhau. 

I ddathlu 15 mlynedd o Wobr Dylan Thomas Prifysgol Abertawe, bydd y Wobr yn cyhoeddi'r rhestr hir yn fyw o Ŵyl Lenyddiaeth Jaipur. 

Mae astudiaeth newydd gan ymchwilwyr Prifysgol Abertawe a chydweithwyr y GIG yn dangos bod canolfan diagnosis cyflym wedi torri amseroedd aros ar gyfer cleifion â symptomau amhenodol a allai fod â chanser o 84 diwrnod i 6, ac mae'n costio llai na'r gofal arferol cyfredol os caiff ei ddefnyddio ar fwy nag 80% o'i gapasiti.

Cafwyd anrheg Blwyddyn Newydd gynnar gwerth miliynau o bunnoedd i roi hwb mawr i Fargen Ddinesig Bae Abertawe.

Mae tîm rhyngddisgyblaethol ym Mhrifysgolion Abertawe a Bangor wedi dyfeisio rhaglen sy'n annog plant oed ysgol i feddwl am eu heffaith bersonol ar newid yn yr hinsawdd.

Dengys ymchwil a gynhaliwyd gan Brifysgolion Abertawe a Milan bod myfyrwyr sy'n defnyddio gormod o dechnoleg ddigidol yn llai parod i ymgysylltu â'u hastudiaethau, ac yn fwy pryderus am brofion. Gwaethygwyd yr effaith hon gan y teimladau cynyddol o unigrwydd a gynhyrchwyd gan y defnydd o dechnoleg ddigidol.

Mae cyn-fyfyrwyr llwyddiannus wedi dychwelyd i Brifysgol Abertawe i helpu i annog y genhedlaeth nesaf o entrepreneuriaid ifanc.

Mae arbenigwyr rhyngwladol, gan gynnwys ymchwilwyr o Brifysgol Abertawe, wedi cyhoeddi llythyr yng nghyfnodolyn meddygol The Lancet yn galw am ddull unedig o fynd i’r afael â’r her byd-eang, unigrwydd.

 thristwch mawr y clywsom fod Sybil Crouch, a fu gynt yn Bennaeth Gwasanaethau Diwylliannol ac yn arweinydd Canolfan y Celfyddydau Taliesin ym Mhrifysgol Abertawe, wedi marw.

Mae gan ein hanifeiliaid domestig - anifeiliaid anwes a da byw – rôl allweddol wrth ledaenu firysau ymysg pobl a bywyd gwyllt, yn ôl ymchwil newydd sy'n cynnwys Prifysgol Abertawe.