Trosolwg
Ein nod yw darparu tystiolaeth hollbwysig sy'n gallu ategu penderfyniadau rheoli pysgodfeydd a datblygu polisi, yn ogystal â datblygiadau o ran penderfyniadau rheoleiddiol megis ynni adnewyddadwy morol a datblygiadau morol o bwys, gan gynnwys echdynnu ar gyfer yr orsaf ynni niwclear newydd yn Hinkley Point C.
Ers 2019, rydym wedi bod yn defnyddio telemetreg acwstig i astudio patrymau mudo, symudiad anifeiliaid, defnydd dyfnder a goroesiad mewn amgylcheddau dŵr croyw a morol ym Môr Hafren a'i lednentydd, gan ganolbwyntio ar eogiaid yr Iwerydd, sewiniaid, gwangod, draenogod môr Ewropeaidd, cathod môr (y forgath bigog, y forgath fannog, y forgath lygaid bach a'r forgath felen), llysywennod Ewropeaidd, cŵn gleision a morgwn pigog. Mae ein cronfa ddata'n cynnwys dros 4 miliwn o gofnodion o fwy na 1500 o bysgod wedi'u tagio, a gasglwyd gydag aráe hirdymor o fwy na 200 o dderbynyddion wedi'u dosbarthu ledled Môr Hafren ac afonydd a llednentydd. Cwblhawyd y cofnodion hyn gyda data morffolegol, cipio ac amgylcheddol.
Hefyd, rydym yn monitro presenoldeb a dosbarthiad morfilod ym Môr Hafren gan ddefnyddio dyfeisiau acwstig goddefol (F-PODs); rydym yn cynnal arbrofion acwstig mewn labordai ac arbrofion ar y safle ar ymddygiad pysgod er mwyn dylanwadu ar ddatblygiad Dyfeisiau Atal Acwstig; rydym wedi cynnal astudiaeth enynnol ar strwythur poblogaeth a phatrymau mudo penwaig yn nynesfeydd y de-orllewin, a'r Môr Celtaidd a Môr Iwerddon; rydym wedi arwain prosiect 'Dal a Rhyddhau Tiwna a'u Tagio' CHART Cymru yng Nghymru yn 2022 a 2023 ar gyfer Llywodraeth Cymru.
Gweler isod am ragor o wybodaeth am y prosiectau, ein partneriaid a'n cyllidwyr!
