1. Hafan
  2. Israddedig
  3. Beth yw UCAS Extra? Eich canllaw cynhwysfawr

Beth yw UCAS Extra? Eich canllaw cynhwysfawr

Myfyrwyr yn yfed coffi yn 52degrees

Eich canllaw cynhwysfawr i UCAS Extra

Cyfle arall i wneud cais i'ch hoff gwrs

Os ydych wedi defnyddio pob un o'r pum dewis ar eich cais, ac nad oes gennych unrhyw gynigion, gallech ddod o hyd i le gan ddefnyddio UCAS Extra o hyd. Gallwch wneud cais trwy UCAS Extra o 26 Chwefror tan 1 Gorffennaf eleni. 

Dyma gyfle arall i chi archwilio eich opsiynau a dod o hyd i'r cwrs prifysgol cywir. Dechreuwch eich dyfodol disglair yn Abertawe.

Sut i wneud cais trwy UCAS Extra.

Eicon canlyniadau.

1. Gwiriwch a ydych chi'n gymwys

Gallwch ddefnyddio UCAS Extra os ydych wedi defnyddio's 5 dewis ac heb gynigion (neu wedi’u gwrthod)
Eicon chwilio gwefan.

2. Dod o hyd i gwrs

Chwiliwch am gyrsiau sydd ar gael trwy Offeryn Chwilio UCAS – hidlwch i “Dangos cyrsiau gyda lleodd.
Eicon canlyniadau

3. Ychwanegwch eich dewis

Defnyddiwch y botwm "Ychwanegu Dewis Ychwanegol" yn eich cyfrif UCAS i wneud cais.
Eicon cyswllt.

4. Arhoswch am benderfyniad

Bydd y brifysgol yn adolygu eich cais. Dim ond un cais Extra gweithredol all fod gennych ar y tro.
Eicon cap graddio.

5. Ymateb neu geisio eto

Derbyn - mae eich lle wedi'i sicrhau (os ydych chi'n bodloni'r amodau) Neu gwrthod a gweud cais eto
Eicon ysgwyd llaw

6. Symud i glirio os oes angen

Os na fyddwch chi'n sicrhau lle erbyn 1 Gorffennaf, gallwch wneud cais trwy glirio.

Pwy sy'n gallu defnyddio Extra?

Myfyrywyr mewn caffi.

Gallwch ddefnyddio Extra hyd yn oed os gwnaethoch gais am le yn y brifysgol drwy UCAS yn wreiddiol, os ydych wedi defnyddio'ch holl geisiadau ac nid oes unrhyw gynigion gennych. Does dim gwahaniaeth os na chawsoch unrhyw gynigion gan eich pum dewis cyntaf neu ddewis peidio â’u derbyn, os nad ydych wedi sicrhau lle ar unrhyw gyrsiau ac os nad ydych yn aros am unrhyw benderfyniadau, gallwch wneud cais drwy UCAS Extra.

Ymgeiswyr Meddygaeth | Nid yw'r cwrs meddygaeth mynediad graddedig ar gael yn Extra. Am lwybrau i feddygaeth, edrychwch ar ein Llwybrau i Feddygaeth.

Myfyrwyr ar y traeth.

Os ydych yn gymwys, bydd y botwm "Add Extra Choice" i'w weld yn awtomatig yn adran "Choices" ar eich tudalen tracio UCAS.

Pwyntiau Allweddol:

  • Does dim uchafswm i nifer y cyrsiau y gallwch wneud cais amdanynt drwy Extra.
  • Does dim modd gwneud cais am fwy nag un ar y tro, felly fyddwch chi ddim yn gallu nodi dewis cyntaf a chynnig yswiriant fel yn y rownd gyntaf o geisiadau.
  • Os ydych yn derbyn cynnig drwy UCAS Extra, disgwylir i chi dderbyn eich lle yno a fyddwch chi ddim yn gymwys am glirio, oni bai i chi fethu bodloni gofynion graddau'r cynnig.
  • Os ydych chi’n dal i aros am benderfyniad ac eisiau gwneud cais yn rhywle arall, gallwch dynnu cais drwy Extra yn ôl ar ôl 21 diwrnod. Cysylltwch â'r brifysgol yn gyntaf i wneud yn siŵr nad oes cynnig ar y ffordd.

Myfyrwyr yn trafod.
  • Ar ôl i chi ychwanegu eich dewis drwy Extra, bydd y brifysgol neu'r coleg yn ystyried eich cais.
  • Ar ôl 21 o ddiwrnodau, gallwch ddewis naill ai barhau i aros am benderfyniad gan y brifysgol neu'r coleg neu ei ddileu a gwneud dewis gwahanol yn Extra.
  • Os ydych yn cael cynnig, dylech ei ateb gan ddefnyddio UCAS. Os byddwch yn derbyn y cynnig, bydd gennych le - yn amodol ar fodloni unrhyw amodau.
  • Os nad ydych am dderbyn eich lle, gallwch ei wrthod gan ddefnyddio UCAS a dechrau chwilio drwy Extra eto.
  • Os nad yn cael cynnig, gallwch ddechrau proses Extra eto a chadw i fynd nes i'r broses gau ar y 1af o Orffennaf, lle byddwch yn symud i mewn i'r broses Glirio.
Clirio

Myfyrwyn yn gweithio.

Does dim uchafswm i nifer y cyrsiau y gallwch wneud cais amdanynt drwy Extra, ond allwch chi ddim gwneud cais am fwy nag un ar y tro, felly fyddwch chi ddim yn gallu nodi dewis cyntaf a chynnig yswiriant fel yn y rownd gyntaf o geisiadau.

Os nad ydych wedi clywed gan gwrs ar ôl gwneud cais amdano drwy Extra, a hoffech wneud cais am un arall, gallwch dynnu cais Extra yn ôl unrhyw bryd. Ar ôl 21 diwrnod, gallwch ychwanegu dewis gwahanol ar unwaith. Cysylltwch â'r brifysgol neu'r coleg yn gyntaf i wneud yn siŵr nad oes cais ar y ffordd i chi.

Y campws o'r awyr.

Os ydych yn derbyn cynnig drwy Extra, rydych yn ymrwymo i'r brifysgol honno neu'r coleg hwnnw a bydd gennych le yn y sefydliad hwnnw os ydych yn bodloni amodau ei gynnig. Os nad ydych yn bodloni amodau ei gynnig, byddwch yn gymwys ar gyfer Clirio yn awtomatig.

Ni allwch wneud cais drwy Glirio oni bai nad oes gennych unrhyw gynigion, felly, byddai rhaid i chi ofyn am gael eich rhyddhau o'ch dewis cadarn cyn gallu gwneud cais drwy Glirio. Ond gall hyn gymryd hyd at 10 niwrnod ac ni fydd modd i chi newid eich meddwl, felly mae'n bwysig meddwl yn ofalus cyn ymrwymo.

Clirio