Rydw i'n wladolyn yr UE

Statws Sefydlog

Gall myfyrwyr o'r Undeb Ewropeaidd a fydd yn preswylio yng Nghymru* fel arfer gymhwyso am statws ffioedd dysgu 'cartref'.

Byddant yn derbyn cyllid israddedig llawn gan Gyllid Myfyrwyr Cymru (gan gynnwys benthyciad ffioedd dysgu, benthyciad cynhaliaeth a grantiau cynhaliaeth pan fo'n berthnasol) ar yr amod eu bod hefyd:

• Wedi preswylio fel arfer yn y Deyrnas Unedig am dair blynedd cyn dechrau'r cwrs.
• Wedi preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.

Byddant yn cael mynediad at y Benthyciad i Ôl-raddedigion ar yr amod eu bod hefyd:

• Wedi preswylio fel arfer yn y Deyrnas Unedig am dair blynedd cyn dechrau'r cwrs.
• Wedi preswylio fel arfer yng Nghymru ar ddiwrnod cyntaf blwyddyn academaidd gyntaf y cwrs.*

Gweler ein tudalen cyllid myfyrwyr 'Rydw i’n byw yng Nghymru' am y cyfraddau cyllid diweddaraf ar gyfer blwyddyn academaidd 2024/25.

E-bostia ni yn money.campuslife@swansea.ac.uk os oes gennyt gwestiynau ynglŷn â dy gyllid myfyriwr, a chysyllta â Chyllid Myfyrwyr Cymru am gadarnhad o dy hawl i gyllid ar 0300 200 4050 (ymholiadau israddedig) neu 0300 100 0494 (ymholiadau ôl-raddedig) ar 0141 243 3570 (ymholiadau gan fyfyrwyr o'r UE).

Statws Cyn-sefydlog

Gall myfyrwyr o'r Undeb Ewropeaidd sydd â statws Cyn-sefydlog a fydd yn preswylio yng Nghymru* gymhwyso am statws ffioedd dysgu 'cartref', benthyciad ffioedd dysgu a'r Benthyciad i Ôl-raddedigion.

Bydd myfyrwyr Cyllid Myfyrwyr Cymru sydd â statws Cyn-sefydlog ac sydd wedi preswylio yn y Deyrnas Unedig am 3 blynedd cyn dechrau'r cwrs, yn cael mynediad at gymorth llawn (ffioedd dysgu a chymorth cynhaliaeth); neu os ydych chi wedi preswylio yn y DU am lai na 3 blynedd gellir cael mynediad at gymorth ffïoedd dysgu yn unig, os ydych chi wedi bod mewn tiriogaethau tramor, yr Ardal Economaidd Ewropeaidd neu'r Swistir.

Gweler ein tudalen cyllid myfyrwyr 'Rydw i’n byw yng Nghymru' am y cyfraddau cyllid diweddaraf ar gyfer blwyddyn academaidd 2024/25.

E-bostia ni yn money.campuslife@swansea.ac.uk os oes gennyt gwestiynau ynglŷn â dy gyllid myfyriwr, a chysyllta â Chyllid Myfyrwyr Cymru am gadarnhad o dy hawl i gyllid ar 0300 200 4050 (ymholiadau israddedig) neu 0300 100 0494 (ymholiadau ôl-raddedig).

 * Mae'r rheoliadau i wladolion yr UE ynghylch preswylio fel arfer yn amrywio gan ddibynnu ar eu statws a'u hamser yn y Deyrnas Unedig. Cysyllta â Chyllid Myfyrwyr er mwyn trafod dy amgylchiadau unigol. 

Statws Sefydlog

Gall myfyrwyr o'r Undeb Ewropeaidd sydd â statws sefydlog a fydd yn preswylio yn Lloegr* fel arfer gymhwyso am statws ffioedd dysgu 'cartref'.

Byddent yn derbyn cyllid israddedig llawn gan gyllid myfyrwyr (gan gynnwys benthyciad ffioedd dysgu, benthyciad cynhaliaeth a grantiau cynhaliaeth pan fo'n berthnasol) ar yr amod eu bod hefyd:

• Wedi preswylio fel arfer yn y Deyrnas Unedig am dair blynedd cyn dechrau'r cwrs.
• Wedi preswylio fel arfer yn Lloegr ar ddiwrnod cyntaf blwyddyn academaidd gyntaf y cwrs.

Byddant yn cael mynediad at y Benthyciad i Ôl-raddedigion ar yr amod eu bod hefyd:

• Wedi preswylio fel arfer yn y Deyrnas Unedig am dair blynedd cyn dechrau'r cwrs.
• Wedi preswylio fel arfer yn Lloegr ar ddiwrnod cyntaf blwyddyn academaidd gyntaf y cwrs.*

Gweler ein tudalen cyllid myfyrwyr 'Rydw i’n byw yn Lloegr' am y cyfraddau cyllid diweddaraf ar gyfer blwyddyn academaidd 2024/25.

E-bostia ni yn money.campuslife@swansea.ac.uk os oes gennyt gwestiynau ynglŷn â dy gyllid myfyriwr, a chysyllta â Chyllid Myfyrwyr Lloegr am gadarnhad o dy hawl i gyllid ar 0141 243 3570 (ymholiadau gan fyfyrwyr o'r UE).

Os ydych chi'n aelod o deulu rhywun â statws preswyl sefydlog yn y DU ac rydych yn dechrau cwrs yn 2022/23, cysylltwch ag Arian@BywydCampws am ragor o wybodaeth.

Statws cyn-sefydlog

Gall myfyrwyr o'r Undeb Ewropeaidd sydd â statws Cyn-sefydlog sy'n preswylio yn Lloegr* gymhwyso am statws ffioedd dysgu 'cartref', benthyciad ffioedd dysgu a gallant gael mynediad at y Benthyciad i Ôl-raddedigion.

Os wyt ti'n fyfyriwr israddedig sy'n byw yn Lloegr â statws cyn-sefydlog, byddi di'n cymhwyso am gymorth ffioedd dysgu yn unig (dim benthyciad cynhaliaeth). Er mwyn cymhwyso am y cymorth hwn, rhaid dy fod wedi preswylio fel arfer yn y Deyrnas Unedig, Gibraltar, yr Ardal Economaidd Ewropeaidd neu'r Swistir am y 3 blynedd cyn diwrnod cyntaf blwyddyn academaidd gyntaf dy gwrs.

Gall myfyrwyr ôl-raddedig â statws cyn-sefydlog sy'n preswylio yn Lloegr gael mynediad at y Benthyciad i Ôl-raddedigion. Er mwyn cymhwyso am y cymorth hwn, rhaid eu bod wedi preswylio fel arfer yn y Deyrnas Unedig, Gibraltar, yr Ardal Economaidd Ewropeaidd neu'r Swistir am y 3 blynedd cyn diwrnod cyntaf blwyddyn academaidd gyntaf eu gwrs.

E-bostia ni yn money.campuslife@swansea.ac.uk os oes gennyt gwestiynau ynglŷn â dy gyllid myfyriwr, a chysyllta â Chyllid Myfyrwyr Lloegr am gadarnhad o dy hawl i gyllid ar 0141 243 3570 (ymholiadau gan fyfyrwyr o'r UE).

 * Mae'r rheoliadau i wladolion yr UE ynghylch preswylio fel arfer yn amrywio gan ddibynnu ar eu statws a'u hamser yn y Deyrnas Unedig. Cysyllta â Chyllid Myfyrwyr er mwyn trafod dy amgylchiadau unigol. 

Mae darpariaethau yn Nghytundeb yr Ardal Deithio Gyffredin yn atal trin gwladolion Iwerddon yn llai ffafriol na Dinasyddion yr UE/yr Ardal Economaidd Ewropeaidd. Felly:

• Caiff Dinasyddion Iwerddon eu hystyried yn 'sefydlog' cyn gynted ag y byddant yn cyrraedd y Deyrnas Unedig - nid oes angen cyflwyno cais i ymsefydlu drwy Gynllun Anheddu'r UE.
• Os byddi di'n 'preswylio fel arfer' yn y Deyrnas Unedig a'r ynysoedd am 3 blynedd cyn diwrnod cyntaf blwyddyn academaidd gyntaf dy gwrs, cei di dy ariannu’n  llawn gan gyllid myfyrwyr. Mae hyn yn golygu y byddi di'n derbyn statws ffioedd 'cartref', mynediad at fenthyciadau ffioedd dysgu a grantiau pan fo'n berthnasol, a mynediad at Fenthyciad i Ôl-raddedigion.
• Os wyt ti wedi 'preswylio fel arfer' yn y Deyrnas Unedig a'r ynysoedd am lai na 3 blynedd cyn diwrnod cyntaf blwyddyn academaidd gyntaf dy gwrs, ond rwyt ti wedi preswylio yn yr Ardal Deithio Gyffredin neu yn yr Ardal Economaidd Ewropeaidd a'r Swistir, byddi di'n gymwys am statws ffioedd 'cartref' ac yn gallu cael mynediad at gymorth ffioedd dysgu ar gyfer astudiaethau israddedig yn unig, a byddi di'n cael mynediad at y Benthyciad i Ôl-raddedigion.
• E-bostia ni er mwyn trafod dy amgylchiadau unigol: money.campuslife@swansea.ac.uk. 

Efallai byddi di'n gymwys os wyt ti:

• yn hanu o'r UE ac mae gennyt ti hawliau wedi'u diogelu
• wedi byw yn y DU, Gibraltar, yr Ardal Economaidd Ewropeaidd a'r Swistir am y tair blynedd cyn diwrnod cyntaf blwyddyn academaidd cyntaf y cwrs
• ac rwyt ti'n dod i'r DU i ddilyn cwrs,

Byddai angen i ti gyflwyno cais yn nhiriogaeth y DU lle rwyt ti'n astudio'r cwrs. Cysyllta â'r darparwr cyllid perthnasol er mwyn trafod dy amgylchiadau unigol a dy gymhwystra.

Gallai grwpiau penodol o fyfyrwyr dderbyn statws ffioedd cartref ac efallai bydd modd iddynt gael mynediad at gymorth ariannol statudol gan gyllid myfyrwyr. Enghreifftiau:

• Gwladolion y Deyrnas Unedig ac aelodau eu teuluoedd sy'n byw yn yr Ardal Economaidd Ewropeaidd a'r Swistir.
• Aelodau o deuluoedd gwladolion y Deyrnas Unedig sy'n byw yn y Deyrnas Unedig.
• Gwladolion y Deyrnas Unedig a'r Undeb Ewropeaidd sy'n preswylio yn Gibraltar.
• Gwladolion y Deyrnas Unedig sy'n preswylio mewn Tiriogaethau Prydain Dramor eraill.
• Myfyrwyr sy'n byw yn y tiriogaethau sy'n ddibynnol ar y Goron.

Mae lefelau cymorth yn amrywio yn ôl amgylchiadau fel statws preswylio. Cysyllta ag Arian@BywydCampws am gyngor ac arweiniad ychwanegol os wyt ti'n credu y gallai fod hawl gennyt ti i gael mynediad at gyllid myfyrwyr: money.campuslife@abertawe.ac.uk.