Sut i dderbyn eich cynnig

Mae cynnig amodol yn golygu y byddwn yn cynnig lle i chi os byddwch yn bodloni amodau penodol, sydd fel arfer yn seiliedig ar eich arholiadau.

Fel arfer mynegir ein cynigion ar sail graddau Safon Uwch, neu gymwysterau cyfwerth, gan ddibynnu ar ba gymwysterau byddwch yn eu sefyll. Efallai y gofynnir i chi gyflawni graddau penodol mewn pynciau penodol.

Gweld ein Termau a Thelerau ar Gynigion.

Gallem ni neu gallwch chi dynnu cynnig yn ôl. Bydd y rheswm yn cael ei arddangos ar eich Hyb UCAS. Efallai y bydd cynnig yn cael ei dynnu'n ôl gennym oherwydd na wnaethoch ymateb i negeseuon e-bost neu lythyrau gennym ni, yn gofyn am wybodaeth bwysig, neu os na ddaethoch chi i gyfweliad ar gyfer cwrs sy'n gofyn amdano.

Mae hyn yn golygu, yn anffodus, ein bod wedi penderfynu peidio â chynnig lle i chi.

Mae amrywiaeth o resymau dros wrthod lle ar gwrs, megis bod y cwrs yn llawn, felly efallai nad oedd hyn oherwydd ansawdd eich cais. Os hoffech ddarganfod pam fod eich cais yn aflwyddiannus, cysylltwch â ni a byddwn yn ceisio rhoi adborth defnyddiol i chi a allai helpu gyda cheisiadau yn y dyfodol.

Pan fyddwch wedi clywed gan bob prifysgol y gwnaethoch ymgeisio iddynt, bydd UCAS yn gofyn i chi gyfyngu'ch dewisiadau gwreiddiol i ddau ddewis terfynol – dewis 'Cadarn' a dewis 'Yswiriant'.

Os byddwch yn cael dau gynnig neu fwy, dylech ystyried cadw cynnig Yswiriant sydd â gofynion graddau is na'ch dewis Cadarn. Os byddwch yn methu  bodloni gofynion eich dewis Cadarn, ond wedi derbyn cynnig Yswiriant addas, byddwch yn sicrhau lle mewn prifysgol o hyd.

Nid oes rhaid i chi gael dewis yswiriant, ond mae cael dewis arall yn synhwyrol.

Dylai'ch dewis Cadarn fod ar gyfer y brifysgol rydych yn ei hystyried fel y lle gorau i chi, nid y cynnig uchaf o reidrwydd. Dylai'ch dewis Yswiriant hefyd fod ar gyfer prifysgol y byddech yn hapus i fyw ac astudio ynddi.

Argymhellwn:

• Ddod i ymweld â ni ar Ddiwrnod Agored a drefnwyd neu'n anffurfiol, os nad ydych chi eisoes wedi gwneud hynny. Siarad â myfyrwyr presennol a'r staff academaidd os yw'n bosib, a dod i brofi awyrgylch Abertawe.
• Bod yn realistig ynghylch y graddau y byddwch yn eu cael; os ydych yn dewis cynnig Yswiriant, gwnewch yn siŵr bod y gofynion yn is na rhai eich cynnig Cadarn.
• Mynd i Wefan UCAS am wybodaeth am y weithdrefn ymgeisio a chyngor defnyddiol.
• Siarad â'ch teulu, eich athrawon, eich ymgynghorwyr a'ch ffrindiau am eich opsiynau.
• Cysylltwch â ni os hoffech unrhyw wybodaeth arall a allai eich helpu i benderfynu.

Bydd angen i chi roi gwybod i UCAS pa ddau gwrs rydych yn eu dewis gan ddefnyddio'ch cyfrif UCAS. Pan fyddwch wedi gwneud hyn, bydd UCAS yn gwrthod eich holl gynigion eraill ar eich rhan.

Os yw hyn wedi’i gynnwys yn eich cynnig, mae angen i chi anfon tystiolaeth o’ch canlyniadau atom cyn dechrau’r tymor. Fel arfer, byddwn angen copïau o’ch cymwysterau uchaf ar Lefel 3 - fel arfer Safon Uwch, cymwysterau BTEC neu Ddiplomâu Mynediad i Addysg Uwch.

Anfonwch nhw drwy e-bost i admissions@swansea.ac.uk, gan ddyfynnu eich ID UCAS. Gallwn dderbyn copïau PDF neu luniau clir a darllenadwy.

Mae’r rhain yn ofynion ar gyfer llawer o gyrsiau proffesiynol, yn enwedig - ond nid yn unig - rhaglenni sy’n ymwneud â gofal iechyd.

Os ydych chi wedi derbyn cynnig gan Brifysgol Abertawe sy’n cyfeirio at y gwiriadau hyn, bydd y Tîm Derbyniadau yn cysylltu â chi gyda rhagor o wybodaeth yn ystod y gwanwyn cyn i chi ddechrau ar eich astudiaethau.

Rydyn ni’n hapus i ystyried ceisiadau am fynediad wedi’i ohirio ar gyfer y rhan fwyaf o gyrsiau. Mae rhai eithriadau - fel Meddygaeth i Raddedigion, a rhai rhaglenni proffesiynol eraill. Mae hyn oherwydd y gystadleuaeth ddwys yn y meysydd hyn am nifer fach iawn o leoedd.

Ar gyfer pob cwrs arall, mae croeso i chi ofyn am fynediad wedi’i ohirio, ond cysylltwch â ni cyn gynted ag y byddwch yn penderfynu cymryd blwyddyn allan, fel y gallwn gynnig eich lle i ymgeisydd arall.

Gweler ein tudalennau gwe Llety i gael rhagor o wybodaeth am sut i ymgeisio a'r mathau o lety sydd ar gael.

Os ydych wedi newid pynciau arholiad o'r rhai a restroch ar eich ffurflen gais, cysylltwch â'r Swyddfa Derbyn Myfyrwyr i roi gwybod i ni. Os na fyddwch yn rhoi gwybod i ni, caiff eich cais ei oedi yn yr haf pan gyhoeddir eich canlyniadau wrth i ni geisio dod o hyd i'r canlyniad arholiad sydd ar goll. Gallai hyn gael effaith ar eich dewis o lety os bydd oedi wrth gadarnhau eich lle.

Os oes unrhyw amgylchiadau eithriadol neu liniarol sydd wedi effeithio ar eich astudiaethau neu’ch arholiadau yr hoffech ddweud wrthym amdanynt, anfonwch e-bost atom yn gyntaf yn admissions@swansea.ac.uk, gan gynnwys eich ID UCAS.

Byddwn bob amser yn ceisio ystyried unrhyw heriau neu amgylchiadau rydych wedi’u hwynebu yn ystod y broses gwneud penderfyniadau, yn ogystal ag ar ddiwrnod y canlyniadau ei hun.

Does dim angen aros nes eich bod yn gwybod canlyniadau eich arholiadau cyn ymgeisio am gymorth ariannol. Darllenwch ein tudalennau Ffïoedd a Chyllid am ragor o wybodaeth.

Fel arfer, mae prifysgolion yn dweud eu bod yn gwneud cynnig diamod oherwydd bod cais yr ymgeisydd wedi creu argraff arnynt. Er bod cynnig o'r fath yn gallu rhoi hwb i'ch hunanhyder, byddem yn eich argymell i feddwl pam y mae Prifysgol yn ymddwyn fel hyn. Yn y sefyllfa hon, rydych yn cael eich gwahodd i gofrestru ar raglen radd heb orfod dangos cyflawniad blaenorol na sylfaen gwybodaeth berthnasol yn y pwnc. Mae hyn yn dweud llawer am y brifysgol a'i diffyg hyder yn ei gallu i ddenu myfyrwyr cryf.

Er y gall roi tawelwch meddwl i ymgeiswyr wrth wybod bod un o'u dewisiadau UCAS yn fodlon rhoi cynnig diamod iddynt, mae'n bwysig meddwl yn ofalus am oblygiadau derbyn cynnig dan yr amgylchiadau hyn.

Wrth benderfynu ar ba gynnig neu gynigion i'w derbyn, rydym yn annog myfyrwyr i seilio eu penderfyniadau yn bennaf ar y cwrs a'r brifysgol sy'n cynnig y cyfle tymor hir gorau iddynt, yn hytrach nag ar warant awtomatig o le.

Peidiwch â chynhyrfu. Yn Abertawe, rydyn ni’n falch o’n hymagwedd hyblyg.

Rydyn ni’n gwneud cynigion pan fyddwn yn teimlo bod ymgeiswyr yn dangos eu bod yn gallu bodloni ein gofynion mynediad ac yn debygol o lwyddo ar eu cwrs dewisol.

Os byddwch yn derbyn Abertawe fel eich dewis cadarn ond yn methu â chyflawni amodau eich cynnig, byddwn yn gwneud popeth o fewn ein gallu i ystyried a allwn eich derbyn beth bynnag. Bydd ein Dewiswyr Derbyniadau yn ailystyried eich cais, gan gynnwys eich datganiad personol a datganiad eich canolwr, i weld a allwn barhau i gynnig lle i chi - os nad ar y cwrs gwreiddiol, yna ar gwrs amgen yr ydym yn teimlo fyddai’n addas i chi. Os bydd hyn yn berthnasol i chi ar Ddiwrnod Canlyniadau Lefel A, byddwn yn rhoi gwybod i chi yn gynnar y bore hwnnw drwy e-bost.

Rydyn ni’n gwerthfawrogi’r ymrwymiad y mae myfyriwr yn ei wneud wrth ddewis dal Abertawe fel dewis cadarn neu ddewis yswiriant, ac yn cydnabod bod yr ymgeiswyr hyn wedi ymchwilio’n drylwyr i’w hopsiynau a’u dewisiadau UCAS.