Sut i wneud cais

Os ydych chi'n cyflwyno cais am radd israddedig amser llawn , mae'n rhaid i chi wneud hyn drwy UCAS, y Gwasanaeth Derbyn y Prifysgolion a'r Colegau. Dylech chi hefyd ddefnyddio UCAS os ydych chi'n dymuno trosglwyddo o un brifysgol i’r llall.

Cwblhau eich cais UCAS

Cofiwch:

• Gallwch chi gyflwyno cais ar-lein yn ucas.com
• Ein henw a’n côd sefydliad UCAS yw SWAN S93
• Gallwch chi adael côd y campws yn wag
• Y dyddiad cau ar gyfer cyrsiau sy'n dechrau yn 2026 yw 14 Ionawr 2026 am 6yp, er y byddwn yn ystyried ceisiadau ar ôl y dyddiad hwn ar gyfer y rhan fwyaf o gyrsiau.

Dod o Hyd i Gymorth:

Gall y ffynonellau canlynol eich helpu gyda'r broses cyflwyno cais:

• Eich ysgol neu goleg
• Sut i gyflwyno cais (UCAS)
• Ymgynghorwyr gyrfaoedd
• Neu e-bostiwch ein Tîm Derbyn Myfyrwyr os oes gennych chi gwestiynau

Fel myfyriwr rhyngwladol, gallwch chi gyflwyno cais i ni'n uniongyrchol, yn rhad ac am ddim.

I ddod o hyd i wybodaeth am ofynion mynediad, ewch i dudalen eich gwlad lle gallwch chi hefyd ddod o hyd i wybodaeth am ffïoedd dysgu a symud i Abertawe.

Mae hefyd rhagor o wybodaeth ddefnyddiol am Adran Ryngwladol ein gwefan.

Mae disgrifiadau manwl am gyrsiau ar ein tudalennau cyrsiau. Porwch ein A i Y o gyrsiau i ddod o hyd i'ch cwrs. Gallwch chi hefyd weld a lawrlwytho copi o'n prosbectws digidol ar ein tudalen we prosbectws israddedig, lle gallwch chi wneud cais i gael copi argraffedig wedi'i anfon atat yn y post.

Fe welwch chi ofynion mynediad ar ein tudalennau cwrs. Rydyn ni’n derbyn ystod eang o gymwysterau, rhai sydd efallai heb eu rhestru ar ein tudalen cwrs. Os ydych chi’n ansicr, cysylltwch â’n Swyddfa Derbyn i wirio.

Rydym yn hapus i ystyried ceisiadau i ohirio mynediad ar gyfer y rhan fwyaf o raglenni israddedig. Ceir rhai eithriadau, yn benodol ar gyfer cyrsiau mwy cystadleuol, megis Meddygaeth i Raddedigion.

Ar gyfer pob cwrs arall, mae croeso i chi wneud cais trwy UCAS am gwrs sy’n dechrau’r flwyddyn ganlynol, neu gallwch wneud cais am fynediad gohiriedig yn ystod y cylch ymgeisio.

Os byddwch o dan 18 oed adeg y derbyn, mae gennym ddyletswydd gofal sy’n golygu bod angen cyflawni rhai gweithdrefnau cyfreithiol. Sylwch, mewn rhai achosion, efallai na fydd cynnwys y cwrs yn addas i rai o dan 18, sy’n golygu efallai na fyddwn yn gallu gwneud cynnig i chi.

Os ydych yn bwriadu dechrau ym Mhrifysgol Abertawe cyn eich pen-blwydd yn 18 oed, bydd angen i chi a’ch rhiant/gwarcheidwad lofnodi datganiad. Rhaid i’r Brifysgol hefyd gyhoeddi caniatâd ffurfiol i chi astudio eich cwrs dewisol cyn i chi droi’n 18. Byddwn yn anfon e-bost atoch gyda’r gofynion manwl unwaith y byddwch wedi cyflwyno eich cais.

Nid oes uchafswm oedran, er bod gennym gyfrifoldeb i sicrhau bod y buddsoddiad gan arian cyhoeddus ar gyfer hyfforddiant y GIG ar gyrsiau penodol yn cael ei wireddu o ran hyd gwasanaeth posib yn y gwasanaeth iechyd ar ôl graddio.

Croesewir eich cais p'un a ydych chi'n dod yn uniongyrchol o'r ysgol neu’r coleg neu beidio - efallai eich bod eisiau dychwelyd i fyd addysg yn hwyrach yn eich bywyd, y mae llawer o bobl yn tueddu ei wneud pan fydd yr amser yn gywir iddynt.

Efallai y byddwn yn gofyn i chi ddarparu gwybodaeth ychwanegol megis trawsgrifiadau, geirda academaidd (os nad yw wedi'i ddarparu eisoes) neu wybodaeth am gymwysterau amgen sydd gennych. Wrth ddarparu'r wybodaeth hon, gwnewch yn siŵr eich bod yn cynnwys eich Rhif Adnabod Personol UCAS a'r cwrs/cyrsiau rydych chi wedi cyflwyno cais amdano.

Os ydych chi'n dymuno anfon mwy o wybodaeth am newid mewn amgylchiadau, newid i gymwysterau academaidd, neu fanylion ynglŷn ag amgylchiadau eithriadol a all effeithio ar eich cais, gofynnwn i chi gynnwys eich Rhif Adnabod Personol a manylion y cwrs hefyd.

Byddwn yn ystyried ceisiadau ar gyfer mynediad at yr ail flwyddyn ar sail achos unigol ar gyfer y rhan fwyaf o raglenni, os oes lleoedd ar gael.

Os hoffech chi gyflwyno cais am fynediad at yr ail flwyddyn, mae'n bwysig eich bod yn darparu cymaint o wybodaeth â phosib i ni ymlaen llaw. Fel arfer, os ydych chi'n trosglwyddo o brifysgol arall, bydd angen i ni weld manylion am yr holl fodiwlau rydych chi'n eu hastudio yn eich prifysgol bresennol. Fel hyn, gallwn sicrhau y byddwch chi'n gallu symud yn ddidrafferth i'n hail flwyddyn.

Os oes gennych anabledd, cyflwr meddygol neu anhawster dysgu penodol, byddwn yn cysylltu â chi ar ôl i chi wneud cais, fel y gallwn sicrhau ein bod yn rhoi’r cymorth sydd ei angen arnoch drwy gydol eich astudiaethau.

Rydym yn ymroddedig i gyfleoedd cyfartal i bawb, ac ni fydd unrhyw gyflwr yr ydych chi'n ei datgelu i ni'n effeithio ar eich gallu i ymuno â'r Brifysgol, rydym yn gofyn er mwyn i ni ddarparu'r lefel briodol o gymorth i chi.

Mae gofyn i fyfyrwyr ddatgelu collfarnau yn unol â'n Polisi Collfarnau Troseddol. Bydd gofyn i fyfyrwyr nad ydynt yn astudio ar gyrsiau rheoleiddiol sy'n cynnwys gweithio gyda phlant a/neu oedolion sy'n agored i niwed ddarparu manylion neu gollfarnau heb eu disbyddu. Gofynnir am yr wybodaeth hon ar ôl gwneud cynnig.

Rydym yn cynnal nifer o ddiwrnodau agored drwy gydol y flwyddyn ac anogir pawb i fynychu! Dyma'r ffyrdd orau o gael profiad uniongyrchol o'r brifysgol, a fydd yn eich galluogi i gael blas go iawn ar Abertawe, a dewis ai dyma'r lle iawn i chi.

Os nad ydych chi'n gallu ymweld â’r Brifysgol ar un o’r diwrnodau penodol, mae croeso i chi ymweld â’r Brifysgol yn annibynnol ar unrhyw adeg, gan nad yw mynediad i’r Brifysgol yn gyfyngedig. Mae pecyn taith hunandywysedig ar gael, e-bostiwch y Swyddfa Recriwtio Myfyrwyr  i wneud cais am un.

Mae’r ffïoedd ar gyfer astudio ym Mhrifysgol Abertawe yn dod o dan dri chategori:

• Cartref
• Rhyngwladol

Categorïau penodol yn unig o fyfyrwyr fydd yn talu’r ffi i fyfyrwyr cartref. Mae statws ffïoedd yn dibynnu ar sawl ffactor; gan gynnwys cenedligrwydd, statws mewnfudo a hanes preswylio.

Nid yw byw yn y DU am dair blynedd, ar ei ben ei hun, yn golygu y byddwch chi'n gymwys i dalu fïioedd ‘cartref’.

I weld a ydych chi'n perthyn i unrhyw un o'r categorïau hyn, ewch i wefan UKCISA sy'n cynnwys cyngor ac arweiniad arbenigol ar bynciau allweddol sy'n gysylltiedig ag addysg ryngwladol.

Os ydych chi’n dal yn ansicr pa gategori ffioedd rydych chi’n perthyn iddo, byddem yn eich annog i gyflwyno cais llawn. Byddwn yn defnyddio’r wybodaeth a ddarperir yn y cais hwn i gwblhau asesiad ffioedd llawn. Mewn rhai achosion, efallai y bydd angen i ni gysylltu â chi am ragor o wybodaeth i’n helpu i gadarnhau hyn.

Bendant! Mae Prifysgol Abertawe'n cynnig amrywiaeth o ysgoloriaethau ar gyfer cyflawniad academaidd a chwaraeon, yn ogystal â llawer o ysgoloriaethau adrannol penodol.

Os nad ydych yn hapus gyda’n cynnig, neu os ydych yn teimlo nad yw’n un y gallwch ei gyrraedd, cysylltwch â ni. Rydyn ni’n hapus i drafod cynigion ag ymgeiswyr ar ôl iddynt gael eu gwneud, ac yn croesawu’r cyfle i roi ystyriaeth ychwanegol i unrhyw amgylchiadau nad oeddent wedi’u datgelu ar eich cais cychwynnol, er enghraifft.

Os nad oedd eich cais yn llwyddiannus ac yr hoffech adborth, byddem yr un mor awyddus i’ch annog i gysylltu â ni. Byddem yn hapus i drafod beth y gallech ei wneud i gefnogi unrhyw gais yn y dyfodol.