Cyrsiau Ôl-raddedig a ddysgir yn dod yn fuan

Disgrifiad

Wrth i faich clefydau sy'n ymwneud ag anweithgarwch corfforol roi straen cynyddol ar y GIG a darparwyr gofal iechyd eraill, mae'r galw am raddedigion â sgiliau mewn gwyddor ymarfer corff a ffisioleg glinigol yn cynyddu.

Bydd yr MSc mewn Ffisioleg Ymarfer Corff Glinigol ym Mhrifysgol Abertawe’n galluogi myfyrwyr i feithrin yr wybodaeth a'r ddealltwriaeth hollbwysig sy'n deillio o ymchwil, ynghyd â'r amrywiaeth eang o sgiliau cymhwysol ac ymarferol y bydd eu hangen arnynt i weithio gyda chleifion i optimeiddio iechyd, gweithrediadau corfforol ac ansawdd bywyd drwy weithgarwch corfforol ac ymarfer corff. Yn benodol, bydd myfyrwyr yn dysgu sut i gynllunio, cynnal a dehongli amrywiaeth o asesiadau iechyd a ffitrwydd sy'n benodol i glefydau, yn ogystal â chynllunio a darparu ymyriadau gweithgarwch corfforol ac ymarfer corff sy'n seiliedig ar dystiolaeth, ac yn cefnogi cleifion i hyrwyddo newid ystyrlon yn eu hymddygiad, er mwyn optimeiddio'r broses o atal a thrin amrywiaeth o gyflyrau iechyd cymhleth a'u rheoli yn y tymor hir.  

Yna bydd myfyrwyr yn debygol o gael yr opsiwn i gwblhau modiwl lleoliadau clinigol neu ymgymryd â thraethawd hir ymchwil, gan ddibynnu ar eu dyheadau gyrfaol yn y dyfodol.  

Yn y pen draw, bydd y cwrs MSc hwn yn meithrin yr wybodaeth a'r sgiliau y bydd eu hangen ar fyfyrwyr i gael gyrfa lwyddiannus yn gweithio fel Ffisiolegydd Ymarfer Corff Clinigol mewn amrywiaeth o leoliadau gofal iechyd a/neu ymchwil.  

Pynciau sy'n Debygol o Gael eu Trafod

Bydd gan yr MSc bwyslais ymarferol trwm a bydd yn datblygu cymwyseddau ymarferol myfyrwyr mewn amrywiaeth eang o fesuriadau ffisiolegol a ffenoteipaidd sy'n ymwneud â gwyddor ymarfer corff glinigol a gweithgarwch corfforol.

Bydd myfyrwyr yn ymdrin ag amrywiaeth o gyflyrau cronig, gan gynnwys clefydau cardiofasgwlaidd, cyflyrau metabolaidd megis diabetes math 1 a math 2, cyflyrau cyhyrysgerbydol (e.e. arthritis, sarcopenia), cyflyrau niwrolegol (e.e. strôc, sglerosis ymledol) a chanser.

Ym mhob achos, bydd myfyrwyr yn dysgu am y canlynol:

• Pathoffisioleg y clefyd
• Asesu statws iechyd a'r gallu i weithredu, yn ogystal â sgrinio a phennu lefel risg.
• Ymatebion ffisiolegol i weithgarwch corfforol ac ymarfer corff cronig ac acíwt a sut gallai'r clefyd newid y rhain.
• Cynllunio a darparu ymyriadau priodol ar sail gweithgarwch corfforol ac ymarfer corff
• Sut i hyrwyddo newid ymddygiad effeithiol

Bydd myfyrwyr hefyd yn datblygu eu sgiliau meddwl yn feirniadol drwy ystyried materion cyfoes a themâu ymchwil sy'n ymwneud â gwyddor/ffisioleg ymarfer corff glinigol.  

Dyddiad Cychwyn Bwriededig

Medi 2025

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae'r rhaglen hon yn archwilio dadleuon academaidd, polisi ac ymarfer ym maes penodol niwed rhyweddol, gan ystyried materion cyfoes o sawl safbwynt disgyblaethol. Mae ffocws y rhaglen hon ar ddeall ac ymateb i niwed rhyweddol ar flaen y gad o ran materion polisi ac ymarfer a dadleuon academaidd cyfredol, megis niwed rhyweddol a hwylusir gan dechnoleg, ymyriadau i gyflawnwyr, ymgysylltu â dynion a bechgyn, a chasineb at fenywod ar-lein.

Mae'r rhaglen hefyd yn mynd i'r afael â dadleuon ynghylch sut y gallwn ddatblygu ymyriadau wedi'u llywio gan ddamcaniaeth a gwella galluoedd ymchwil yn y maes hwn i gynhyrchu tystiolaeth o ansawdd uwch am "yr hyn sy'n gweithio" i leihau a dileu niwed rhyweddol.

Ethos canolog yr addysgu fydd eich cyfranogiad mewn datblygiadau blaengar er budd y cyhoedd, wedi'u creu gan staff sy'n ymwneud â darparu'r rhaglen hon; er enghraifft, datblygu technegau Realiti Rhithwir arloesol fel ymateb cyntaf i niwed a thrawma ar sail rhywedd i greu senarios hyfforddi rhithwir sy'n rhy beryglus neu gymhleth i'w hail-greu mewn sefyllfaoedd bywyd go iawn.

Cewch gyfle unigryw i gymryd rhan yn y datblygiadau hyn a chael eich annog i gymhwyso'ch dysgu ac archwilio sut i fynd i'r afael â gwahanol fathau o drais ar sail rhywedd yn eich cymunedau eich hun. Yn ei ffurfiau amrywiol, mae trais ar sail rhywedd yn peri pryderon cynyddol y mae llywodraethau yn y DU ac yn rhyngwladol wedi ymrwymo i fynd i'r afael â hwy, gan sicrhau rhagolygon cryf i raddedigion.

Pynciau sy'n Debygol o Gael eu Trafod

Bydd y rhaglen yn cyfuno cynnwys damcaniaethol, empirig a chymhwysol i archwilio sut y gellir esbonio, profi, ymchwilio a herio profiadau rhyweddol o gamdriniaeth a thrais mewn cyd-destunau lleol a byd-eang.

Yn seiliedig ar safbwyntiau beirniadol ar gysylltiadau pŵer rhyweddol, bydd fframwaith y rhaglen yn ehangu'r safbwyntiau i ni ddeall natur amrywiol niwed rhyweddol, gan flaenoriaethu dulliau croestoriadol a rhyngddisgyblaethol.

Byddwch yn datblygu dealltwriaeth feirniadol, uwch a chynnil o ddamcaniaethau ffeministaidd perthnasol o rywedd, trais a niwed, yn ogystal ag epistemolegau ffeministaidd a dulliau moesegol ar gyfer cynnal ymchwil i niwed rhyweddol.

Mae'r rhaglen yn ystyried ffurfiau newydd o drais a niwed rhyweddol, a'r ymatebion polisi ac ymarfer allweddol iddynt mewn cyd-destunau lleol a byd-eang. Byddwch hefyd yn dysgu datblygu, gweithredu a gwerthuso ymyriadau arloesol i niwed rhyweddol wedi'u llywio gan ddamcaniaeth.

Dyddiad Cychwyn Bwriededig

Medi 2025

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

MSc yn y Gwyddorau Meddygol yw'r astudiaeth a'r ymchwil integredig o ddisgyblaethau gwyddonol, megis biocemeg, microbioleg, bioleg foleciwlaidd, genomeg, imiwnoleg a nanofeddygaeth i fynd i'r afael â heriau ym maes gofal iechyd, diagnosio, triniaeth ac iechyd y cyhoedd.Mae natur ryngddisgyblaethol y gwyddorau biofeddygol yn tanlinellu eu pwysigrwydd wrth ddatblygu gwybodaeth feddygol a gwella effeithiolrwydd ymyriadau gofal iechyd, gan gyfuno'r disgyblaethau hyn.

Nod gyffredinol y cwrs hwn yw galluogi myfyrwyr i ddatblygu'n bersonol ac yn broffesiynol, er mwyn meithrin gwyddonwyr a fydd yn ddadansoddol, yn bendant, yn greadigol, yn ddiogel, yn hyderus ac yn benderfynol, gan groesawu newid a datblygu'n arweinwyr ac yn ddefnyddwyr ymchwil. Mae'r rhaglen wedi cael ei datblygu mewn cydweithrediad â themâu ymchwil yr Ysgol Feddygaeth (Biofarcwyr a genynnau; Microbau ac Imiwnedd;Technolegau Meddygol) fel llwybr i ymchwil ôl-raddedig bellach a'r diwydiant. Caiff y cwrs ei ddylunio fel bod ganddo ymagwedd at gymhwyso egwyddorion gwyddonol a thechnegau ymchwil sy'n canolbwyntio ar ymchwil er mwyn datblygu atebion ymarferol ar gyfer deall a rheoli clefydau, datblygu cyffuriau a mentrau iechyd y cyhoedd.

Mae ethos y rhaglen ôl-raddedig hon yn amlddisgyblaethol ac yn rhyngddisgyblaethol a bydd yn rhoi'r sgiliau y mae eu hangen ar fyfyrwyr ôl-raddedig i ymgymryd ag astudiaethau ôl-raddedig pellach e.e. PhD, a chyfleoedd am gyflogaeth ar draws y sectorau cyhoeddus a phreifat sy'n gysylltiedig ag ymchwil a datblygu mewn meysydd megis gofal iechyd,  diagnosteg a datblygu cyffuriau.

Pynciau sy'n Debygol o Gael eu Trafod

• Sgiliau Ymchwil
• Biocemeg
• Microbioleg
• Imiwnoleg
• Bioleg Foleciwlaidd
• Geneteg
• Genomeg
• Nanofeddygaeth
• Ffarmacoleg

Dyddiad Cychwyn Bwriededig

Medi 2025

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae'r rhaglen MSc Seicoleg (Trosiad)  ar gyfer graddedigion sydd â gradd mewn pwnc heblaw seicoleg ac sy'n dymuno ennill cymhwyster cydnabyddedig mewn seicoleg sy'n eich gwneud yn gymwys am Aelodaeth i Raddedigion (GBC) Cymdeithas Seicolegol Prydain (BPS). Mae'r gydnabyddiaeth hon yn ofyniad ar gyfer dilyn rolau proffesiynol fel seicolegydd (e.e. clinigol, addysgol, fforensig, iechyd, etc) yn y DU.

Mae'r rhaglen yn ymdrin â'r meysydd craidd mewn seicoleg sy'n ofynnol gan y BPS, megis gwahaniaethau gwybyddol, cymdeithasol, datblygiadol, biolegol, unigol, a dulliau ymchwil. Yna mae'n rhoi enghreifftiau o sut mae'r meysydd hyn yn cael eu defnyddio mewn ymchwil ac ymarfer proffesiynol drwy gyfres o 'ddosbarthiadau meistr' arbenigol. Mae'r rhaglen yn mabwysiadu dull dysgu ac addysgu sy'n canolbwyntio ar fyfyrwyr ac yn seiliedig ar dystiolaeth, gan ddefnyddio amrywiaeth o ddulliau gan gynnwys darlithoedd, seminarau, gweithdai, tiwtorialau, adnoddau ar-lein ac astudio annibynnol.

Fel rhan o'r rhaglen, bydd myfyrwyr hefyd yn cwblhau darn sylweddol o ymchwil wreiddiol, dan oruchwyliaeth aelod staff academaidd, mewn maes seicoleg gyfoes.

Pynciau sy'n Debygol o Gael eu Trafod

Nod y rhaglen yw rhoi addysg gynhwysfawr a thrylwyr i fyfyrwyr mewn seicoleg, gan roi'r wybodaeth, y sgiliau a'r gwerthoedd iddynt ddod yn feddylwyr beirniadol a myfyriol, yn ymarferwyr moesegol a chymwys, ac yn ddysgwyr gydol oes.

Mae'r rhaglen wedi'i llywio gan yr ymchwil ddiweddaraf mewn seicoleg, yn ogystal â safonau proffesiynol a chanllawiau'r BPS, ac mae wedi'i chynllunio i alluogi myfyrwyr i integreiddio damcaniaeth ac ymarfer proffesiynol mewn seicoleg ac i gymhwyso eu gwybodaeth a'u sgiliau i broblemau'r byd go iawn.

Dan arweiniad seicolegwyr cymwys a phrofiadol sy'n cymryd rhan weithredol mewn ymchwil ac ymarfer proffesiynol, mae'r rhaglen yn annog myfyrwyr i weld sut mae seicoleg yn gysylltiedig ag ymchwil gyfoes a llwybrau seicoleg broffesiynol. 

Mae'r rhaglen yn meithrin sgiliau myfyrwyr o ran meddwl yn feirniadol, datrys problemau, cyfathrebu, gwaith tîm a hunanreolaeth, yn ogystal â'u hymwybyddiaeth foesegol a'u cyfrifoldeb cymdeithasol. Bydd y sgiliau a'r priodoleddau hyn yn paratoi myfyrwyr ar gyfer astudiaethau pellach, ymchwil neu ymarfer proffesiynol mewn seicoleg, yn ogystal ag amrywiaeth o yrfaoedd mewn sectorau a diwydiannau eraill. 

Dyddiad Cychwyn Bwriededig

Medi 2025

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Croeso i Bartneriaeth Ysgolion Prifysgol Abertawe (PYPA), sef cydweithrediad arloesol o staff ysgolion a'r Brifysgol sy'n gweithio gyda'i gilydd i sicrhau bod gan ‘Athrawon Yfory’ y sgiliau a'r profiad y mae eu hangen arnynt i wneud gwahaniaeth i ddisgyblion yng Nghymru a'r tu hwnt.   

Mae galw mawr am athrawon Daearyddiaeth cymwysedig ar draws y DU.  Mae PYPA wedi datblygu rhaglen TAR Daearyddiaeth Uwchradd arloesol sydd wedi'i llunio i roi hyder i athrawon newydd yn eu gwybodaeth am y pwnc a'u dealltwriaeth o sut i'w addysgu. Bydd y rhaglen hon yn eich paratoi chi ar gyfer gwneud cyfraniad cadarnhaol at y cymunedau dysgu y byddwch chi'n ymuno â nhw.

Mae Prifysgol Abertawe'n ymrwymedig i ddatblygu ymarferwyr myfyriol wedi'u llywio gan ymchwil sy'n gallu dangos creadigrwydd a hyblygrwydd yn eu haddysgu fel bod dysgwyr yn datblygu eu cymhwysedd pwnc mewn amgylchedd sy'n ysgogi mwynhad.

Pynciau sy'n Debygol o Gael eu Trafod

Bydd rhaglen TAR integredig a thrylwyr Prifysgol Abertawe'n eich herio'n academaidd ac yn broffesiynol. Nod y rhaglen TAR Daearyddiaeth yw datblygu dealltwriaeth feirniadol o natur Daearyddiaeth a'i lle yng nghwricwlwm yr ysgol. Byddwch yn cael eich annog i ymchwilio a phrofi eich ymagweddau eich hun at addysgeg Daearyddiaeth i ddod o hyd i'r dulliau hynny sy'n gweithio orau i chi a'r disgyblion rydych yn eu haddysgu.

Mae'r rhaglen wedi'i strwythuro i ganiatáu llawer o gyfleoedd i fodloni'r holl Safonau Proffesiynol ar gyfer Addysgu ac Arweinyddiaeth drwy brofiadau dysgu cyfoethog sy'n atgyfnerthu, yn gwerthuso ac yn cefnogi hyfedredd proffesiynol.

Dyddiad Cychwyn Bwriededig

Medi 2025

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Croeso i Bartneriaeth Ysgolion Prifysgol Abertawe (PYPA), sef cydweithrediad arloesol o staff ysgolion a'r Brifysgol sy'n gweithio gyda'i gilydd i sicrhau bod gan ‘Athrawon Yfory’ y sgiliau a'r profiad y mae eu hangen arnynt i wneud gwahaniaeth i ddisgyblion yng Nghymru a'r tu hwnt.

Mae galw mawr am athrawon Hanes cymwysedig ar draws y DU.  Mae PYPA wedi datblygu rhaglen TAR Hanes Uwchradd arloesol sydd wedi'i llunio i roi hyder i athrawon newydd yn eu gwybodaeth am y pwnc a'u dealltwriaeth o sut i'w addysgu. Bydd y rhaglen hon yn eich paratoi chi ar gyfer gwneud cyfraniad cadarnhaol at y cymunedau dysgu y byddwch chi'n ymuno â nhw.

Mae Prifysgol Abertawe'n ymrwymedig i ddatblygu ymarferwyr myfyriol wedi'u llywio gan ymchwil sy'n gallu dangos creadigrwydd a hyblygrwydd yn eu haddysgu fel bod dysgwyr yn datblygu eu cymhwysedd pwnc mewn amgylchedd sy'n ysgogi mwynhad.

Pynciau sy'n Debygol o Gael eu Trafod

Bydd rhaglen TAR integredig a thrylwyr Prifysgol Abertawe'n eich herio'n academaidd ac yn broffesiynol. Nod y rhaglen TAR Daearyddiaeth yw datblygu dealltwriaeth feirniadol o natur Daearyddiaeth a'i lle yng nghwricwlwm yr ysgol. Byddwch yn cael eich annog i ymchwilio a phrofi eich ymagweddau eich hun at addysgeg Daearyddiaeth i ddod o hyd i'r dulliau hynny sy'n gweithio orau i chi a'r disgyblion rydych yn eu haddysgu.

Mae'r rhaglen wedi'i strwythuro i ganiatáu llawer o gyfleoedd i fodloni'r holl Safonau Proffesiynol ar gyfer Addysgu ac Arweinyddiaeth drwy brofiadau dysgu cyfoethog sy'n atgyfnerthu, yn gwerthuso ac yn cefnogi hyfedredd proffesiynol.

Dyddiad Cychwyn Bwriededig

Medi 2025

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.