Cyllid Cynaliadwy, Arloesi Digidol ac Ymddygiad Marchnadoedd

Mae'r ymchwil hon yn archwilio'r cam nesaf ym maes trawsnewid marchnadoedd ariannol - lle mae cynaliadwyedd, technoleg a data yn rhyngweithio i ailddiffinio creu gwerth, tryloywder a risg. Er bod meysydd integreiddio ESG, technoleg ariannol a llywodraethu corfforaethol oll wedi'u hastudio'n helaeth, mae cwestiynau'n dod i'r amlwg ynghylch sut mae'r grymoedd hyn yn cyfuno â'i gilydd, sut mae marchnadoedd yn eu mewnoli a pha anghymesureddau maent yn eu creu. 

Mae prosiectau yn y maes hwn yn pontio cyllid empirig ac arloesi cynaliadwy, gan ganolbwyntio ar fecanweithiau nad ydynt wedi'u harchwilio'n helaeth a setiau data newydd. Bydd myfyrwyr yn datblygu sgiliau meintiol, rhaglennu a dadansoddol y byddant yn gallu eu defnyddio mewn gyrfaoedd academaidd a diwydiannol. 

Mae cyfeiriadau posib yn cynnwys:

• AI ac Ymddygiad Marchnadoedd: Sut mae defnyddio AI cynhyrchiol yn dylanwadu ar ledaenu gwybodaeth am farchnadoedd, patrymau masnachu neu gywirdeb dadansoddwyr?
• Materoliaeth Effaith 2.0: A yw buddsoddwyr yn ymateb yn wahanol i ddatgeliadau materoliaeth dwbl dan fframweithiau cynaliadwyedd sy'n datblygu yn yr UE/y DU?
• Canfod Gwyrddgalchu: A all dadansoddiadau testunol neu sentiment o ran adroddiadau ESG ddatgelu diffyg cysondeb rhwng datgeliadau a pherfformiad go iawn?
• Prisio Risg Trawsnewid: Sut mae marchnadoedd yn prisio risg trawsnewid hinsawdd mewn gwahaniaethau neu ddeilliadau credyd?
• Llywodraethu Asedau Digidol: Pa ffurfiau o lywodraethu neu archwilio sy'n cynyddu ymddiriedaeth mewn systemau ariannol â thalebau neu ddatganoledig?
• Isadeiledd Data ar gyfer Cyllid Cynaliadwy: Sut mae platfformau data cynaliadwyedd newydd neu offer AI yn effeithio ar hygyrchedd, cymharedd ac atebolrwydd ym maes buddsoddi ESG?

Cymwysterau gofynnol:
Teilyngdod mewn gradd Meistr neu gymwysterau rhyngwladol cyfwerth 

Mae'r cefndiroedd pwnc a gaiff eu hystyried yn cynnwys:
Cyllid, Cyfrifeg, Economeg, Busnes neu ddisgyblaeth gysylltiedig

Profiad/sgiliau a rhinweddau eraill sy'n ofynnol:
- Tystiolaeth o sgiliau meintiol, dadansoddol neu drin data (e.e. econometreg, ystadegau neu raglennu).
- Y gallu i ymgymryd ag ymchwil annibynnol a dadansoddi'n feirniadol ddata ariannol neu ESG.
- Sgiliau cyfathrebu cryf yn yr iaith Saesneg yn ysgrifenedig ac ar lafar.

Rydym yn croesawu ceisiadau gan fyfyrwyr brwd â chefndir academaidd cryf a diddordeb mewn cynaliadwyedd, cyllid neu arloesi ariannol. Dylai ymgeiswyr ddangos y gallu i ymgysylltu ag ymchwil feintiol neu ddadansoddol a brwdfrydedd am archwilio pynciau sy'n dod i'r amlwg mewn cyllid cynaliadwy a digidol. Yn benodol rydym yn annog ceisiadau gan ymgeiswyr sy'n awyddus i ddefnyddio dulliau meintiol i ddatrys heriau ariannol a chynaliadwyedd yn y byd go iawn ac sydd am ddatblygu sgiliau sy'n pontio o'r byd academaidd i fyd diwydiant.

• Dr Joy Jia
• y.jia@swansea.ac.uk
• 01792 602112

Porwch drwy ein Rhaglenni Ymchwil ôl-raddedig i ddod o hyd i'r dudalen cwrs rydych chi'n chwilio amdani ac ymgeisio gan ddefnyddio'r botwm "Ymgeisio" ar y dudalen.

Yna byddwch yn cael eich ailgyfeirio at ein system ymgeisio, lle gallwch ddilyn y cyfarwyddiadau i gwblhau eich cais.

Pwysig: Ychwanegwch enw'r goruchwylwyr a nodir uchod at eich cais i sicrhau bod eich cais yn eu cyrraedd. Gallwch ychwanegu eu henwau ar dudalen flaen eich cynnig ymchwil ac at eich datganiad personol.