Rydym yn ymdrechu i sicrhau bod pob myfyriwr yn cael y cyfle i wireddu ei lawn botensial. Mae Prifysgol Abertawe wedi ymrwymo i ddatblygu ymhellach ein gwasanaethau cymorth sgiliau academaidd a llesiant ar gyfer myfyrwyr Cymraeg eu hiaith.
Gan ddechrau yn ystod yr Wythnos Groeso, cewch gymaint o help a chefnogaeth â phosib sy'n cychwyn gyda digwyddiad croeso i fyfyrwyr Cymraeg wedi'i drefnu gan Academi Hywel Teifi.
Yn ystod y digwyddiad bydd cyfle i chi;
Mae Canolfan Llwyddiant Academaidd yn cynnig cyngor arbenigol ar gyfer myfyrwyr sy’n defnyddio’r Gymraeg yn eu bywydau academaidd. Mae’r ddarpariaeth hyn wedi ei deilwra ar gyfer y cyd-destun Gymraeg, a rhoddir sylw i anghenion penodol myfyrwyr cyfrwng Cymraeg, gan gynnwys ymarferion dwyieithog, technoleg a meddalwedd priodol, yn ogystal i’r sgiliau sy’n gyffredin i fyfyrwyr o unrhyw iaith - meddwl yn feirniadol, cyfansoddi dadl, cyfeirio ac aralleirio, a sgiliau ysgrifennu ac ymchwilio.
Mae gan y Ganolfan Llwyddiant Academaidd rhaglen fywiog ac amrywiol cyfrwng Cymraeg yn cynnwys cyrsiau ac adnoddau e-ddysgu, ynghyd â gweithdai wyneb yn wyneb. Ewch i dudalennau'r Ganolfan ar MyUni am fanylion.
Un o brif amcanion y Brifysgol yw paratoi a hyrwyddo cyflogadwyedd myfyrwyr. Mae ein cyrsiau academaidd yn anelu at dy arfogi â’r profiad gwerthfawr a sgiliau lefel uchel y mae cyflogwyr yn chwilio amdanynt. Lle bynnag y bo’n bosibl, mae ein cyrsiau wedi’u hachredu gan gyrff proffesiynol. Mae ein hanes hir o weithio gyda busnes, diwydiant, masnach a’r yn y sector cyhoeddus yn ein galluogi i ychwanegu gwerth gwirioneddol at dy addysg. Rydym yn gwrando ar gyflogwyr pan fyddant yn dweud wrthym pa sgiliau a phrofiadau y maent yn ei gwneud yn ofynnol gan eu gweithwyr graddedig, ac rydym yn teilwra’n cyrsiau i sicrhau dy fod yn ennill sgiliau proffesiynol a lefel uchel sy’n dy alluogi i ffynnu yn y byd cystadleuol sydd ohoni.
I ddysgu am y gefnogaeth sydd ar gael i ddatblygu dy sgiliau i'r byd gwaith, gan gynnwys y Tystysgrif Sgiliau Iaith, cer i Cyflogadwyedd a Mentergarwch - Academi Hywel Teifi.
