Eich Diwrnod Graddio

Amserau ar y Dydd

Pryd i chi'n cyrraedd

Ar dydd eich Cynulliad Graddio cynghorir myfyrwyr sydd yn graddio i gyrraedd 1-1½ awr cyn eich cynulliad.

Gwnewch yn siŵr eich bod yn cyrraedd Yr LC i gofrestru ar gyfer eich cynulliad, a chasglu eich cerdyn cofrestru.  O'r fan honno, dylech gasglu eich gynau mewn da bryd ar gyfer eich cynulliad.  Rydym yn argymell eich bod yn caniatáu 1-1½ awr cyn amser dechrau'ch cynulliad i wneud hyn.  Gallwch drefnu tynnu'ch lluniau naill ai cyn eich cynulliad neu ar ei ôl.  Mae'r stiwdios ffotograffiaeth hefydbwedi'u lleoli yn Yr LC.

Yna gallwch fynd i Arena Abertawe i eistedd ar gyfer eich cynulliad.  Mae'n rhaid i chi fod yn eistedd 15 munud cyn eich cynulliad i sicrhau eich bod yn gallu cymryd rhan yn y cynulliad. Bydd y drysau i Awditoriwm y Neuadd Fawr yn agor tua 45 munud cyn y cynulliad.

Dylai ddarpar-raddedigion adael eu heitemau personol gyda’u gwesteion cyn mynd i’w seddau yn y neuadd; dim ond y cerdyn cofrestru fydd ei angen ar y ddarpar-raddedigion. Mae’n rhaid i’r darpar-raddedigion eistedd yn y sedd sydd wedi’i neilltuo iddynt; bydd rhif eich sedd wedi’i nodi’n glir ar eich cerdyn cofrestru.

Bydd Gwesteion yn cael mynediad i’r awditoriwm 45 munud cyn i’r cynulliad ddechrau. Bydd pob sedd i westeion heb ei neilltuo. Ni chaniateir mynediad i’r neuadd cyn yr amser hwn.

Bydd arwyddion yn cael eu harddangos yn glir yn ystod yr holl ddigwyddiad a bydd tywyswyr wrth law i'ch cynorthwyo.

Mae gennym leoliadau arlwyo ar gael yn yr LC i raddedigion a gwesteion: 

Costa Coffee

Eisiau hwb caffein neu eiliad i ymlacio? Ewch i Costa Coffee lle gallwch fwynhau coffi ffres, diodydd espresso ac amrywiaeth o de.

Bar trwyddedig

Dewch i gynnig llwncdestun i'r garreg filltir bwysig hon yng nghwmni eich ffrindiau a'ch teulu. Gallwch fwynhau detholiad o gyrfau a gwinoedd neu ceir opsiynau di-alcohol hefyd.

Yn y cynulliad

Bydd darpar-raddedigion yn eistedd yn y sedd gyda'r un rhif sydd ar ei cerdyn cofrestru. Byddwch yn derbyn eich cerdyn cofrestru ar y dydd pan rydych yn cyrraedd a cofrestru.  

Dylai ddarpar-raddedigion adael eu heitemau personol gyda’u gwesteion cyn mynd i’w seddau yn y neuadd; dim ond y cerdyn cofrestru fydd ei angen ar y ddarpar-raddedigion.  Bydd cardiau cofrestru yn cynnwys rhif sedd ac enw'r darpar-raddedig a lle i ddarparu sillafiad enw ffonetig i helpu i ynganu enwau.

Bydd marsial yn dweud wrthych pryd i godi. Unwaith i chi godi byddwch yn cael eich ddangos ble i fynd i gyrraedd drws y llwyfan.

Pan fydd eich enw'n cael ei alw, byddwch yn trosglwyddo'ch cerdyn cofrestru i'r cyflwynydd cyn croesi'r llwyfan, gan dynnu eich cap i gyfarch y Canghellor neu'r Dirprwy Ganghellor ac yna’n parhau i ganol y llwyfan ac i lawr y grisiau i ddychwelyd i'ch sedd.

Ar ôl y cynulliad

Yn dilyn pob cynulliad, gellir tynnu lluniau swyddogol yn yr LC os nad ydych wedi gwneud hynny cyn eich seremoni.

Gallwch wisgo eich gynau academaidd drwy gydol y dydd ond rhaid eu dychwelyd erbyn yr amser a nodir uchod. 

Os nad ydych yn gallu mynychu eich cynulliad o ganlyniad i amgylchiadau annisgwyl, a fyddech gystal â rhoi gwybod i ni cyn gynted â phosib.

Bydd myfyrwyr y mae eu henwau'n ymddangos yn llyfryn y cynulliad ac nid ydynt yn mynychu yn graddio yn eu habsenoldeb.  Sylwer na chaiff gohiriadau eu caniatáu fel arfer, oni bai bod amgylchiadau eithriadol. 

Gwesteion

Bydd modd i chi gael mynediad i'r neuadd tua 45 munud cyn y cynulliad a RHAID eich bod yn eich seddi heb fod yn hwyrach na 15 munud cyn y cynulliad.  Bydd rhywun wrth law i’ch tywys.

Mae'r cynulliad yn debygol o bara oddeutu 1 awr 15 munud ac mae'n bosib felly na fyddai'n addas i blant ifanc na babanod.

Os oes unrhyw broblemau symud neu anableddau gan eich gwesteion a wnewch chi roi gwybod i ni cyn diwrnod eich Cynulliad fel bod modd i ni gadw’r seddau priodol, Cysylltu â ni.

Yn dilyn y cynulliad, gofynnir i chi adael y neuadd er mwyn i’r staff fedru paratoi ar gyfer y gynulliad nesaf.  Efallai yr hoffech fynd i'r Twyni i gael ffotograffau swyddogol.

Gweld a lawrlwytho llyfrynnau graddio o'r gorffennol a'r presennol

Lluniau Swyddogol

Bydd tîm o ffotograffwyr proffesiynol o Tempest ar gael drwy gydol yr wythnos raddio a gellir dod o hyd iddynt yn LC Abertawe, lle byddwch yn cofrestru ac yn casglu eich gynau hefyd.

Gallwch drefnu i'ch llun gael ei dynnu ar eich pen eich hun a/neu gyda'ch teulu a'ch ffrindiau. Does dim angen archebu ymlaen llaw; gallwch drefnu hyn ar y dydd.

I weld yr holl opsiynau sydd ar gael, ewch i wefan Tempest.

Ffotograffau ar y llwyfan a dolen i lawrlwytho'r seremoni

Gallwch brynu'r cynhyrchion hyn ar y safle yn ystod eich diwrnod graddio yn I'w Gadarnhau. Sylwer ein bod yn derbyn taliadau cerdyn yn unig.

Ar ôl i'r Wythnos Raddio ddod i ben, bydd ein gwasanaeth ar-lein ar agor. Byddwch yn gallu prynu eitemau drwy gwblhau'r ffurflen hon.

Os ydych chi wedi archebu llun o’ch amser ar y llwyfan ac nid oes modd ichi ei nôl e eich hun, sylwer y bydd y taliadau postio canlynol yn berthnasol (post yn y DU yn unig - anfonir pob eitem fel post ail ddosbarth):  £5

Bydd lluniau Graddio ychwanegol hefyd yn cael eu cynnwys yn albymau Flickr y Brifysgol.

Dylai myfyrwyr, gwesteion a staff sy'n mynychu'r Cynulliadau Graddio a Gwobrwyo fod yn ymwybodol bod y cynulliadau’n cael eu hystyried yn ddigwyddiadau cyhoeddus.

Cyhoeddir enwau a dyfarniadau (gan gynnwys y rheiny sy'n derbyn eu dyfarniadau yn eu habsenoldeb) yn y rhaglen.

Mae recordiadau sain a delweddau o'r cynulliad ar gael yn gyhoeddus drwy we-ddarllediad byw, y cyfryngau cymdeithasol a gwerthu disgiau DVD o'r cynulliad.

Drwy gadarnhau y byddwch yn bresennol yn y seremoni, rydych chi'n rhoi'r hawl i Brifysgol Abertawe argraffu'ch enw a'ch dyfarniad yng nghyhoeddiadau'r rhaglen. Mae'r rheiny sy'n dod i'r cynulliad a'u gwesteion hefyd yn rhoi'r hawl i Brifysgol Abertawe ddefnyddio recordiad(au) fideo, recordiad(au) sain, ffotograff(au) ac unrhyw gynnwys/gopïau/dyfyniadau a gynhyrchir i'w defnyddio mewn cynyrchiadau lle mae Prifysgol Abertawe am ddefnyddio'r deunydd(iau) at ddibenion marchnata a chyhoeddusrwydd, hyrwyddo masnach.

Yn unol â'r Ddeddfwriaeth Diogelu Data Cyffredinol (GDPR) a Deddf Diogelu Data (2018), caiff y deunydd ei ddefnyddio'n unig at ddibenion hyrwyddo neu er lles Prifysgol Abertawe.

Gall deunyddiau barhau i fod yn gyhoeddus am gyfnod amhendant o amser a gellir eu defnyddio at ddibenion addysgol a/neu farchnata. Efallai bydd angen eu golygu at ddibenion ansawdd neu dechnegol a chaiff eu storio'n ddiogel gan y Brifysgol neu ei hasiantiaid.

Bydd gan Brifysgol Abertawe hawlfraint ar y deunydd(iau) a gellir eu defnyddio fel y maent neu ar y cyd â deunydd(iau) eraill, fel rhan o gynhyrchiad cyfansawdd.

Nodyn i'r rhai hynny nad ydynt yn mynychu (yn derbyn eu dyfarniadau yn eu habsenoldeb): Os ydych yn gwrthod i'ch data personol cael ei gyhoeddi yn y rhaglen (enw a dyfarniad), rhowch wybod i'r Swyddfa Raddio.

Bydd ein holl seremonïau yn cael eu darlledu’n fyw ar ein gwefan yn http://www.swansea.ac.uk/graduation/ a bydd modd eu gwylio drwy’r rhyngrwyd.

Bydd y darllediad ffrydio byw’n ymddangos yn awtomatig ar ddechrau pob seremoni.  

Bydd nwyddau graddio ar gael o Fulton Outfitters: www.fultonoutfitters.co.uk 

Trefniadau Teithio a Pharcio ar gyfer Graddio

Sylwer nad oes mannau parcio ceir dynodedig ar gyfer graddio.   Gall ymwelwyr barcio mewn nifer o feysydd parcio yng nghanol y ddinas wrth ymyl Arena Abertawe. Am ragor o wybodaeth, ewch i:  Arena Abertawe | Cyrraedd Yma (swansea-arena.co.uk) 

Gludiant Cyhoeddus

Os byddwch yn cyrraedd ar gludiant cyhoeddus, mae Gorsaf Drenau Abertawe ar brif reilffordd y gorllewin o Lundain Paddington, sef tua 3 awr o daith.

Cynghorir ymwelwyr sy'n cyrraedd ar y trên i ddal y bws i Orsaf Fysus Abertawe yn uniongyrchol o'r tu allan i'r orsaf drenau. Bydd bysiau First Cymru yn rhedeg i Orsaf Fysiau Abertawe ac mae safle tacsis y tu allan i’r orsaf drenau.

Ewch i wefan Traveline Cymru i ddod o hyd i gynlluniwr taith bws a thrên.

Mae'r map hwn yn amlinellu'r holl bwyntiau allweddol efallai y bydd eu hangen arnoch wrth ddod i'ch seremoni raddio yr haf hwn ym Mhrifysgol Abertawe. 

Am unrhyw ymholiadau sydd gennych, darllenwch y dudalen neu e-bostiwch y tîm graddio.