Amserau ar y Dydd

Pryd i chi'n cyrraedd

Ar dydd eich Cynulliad Graddio cynghorir myfyrwyr sydd yn graddio i gyrraedd 1-1½ awr cyn eich cynulliad.

Gwnewch yn siŵr eich bod yn cyrraedd Ysgol Rheoli i gofrestru ar gyfer eich cynulliad, a chasglu eich cerdyn cofrestru.  O'r fan honno, dylech gasglu eich gynau mewn da bryd ar gyfer eich cynulliad.  Rydym yn argymell eich bod yn caniatáu 1-1½ awr cyn amser dechrau'ch cynulliad i wneud hyn.  Gallwch drefnu tynnu'ch lluniau naill ai cyn eich cynulliad neu ar ei ôl.  Mae'r stiwdios ffotograffiaeth hefydbwedi'u lleoli ar y llawr cyntaf o Ysgol Reoli.

Yna gallwch fynd i Neuadd Fawr i eistedd ar gyfer eich cynulliad.  Mae'n rhaid i chi fod yn eistedd 15 munud cyn eich cynulliad i sicrhau eich bod yn gallu cymryd rhan yn y cynulliad. Bydd y drysau i Awditoriwm y Neuadd Fawr yn agor tua 30 munud cyn y cynulliad.

Dylai ddarpar-raddedigion adael eu heitemau personol gyda’u gwesteion cyn mynd i’w seddau yn y neuadd; dim ond y cerdyn cofrestru fydd ei angen ar y ddarpar-raddedigion. Mae’n rhaid i’r darpar-raddedigion eistedd yn y sedd sydd wedi’i neilltuo iddynt; bydd rhif eich sedd wedi’i nodi’n glir ar eich cerdyn cofrestru.

Bydd Gwesteion yn cael mynediad i’r awditoriwm 30 munud cyn i’r cynulliad ddechrau. Bydd pob sedd i westeion heb ei neilltuo. Ni chaniateir mynediad i’r neuadd cyn yr amser hwn.

Bydd arwyddion yn cael eu harddangos yn glir yn ystod yr holl ddigwyddiad a bydd tywyswyr wrth law i'ch cynorthwyo.  

Mae gennym leoliadau arlwyo ar gael i raddedigion a gwesteion: 

• Y Guddfan
• Costa yn y Coleg
• Subway
• Caffi bae bach
• Tesco

Yn y cynulliad

Bydd darpar-raddedigion yn eistedd yn y sedd gyda'r un rhif sydd ar ei cerdyn cofrestru. Byddwch yn derbyn eich cerdyn cofrestru ar y dydd pan rydych yn cyrraedd a cofrestru.  

Dylai ddarpar-raddedigion adael eu heitemau personol gyda’u gwesteion cyn mynd i’w seddau yn y neuadd; dim ond y cerdyn cofrestru fydd ei angen ar y ddarpar-raddedigion.  Bydd cardiau cofrestru yn cynnwys rhif sedd ac enw'r darpar-raddedig a lle i ddarparu sillafiad enw ffonetig i helpu i ynganu enwau.

Bydd marsial yn dweud wrthych pryd i godi. Unwaith i chi godi byddwch yn cael eich ddangos ble i fynd i gyrraedd drws y llwyfan.

Pan fydd eich enw'n cael ei alw, byddwch yn trosglwyddo'ch cerdyn cofrestru i'r cyflwynydd cyn croesi'r llwyfan, gan dynnu eich cap i gyfarch y Canghellor neu'r Dirprwy Ganghellor ac yna’n parhau i ganol y llwyfan ac i lawr y grisiau i ddychwelyd i'ch sedd.

Ar ôl y cynulliad

Yn dilyn pob cynulliad, gellir tynnu lluniau swyddogol yn Ysgol Reoli (2il llawr) os nad ydych wedi gwneud hynny cyn eich seremoni.

Gallwch wisgo eich gynau academaidd drwy gydol y dydd ond rhaid eu dychwelyd erbyn yr amser a nodir uchod. 

Os nad ydych yn gallu mynychu eich cynulliad o ganlyniad i amgylchiadau annisgwyl, a fyddech gystal â rhoi gwybod i ni cyn gynted â phosib.

Bydd myfyrwyr y mae eu henwau'n ymddangos yn llyfryn y cynulliad ac nid ydynt yn mynychu yn graddio yn eu habsenoldeb.  Sylwer na chaiff gohiriadau eu caniatáu fel arfer, oni bai bod amgylchiadau eithriadol. 

Gwesteion

Bydd modd i chi gael mynediad i'r neuadd tua 30 munud cyn y cynulliad a RHAID eich bod yn eich seddi heb fod yn hwyrach na 15 munud cyn y cynulliad.  Bydd rhywun wrth law i’ch tywys.

Mae'r cynulliad yn debygol o bara oddeutu 1 awr 15 munud ac mae'n bosib felly na fyddai'n addas i blant ifanc na babanod.

Os oes unrhyw broblemau symud neu anableddau gan eich gwesteion a wnewch chi roi gwybod i ni cyn diwrnod eich Cynulliad fel bod modd i ni gadw’r seddau priodol, Cysylltu â ni.

Yn dilyn y cynulliad, gofynnir i chi adael y neuadd er mwyn i’r staff fedru paratoi ar gyfer y gynulliad nesaf.  Efallai yr hoffech fynd i'r Ysgol Rheolaeth (llawr 2) i gael ffotograffau swyddogol.

Gweld a lawrlwytho llyfrynnau graddio o'r gorffennol a'r presennol

Lluniau Swyddogol

Bydd tîm o ffotograffwyr proffesiynol o Tempest ar gael drwy gydol yr wythnos raddio a gellir dod o hyd iddynt yn Ysgol Rheoli (llawr 2).

Gallwch drefnu i'ch llun gael ei dynnu ar eich pen eich hun a/neu gyda'ch teulu a'ch ffrindiau. Does dim angen archebu ymlaen llaw; gallwch drefnu hyn ar y dydd.

I weld yr holl opsiynau sydd ar gael, ewch i wefan Tempest.

Lluniau'r Llwyfan a Recordiad o'r Seremoni

Mae eich seremoni raddio yn garreg filltir bwysig, a bydd ein tîm cyfryngau yno i ddal eich eiliad wrth i chi groesi'r llwyfan. Bydd amrywiaeth o opsiynau ffotograffiaeth a fideo ar gael i'w prynu ar ddiwrnod eich seremoni.

Ar gael ar y diwrnod:

Ffotograffau Argraffedig

Argraffiadau o safon broffesiynol o'ch amser ar y llwyfan:

• Ffotograff mawr 10" wrth 8" - £15
• Tri ffotograff bach 6" wrth 4" - £20

Sylwer y bydd ffotograffau argraffedig dim ond ar gael ar y diwrnod

Casgliad digidol - £25

Mae'n cynnwys:

• Holl luniau'r llwyfan
• Clip fideo ohonoch chi'n croesi'r llwyfan
• Recordiad llawn o'ch seremoni

Caiff y rhain eu hanfon atoch drwy e-bost ar ôl eich seremoni.

Pecyn Graddio - £55

Mae'n cynnwys:

• Popeth sydd yn y Casgliad Digidol
• 1 ffotograff argraffedig 10" wrth 8"
• 3 ffotograff argraffedig 6" wrth 4"

Gellir prynu'r holl nwyddau hyn ar eich diwrnod graddio yn Ysgol y Rheolaeth (llawr cyntaf).

Rhaid talu gan ddefnyddio cerdyn.

Ar ôl yr wythnos raddio, bydd ein gwasanaeth yn dal i fod ar gael ar gyfer archebion digidol yn unig.

• Bydd ffeiliau digidol yn cael eu hanfon atoch drwy e-bost
• Bydd y lluniau'n rhai cydraniad uchel (yr un ffeiliau a ddefnyddir ar gyfer argraffu'r lluniau), gan eich galluogi i'w hargraffu eich hunain os ydych chi'n dymuno gwneud hynny
• Mae ffotograffau argraffedig dim ond ar gael ar ddiwrnod eich seremoni

Byddwch yn gallu prynu eitemau drwy gwblhau'r ffurflen hon.

Bydd lluniau Graddio ychwanegol hefyd yn cael eu cynnwys yn albymau Flickr y Brifysgol.

Os yw’ch teulu a’ch ffrindiau am rannu’ch diwrnod arbennig ond does dim tocynnau ganddynt, gallant wylio’r seremoni’n fyw.  

Sylwer, os byddwch yn dod â gwesteion heb docyn, gallant wylio'r cynulliadau drwy ddarllediad byw yn ystafell GH043, sydd ar lawr gwaelod y Neuadd Fawr.

Bydd ein holl seremonïau yn cael eu darlledu’n fyw ar ein gwefan yn http://www.swansea.ac.uk/graduation/ a bydd modd eu gwylio drwy’r rhyngrwyd.

Bydd y darllediad ffrydio byw’n ymddangos yn awtomatig ar ddechrau pob seremoni.  

Bydd nwyddau graddio ar gael o Fulton Outfitters.

Bydd parcio ar gael yn y cyfleusterau Parcio a Theithio Ffordd Fabian. Rhaid talu £1.00 y car wrth gyrraedd y maes parcio. Bydd bysus moethus a bysys cyfleus yn teithio rhwng y maes parcio a Champws y Bae. Bydd y bysus yn rhedeg yn barhaus yn ystod cyfnod penodedig er mwyn sicrhau eich bod yn cyrraedd eich cynulliad ar amser.  

Bydd y cerbydau a’r bysus hygyrch ar gyfer graddio yn cael eu darparu gan Barcio a Theithio Ffordd Fabian YN UNIG. Os dewiswch ddefnyddio  unrhyw faes parcio neu Barcio a Theithio canol y ddinas arall, bydd angen i chi wirio eu gwasanaethau a’u hamserlenni bws penodol.

Lleolir safle parcio a theithio Ffordd Fabian oddi ar yr A483, tua 1.5 milltir i ddwyrain canol y ddinas. O’r M4, gadewch y draffordd ar gyffordd 42 (Dwyrain Abertawe) a dilynwch arwyddion ffordd tuag at ‘Abertawe’ am tua phedair milltir. Mae Ffordd Fabian tua 10 munud mewn car o’r M4. (Parcio a Theithio Ffordd Fabian, Ffordd Fabian, Abertawe, SA1 8LD)

Bydd y bysus yn rhedeg drwy gydol y dydd i ddychwelyd gwesteion i'r holl feysydd parcio. Bydd y bysus cyntaf nôl yn gadael unwaith i'r seremoni gyntaf orffen (tua 10:45am) a byddant yn parhau drwy gydol y dydd tan yr amser olaf a nodir (Amserlen i ddilyn). 

Sylwer na fydd parcio ar gael ar Gampws y Bae i westeion a darpar-raddedigion yn ystod y cynulliadau am ei bod yn wythnos arferol i'r staff. Mae nifer cyfyngedig o fannau ar gael i westeion a/neu ddarpar-raddedigion ag anableddau, a bydd y Swyddfa Graddio'n neilltuo'r rhain ar ôl cwblhau'r broses cadw lle. Ni fydd darpar-raddedigion a'u gwesteion yn gallu cyrraedd meysydd parcio'r campws, a chânt eu hailgyfeirio i'r maes Parcio a Theithio os nad oes ganddynt docyn parcio graddio.

Mae safle Parcio a Theithio Ffordd Fabian oddi ar yr A483, tua 1.5 milltir i’r gorllewin o Gampws y Bae.

O’r M4, gadewch wrth Gyffordd 42 (Dwyrain Abertawe) a dilynwch yr arwyddion am ‘Abertawe’ am oddeutu 4 milltir. Mae arwydd ar gyfer maes parcio Parcio a Theithio Ffordd Fabina ar yr ochr dde. O ganol dinas Abertawe, gadewch Abertawe ar hyd Ffordd Fabian a bydd y safle Parcio a Theithio ar y chwith.

GLUDIANT CYHOEDDUS

• Os byddwch yn cyrraedd ar gludiant cyhoeddus, mae Gorsaf Drenau Abertawe ar brif reilffordd y gorllewin o Lundain Paddington, sef tua 3 awr o daith.
• Cynghorir ymwelwyr sy'n cyrraedd ar y trên i ddal y bws i Orsaf Fysus Abertawe yn uniongyrchol o'r tu allan i'r orsaf drenau. Bydd bysiau First Cymru yn rhedeg i Orsaf Fysiau Abertawe ac mae safle tacsis y tu allan i’r orsaf drenau.
• Ewch i wefan Traveline Cymru i ddod o hyd i gynlluniwr taith bws a thrên.

Mae'r map hwn yn amlinellu'r holl bwyntiau allweddol y gallech fod eu hangen wrth fynychu eich Seremoni Graddio Gaeaf ym Mhrifysgol Abertawe. Bydd y paratoadau a'r seremonïau graddio yn digwydd ar draws y Coleg a'r Neuadd Fawr.

Am unrhyw ymholiadau sydd gennych, darllenwch y dudalen cwestiynau cyffredin neu e-bostiwch y tîm graddio.

Dylai myfyrwyr, gwesteion a staff sy'n mynychu'r Cynulliadau Graddio a Gwobrwyo fod yn ymwybodol bod y cynulliadau’n cael eu hystyried yn ddigwyddiadau cyhoeddus.

Cyhoeddir enwau a dyfarniadau (gan gynnwys y rheiny sy'n derbyn eu dyfarniadau yn eu habsenoldeb) yn y rhaglen.

Mae recordiadau sain a delweddau o'r cynulliad ar gael yn gyhoeddus drwy we-ddarllediad byw, y cyfryngau cymdeithasol a gwerthu disgiau DVD o'r cynulliad.

Drwy gadarnhau y byddwch yn bresennol yn y seremoni, rydych chi'n rhoi'r hawl i Brifysgol Abertawe argraffu'ch enw a'ch dyfarniad yng nghyhoeddiadau'r rhaglen. Mae'r rheiny sy'n dod i'r cynulliad a'u gwesteion hefyd yn rhoi'r hawl i Brifysgol Abertawe ddefnyddio recordiad(au) fideo, recordiad(au) sain, ffotograff(au) ac unrhyw gynnwys/gopïau/dyfyniadau a gynhyrchir i'w defnyddio mewn cynyrchiadau lle mae Prifysgol Abertawe am ddefnyddio'r deunydd(iau) at ddibenion marchnata a chyhoeddusrwydd, hyrwyddo masnach.

Yn unol â'r Ddeddfwriaeth Diogelu Data Cyffredinol (GDPR) a Deddf Diogelu Data (2018), caiff y deunydd ei ddefnyddio'n unig at ddibenion hyrwyddo neu er lles Prifysgol Abertawe.

Gall deunyddiau barhau i fod yn gyhoeddus am gyfnod amhendant o amser a gellir eu defnyddio at ddibenion addysgol a/neu farchnata. Efallai bydd angen eu golygu at ddibenion ansawdd neu dechnegol a chaiff eu storio'n ddiogel gan y Brifysgol neu ei hasiantiaid.

Bydd gan Brifysgol Abertawe hawlfraint ar y deunydd(iau) a gellir eu defnyddio fel y maent neu ar y cyd â deunydd(iau) eraill, fel rhan o gynhyrchiad cyfansawdd.

Nodyn i'r rhai hynny nad ydynt yn mynychu (yn derbyn eu dyfarniadau yn eu habsenoldeb): Os ydych yn gwrthod i'ch data personol cael ei gyhoeddi yn y rhaglen (enw a dyfarniad), rhowch wybod i'r Swyddfa Raddio.

Pwy yw'r Rheolydd Data a sut gallwch gysylltu ag ef

Prifysgol Abertawe yw'r Rheolydd Data ac mae'n ymrwymedig i ddiogelu hawliau unigolion yn unol â Deddf Diogelu Data 2018 a Rheoliad Cyffredinol ar Ddiogelu Data y DU (UK GDPR).

Manylion Cyswllt y Swyddog Diogelu Data

Mae gan Brifysgol Abertawe Swyddog Diogelu Data a gellir cysylltu â’r unigolyn hwn drwy e-bostio dataprotection@abertawe.ac.uk

Pa wybodaeth rydym yn ei chasglu amdanoch chi?

Rhaid i'r Brifysgol gasglu'r wybodaeth ganlynol i brosesu data personol am raddio: 

• Enw
• Rhif Myfyriwr
• Cyfeiriadau cartref ac yn ystod y tymor
• Rhifau ffôn a chyfeiriadau e-bost personol
• Dyddiad geni
• Cofnod academaidd
• Gofynion tocynnau gwesteion
• Darpariaethau arbennig sy'n galw am addasiadau rhesymol i fyfyrwyr
• Darpariaethau arbennig/gofynion mynediad i westeion. Nid oes angen rhoi enwau gwesteion; bydd cais o'r fath yn cael ei gofnodi yn erbyn cofnod seremoni'r myfyriwr.

Bydd y data a gesglir yn cael ei gadw yn ein system cofnodion myfyrwyr fel a ddarperir gennych wrth gofrestru.  Mae'r Brifysgol hefyd yn defnyddio gwybodaeth a roddir wrth i chi gadw lle ar-lein, gan gynnwys gwybodaeth am anabledd neu ddarpariaethau arbennig sydd gennych er mwyn i ni wneud yr addasiadau angenrheidiol.

O ran gwesteion graddio, bydd y Brifysgol yn casglu gwybodaeth ynghylch gofynion mynediad neu unrhyw geisiadau arbennig eraill a roddir gan fyfyrwyr drwy'r broses cadw lle ar-lein, neu wybodaeth a roddir drwy ddulliau cyfathrebu eraill.

Mae'r Brifysgol hefyd yn gwneud recordiadau fideo ac yn tynnu lluniau o bawb sy'n bresennol yn y seremonïau graddio, ac adran Gwasanaethau Cyfryngau'r Brifysgol a ffotograffwyr swyddogol sy’n gyfrifol am hyn.

Sut bydd eich gwybodaeth yn cael ei defnyddio?

Bydd yr wybodaeth a ddarperir gennych chi'n cael ei defnyddio gan y Brifysgol er mwyn:

• Creu’r llyfryn graddio ar-lein.
• Cynnal y seremoni - mae hyn yn cynnwys cynlluniau eistedd a threfnu gofynion arbennig.
• Ffrwd fyw o'r cynulliad, os yw'n berthnasol.
• Anfon eich e-docynnau at westeion graddio os yw'n berthnasol.
• Darparu llun o'ch amser ar y llwyfan a/neu recordiad o'r seremoni.

Byddwn bob amser yn amlygu meysydd pan fydd angen i ni ofyn i chi am eich caniatâd fel sail gyfreithiol, a byddwn yn rhoi'r dewis i chi optio i mewn.  Os ydych chi’n cydsynio neu’n optio i mewn, byddwn yn rhoi gwybod iti sut y gallwch optio allan yn y dyfodol.  Ni fyddwn yn prosesu eich data personol at unrhyw ddiben arall oni bai am yr hyn a nodir uchod heb roi gwybod i chi yn gyntaf.

Beth yw ein sail gyfreithiol dros brosesu'ch data personol? 

Pwy sy'n cael eich gwybodaeth?

Bydd gwybodaeth amdanoch chi'n cael ei rhannu â'ch cyfadran ac adrannau perthnasol eraill yn y Brifysgol, megis Gwasanaethau'r Cyfryngau er mwyn i chi gael eich ffilmio ac er mwyn tynnu lluniau ohonoch, Marchnata, Recriwtio a Rhyngwladol i gynnwys eich enw a rhaglen eich gradd yn y llyfryn graddio ar-lein, a chyn-fyfyrwyr.

Am faint cedwir eich gwybodaeth?

Byddwn yn cadw'r data personol sydd gennym amdanoch am gyfnod amhenodol a byddwn yn cadw'r wybodaeth am eich dyfarniad hefyd am gyfnod amhenodol.

Gall deunyddiau a ddefnyddir at ddibenion marchnata a chyhoeddusrwydd hefyd fod ar gael i’r cyhoedd am gyfnod amhenodol o amser.

Diogelwch eich gwybodaeth

Mae staff yn ufuddhau i Reoliad Cyffredinol ar Ddiogelu Data'r DU (UK GDPR) sy'n rhan o'r gyfundrefn diogelu data yn y DU, ynghyd â Deddf Diogelu Data 2018.  Mae staff hefyd yn cydymffurfio'n llawn â Pholisi Diogelu Data'r Brifysgol.

Pa hawliau sydd gennych?

Mae gennych hawl i weld eich gwybodaeth bersonol, i wrthwynebu prosesu eich gwybodaeth bersonol, cywiro, dileu, cyfyngu a throsglwyddo eich gwybodaeth bersonol. Ewch i dudalennau gwe’r Brifysgol   ar Ddiogelu Data i gael rhagor o wybodaeth am eich hawliau.

Dylid cyflwyno ceisiadau neu wrthwynebiadau'n ysgrifenedig i Swyddog Diogelu Data'r Brifysgol:

Sut i gwyno

Os ydych chi’n anhapus â'r ffordd y cafodd eich data personol ei brosesu, gallwch gysylltu â Swyddog Diogelu Data'r Brifysgol drwy ddefnyddio’r manylion cyswllt uchod yn y lle cyntaf.

Os ydych yn anfodlon wedi hynny, mae gennych hawl i gysylltu'n uniongyrchol â'r Comisiynydd Gwybodaeth i gael penderfyniad. Gallwch gysylltu â'r Comisiynydd Gwybodaeth yn: -