MSc gyda Diwydiant

Rydym yn llawn cyffro i gynnig cwrs MSc gyda Diwydiant ar y cyrsiau gradd canlynol:

Am ein Rhaglenni MSc gyda Diwydiant

Mae’r rhaglenni hyn yn estyniad i’r graddau MSc presennol ac maent yn cynnwys ail flwyddyn ychwanegol.

Yn ystod yr ail flwyddyn, byddwch yn gwneud un o’r canlynol:

1. Lleoliad diwydiannol
   neu
2. Brosiect yn seiliedig ar y diwydiant i weithio ar her bywyd go iawn a wneir ar y cyd ag un neu sawl partner diwydiannol.

Ffioedd y cwrs ail flwyddyn yw £3600 i fyfyrwyr rhyngwladol a £1800 i fyfyrwyr Cartref.

Gallwch gael dwy flynedd o brofiad yn y DU a'r cyfle i gydweithio â diwydiant ar her bywyd go iawn.

Bydd Prifysgol Abertawe yn cefnogi'r myfyriwr i ddod o hyd i leoliad neu brosiect, fodd bynnag, ni warentir y prosiect neu'r lleoliad gwaith yn yr ail flwyddyn. Os na fyddwch yn gallu sicrhau prosiect neu leoliad, cewch eich trosglwyddo i’r rhaglen MSc un flwyddyn o hyd.

Bydd Prifysgol Abertawe hefyd yn cefnogi eich cais am Fisa dwy flynedd o hyd.

Sut i wneud cais

Bydd angen i ymgeiswyr gyflwyno datganiad personol sy’n ateb y ddau gwestiwn canlynol:

 Cwestiwn 1: Beth y gallaf ei gynnig i’r lleoliad diwydiannol?

 Cwestiwn 2: Beth rwyf yn gobeithio ei ennill o’r profiad diwydiannol?

Mae’n rhaid i’ch cais gynnwys yr wybodaeth ganlynol: 

1. Trawsgrifiad Academaidd (gan gynnwys strwythur y graddau)
2. Tystiolaeth o wobrau/anrhydeddau academaidd rydych wedi eu hennill am ragori’n academaidd
3. Datganiad personol sy’n ateb y ddau gwestiwn a nodir uchod
4. CV
5. Tystiolaeth o lwyddiannau o ran chwaraeon, profiad gwirfoddol, cymwysterau proffesiynol
6. Hefyd noder y bydd llythyrau cefnogol yn rhan o’r broses ddewis, a’chcyfrifoldeb chi fydd sicrhau y bydd eich canolwyr enwebedig yn cyflwyno geirdaon erbyn y dyddiad cau.

Rhowch hwb i’ch cyfleoedd gyrfa

Gavin Bunting, Cyfarwyddwr Cyflogadwyedd: 

“Mae’r radd MSc gyda Diwydiant yn rhaglen ystwyth sy’n rhoi llawer iawn o gymorth i fyfyrwyr i sicrhau lleoliad gwaith allanol, ond hefyd gallant ddewis ymgymryd â lleoliad gwaith ymchwil mewn diwydiant yn y Gyfadran Gwyddoniaeth a Pheirianneg. 

Mae’r rhaglen yn helpu myfyrwyr i wella eu sgiliau technegol a rhyngbersonol ac ychwanegu profiad gwaith sylweddol at eu CV sy’n chwarae rôl hollbwysig ar gyfer cyfleoedd i raddedigion. Ynghyd â’r cwrs MSc a addysgir, mae’r rhaglen MSc gyda Diwydiant yn rhaglen ôl-raddedig hynod gynhwysfawr sy’n cyd-fynd ag anghenion presennol amgylchedd peirianneg amlddisgyblaethol.”

PROFIAD LLEOLIAD DIWYDIANNOL

"Y gweithrediad ymchwil ac arloesi Lleihau Allyriadau Carbon Diwydiannol sy'n cynnal y lleoliad. Y prif beth rydw i wedi'i ddysgu yn ystod fy astudiaethau yw pwysigrwydd yr amgylchedd a ...sicrhau nad yw byth yn cael ei niweidio gan y diwydiannu a welir yn y byd ar hyn o bryd.

Yr hyn sy'n gwneud imi fwynhau'r lleoliad fwyaf yw gweithio ar y prosiect hwn bob dydd a gweld angerdd amlwg fy nghydweithwyr am y pwnc penodol hwn. Ar ben hynny, mae'r tîm yn fy nghefnogi'n fawr iawn ac yn gwneud imi fwynhau pob dydd ar y lleoliad."

PROFIAD LLEOLIAD DIWYDIANNOL

"Mae fy lleoliad diwydiannol mewnol yn ymwneud â’r gwaith o ddylunio a datblygu car robotig awtonomaidd a reolir o bell gyda thechnegau deallusrwydd artiffisial.

Rydw i wir yn mwynhau’r ymdeimlad amlwg iawn o waith tîm, cyfathrebu effeithiol ac ymchwil drylwyr a gaiff ei annog ar y lleoliad. Rydym yn rhan o brosiectau cyffrous ac arloesol... [mae hyn] wedi rhoi imi ymdeimlad cryf o alluoedd ymchwil a ffordd broffesiynol o fynegi fy syniadau er mwyn datrys problemau go iawn yn y byd.

Trwy’r tîm cyflogadwyedd, clywais i am hysbyseb swydd, cyflwynais i gais am y swydd a chefais i fy nerbyn ar gyfer y swydd pan oeddwn i’n dal i ymgymryd â’m rhaglen astudio."