Ysgoloriaethau

Ysgoloriaethau mathemateg

am ein ysgoloriaethau adrannol

Mae Adran Mathemateg Prifysgol Abertawe yn bwriadu cynnig gwobrau / ysgoloriaethau Mathemateg sy'n werth hyd at gyfanswm o £3000 i fyfyrwyr sy'n dechrau eu hastudiaethau prifysgol ym mis 10 Medi 2027. Caiff y gwobrau eu dyfarnu ar sail arholiad cystadleuol, dwy awr a hanner. Dylai myfyrwyr allu sefyll yr arholiad yn eu hysgol neu goleg. Mae ceisiadau ar agor i fyfyrwyr cartref a thramor sydd wedi dewis un o gyrsiau israddedig yr Adran Fathemateg yn Abertawe fel un o'u dewisiadau UCAS.

Dylai unrhyw un sydd â diddordeb mewn cymryd yr arholiad ysgoloriaeth ddychwelyd y ffurflen gais: ARHOLIAD YSGOLORIAETH MATHEMATEG 2027

Neu e-bostiwch: maths-scholarships@swansea.ac.uk

Gallwch lawrlwytho papur arholiad 2026 yma: Arholiad 2026

Nodyn: Bydd y Brifysgol hefyd yn cynnig nifer o Fwrsariaethau Rhagoriaeth gwerth £3,000 i fyfyrwyr sy'n derbyn canlyniadau AAA yn eu Safon Uwch (Lefel A neu gyfwerth) a £2,000 i fyfyrwyr sy'n derbyn canlyniadau AAB yn eu Safon Uwch (Lefel A neu gyfwerth). Am ragor o wybodaeth ewch i: https://www.swansea.ac.uk/cy/israddedig/ysgoloriaethau/ysgoloriaethau-rhagoriaeth/

Enillydd Ysgoloriaeth 2025/2026

Issabelle P. Kent-Jackson, Ysgol a Chweched Ddosbarth Hedingham

"I ddechrau, doeddwn i ddim wedi ystyried sefyll yr arholiad ysgoloriaeth, ond yn y diwrnod agored cefais anogaeth gref i gymryd rhan, a chefais ddealltwriaeth gliriach o'r cyfleoedd y gallai Prifysgol Abertawe eu cynnig i mi. Pan enillais ysgoloriaeth, cefais gryn syndod. Fe wnaeth hyn godi fy hunan hyder a gwneud i mi sylweddoli'r potensial sydd gen i, i astudio yn y Brifysgol, gan roi cyfle i mi ymchwilio'n ddyfnach i bwnc rwy'n angerddol amdano.

Yn ogystal, mae'r cymhelliant ariannol wedi fy ngalluogi i gofleidio bywyd Prifysgol a gweithio tuag at fy nodau gyrfa fel actiwari. Credaf yn gryf y gall unrhyw un, sydd ag agwedd bositif at waith, agwedd benderfynol ac ysgogiad, gyflawni ei nodau, ni waeth pa heriau y gallai eu hwynebu, ar yr amod bod ganddo amgylchedd sy’n cynnig cymorth ac yn grymuso unigolion, fel Prifysgol Abertawe.

Rwy'n edrych ymlaen yn fawr at y blynyddoedd nesaf o astudio ac at ehangu fy ngorwelion."

Megan Francis, Porthcawl Comprehensive School

"Roedd yr arholiad yn heriol ond yn werth pob eiliad a dreuliais arno; roedd yn ffordd wych o brofi fy ngallu. Rhoddodd yr arholiad yr hyder i mi allu symud ymlaen o safon Uwch A a mynd ymlaen i'r Brifysgol."

Enillydd Ysgoloriaeth 2024/2025

Harry Sadler, Coleg Cymunedol Ivybridge

"Mae cael yr ysgoloriaeth hon wedi rhoi'r hyder roedd ei angen arna i i bontio o'r coleg i astudio Mathemateg ym Mhrifysgol Abertawe. Rydw i wedi ennill profiad a gwybodaeth o'r prawf ysgoloriaeth hwn a fydd yn fy helpu gyda chwestiynau heriol yn y dyfodol. Yn ystod yr ychydig wythnosau rydw i wedi bod yma, rydw i wedi mwynhau'n fawr diolch i'r adran a'r gymuned fathemateg gyfeillgar yn Abertawe."

Bailey Weng, Coleg Desborough, Maidenhead

"Roedd gallu astudio drwy'r ysgoloriaeth mathemateg wedi rhoi profiad mwy clir a hyderus i mi na chredais yn flaenorol.

Fel person sydd â diffyg hyder cyffredinol, mae llwyddo yn yr arholiad wedi caniatáu i mi fynegi fy angerdd gwirioneddol am y pwnc; rhywbeth na fydda i'n edifarhau. Wrth i mi ymchwilio'n ddyfnach i fyd mathemateg, mae'r cymorth ariannol ac addysgol gan y tîm yn yr Adran Fathemateg heb ei os.

Dyma rywbeth y byddwn yn ei gofio ar ôl fy nghyfnod yn Abertawe a byddwn yn argymell yr adran yn fawr i unrhyw un sy'n dymuno dilyn y rhaglen hon."

Enillydd Ysgoloriaeth 2023/2024

Ryan Davies, Coleg Sir Gâr, Campws y Graig (llun wedi'i atodi)

"Mae derbyn yr ysgoloriaeth hon wedi gwneud pontio i'r Brifysgol yn brofiad llawer mwy cadarnhaol nag yr oeddwn wedi ei ddisgwyl. Mae llwyddo yn yr arholiad wedi dangos i mi mai Mathemateg oedd y pwnc roeddwn i eisiau ei astudio, yn bendant. Mae'r cymorth ariannol wedi fy ngalluogi i fyw ar y campws, sy'n golygu ei bod hi’n haws mynychu darlithoedd, sy'n fy ngalluogi i ganolbwyntio’n llwyr arnyn nhw. Erbyn hyn, rwyf wedi bod yn astudio yn Abertawe am ddau fis, a gallaf ddweud yn onest mai dyma'r peth gorau rydw i erioed wedi ei wneud. Alla i ddim diolch ddigon i'r Adran Fathemateg am roi'r cyfle hwn i mi"

Rowan Carroll, Ysgol Bro Dinefwr, Sir Gaerfyrddin (llun wedi'i atodi)

"Mae fy nghyfnod byr yn y Brifysgol hyd yn hyn wedi bod yn rhai o wythnosau gorau fy mywyd, ac rwy'n hynod ddiolchgar am y cyfle i sicrhau fy lle drwy'r arholiad am yr ysgoloriaeth. Teimlaf fel fy mod wedi ennill fy annibyniaeth a'm lle yma yn Abertawe, ac rwy’n argymell yn gryf bod unrhyw un sydd ag uchelgeisiau tebyg yn gwneud yr un peth"

Katherine Hall, Coleg Chweched Dosbarth Barton Peveril

Julianne Oliver, Wolverhampton Girls' High School

Enillydd Ysgoloriaeth 2022/2023

Rebecca Gicquel o Goleg Caerwysg yn Nyfnaint

"Gan nad oeddwn i wedi astudio mathemateg ar lefel Safon Uwch, roeddwn i'n bryderus am ddechrau fy ngradd. Newidiodd hyn yn llwyr pan dderbyniais yr ysgoloriaeth mathemateg ac roeddwn i'n gallu dechrau fy nghwrs gyda hyder newydd. Rydw i mor ddiolchgar fy mod i wedi derbyn yr ysgoloriaeth hon; edrychaf ymlaen at astudio mathemateg gyda'r hyder mae wedi'i roi imi."

GRACE THOMAS O GOLEG GŴYR

"Roedd ennill ysgoloriaeth Mathemateg Prifysgol Abertawe yn gyfle anhygoel ac rwyf mor ddiolchgar. Yn ogystal â lleihau'r baich ariannol rywfaint, gwnaeth hefyd fy ngalluogi i archwilio rhai o'r damcaniaethau cymhleth y byddwn yn eu hastudio. Mae'r gydnabyddiaeth a'r cadarnhad y mae'r ysgoloriaeth wedi'u rhoi i mi wedi rhoi hwb mawr i'm hunan-barch, gan wneud i mi deimlo'n ddigon hyderus i fynd i’r afael â chwestiynau mwy heriol mewn mathemateg. Mae'n eich atgoffa bod gwaith caled yn talu ar ei ganfed a byddwn i'n bendant yn argymell bod pawb sy'n ystyried astudio mathemateg ym Mhrifysgol Abertawe yn cymryd rhan."

Enillydd Ysgoloriaeth 2019/2020

FFION DAVIES O GOLEG CASTELL-NEDD

Er imi fod ychydig yn nerfus wrth sefyll arholiad yr Ysgoloriaeth, ar ddiwedd yr arholiad roeddwn i’n dawel fy meddwl oherwydd roeddwn i wedi cael profiad o rywfaint o’r gwaith roeddwn i wedi bod yn canolbwyntio arno yn ystod fy mlwyddyn gyntaf. Rhoddodd y canlyniadau hwb i’m hyder ac roeddent yn sicr wedi helpu’r broses o bontio rhwng y coleg a bywyd y brifysgol. Roedd derbyn y fwrsariaeth yn fraint wirioneddol ac mae hi wedi bod o gymorth sylweddol yn ariannol gan wneud imi sylweddoli bod y gwaith caled yn talu’r pwyth yn ôl. Hoffwn i ddiolch i bawb yn Adran Fathemateg Prifysgol Abertawe am flwyddyn gyntaf anhygoel ac ni allaf aros i’r flwyddyn nesaf gychwyn.

Enillydd Ysgoloriaeth 2018/2019

BAILEY WILLMOTT O GOLEG MERTHYR TUDFUL

“Gwnaeth ennill yr ysgoloriaeth Mathemateg roi hwb mawr i’m hyder, yn barod i ddechrau darlithoedd yn y Brifysgol. Mae hefyd wedi rhoi blas i mi ar y mathau o bynciau y byddem ni’n eu hastudio. Roedd yn destun balchder i gael cydnabyddiaeth gan y brifysgol, derbyn gwobr ariannol a dechrau fy mhrofiad yn Abertawe o ddifri!”

HANNAH BENNETT O YSGOL GYFUN BRYN CELYNNOG, PONTYPRIDD

JACK TWEEDIE O YSGOL WELLSWAY, BRYSTE

Enillydd Ysgoloriaeth 2017/2018

SELENA HOFFMAN O GOLEG CYMUNEDOL EXMOUTH, EXMOUTH

RYAN WALTERS O GOLEG SIR GÂR, LLANELLI

MEGAN WIGGINS O YSGOL GYFUN BRYNTEG, PEN-Y-BONT AR OGWR