Rydym yn falch o gynnig profiad addysgol heb ei ail, gan ddefnyddio ymagweddau dysgu ac addysgu effeithiol sydd wedi'u teilwra er mwyn eich cefnogi drwy gydol eich astudiaethau. Caiff eich cwrs ei addysgu wyneb yn wyneb ar y campws, gan roi'r cyfle i chi feithrin cysylltiadau â'ch darlithwyr a chydweithio'n agos â'ch cyd-fyfyrwyr.
Byddwch chi'n cael eich dysgu drwy gyfuniad o ddarlithoedd mewn grwpiau mawr, seminarau grwpiau bach a sesiynau ymarferol. Mae darlithoedd yn gyfle i gyflwyno syniadau a chysyniadau allweddol mewn fformat strwythuredig wedi'i arwain gan y tiwtor, ac mae sesiynau llai o faint yn rhoi'r cyfle i chi ofyn cwestiynau, cymryd rhan mewn trafodaethau a gweithio ar esiamplau byd go iawn gyda'ch cyfoedion. Mae gweithdai ymarferol a gweithgareddau ar sail sgiliau yn eich galluogi i gymhwyso damcaniaeth, datblygu hyder ac ymarfer gweithio mewn timau.
Er mwyn cefnogi eich dysgu, caiff recordiadau o ddarlithoedd neu grynodebau o ddarlithoedd eu lanlwytho i Canvas, gan eich helpu i ailymweld â deunydd, adolygu ar gyfer asesiadau ac atgyfnerthu eich dealltwriaeth yn ystod eich amser eich hun. Mae nifer o fodiwlau hefyd yn cynnwys adnoddau ar-lein ychwanegol megis fideos, tasgau dan arweiniad, sleidiau a chwisiau, gan roi hyblygrwydd ychwanegol i chi astudio mewn ffordd sy'n addas i chi.
Byddwch hefyd yn elwa o fentora academaidd un i un, gan sicrhau bod gennych bwynt cyswllt penodol drwy gydol eich astudiaethau. Mae'r sgyrsiau hyn yn gyfle i chi drafod eich cynnydd, cael arweiniad personol ac archwilio cwestiynau academaidd a allai fod gennych.
O ddechrau eich gradd, mae gweithgareddau sefydlu yn eich helpu i ymgartrefu ym mywyd y Brifysgol, cwrdd â staff a chyd-fyfyrwyr, a datblygu eich hyder wrth ofyn cwestiynau a chymryd rhan yn eich cymuned ddysgu. Mae'r cysylltiadau cynnar hyn yn helpu i greu awyrgylch cefnogol lle byddwch chi'n teimlo'n gysurus yn cyfrannu, yn rhannu syniadau ac yn gofyn am gymorth pan fydd ei angen.
