Gwyddor Data Iechyd, MSc / PGDip / PGCert

Mae angen o leiaf 2:2, neu gymhwyster tramor cyfwerth, mewn disgyblaeth feintiol fel

• Mathemateg
• Ystadegau
• Cyfrifiadura
• Peirianneg
• Ffiseg
  neu'r
• Gwyddorau Biofeddygol (yn cynnwys epidemioleg, gwyddorau biolegol, neu feddygaeth)

Mae'n rhaid bod eich gradd wedi cynnwys elfennau ystadegol neu gyfrifiadol sylweddol neu gefndir data iechyd/meddygol.

• Mae’n bosib y caiff profiad perthnasol mewn gwyddor data iechyd, neu faes cysylltiedig ei dderbyn yn lle gradd a dylid dangos tystiolaeth o hyn yn eich ceisiadau.
• Gall fod angen sgôr IELTS neu gymhwyster cyfwerth a gydnabyddir gan Brifysgol Abertawe ar ymgeiswyr rhyngwladol os nad Saesneg yw eich iaith gyntaf. Os dyma'r achos, bydd angen sgôr IELTS, neu gymhwyster cyfwerth a gydnabyddir, o 6.5 (lleiafswm o 6 ymhob elfen).

Addysgir y rhan fwyaf o'n cyrsiau wyneb yn wyneb, ar y campws, sy’n eich galluogi chi i gyfathrebu'n llawn â'ch darlithwyr a'ch cyd-fyfyrwyr.

Mae'r cyrsiau wedi'u dylunio i roi cyfle i chi gymhwyso'r hyn rydych chi'n ei ddysgu i ddata byd go iawn o brosiectau ymchwil hynod lwyddiannus ar draws amrywiaeth o ddisgyblaethau ym maes gwyddor data iechyd.

Mae aseiniadau yn berthnasol i'r mathau o waith ar gyfer gwyddonwyr data iechyd a chewch gyfle i gymhwyso dulliau ystadegol a dysgu peirianyddol uwch i ddata iechyd.

Byddwch chi'n dysgu sut i weithio er mwyn dadansoddi a dehongli data iechyd a'i ddefnyddio i helpu i ddatrys heriau gofal iechyd.

Mae llawer o'n myfyrwyr yn cwblhau traethawd estynedig ar set ddata o grant ymchwil sydd wedi darparu cyfraniadau sylweddol o ran deall clefydau, rhoi data iechyd ar waith mewn ymarfer clinigol, neu gefnogi penderfyniadau clinigol.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Caiff myfyrwyr Gwyddor Data Iechyd eu haddysgu gan amrywiaeth o ymchwilwyr o’r radd flaenaf yn yr Ysgol Feddygaeth, gan roi mynediad heb ei ail i chi at addysgu ar ein hymchwil feddygol ddiweddaraf. 

Y prif staff addysgu ar y rhaglen Gwyddor Data Iechyd yw: 

• Cyfarwyddwr Rhaglen Dros Dro: Dr Vesna Vuksanovic
• Derbyniadau: Judy Jenkins
• Pennaeth Gwyddor Data Iechyd: Professor Mike Gravenor
• Dr Rowena Baily
• Dr Owen Bodger
• Professor Sinead Brophy
• Dr Marcos del Pozo Banos
• Professor Richard Fry
• Professor Mike Gravenor
• Dr Arron Lacey
• Dan Thayer
• Dr Vesna Vuksanovic
• Professor Alan Watkins

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae gennym hefyd amrywiaeth o Ysgoloriaethau Meistr a Addysgir ar gael, yn ogystal ag ysgoloriaethau ar gyfer unigolion sydd am astudio rhan o'u cwrs trwy gyfrwng y Gymraeg.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol: 

Neilltuir Mentor Academaidd i chi o blith staff academaidd cymwys yn yr Ysgol Feddygaeth, neu efallai o blith staff clinigol o Fyrddau Iechyd yn achos GEM a PA.  

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Gallai Mentoriaid Academaidd Personol hefyd eich helpu gyda'ch cynllunio datblygu personol a chyngor gyrfaoedd. Gall eich mentor hefyd eich cyfeirio at y gwasanaeth Lles a gwasanaethau cymorth eraill, fel y bo'n briodol.  

 

Swyddfa Wybodaeth yr Ysgol Feddygaeth: 

Mae'n tîm o weinyddwyr a chydlynwyr gwybodaeth myfyrwyr wrth law i roi cymorth gyda'ch ymholiadau academaidd a'ch cyfeirio at wasanaethau ychwanegol pan fydd angen.  

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Mae'r cwrs hwn yn addas i'r rhai sy'n gweithio mewn gofal iechyd neu epidemioleg â rolau sy'n cynnwys dadansoddi data iechyd a chyfrifiadurwyr sydd â phrofiad o weithio gyda data o faes gofal iechyd, yn ogystal â pheirianwyr biofeddygol a meysydd eraill.

Mae Gwyddonwyr Data Iechyd yn gweithio ym maes gofal iechyd, mewn rolau sy'n cynnwys dadansoddi data iechyd, ac mae'n cynnwys cyfrifiadurwyr sy'n gweithio gyda data o faes gofal iechyd.

Mae tasgau nodweddiadol gwyddonwyr data iechyd yn cynnwys:

• paratoi data
• defnyddio SQL neu ieithoedd rhaglennu
• defnyddio technegau codio clinigol megis ICD-10 neu SNOMED
• modelu a dadansoddi data
• ystadegau
• dysgu peirianyddol
• epidemioleg
• economeg iechyd
• delweddu data a llunio adroddiad/cyhoeddi

Dyma rai enghreifftiau o ddata nodweddiadol y mae gwyddonydd data iechyd yn gweithio gyda nhw:

• data a gesglir mewn lleoliadau gofal sylfaenol (meddygfeydd) a gofal eilaidd (ysbytai)
• cofrestrfeydd iechyd
• data'r Cyfrifiad
• data  holiaduron
• data demograffig
• data o ddyfeisiau meddygol neu gymwysiadau ffitrwydd/iechyd
• data genomig
• data amgylcheddol (e.e. tymheredd, gwlybaniaeth, llygredd aer, lefel paill)
• Systemau Gwybodaeth Ddaearyddol (GIS)

Gellir astudio’r cwrs hwn ar sail cwrs gradd Meistr Ryngosodol. 

Mae cwrs gradd rhyngosodol yn golygu blwyddyn ychwanegol o astudio ar ben eich rhaglen gradd mewn Meddygaeth ac mae’n gyfle i archwilio maes newydd yn fanylach, ennill gwybodaeth newydd, a datblygu sgiliau newydd. 

Os oes gennych chi ddiddordeb mewn astudio ar y cwrs gradd hwn, e-bostiwch study@abertawe.ac.uk