Mae'r erthyglau hyn bellach wedi'u harchifo ac ni fyddant yn cael eu diweddaru mwyach
Pan ddaw i helpu cleifion i baratoi eu hunain ar gyfer llawdriniaeth, gellir dadlau bod Rea Pugh-Davies o Fae Abertawe yn un o'r goreuon sydd o gwmpas.
Daw’r acolâd trwy garedigrwydd y Coleg Nyrsio Brenhinol wrth i’r gweithiwr cymorth nyrsio yn Ysbyty Castell-nedd Port Talbot gael ei henwi’n Weithiwr Cymorth Nyrsio Gorau yng Ngwobrau RCNi eleni.
Fel rhan o dîm anabledd dysgu'r ysbyty mae Rea (sydd yn y llun) wedi creu argraff ar ei gallu i ganolbwyntio ar ei chleifion, llunio cynlluniau gofal unigol, ac mae wedi cynorthwyo i wella eu profiad a'u hiechyd yn dra ddramatig.
Meddai Rea, sydd bellach wedi dechrau ei hyfforddiant nyrsio ar secondiad rhan-amser ym Mhrifysgol Abertawe: “Rwy'n hollol ddileferydd, mae'n gyflawniad gwych. Gobeithaf ysbrydoli pobl, i ddangos y gall unrhyw un wneud gwahaniaeth, waeth pa radd neu swydd sydd ganddynt.”
Meddai llefarydd ar ran y beirniaid: “Mae ymrwymiad Rea i gefnogi unigolion yn eithriadol, gan dynnu sylw at y ffaith bod gofal sy’n canolbwyntio ar yr unigolyn yn hanfodol a bod y wardiau heb eu hail.
“Mae hi’n mynychu cyfarfodydd budd gorau i sicrhau ei bod yn adnabod hoff a chas bethau pobl cyn datblygu cynlluniau gofal unigol, gan fynd ymhellach i argraffu hoff bosteri i’w harddangos mewn theatrau neu gyrchu hoff ffilmiau neu gerddoriaeth i leddfu pryder cleifion.
“Gwelodd ei chynllunio manwl a’i ddadsensiteiddio, un claf yn derbyn ei lawdriniaeth ac yn gwneud newidiadau i’w drefn lem sydd wedi gwella ansawdd ei fywyd.”
Dywedodd Joanne Phillips, Rheolwr Arbenigedd Theatrau Anesthetig ac Adferiad yn Ysbyty Castell-nedd Port Talbot: “Mae brwdfrydedd naturiol Rea’n heintus ac yn adfywiol. Mae hi’n ymgysylltu cymaint â'r grŵp cleifion hwn ac maen nhw'n ymateb i'w chyfathrebu a'i phersonoliaeth gynnes a gofalgar. "
Dywedodd yr Athro Jayne Cutter, pennaeth nyrsio ym Mhrifysgol Abertawe: “Rydym yn falch iawn bod Rea wedi cael ei hanrhydeddu fel hyn ac yn falch iawn y bydd hi bellach yn adeiladu ar ei sgiliau niferus wrth iddi astudio â ni. Nid oes gennym unrhyw amheuaeth y bydd yn parhau i fod yn gaffaeliad i’r proffesiwn nyrsio.”
Ychwanegodd Rea: “Gall hyd yn oed y pethau lleiaf wneud y gwahaniaeth mwyaf i’n cleifion. Weithiau mae'n cymryd ychydig o feddwl i wella pethau.”