Teithio Llesol

Os nad oes gennych eich beic eich hun, gallwch logi un o'n Beiciau Prifysgol Abertawe.

Mae yna ganolfannau yn:

• Campws Singleton
• Campws y Bae
• Parcio a Theithio Ffordd Fabian
• Knab Rock yn y Mwmbwls
• Ystumllwynarth yn y Mwmbwls

Ble Alla i Fynd?

Gallwch fynd i unrhyw le y dymunwch – chi sydd i benderfynu! Mae'r beiciau'n ffordd wych o fynd o gwmpas ac archwilio Abertawe. Efallai yr hoffech chi fwynhau golygfeydd y Mwmbwls, neu fwynhau taith hamddenol ar hyd promenâd Abertawe? Os ydych chi'n chwilio am ysbrydoliaeth, edrychwch ar y map llwybr beicio electronig defnyddiol hwn.

Gwnewch yn siŵr eich bod chi'n dychwelyd eich Beiciau Prifysgol Abertawe i orsaf ddocio swyddogol pan fyddwch chi wedi gorffen, a gwasgwch y lifer clo ffrâm i lawr i gloi'r beic. Os byddwch yn dychwelyd eich beic i ffwrdd o orsaf, codir ffi gwasanaeth.

Sut i Gofrestru...

Os nad ydych eisoes wedi cofrestru ar gyfer y cynllun, dilynwch y camau syml hyn:

1. Dadlwythwch y fersiwn ddiweddaraf o'r app nextbike i gofrestru a chael mynediad at y nodweddion diweddaraf (ar gael ar iOS ac Android). Peidiwch ag anghofio derbyn y Ts&Cs.
2. Ar ôl cofrestru, dewiswch ‘Activate Account’.
3. Cwblhewch y ‘Meysydd Proffil’. Cofiwch gofrestru gyda'ch cyfeiriad e-bost @swansea.ac.uk.
4. Dewiswch ‘Datgloi Opsiynau’ a nodwch eich manylion talu. Mae angen blaendal o £5 i ddilysu eich gwybodaeth a bydd yn dod yn gredyd ar eich cyfrif. Nodyn: NI dderbynnir cardiau rhagdaledig. Am ragor o wybodaeth, cyfeiriwch at nextbike T&Cs neu e-bostiwch info@nextbike.co.uk.
5. Dilyswch eich cyfrif trwy glicio ar y ddolen a anfonwyd atoch trwy e-bost.

Nodyn: Er mwyn adbrynu eich tanysgrifiad, rhaid i chi gofrestru gyda'ch cyfeiriad e-bost @swansea.ac.uk. Mae cyfraddau aelodaeth yn berthnasol i'r beic cyntaf y byddwch yn ei logi. Bydd pob rhent ychwanegol yn cael ei godi ar y gyfradd Talu Wrth Deithio safonol. Trwy rentu am fwy na 24 awr, codir tâl arnoch am y diwrnod cyfan nesaf.

Os ydych wedi cofrestru gyda chyfeiriad e-bost personol (heblaw @swansea.ac.uk):

 Os gwnaethoch gofrestru gan ddefnyddio eich cyfeiriad e-bost personol eich hun, ni fydd y system yn eich adnabod fel myfyriwr neu aelod o staff ym Mhrifysgol Abertawe. Bydd angen i chi newid eich e-bost i’ch cyfeiriad e-bost @swansea.ac.uk yn yr ap. Byddwch yn derbyn e-bost gan nextbike yn gofyn i chi wirio'ch e-bost. Unwaith y byddwch wedi gwneud hynny bydd eich tanysgrifiad yn cael ei gymhwyso.

Oeddet ti'n gwybod...

Y gallech chi elwa o aelodaeth flynyddol CAMPUS Beic fel staff neu fyfyriwr sy'n costio dim ond £10 ac sy'n golygu bod 30 munud cyntaf pob reid am ddim, gyda phob 20 munud wedi hynny yn costio dim ond 50 ceiniog!

Ble Alla i Darganfod Mwy?

Gallwch ddarganfod popeth sydd angen i chi ei wybod am gofrestru ar gyfer Beiciau Prifysgol Abertawe, gan gynnwys gwybodaeth am sut i ddod o hyd i'r beiciau, eu rhentu, eu parcio a'u dychwelyd ar wefan y cynllun.

Os oes gennych unrhyw ymholiadau, gall tîm gwasanaeth cwsmeriaid nextbike helpu: info@nextbike.co.uk  

Ffôn: 029 2248 3716.

Mae rhwydwaith beicio Abertawe yn datblygu drwy’r amser. Mae beicio i’n campysau, oddi wrthynt a rhyngddynt yn gyfleus ac yn hawdd ac yn wych ar gyfer lles corfforol a meddyliol.

Mae’r llwybr beicio coch yn cysylltu ein dau gampws, gydag amser beicio tybiedig o 27 munud o gampws i gampws. Gweler Map Beicio Abertawe isod:

Map Beicio Abertawe

Mae’r dolenni isod yn rhoi llawer mwy o wybodaeth am le y gallwch feicio yn Abertawe ac o’i chwmpas:

• Map Beicio Bae Abertawe gan Gyngor Castell-nedd Port Talbot
• Cycle Streets

Llwybrau Bae Abertwe

Yn unol â Deddf Teithio Llesol (Cymru) 2013 Llywodraeth Cymru, mae'r Cyngor wedi ymrwymo i ddarparu a hyrwyddo llwybrau teithio llesol ar draws dinas a sir Abertawe. Mae hyn yn golygu y gall mwy ohonom deithio i'r gwaith yn hawdd ac yn ddiogel ar droed neu ar feic.

Mae Cyngor Abertawe wedi bod yn buddsoddi yn Rhwydwaith Llwybrau Beicio a Cherdded Bae Abertawe gyda dros 118km o lwybrau ac isadeiledd newydd, o ansawdd da ar gyfer cerdded a beicio. Mae rhagor o lwybrau'n cael eu hagor yn gyson er mwyn caniatáu i fwy a mwy o bobl gymryd rhan!

Ein gobaith yw y byddwn yn eich ysbrydoli i roi tro ar y rhwydwaith newydd ar gyfer eich teithiau byr arferol. Efallai y bydd cerdded neu feicio'n dod yn ddewis cyntaf i chi o ran teithio i'r gwaith ac o gwmpas y lle - hyd yn oed os mai dim ond ambell waith yr wythnos y gwnewch chi hynny, gyda'n gilydd gallwn wneud gwahaniaeth enfawr!

Dysgwch ragor am rwydwaith cerdded a beicio Llwybrau Bae Abertawe yma.

Os ydych chi'n feiciwr ym Mhrifysgol Abertawe, a ydych chi wedi ystyried marcio'ch beic gyda'r Gofrestr Feiciau?

Rydym wedi cyflwyno Bike Register, cronfa ddata feicio fwyaf y DU i’n hystod o gyfleusterau ar y campws sydd ar gael i feicwyr. Mae’r Gofrestr Feiciau, sy’n cael ei chymeradwyo gan Alistair Brownlee, enillydd medal aur ddwbl y DU, yn cael ei defnyddio gan bob Heddlu yn y DU i gynorthwyo yn y frwydr yn erbyn lladradau beiciau, gan aduno cannoedd o berchnogion â’u beiciau sydd wedi’u dwyn bob blwyddyn.

Mae dod â Chofrestr Feiciau i’r campws yn gam mawr ymlaen yn ymdrechion y Brifysgol i hyrwyddo beicio diogel i staff a myfyrwyr ar y campws.

Cael eich beic wedi'i farcio tra yn y brifysgol yw'r peth gorau y gallwch chi ei wneud fel eu bod yn dod yn llai agored i ladrad, ac yn haws i'w hailuno â pherchnogion os bydd yr heddlu'n eu hadfer. Mae’n gyflym ac yn hawdd cofrestru’ch beic. Fe welwch un o’n staff cyfeillgar a chymwynasgar y tu allan i Dŷ Fulton neu’r Ysgol Reolaeth ar y dyddiadau isod:

Digwyddiadau cofrestru beiciau bob mis, 13:00 i 14:00.

Os hoffech gysylltu â ni i gael gwybod mwy, e-bostiwch ni ar travel@swansea.ac.uk. 

Os oes gennych ddiddordeb mewn dysgu sut i gynnal a chadw beic sylfaenol, fel sut i drwsio twll, iro cadwyn, neu sut i addasu eich breciau, ymunwch â ni ar y dyddiadau isod lle bydd Bikeability Cymru yn dysgu popeth sydd angen i chi ei wybod AM DDIM!

Dewch yn ol yn ystod y blwyddyn I weld pa dyddiadau byddwn yn cynnal y sessiynnau.

Mae myfyrwyr a staff Prifysgol Abertawe’n elwa ar ystod o ddisgowntiau mewn siopau beicio lleol trwy ddangos cerdyn adnabod dilys i staff/myfyrwyr:

Gweler y disgowntiau gwych hyn ar feiciau ac ychwanegiadau

Gallwch weld lleoliadau’r stondinau i feiciau a’r cyfleusterau cawod isod:

• Mathau a Lleoliadau Parcio Beiciau ar Gampws Parc Singleton
• Lleoliadau’r Stondinau i Feiciau ar Gampws Parc Singleton
• Cyfleusterau i Gael Cawod ar Gampws Parc Singleton

Gallwch weld lleoliadau’r stondinau i feiciau a’r cyfleusterau cawod isod:

• Lleoliadau a Rhestr Stondinau i Feiciau ar Gampws y Bae
• Cyfleusterau i Gael Cawod ar Gampws y Bae

Rydym yn gweithio’n agos gyda’n Swyddogion Cymorth Cymunedol yr Heddlu er mwyn eich helpu i gadw’ch beiciau’n ddiogel.

Rydym yn cynnal digwyddiadau marcio beiciau rheolaidd ar y campws drwy gydol y flwyddyn – edrychwch yma eto ar gyfer ddiweddariadau ar ddigwyddiadau sydd ar ddod.

Yn y cyfamser, darllenwch ein Hawgrymiadau am Ddiogelwch Beiciau ac edrychwch ar Wiriad M 11 cam gan Sustrans.

Mae gan ein campysau gysylltiadau da â ffyrdd mynediad cyhoeddus i gerddwyr ac maen nhw'n cysylltu â pharciau, traethau ac ardaloedd natur cyfagos fel Twyni Crymlyn a Pharc Singleton. Mae cyfrannau mawr o'n campysau ar gyfer cerddwyr yn unig, gyda'r "Rhodfa" wrth galon Campws Singleton yn cysylltu'r dwyrain â'r gorllewin, a cheir strydoedd dan do ac awyr agored i gerddwyr ar Gampws y Bae sy'n cysylltu ein hadeiladau academaidd ag ardaloedd preswyl a mannau hamdden. Rydyn ni wedi'n hamgylchynu gan fannau gwyrdd, coedwigoedd, gerddi botaneg, dolydd ac ardaloedd picnic ar lawntiau neu yn y twyni; ac rydyn ni'n annog cymunedau ein campws i grwydro a chymryd seibiant ym myd natur.

Mae teithio llesol yn rhan graidd o'n strategaeth ar gyfer teithio cynaliadwy. Hefyd ar ein campysau ceir ymylon palmantau wedi'u gollwng, croesfannau a mynediad hawdd i bob adeilad ar gyfer cerddwyr.

Ni oedd y sefydliad cyntaf yng Nghymru i ennill yr Achrediad i Gyflogwyr sy'n Ystyriol o Feicwyr ar y lefel uchaf, sef lefel Aur. Mae hyn yn cynnwys darparu mynediad at gawodydd a chyfleusterau sychu ar gyfer beicwyr a cherddwyr. Rydyn ni'n un o sylfaenwyr a llofnodwyr Siarter Teithio Llesol Bae Abertawe.

Gallwch weld map o fannau sy'n ystyriol o gerddwyr ar Gampws Singleton.

Gallwch weld map o fannau sy'n ystyriol o gerddwyr ar Gampws y Bae.

Sylwch mai dim ond e-sgwteri sy’n rhan o dreialon e-sgwter Llywodraeth y DU y gellir eu reidio’n gyfreithlon ar ffyrdd, llwybrau beicio, a phalmentydd. Am ragor o wybodaeth ewch i:

Treialon e-sgwter: canllawiau i ddefnyddwyr - GOV.UK (www.gov.uk)

Nid oes unrhyw ardaloedd prawf yng Nghymru ar hyn o bryd, felly mae’n parhau’n anghyfreithlon i reidio e-sgwteri mewn unrhyw ardal gyhoeddus yng Nghymru gan gynnwys ffyrdd, llwybrau beicio neu balmentydd. Er mwyn reidio e-sgwteri ar dir preifat mae'n rhaid rhoi caniatâd perchennog y tir.

Nid yw Prifysgol Abertawe yn caniatáu defnyddio e-sgwteri ar unrhyw un o'i safleoedd.