Strategaeth a Pholisi Cynaliadwyedd

Darllen Methodoleg Asesu People and Planet ar gyfer y Polisi a'r Strategaeth.

1. Polisi Cynaliadwyedd Prifysgol Abertawe

Caiff y Polisi Cynaliadwyedd hwn ei adolygu'n flynyddol fel rhan o Adolygiad Rheoli 2022-23 System Rheoli Amgylcheddol ISO14001.

 2. Mae Prifysgol Abertawe'n gweithio i strategaeth cynaliadwyedd amgylcheddol, gan bennu targedau SMART er mwyn lleihau effaith amgylcheddol.

Mae'r Pwyllgor Strategaeth Gynaliadwyedd bellach wedi cael ei greu ac yn cwrdd yn rheolaidd i adolygu darpariaeth y Strategaeth Gynaliadwyedd a chysoni gwaith ar draws y Brifysgol. Isod, ceir enghreifftiau o gofnodion:

Cofnodion y Pwyllgor Cynaliadwyedd Mawrth 2023

Cofnodion y Pwyllgor Cynaliadwyedd Mehefin 2023  

Tabl Mapio Strategaeth

Darllenwch Assessment Methodology for Environmental Auditing & Management Systems gan People and Planet.

Mae Prifysgol Abertawe wedi ymrwymo i broses o Reoli Amgylcheddol (EMS) trwy’r achrediad ISO 14001:2015 a’r achrediad EcoCampus a ddilysir yn allanol.

Gweld y ISO 14001:2015 Certificate.

Gweld Methodoleg Asesu People and Planet ar gyfer Rheoli Carbon.

1. Yn unol â'n Strategaeth Gynaliadwyedd, mae Prifysgol Abertawe wedi ymrwymo i fod yn ddi-garbon ar gyfer allyriadau uniongyrchol (cwmpas 1 a 2) erbyn 2035, gydag o leiaf gostyngiad o 70% erbyn 2030*. Gyda tharged Cwmpas 3 i gyflawni gostyngiad (ar gyfartaledd) o 2.5% flwyddyn ar ôl blwyddyn mewn allyriadau cwmpas 3, gostyngiad o 50% erbyn 2035 (35% erbyn 2030) o linell sylfaen y cytunwyd arni gan CCAUC yn 2015.

Ar hyn o bryd, mae'r Brifysgol yn pennu cyllideb ddatgarboneiddio flynyddol gwerth £3 miliwn sy'n cael ei hintegreiddio i gynllunio prosiectau Ystadau ac sy'n cyd-fynd â chyllideb Sero Net Cynllun Gweithredu Datgarboneiddio Prifysgol Abertawe, Ystadau a Gwasanaethau Campws. Mae Prif Swyddog Gweithredu a Chyfarwyddwr Ystadau a Gwasanaethau Campws y Brifysgol yn gyfrifol am y cynllun gweithredu datgarboneiddio. Caiff monitro perfformiad, adrodd a gweithredu ymyriadau datgarboneiddio eu rheoli gan dimau’r Gwasanaethau Cynaliadwyedd ac Isadeiledd.

Rydym yn adrodd yn gyhoeddus am allyriadau carbon pob cwmpas yn flynyddol ochr yn ochr â Sefydliadau Addysg Uwch eraill y DU ar wefan yr Asiantaeth Ystadegau Addysg Uwch (HESA) ac yn cyhoeddi Adroddiad Perfformiad Blynyddol Llwybr i Sero 2022-2023 fel rhan o'n System Rheoli Amgylcheddol ISO14001. Caiff targedau a pherfformiad eu monitro drwy berfformiad cynlluniau blynyddol y brifysgol, yr Adolygiad Rheoli Amgylcheddol a'r Pwyllgor Cynaliadwyedd strategol.

2a. Mae allyriadau Cwmpas 3 yn cael eu hadrodd i'r Asiantaeth Ystadegau Addysg Uwch drwy wefan yr EMR: gwefan yr Asiantaeth Ystadegau Addysg Uwch (HESA) o dan Gofnodion Rheoli Ystadau.

2b. Mae gan Brifysgol Abertawe bolisïau ac arweiniad ynghylch teithio cynaliadwy (ceir dolenni isod) sy'n pennu targedau ac yn gweithredu cynlluniau ar gyfer lleihau allyriadau carbon teithio yn unol â'n Adroddiad Perfformiad Blynyddol Llwybr i Sero 2022-2023.

• Polisi a Threfniadau Cerbydau Trydan a Gwefru
• 8.1.17 Polisi a threfniadau Teithio Busnes
• Ein Teithio

2c. Mae'r Brifysgol yn cyfrifo cyfanswm yr allyriadau carbon a briodolir i lety preswyl (llety mewnol a llety gan ddarparwyr allanol). Mae hynny wedi'i gynnwys yn ein Adroddiad Perfformiad Blynyddol Llwybr i Sero 2022-2023.

3. Gwnaeth Adroddiad Perfformiad Blynyddol Llwybr i Sero 2022-2023 gynnwys gwaelodlin a thargedau ar gyfer lleihau  allyriadau Cwmpas 3, wedi'u cyfrifo yn y meysydd canlynol:

• Gwastraff
• Dŵr
• Caffael (y gadwyn gyflenwi)
• Teithiau busnes staff a myfyrwyr e.e. teithiau i gynadleddau a theithiau maes
• Staff a myfyrwyr yn teithio i'r brifysgol yn ddyddiol
• Allyriadau carbon sy'n gysylltiedig â'r teithio rhwng cartrefi myfyrwyr a'r Brifysgol ar ddechrau ac ar ddiwedd y tymor (gan gynnwys myfyrwyr rhyngwladol yn teithio i'w mamwlad ac oddi yno)

 * Caiff allyriadau eu holrhain yn unol â thargedau o'n blwyddyn waelodlin 2015/16 y cytunwyd arni gan CCAUC.

Darllen Methodoleg Asesu People and Planet ar gyfer Bwyd Cynaliadwy.

Ym Mhrifysgol Abertawe, rydym yn gwybod bod ein gwasanaethau arlwyo yn hollbwysig i lwyddiant ein hymrwymiad i gynaliadwyedd. Dyna pam mae gennym Polisi Bwyd Iach Cynaliadwy .

Rhoddwyd contract arlwyo newydd i Chartwells gan ddechrau ym mis Ionawr 2022. Mae hyn yn cynnwys holl fannau arlwyo a lletygarwch y Brifysgol ac eithrio mannau Undeb y Myfyrwyr. Fel rhan o'r broses tendro a chaffael, roedd yn rhaid i'r holl ddarpar gontractau arlwyo gael eu polisi arlwyo cynaliadwy eu hunain gan adlewyrchu egwyddorion Gweledigaeth Strategol a Phwrpas Prifysgol Abertawe, yn ogystal â Strategaeth Cynaliadwyedd ac Argyfwng Hinsawdd 2021-25.

Dyma gopi o Arlwyo cwestiynau manyleb gwerthuso tendr ar gyfer Cyfrifoldeb Cymdeithasol Corfforaethol a wnaeth asesu ymgeiswyr ar y fframwaith yr oeddent yn bwriadu ei ddefnyddio yn Abertawe i sicrhau bod dull wedi'i gydnabod gan y diwydiant a’i archwilio'n annibynnol ar waith ar gyfer gwelliant parhaus mewn arlwyo iach a chynaliadwy.

Caiff ein tîm arlwyo ei asesu'n flynyddol o dan ISO:14001 a Systemau Rheoli Amgylcheddol Eco-gampws i sicrhau bod fframwaith cynhwysfawr ar gyfer archwilio allanol a gwella.  O ganlyniad i ofynion ein contract arlwyo a gwaith caled y tîm, mae'r rhan fwyaf o'r mannau arlwyo wedi cyflawni achrediad 1 seren Bwyd am Oes y Gymdeithas Bwytai Cynaliadwy. Gweled Gweled Adroddiad Sgorio Chartwells ym Mhrifysgol Abertawe 2022. Cynhelir cyfarfodydd misol gyda Chartwells i adolygu cynnydd yn erbyn eu Cynllun gweithredu cynaliadwyedd gan gynnwys cynnydd parhaus tuag at achrediad 3 seren Bwyd am Oes y Gymdeithas Bwytai Cynaliadwy.

Yn ogystal â'r gweithrediadau arlwyo ym Mhrifysgol Abertawe, mae'r Tîm Cynaliadwyedd yn gweithio i ddarparu cymorth i brosiectau bwyd cynaliadwy. Mae hyn yn cynnwys ein Prosiect Tyfu Tawe wythnosol sydd wedi bod ar waith yn 22/23, a phartneriaeth ag elusen leol, Goleudy i ddod â'u Hoergell Gymunedol i'r campws ar gyfer staff a myfyrwyr. Rydym wedi cynnal dau ddigwyddiad Oergell Gymunedol ar y campws (Hydref 2022 a Mai 2023), lle bu myfyrwyr yn gwirfoddoli i ddosbarthu dros 700kg o fwyd i dros 200 o bobl!

Cymerwch ran gyda Chynaliadwyedd a Tyfu Tawe

Enghreifftiau o weithgareddau diweddar

Biodiversity Action Plan 2022-2025

Cymuned Instagram y Tîm Cynaliadwyedd

Gallwch gael mwy o wybodaeth yn yr adran Bwyta'n Iach a Chynaliadwy ar y dudalen we Caffael Cynaliadwy a'n tudalen we Cymerwch Ran.

Darllen Methodoleg Asesu People and Planet ar gyfer Buddsoddi a Bancio Moesegol.

Mae'r Brifysgol wedi rhoi Polisi Buddsoddi Moesegol ar waith ers 2014. Mae hwn wedi cael ei ddiweddaru er mwyn cynnwys ein hymrwymiad i roi'r gorau i fuddsoddi mewn tanwyddau ffosil - Polisi a Gweithdrefnau Buddsoddi Moesegol.

Mae gennym ymrwymiad yn ein Strategaeth Cynaliadwyedd ac Argyfwng Hinsawdd newydd, a fabwysiadwyd gan yr Uwch-dîm Arweinyddiaeth, i:

WE.10 Cynnal adolygiad llawn o’n Polisi Buddsoddi Moesegol erbyn 2022, ac ystyried estyn y categorïau nad ydym yn buddsoddi ynddynt ymhellach na thybaco a thanwyddau ffosil, gan adolygu gweithgynhyrchu arfau a sectorau eraill.

Diweddariad ynghylch bancio moesegol:

Ar hyn o bryd, mae Prifysgol Abertawe wrthi'n datblygu Polisi Bancio Moesegol a fydd yn cyd-fynd â'n Polisi a'n Llywodraethu Buddsoddi Moesegol presennol (haf 2011).

Mae gennym ymrwymiad yn ein Strategaeth Cynaliadwyedd ac Argyfwng Hinsawdd newydd, a fabwysiadwyd gan yr Uwch-dîm Arweinyddiaeth, i:

WE.9 Llunion polisi cadarn sydd ar gael i’r cyhoedd ynghylch Bancio Moesegol gan adrodd ar weithgarwch ar lefel uwch. Bydd y polisi hwn yn rhwymo'r Brifysgol i gyfyngu ei busnes (ariannol neu arall) i fanciau sy'n datgan nad ydynt yn darparu cyllid i gwmnïau a phrosiectau tanwydd ffosil.

Mae Prifysgol Abertawe yn integreiddio cynaliadwyedd ac ystyriaethau moesegol i bob elfen o wasanaethau gyrfaoedd yn unol â'n Polisi Gyrfaoedd Moesegol.

Darllen Methodoleg Asesu People and Planet ar gyfer Staff.

Mae gan Brifysgol Abertawe dîm Cynaliadwyedd ymroddedig sy’n gweithio tuag at nodau, uchelgeisiau a llwyddiant Prifysgol Abertawe a’r tu hwnt i gyflawni llwyddiant sylweddol, hirdymor, sydd ag adnoddau digonol ym maes cynaliadwyedd amgylcheddol. Mae gan y Tîm Cynaliadwyedd ei gyllideb flynyddol ei hun sy’n ariannu’r gwaith o gyflawni ymrwymiadau’r Strategaeth Cynaliadwyedd. 

Mae gan y Brifysgol rwydwaith o Gydlynwyr Amgylcheddol. Mae'r rhwydwaith hwn yn helpu i wella perfformiad amgylcheddol ar draws y Brifysgol ac ers i'r Cyfadrannau gael eu sefydlu, mae'r rhwydwaith hwn bellach yn awyddus i ehangu yn ystod 2022-23. 

Mae Pwyllgor Cynaliadwyedd yn y Brifysgol wedi’i gyd-gadeirio gan Niamh Lamond, Cofrestrydd a Phrif Swyddog Gweithredu, a Helen Griffiths, Dirprwy Is-ganghellor Ymchwil ac Arloesi. Mae gan y pwyllgor hwn gyfrifoldeb uniongyrchol dros wireddu ein Strategaeth Gynaliadwyedd, gyda chynrychiolwyr o Gyfadrannau ac Unedau Gwasanaethau Proffesiynol. 

Cylch Gorchwyl y Pwyllgor Cynaliadwyedd

Gweler ein tudalen we Cymerwch Rhan am ragor o fanylion am ddod yn Gydlynydd Amgylcheddol a'n rhaglen Cynaliadwyedd a Lles (SWell).

Gweler yr adran Polisi a Strategaeth am fanylion am y Pwyllgor Cynaliadwyedd a'r Cylch Gorchwyl.

Cewch ddarllen Methodoleg Asesu People and Planet ar gyfer Hawliau Gweithwyr yma.

Prifysgol Cyflog Byw

1.  Caiff y Brifysgol ei hachredu gan y Living Wage Foundation fel cyflogwr Cyflog Byw.

Datganiad newyddion: Mae'r Living Wage Foundation (LWF) wedi achredu Prifysgol Abertawe fel cyflogwr cyflog byw go iawn.

2.  Yn unol â'n hymrwymiad i'n Strategaeth Cynaliadwyedd ac Argyfwng Hinsawdd, bydd y Brifysgol yn:

Amgylchedd Gwaith 11. Ystyried cynnwys cyfeiriad ym mholisïau neu drefniadau perthnasol y Brifysgol at sicrhau a monitro cydraddoldeb o ran cyflog, amodau a thelerau a phensiynau rhwng staff ar gontractau mewnol a staff ar gontractau allanol.

Darllenwch am ein cynnydd yma: Cyflog Teg a Chyfartal

3.  Darllenwch am ein harferion Arlwyo Iach a Chynaliadwy yn y Brifysgol.

4.  Mae Electronics Watch yn cefnogi cadwyni cyflenwi TGCh y Brifysgol. Prifysgol Abertawe oedd y sefydliad cyntaf yng Nghymru i ymuno ag Electronics Watch. Mae hyn yn cynnwys cysylltiad uniongyrchol ag Electronics Watch a lle bynnag y bo'n bosibl, ddefnyddio Fframweithiau TGCh sy'n gysylltiedig ag Electronic Watch hefyd e.e:

• Prifysgolion sy'n aelodau o'r NWUPC
• Prifysgolion sy'n aelodau o'r LUPC

Rhagor o wybodaeth am gaffael Cynaliadwy'r Brifysgol.

Darllen Methodoleg Asesu People and Planet ar gyfer Ymgysylltu â Staff a Myfyrwyr.

Strategaeth Ymgysylltu â Myfyrwyr Prifysgol Abertawe

Mae ein Cynllun Cyfathrebu ac Ymgysylltu Cynaliadwyedd yn sicrhau bod y Brifysgol yn cyfathrebu ac ymgysylltu'n effeithiol â phob aelod o'n prifysgol a'r gymuned leol, gan gynnwys busnesau a rhanddeiliaid eraill. Mae hyn yn ein helpu ni i gyd i wneud datblygiadau cynaliadwy sy'n gwella bywydau ein staff a'n myfyrwyr, ynghyd â'r rhai sy'n byw yn ein cymuned leol ac ehangach.

Dysgwch fwy am sut i gymryd rhan mewn cynaliadwyedd ym Mhrifysgol Abertawe. 

Mae Ymgysylltu â Staff a Myfyrwyr yn elfen allweddol o feysydd eraill yn ein strategaeth hefyd, a gellir gweld y gwaith yn:

• Strategaeth Cynaliadwyedd ac Argyfwng Hinsawdd a’r Adolygiad Rheoli blynyddol cysylltiedig fel rhan o'n System Reoli Amgylcheddol. Gweler Adolygiad Rheoli ISO14001 Atodiad I Perfformiad Amgylcheddol ar gyfer 2020-21 ac Atodiad II Amcanion, Targedau a Dangosyddion Cynaliadwyedd Allweddol ar gyfer 2021-22, sy'n cynnwys “Cyfathrebu, Ymgysylltu, Cynnwys”
• Adroddiad Perfformiad Blynyddol Llwybr i Sero 2022-2023
• Cynllun Gweithredu Bioamrywiaeth 2022-2025
• Cynllun Gweithredu Rheoli Gwastraff 2021-2025
• Addysg ar gyfer Datblygu Cynaliadwy
• Cyfleoedd i staff a myfyrwyr i oruchwylio a chymryd rhan ynghylch y Strategaeth a Polisi Cynaliadwyedd
• Ymsefydlu myfyrwyr - gweld enghraifft: gweler ein tudalen we Sefydlu a Hyfforddiant
• Mae Pwyllgor Cynaliadwyedd Undeb y Myfyrwyr yn fecanwaith allweddol ar gyfer ymgysylltu’n uniongyrchol â’r myfyrwyr am Strategaeth Cynaliadwyedd ac Argyfwng Hinsawdd y Brifysgol, a’r Cynllun Trywydd i Sero cysylltiedig. Rheolir y Pwyllgor gan yr Undeb a cheir mewnbwn gan Dîm Cynaliadwyedd y Brifysgol. Mae pob menter ymgysylltu â myfyrwyr sy’n cynnwys rheoli carbon yn cael ei thrafod yma a gwneir cynlluniau ar y cyd ar gyfer cydweithio parhaus rhwng staff a myfyrwyr ar newid yn yr hinsawdd. Mae agenda sefydlog wedi’i chynnwys yma er eich gwybodaeth: 
• Mae Prifysgol Abertawe a'i myfyrwyr hefyd yn cymryd rhan yng nghynllun Switch Off SOS UK hefyd.

Wythnos Go Green

 Ym mis Mai 2023, cydweithiodd y Tîm Cynaliadwyedd ag amrywiaeth o gwmnïau a sefydliadau lleol, yn ogystal â Chymdeithasau Myfyrwyr a grwpiau ymchwil, i gynnal dwy ffair Go Green ac 19 o ddigwyddiadau ar y campws.

Prosiectau Cynaliadwyedd Undeb y Myfyrwyr

Isod mae rhai o brosiectau allweddol Undeb y Myfyrwyr ar gyfer 2022/23:

• Ym mis Mawrth 2022, aeth Undeb y Myfyrwyr a'n tîm Bywyd Campws ati i godi ymwybyddiaeth a chynnal digwyddiadau megis yr Oergell Gymunedol a chasglu sbwriel yn y gymuned.
• Y Great British Beach Clean ym mis Medi y buom yn cydweithio arno gyda'r Tîm Cynaliadwyedd a Discovery, a fu'n hynod lwyddiannus.
• Sesiynau glanhau misol ar draeth Abertawe.
• Ymgyrch Veganuary a oedd yn cynnwys 'Vegfest' i hyrwyddo stondinau Fegan a Llysieuol lleol.
• Brecwast Costau Byw Masnach Deg sy'n cyd-fynd â'r brecwast wythnosol am ddim rydym yn ei gynnal ar gyfer myfyrwyr fel rhan o'n hymgyrch Costau Byw.
• Pasiwyd Cynnig Gyrfaoedd Di-ffosil yn un o'r Fforymau Myfyrwyr.
• Cynnig cynhyrchion mislif di-blastig i bob myfyriwr yn ein swyddfeydd Undeb y Myfyrwyr.
• Y llynedd, cyflawnodd Undeb y Myfyrwyr sgôr 'Rhagorol' yn ein gwobr Effaith Werdd gydag Undebau Myfyrwyr eraill ledled y DU, sef y sgôr uchaf, a nhw oedd â'r sgôr uchaf ymhlith yr holl genhedloedd (Cymru, yr Alban a Gogledd Iwerddon).

Cymorth i Bartneriaethau Cymunedol Lleol

• • Rydym wedi ymrwymo i hwyluso gwirfoddoli gan staff a myfyrwyr ar gyfer cynaliadwyedd a llesiant yn y gymuned leol a thu hwnt. Mae'r tîm Cynaliadwyedd yn gweithio ochr yn ochr â'n helusen ar y campws, Discovery, i gynnig cyfleoedd i fyfyrwyr a staff gefnogi partneriaethau cymunedol lleol, gan gynnwys hwyluso a hyrwyddo gwirfoddoli drwy ein gwaith cynaliadwyedd ac yn benodol ym maes Bioamrywiaeth a chadwraeth. Rydym wedi gweithio gyda Discovery hefyd i weithredu polisi gwirfoddoli staff sy'n galluogi staff i wirfoddoli gyda Discovery mewn amrywiaeth o ffyrdd. 
  • Mae'r Tîm Cynaliadwyedd wedi gweithio'n agos gyda Chanolfan yr Amgylchedd Abertawe i ddod â'u Repair Cafe i'r campws ar ddau achlysur yn 2023. Daeth myfyrwyr a staff ag eitemau megis dillad, gliniaduron ac offer i'w hatgyweirio, gan leihau'r angen i brynu eitemau newydd. 
  • Mae cymdeithas Cadwraeth Undeb y Myfyrwyr, gyda chefnogaeth yr Adran Ystadau a'r Gyfadran Gwyddoniaeth a Pheirianneg, wedi gweithio i ennill achrediad Aur o dan y cynllun Campws Cyfeillgar i Ddraenogod yn 2022/23.
  • Mae staff yn cael eu gwobrwyo am wirfoddoli drwy ein ap SWell ac mae myfyrwyr yn cael eu hannog a'u cefnogi i wirfoddoli fel rhan o'r profiadau sydd eu hangen i ennill ein Gwobr Cynaliadwyedd Prifysgol Abertawe HEAR.
  • Dyma rai enghreifftiau diweddar o wirfoddoli cymunedol a gweithredu dros Gynaliadwyedd a Llesiant yn Abertawe:
  • Sesiwn Codi Sbwriel Prifysgol Abertawe 2023 i Nodi Coroni'r Brenin
  • Creu ymylon blodau gwyllt yn Abbey Meadow
  • Diwrnod allgymorth ecoleg i ddisgyblion ysgol lleol mewn partneriaeth ag Ymestyn yn Ehangach
  • Oergell Gymunedol ar y campws mewn partneriaeth â Goleudy
  • Wythnos Go Green 2023  

Cronfeuydd ar gyfer prosiectau cynaliadwyedd a lles wedi'u harwain gan fyfyrwyr

Gall myfyrwyr gael cyllid i wneud prosiectau sy'n ymwneud â Chynaliadwyedd a Lles drwy nifer o fentrau, gan gynnwys:

• Lleoliadau gwaith cynaliadwyedd, rhai gwirfoddol a rhai â thâl, gydag Academi Cyflogadwyedd Abertawe - mae enghreifftiau diweddar yn cynnwys: Cynllun blwch llysiau Square √ Root, lleoliad gwaith am 6 mis i un myfyriwr drwy Rwydwaith Interniaeth â Thâl Abertawe.
• Prosiectau cyllid torfol sy'n ymwneud â Chynaliadwyedd a Lles - mae enghreifftiau diweddar o brosiectau torfol yn cynnwys: Siop dim gwastraff Root Zero ar y campws £985 a siop byw'n ecogyfeillgar EasilyEco £355.
• Mae'r Tîm Cynaliadwyedd yn cefnogi myfyrwyr a chymdeithasau Undeb y Myfyrwyr i gael cyllid, e.e. drwy gynllun SOS Student Eats Undeb Cenedlaethol y Myfyrwyr - mae prosiectau diweddar yn cynnwys: Prosiect tyfu ar y campws, Tyfu Tawe a gefnogir gan yr Ymddiriedolaeth Cadwraeth Dŵr, gweler tudalen 3.
• Gall cymdeithasau myfyrwyr hefyd wneud cais i'r Tîm Cynaliadwyedd am Gronfeydd Grant Gwyrdd o hyd at £100 ar gyfer prosiectau sy'n gysylltiedig â chynaliadwyedd. Mae'r cynllun hwn yn cael ei redeg ochr yn ochr â'n cydweithwyr yn Undeb y Myfyrwyr.
• Fel enillydd 'Gwobr Jiwbilî'r Frenhines', cafodd Prifysgol Abertawe, ynghyd â phrifysgolion buddugol eraill y DU, ei chynnwys yng Nghronfa Gwobrau Her Myfyrwyr Jiwbilî Blatinwm y Frenhines. Roedd yr her yn cynnwys set drylwyr o weithdai gyda'r nod o ddarparu adroddiad ac arweiniad i'r Adran Addysg ar sut i fesur, targedu a hwyluso dyfodol Sero Net. Llwyddodd myfyrwyr o Brifysgol Abertawe, a gymerodd ran hefyd, i gael £15,000 i ariannu prosiect atafaelu carbon i dyfu a phlannu mwsogl migwyn ar gyfer adfer mawndir a gwaith gwyrddu ar y campws. Darllenwch fwy ar ein tudalen we Cymerwch ran.

Sefydlu Staff

• Sesiynau ymsefydlu gorfodol i staff newydd, gan yr adran AD - gweler enghraifft: Sesiwn ymsefydlu i staff, gan yr adran AD
• Sesiynau ymsefydlu i gontractwyr - bydd hwn yn dod yn webinar ar-lein, gweler hefyd 8.1.10 Anghenion a Disgwyliadau o Gontractwyr.

Ymgysylltu â'r Undebau Llafur

• Y Pwyllgor Cynaliadwyedd
• Cylch Gorchwyl y Pwyllgor Cynaliadwyedd

• Ymgynghoriad ar Strategaeth Cynaliadwyedd ac Argyfwng Hinsawdd Prifysgol Abertawe 2021:
• Rhestr o Ymgyngoreion y Strategaeth Cynaliadwyedd
• Cyfathrebu ar gyfer y Strategaeth Cynaliadwyedd

Cynrychiolaeth Myfyrwyr

Cynrychiolaeth myfyrwyr ar Bwyllgorau'r Brifysgol (h.y. ystadau, cynllunio, cyllid a gwneud penderfyniadau strategol)

Dau bwyllgor lle mae myfyrwyr yn aelodau llawn:

• Pwyllgor Partneriaeth ac Ymgysylltu â Myfyrwyr
• Pwyllgor Partneriaeth ac Ymgysylltu â Myfyrwyr
• Y Pwyllgor Cynaliadwyedd
• Cofnodion y Pwyllgor Cynaliadwyedd Mawrth 2023
• Cofnodion y Pwyllgor Cynaliadwyedd Mehefin 2023

Undeb y Myfyrwyr

Mae Prifysgol Abertawe yn gweithio'n gydweithredol ag Undeb y Myfyrwyr i gefnogi eu gwaith tuag at wella cynaliadwyedd yn barhaus a lleihau'r effaith ar yr amgylchedd. Drwy gyfres o fesurau rhagweithiol fel; mentrau Undeb y Myfyrwyr fel siopau Root a Root Zero, darparu cyngor a chymorth arbenigol, cynnal archwiliadau mewnol gan weithio tuag at achrediad EMS ISO 14001, creu Cynlluniau Gweithredu Cynaliadwyedd a gweithio gyda chymdeithasau Undeb y Myfyrwyr i helpu i wireddu eu nodau cynaliadwyedd. Darllenwch ddatganiad Ymrwymiad Cynaliadwyedd Undeb y Myfyrwyr.

Ym mis Mawrth 2023, cafodd Undeb y Myfyrwyr wobr Cynaliadwyedd a Gwirfoddoli UCM Cymru.

Mae pob aelod staff, gan gynnwys staff Undeb y Myfyrwyr, yn cael eu gwobrwyo am eu gweithredoedd cynaliadwyedd a llesiant yn y gwaith (yn y swyddfa a gartref) ar SWell. Gall staff Undeb y Myfyrwyr gwblhau gweithgareddau cynaliadwyedd neu fynychu digwyddiadau i ennill pwyntiau SWell sy'n eu helpu i ddringo'r tabl ac ennill gwobrau. Gyda thalebau a gwobrau i'w hennill, yn ogystal â rhoddion elusennol i'r perfformwyr gorau, mae digon o ffyrdd i gael eich gwobrwyo. Dysgu mwy a chofrestru ar SWell.

Gallwch weld cylchlythyrau diweddar SWell isod:

Mehefin 2023 – Mae Ymgyrch Grym y Bobl wedi Cyrraedd

Mai 2023- Gwenyn Gwefreiddiol: Dathlu Diwrnod Gwenyn y Byd

Ebrill 2023- Troi’n Wyrdd gyda Phrifysgol Abertawe

Mawrth 2023- Beth am fod yn Arbedwr Dŵr y Mis Hwn

Chwefror 2023- Eirth Gwynion ac Awyrennau

Ionawr 2023- Blwyddyn Newydd, Adeiladu Eco-arferion Newydd

Rhagfyr 2022- Dymunwn Nadolig Dedwydd a Chynaliadwy i chi

Tachwedd 2022- Dathlu Pen-blwydd Cyntaf SWell

Hydref 2022- Calan Gaeaf Bach ei Effaith

Medi 2022- Croeso'n Ôl

Awst 2022- Lleihau Allyriadau drwy eich Deiet

Darllenwch Fethodoleg Asesu People and Planet ar gyfer Addysg ar gyfer Datblygu Cynaliadwy

1.  Gweledigaeth Strategol a Diben Prifysgol Abertawe

Ym Mhrifysgol Abertawe, rydym yn cydnabod bod arfogi myfyrwyr â'r wybodaeth a'r ddealltwriaeth, yn ogystal â'r sgiliau a'r rhinweddau, i weithio mewn ffordd sy'n diogelu lles amgylcheddol, cymdeithasol ac economaidd, yn angenrheidiol wrth allu llywio dyfodol cynaliadwy. Mae Prifysgol Abertawe yn ymrwymedig ar y lefel uchaf i wreiddio cynaliadwyedd mewn addysgu, fel yr amlinellir yng Ngweledigaeth Strategol a Diben y Brifysgol.

Yn benodol, ar y lefel strategol uchaf, prif ymrwymiad ein Prifysgol yw “alinio ein gwaith â’r Nodau Datblygu Cynaliadwy."

Gweledigaeth Strategol a Diben Prifysgol Abertawe:

Ein hymrwymiadau: (tudalen 7)

Argyfwng yr hinsawdd yw'r bygythiad mwyaf sy'n wynebu ein cymdeithas o hyd. Byddwn yn alinio ein gwaith â'r nodau Datblygu Cynaliadwy a byddwn yn brifysgol ddi-garbon erbyn 2040.

Cyfrifoldeb cymdeithasol: (tudalen 22)

Byddwn yn gweithio i wreiddio'r Nodau Datblygu Cynaliadwy ym mhob rhan o'n cwricwlwm, gan gysylltu addysgu â heriau cymdeithasol. Byddwn yn cynyddu'r gyfran o'n staff sy'n dod o gefndiroedd BAME ar bob lefel a byddwn yn cynnwys rhagor o safbwyntiau Du, Asiaidd a Lleiafrifoedd Ethnig yn ein cwricwlwm i leihau'r bwlch mewn cyrhaeddiad. Rydym hefyd yn cydnabod y dylai dysgu fod yn weithgarwch gydol oes a byddwn yn cynyddu cyfleoedd i oedolion sy'n dysgu feithrin sgiliau newydd a dilyn trywydd eu diddordebau deallusol.

Ein Hymchwil: (tudalen 26)

Mae ein hymchwil yn newid bywydau, yn ysgogi arloesi a thwf rhanbarthol ac mae'n cydweddu â Nodau Datblygu Cynaliadwy'r Cenhedloedd Unedig. Mae'n effeithio ar ein diwylliant a'n cymdeithas, yn ogystal ag ar ein hiechyd a'n lles, ein heconomi a'n planed. Rydym yn ysgogi newidiadau mewn polisi yn genedlaethol ac yn rhyngwladol. Rydym ar flaen y gad mewn llawer o feysydd, gan gynnwys: gweithgynhyrchu uwch ac arloesi ym maes ynni glân a'r economi ddigidol; nanoiechyd a dadansoddi data iechyd ar raddfa fawr; gwerthuso'r farchnad lafur, defnydd gan derfysgwyr o'r rhyngrwyd a chadwraeth ein treftadaeth ddiwydiannol. Rydym yn archwilio ffyrdd newydd o asesu a lliniaru'r risgiau sy'n gysylltiedig ag argyfwng yr hinsawdd ac rydym yn gweithio i amddiffyn y bobl fwyaf agored i niwed yn ein cymdeithas ac i gyfoethogi bywydau pawb drwy ein dealltwriaeth o hanes a'r celfyddydau.

Ein Blaenoriaethau Ymchwil: (tud 29)

Byddwn yn sefydlu'r Sefydliad Uwch-astudiaethau cyntaf yng Nghymru â phwyslais penodol ar ymchwil ryngddisgyblaethol sy'n cael effaith ac sy'n berthnasol i bolisïau ac yn ymateb i'r nodau Datblygu Cynaliadwy.

2.  Gweithredu ac Olrhain Cynnydd mewn Addysg ar gyfer Datblygu Cynaliadwy

Mae'r Tîm Cynaliadwyedd wrthi’n recriwtio asiant newid Addysg ar gyfer Datblygu Cynaliadwy ar hyn o bryd ac mae'n trafod ag Undeb y Myfyrwyr er mwyn ein galluogi ni i fynd ati i gyflawni achrediad Dyfodol Cyfrifol Undeb Cenedlaethol y Myfyrwyr. Yn y cyfamser, rydym yn defnyddio ein system rheoli amgylcheddol allanol a chyfres o brosesau archwilio mewnol, ynghyd â mapio gwaith Nodau Datblygu Cynaliadwy ar draws y Brifysgol, gan gynnwys addysgu ac ymchwil yn yr holl gyfadrannau, fel rhan o ofyniad y Cytundeb Nodau Datblygu Cynaliadwy.

Rhestr gyfoes o gyrsiau a rhaglenni Prifysgol Abertawe wedi'u mapio i Addysg ar gyfer Datblygu Cynaliadwy; gweler: Crynodeb o gyrsiau sy'n gysylltiedig â'r Amgylchedd a Chynaliadwyedd Mawrth 2022

Cynnydd Prifysgol Abertawe ym maes Addysg ar gyfer Datblygu Cynaliadwy

Cyfadran y Dyniaethau a'r Gwyddorau Cymdeithasol Prifysgol Abertawe – Mae'r Ysgol Reolaeth yn aelod o Egwyddorion y Cenhedloedd Unedig: ar gyfer Addysg Rheolaeth Gyfrifol (PRME).

"Gan weithio trwy'r Chwe Egwyddor, mae PRME yn ymgysylltu ag ysgolion busnes a rheolaeth i sicrhau eu bod yn darparu arweinwyr y dyfodol sydd â'r sgiliau y mae eu hangen arnynt i gydbwyso nodau economaidd a chynaliadwyedd, wrth dynnu sylw at y Nodau Datblygu Cynaliadwy (SDG) a chydweddu sefydliadau academaidd â gwaith Cytundeb Byd-eang y Cenhedloedd Unedig." Mae PRME y Cenhedloedd Unedig yn gofyn i aelodau gwblhau asesiad bob dwy flynedd ac adrodd ar gynnydd yn erbyn chwe egwyddor PRME sy'n cynnwys cydweddu cwricwla ac ymchwil ag ymrwymiadau ac agenda'r Nodau Datblygu Cynaliadwy. Adroddiad perfformiad diweddaraf Prifysgol Abertawe. Ragor o wybodaeth am PRME y Cenhedloedd Unedig a sut i gymryd rhan.

Cynnydd Prifysgol Abertawe ym maes Addysg ar gyfer Datblygu Cynaliadwy drwy dablau Cynaliadwyedd QS

Dyfarnwyd bod Prifysgol Abertawe rhwng y 321ain a'r 340fed safle ymysg prifysgolion y byd yn ôl tablau Cynaliadwyedd QS. Mae'r tablau'n cynnwys asesu a meincnodi addysg ac ymchwil cynaliadwy, cyflogadwyedd a chyfleoedd, effaith amgylcheddol a chymdeithasol, cydraddoldeb, ansawdd bywyd, effaith addysg a sefydliadau cynaliadwy Prifysgol Abertawe.

Cynnydd Prifysgol Abertawe ym maes Addysg ar gyfer Datblygu Cynaliadwy drwy asesiadau effaith, adroddiadau a thablau Nodau Datblygu Cynaliadwy Addysg Uwch TIMES.

Mae Prifysgol Abertawe wedi bod yn cymryd rhan yn nhablau Effaith ar gyfer Nodau Datblygu Cynaliadwy Addysg Uwch TIMES ers 2022 ac mae hi rhwng y 101af  a'r 200fed safle ar hyn o bryd ymysg prifysgolion y byd ac mae hi wedi ennill yr 11eg safle ar gyfer Nod Datblygu Cynaliadwy 16 yn benodol. Tablau perfformiad byd-eang yw Tablau Effaith Addysg Uwch Times, sy'n asesu prifysgolion sy'n cymryd rhan yn erbyn Nodau Datblygu Cynaliadwy’r  Cenhedloedd Unedig (SDG). Mae dangosyddion perfformiad yn rhoi gwybodaeth gymharol ar draws pedwar maes eang: ymchwil, stiwardiaeth, allgymorth ac addysgu. Mae hyn yn cefnogi Prifysgol Abertawe drwy ddarparu meincnod a fframwaith blynyddol, er mwyn llywio cynnydd a strategaeth yn erbyn amrywiaeth o ddangosyddion cynaliadwyedd gan gynnwys Addysg ar gyfer Datblygu Cynaliadwy. Prifysgol Abertawe yn adrodd ar gynnydd yn erbyn Nodau Datblygu Cynaliadwy'r Cenhedloedd Unedig.

Gwybodaeth a dolenni defnyddiol:

Sefydliad Ymchwil i Weithredu ar yr Hinsawdd Prifysgol Abertawe

3.  Cefnogi Staff Academaidd

Mae'r Brifysgol wedi ailwampio ei Gwobr Dinesydd Byd-eang (GCA), a gydnabyddir gan HEAR, yn ddiweddar. Mae gwobr GCA bellach yn cydweddu â Nodau Datblygu Cynaliadwy'r Cenhedloedd Unedig ac mae’n seiliedig ar egwyddorion cymwyseddau Addysg ar gyfer Datblygu Cynaliadwy UNESCO. Bellach, mae'r fformat diwygiedig yn integreiddio Addysg ar gyfer Datblygu Cynaliadwy yn fwy ffurfiol fel rhan o'r cwricwla ar draws cyfadrannau a chyrsiau. Mae'n gweithio'n uniongyrchol ag academyddion, ymchwilwyr a darlithwyr gwadd yn ogystal â chynnig cyfleoedd i wirfoddoli ac ymgysylltu â chymuned ehangach Prifysgol Abertawe.

Mae gwaith Addysg ar gyfer Datblygu Cynaliadwy'n cynnwys gofynion safonol, ond mae ef hefyd yn cynnig cyfleoedd am addasiadau penodol a chynnwys teilwredig gan ddibynnu ar y gyfadran/cwrs. Yr enghraifft ddiweddaraf oedd y cwrs wythnos o hyd a luniwyd yn benodol ar gyfer myfyrwyr MBA yn yr Ysgol Reolaeth. Gweler Amserlen Gwobr MBA Yr Ysgol Reolaeth Ionawr 2023.

Yn ogystal â hyn, mae rhaglen Hyfforddiant Llythrennedd Carbon sefydliad-eang yn cael ei chyflawni ar hyn o bryd i staff a myfyrwyr. Mae cwrs ar-lein yn cael ei ddatblygu a chynhelir sesiynau hyfforddiant rheolaidd drwy gydol y flwyddyn.

4. Camau Gweithredu Addysg ar gyfer Datblygu Cynaliadwy

Mae Prifysgol Abertawe yn aelod o Addysg Egwyddorion Rheolaeth Gyfrifol ac mae wedi llofnodi'r rheini, sydd â'r nod o integreiddio agweddau ar Addysg ar gyfer Datblygu Cynaliadwy a Dinasyddiaeth Fyd-eang a chyfrifoldeb cymdeithasol corfforaethol ar draws cwricwla. Mae'r Brifysgol yn dangos ei chefnogaeth a'i hymroddiad i Addysg ar gyfer Datblygu Cynaliadwy drwy ystod o brosiectau arloesol ac amlddisgyblaethol ledled ein holl gyfadrannau ac adrannau.

Mae enghreifftiau o waith adrannau academaidd a chyfadrannau i hyrwyddo a chynnig cyfleoedd academaidd i fyfyrwyr i gymryd rhan a dysgu drwy ddysgu yn y byd go-iawn, yn cynnwys:

• Gwaith yr adran Wyddoniaeth a'i gwaith ymgysylltu cymunedol y maent yn ei wneud drwy Oriel Science a'i gwaith tuag at Nodau Datblygu Cynaliadwy'r Cenhedloedd Unedig.
• Y teithiau maes sydd ar gael drwy'r adrannau Biowyddoniaeth.
• Y cyfleoedd i ymgysylltu y mae'r tîm ymchwil yn yr adran Ddaearyddiaeth yn eu cynnig.
• Mae Dau ar Bymtheg yn brosiect sydd ar ddod gan y tîm Cynaliadwyedd â'r nod o godi ymwybyddiaeth a dealltwriaeth o bob un o 17 Nod Datblygu Cynaliadwy'r Cenhedloedd Unedig, drwy ddal lleisiau ein cenhedlaeth nesaf yn Abertawe drwy gystadleuaeth ar-lein.

Labordai Byw - Tystiolaeth o Brosiectau

Enghreifftiau o labordai byw mewn perthynas â Bioamrywiaeth ar y campws:

• Mae myfyrwyr israddedig Bioleg wedi bod yn defnyddio maglau camera i archwilio sut mae draenogod yn defnyddio Campws Singleton (Dr Daniel Forman (Athro Cysylltiol, Biowyddorau) – Academydd ym Mhrifysgol Abertawe sy’n defnyddio Campysau fel Labordai Byw, gwybodaeth am ein Tiroedd).
• Mae SoDdGA Twyni Crymlyn yn cael ei ddefnyddio at ddibenion gwaith maes israddedigion, ac mae myfyrwyr bioleg yn eu hail flwyddyn yn cynnal archwiliadau i effaith gweithgaredd pobl ar fioamrywiaeth planhigion, ac mae myfyrwyr yn eu trydydd blwyddyn yn cynnal arolygon cynefinoedd cam un estynedig.
• Mae SoDdGA Twyni Crymlyn yn cael ei ddefnyddio at ddibenion ymchwil israddedig ac ôl-raddedig, gan gynnwys effaith pori ar gymunedau o beillwyr ar y morfeydd heli, effaith rhywogaethau goresgynnol a rheolaeth ar gynefinoedd twyni tywod ac effaith mynd â chŵn am dro ar y defnydd o'r glannau gan adar rhydiol, ymysg llawer o bethau eraill.
• Mae myfyrwyr peirianneg sifil israddedig yn defnyddio'r twyni i ddatblygu sgiliau arolygu a Amrywiad Gofodol mewn Esblygiad Twyni Arfordirol mewn Amgylchedd Amrediad Penllanw.

Enghreifftiau o labordai byw mewn perthynas ag Ynni a Charbon ar y campws:

Mae campws y bae yn gartref i SPECIFIC: ADEILADAU YMCHWIL SOLAR A GWEITHREDOL. Mae ymchwilwyr ar y prosiect, gan gynnwys yr Athro Dave Worsley o Brifysgol Abertawe’n rhan o’r ystafell ddosbarth ynni cadarnhaol gyntaf yn y DU, sy’n cynhyrchu, yn storio ac yn rhyddhau ei hynni solar ei hun.

Fel rhan o'r rhaglen Meistr Peirianneg EG-M85, mae myfyrwyr Prifysgol Abertawe yn gweithio gyda thîm Gwasanaethau Technegol Ystadau ar y modiwl Rheoli Prosiect i adrodd ar sut y gall y campws weithio mewn ffordd fwy cynaliadwy. Darperir data defnyddio amwynderau manwl a chyfoes i fyfyrwyr (drwy'r prif ddarlithydd, Dr Kiyohide Wada). Mae hyn yn gwella'r profiad dysgu, gan ei droi o brosiect "ffuglennol" i sefyllfa "byd go iawn" lle gall Prifysgol Abertawe ddefnyddio canlyniadau prosiect y myfyrwyr at ddibenion gwella cynaliadwyedd yn y dyfodol.

Ar y rhaglen Meistr hon, cynigir teithiau o amgylch y campws hefyd i ddangos y dechnoleg beirianneg sy'n darparu gwres a phŵer i adeiladau'r brifysgol ar hyn o bryd, yn enwedig y Rhwydwaith Gwres Rhanbarthol a'r Ganolfan Ynni ar Gampws Singleton.

Yn ogystal, mae adeiladau campws y Brifysgol wedi'u harolygu gan fyfyrwyr BEng i nodi lle gall mesurau goleuo LED ac arbed dŵr gael eu cyflwyno gydag amcangyfrif o gostau cyfalaf ac arbedion amwynderau a charbon posib.

Mae'r Brifysgol hefyd wedi datblygu nifer o grwpiau cysylltiedig sy'n gweithio tuag at y Grwpiau Addysg Uwch ar gyfer Cenedlaethau'r Dyfodol i Gymru. Drwy'r grŵp hwn, rydym yn canolbwyntio ar rannu arferion da ynghylch Addysg ar gyfer Datblygu Cynaliadwy a chynaliadwyedd, ac yn ddiweddar gwnaethom ddechrau rheoli Canolfan Ragoriaeth Ranbarthol y Cenhedloedd Unedig yng Nghymru. Mae grwpiau eraill sy'n gysylltiedig â'r Grwpiau Addysg Uwch ar gyfer Cenedlaethau'r Dyfodol i Gymru yn cynnwys:

• Grŵp Ymchwil ac Arloesi'r Economi Gylchol (y cadeirydd yw Gavin Bunting, Prifysgol Abertawe).
• Dysgu ac Addysgu ar gyfer Addysg ar gyfer Datblygu Cynaliadwy a Dinasyddiaeth Fyd-eang, Prifysgolion Iach.
• Cydweithredu â Byrddau Gwasanaethau Cyhoeddus.
• Adfywio a Chymunedau Cydlynol, Cyfathrebu Effeithiol.

Mae'r Brifysgol hefyd wedi datblygu nifer o grwpiau cysylltiedig sy'n gweithio tuag at y Grwpiau Addysg Uwch ar gyfer Cenedlaethau'r Dyfodol i Gymru. Drwy'r grŵp hwn, rydym yn canolbwyntio ar rannu arferion da ynghylch Addysg ar gyfer Datblygu Cynaliadwy a chynaliadwyedd, ac yn ddiweddar gwnaethom ddechrau rheoli Canolfan Ragoriaeth Ranbarthol y Cenhedloedd Unedig yng Nghymru. Mae grwpiau eraill sy'n gysylltiedig â'r Grwpiau Addysg Uwch ar gyfer Cenedlaethau'r Dyfodol i Gymru yn cynnwys:

• Grŵp Ymchwil ac Arloesi'r Economi Gylchol (y cadeirydd yw Gavin Bunting, Prifysgol Abertawe).
• Dysgu ac Addysgu ar gyfer Addysg ar gyfer Datblygu Cynaliadwy a Dinasyddiaeth Fyd-eang, Prifysgolion Iach.
• Cydweithredu â Byrddau Gwasanaethau Cyhoeddus.
• Adfywio a Chymunedau Cydlynol, Cyfathrebu Effeithiol.

5.  Ehangu mynediad at addysg uwch 

Mae gan Brifysgol Abertawe un ysgoloriaeth bresennol a thair ysgoloriaethau newydd ar gael i fyfyrwyr â statws ffoadur, i'r bobl hynny sy'n ceisio lloches neu sydd â mathau cyfyngedig eraill o ganiatâd i aros yn y DU. Mae pob un o’r pedair ysgoloriaeth yn talu costau llawn ffioedd dysgu am hyd y rhaglen radd. Mae gwefan y Brifysgol wrthi’n cael ei diweddaru ar hyn o bryd i gynnig rhagor o wybodaeth i ddarpar fyfyrwyr am y cyfleoedd ysgoloriaeth newydd hyn.

Yn ogystal â'r ysgoloriaethau, mae ein cydweithwyr BywydCampws wedi creu banc defnyddiol o adnoddau i geiswyr lloches a ffoaduriaid, y gellir eu cyrchu ar eu tudalennau gwe.

Darllenwch Fethodoleg Asesu People and Planet ar gyfer Ffynonellau Ynni.

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Gofnodion Rheoli Ystadau.

Darllenwch Fethodoleg Asesu People and Planet ar gyfer Gwastraff ac Ailgylchu.

Cynllun Gweithredu Rheoli Gwastraff 2021 - 2025

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Gofnodion Rheoli Ystadau.

Mae Prifysgol Abertawe wedi ymuno â'r platfform ailddefnyddio ar-lein, Warp It, sy'n galluogi staff Prifysgolion i hysbysebu celfi diangen, dod o hyd i eitemau a'u hawlio.Mae hyn y cyfrannu at well effeithlonrwydd adnoddau, mae'n lleihau nifer yr eitemau celfi sy'n cael eu hailgylchu'n ddiangen ac yn cefnogi'r economi gylchol.

Mae defnyddio Warp It yn helpu'r Brifysgol i leihau nifer yr eitemau celfi mewn cyflwr da sy'n cael eu gwaredu, gan leihau ein costau gwaredu a'n hôl troed carbon. Gall staff chwilio am eitemau a'u hysbysebu o fewn y sefydliad, a gallant hyd yn oed lunio rhestr o'r pethau mae eu hangen arnynt a chael eu hysbysu pan fyddant ar gael. Mae hyn yn arbed arian, amser yn gwacáu ystafelloedd a lle.

Yn 2023, cyflawnodd Prifysgol Abertawe achrediad Dim Gwastraff i Safle Tirlenwi gan yr Ymddiriedolaeth Garbon, sy’n cydnabod ymrwymiad y Brifysgol at arallgyfeirio’r holl wastraff a gynhyrchir ar ei champysau o safleoedd tirlenwi, a rheoli gwastraff yn fwy effeithiol drwy wella atal, ailddefnyddio neu ailgylchu. Bydd defnyddio platfform Warp It yn cyfrannu at ymdrechion parhaus y Brifysgol i gyflawni'r ymrwymiadau a'r targedau lleihau hyn, yn ogystal â'n hymrwymiadau mewn perthynas â'r Argyfwng Hinsawdd, Caffael a Gwastraff a amlinellwyd yn Strategaeth Cynaliadwy ac Argyfwng Hinsawdd 2021-25, a bydd yn helpu i alinio'n gwaith i'r Nodau Datblygu Cynaliadwy a amlinellwyd yn y Weledigaeth Strategol a Phwrpas.

Gallwch ddarllen rhagor am ein gweithdrefnau a'n cyflawniadau Gwastraff ac Ailgylchu yma.

Darllenwch Fethodoleg Asesu People and Planet ar gyfer Lleihau Carbon.

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Gofnodion Rheoli Ystadau.

Darllenwch Fethodoleg Asesu People and Planet ar gyfer Lleihau Dŵr.

Asesir yr adran hon ar sail data perfformiad blynyddol y Brifysgol yr adroddir amdano'n gyhoeddus, sydd ar gael ar wefan Asiantaeth Ystadegau Addysg Uwch o dan Cofnodion Rheoli Ystadau.