Teithio Llesol

Os nad oes gennych eich beic eich hun, gallwch logi un o'n cynllun Beiciau Santander.

Mae hybiau ar y ddau gampws (mae hybiau eraill yn y mannau canlynol: Southend yn y Mwmbwls, Parcio a Theithio Ffordd Fabian). 

Fel rhan o'r cynnig lles i staff a myfyrwyr, bydd myfyrwyr a staff Prifysgol Abertawe'n cael aelodaeth flynyddol am ddim, sy'n golygu bydd 30 munud cyntaf pob taith feicio am ddim, gyda phob 30 munud wedi hynny'n costio 50c yn unig.

Sut i gael eich Tanysgrifiad Blynyddol Prifysgol Abertawe AM DDIM.

Os nad ydych eisoes wedi cofrestru ar gyfer y cynllun, dilynwch y camau syml hyn:

Cofrestru

1. Gallwch lawrlwytho'r fersiwn ddiweddaraf o ap nextbike i gofrestru a chael mynediad at y nodweddion mwyaf newydd (ar gael ar iOS ac Android). Neu, gallwch wneud hyn ar y wefan: wsantandercycles.co.uk. Peidiwch ag anghofio derbyn yr amodau a thelerau.
2. Unwaith y byddwch wedi cofrestru, dewiswch 'Activate Account'.
3. Cwblhewch y 'Profile Fields'. Cofiwch i gofrestru gyda'ch cyfeiriad e-bost @abertawe.ac.uk.
4. Dewiswch 'Unlock Options' a nodwch eich manylion talu. Mae angen talu blaendal o £5 i ddilysu eich gwybodaeth a bydd yn gredyd ar eich cyfrif. Sylwer: Ni dderbynnir cardiau rhagdaledig. I gael rhagor o wybodaeth, cyfeiriwch at ein hamodau a’n telerau neu e-bostiwch ni yn customerservice@nextbike.co.uk
5. Gallwch ddilysu eich cyfrif drwy glicio ar y ddolen a anfonwyd atoch drwy e-bost.

Sylwer: I ddefnyddio tanysgrifiad 'Beic Campws Prifysgol Abertawe 2021', rhaid i chi gofrestru gyda'r cyfeiriad e-bost @abertawe.ac.uk Mae'r cyfraddau aelodaeth yn berthnasol i'r beic cyntaf rydych yn ei logi. Bydd pob llogi ychwanegol yn destun cyfradd safonol Talu Wrth Seiclo. Wrth logi am fwy na 24 awr, byddwch yn talu am y diwrnod nesaf cyfan.

Os ydych eisoes wedi cofrestru gyda'ch cyfeiriad Prifysgol Abertawe:

Os ydych eisoes wedi cofrestru gyda'r cyfeiriad Prifysgol Abertawe, bydd nextbike angen i chi ail-ddilysu eich cyfrif.

Dylech fod wedi derbyn e-bost gan nextbike (gwiriwch eich post sgrwtsh). Gwnewch yn siŵr eich bod yn dilysu eich e-bost ac yna bydd y tanysgrifiad am ddim yn cael ei ychwanegu.

Os ydych wedi cofrestru gyda chyfeiriad e-bost personol (ar wahân i @abertawe.ac.uk)

Os ydych wedi cofrestru gyda'ch cyfeiriad e-bost personol, ni fydd y system yn eich adnabod fel myfyriwr nac aelod o staff Prifysgol Abertawe. Bydd angen i chi newid eich cyfeiriad e-bost i @abertawe.ac.uk yn yr ap.

Byddwch yn derbyn e-bost gan nextbike yn gofyn i chi ddilysu eich e-bost. Unwaith byddwch wedi gwneud hynny, bydd eich tanysgrifiad ar waith.

Os oes gennych ymholiadau, gall tîm Gwasanaeth Cwsmeriaid nextbike eich helpu: customerservice@nextbike.co.uk   00 44 20 8166 9851. 

Ble galla i fynd?

Gallwch fynd i unrhyw le ar eich Beic Santander – chi sy’n dewis! Mae'r beiciau wir yn ffordd wych o fynd hwnt ac yma ac archwilio Abertawe. Efallai yr hoffech ymweld â'r Mwmbwls, neu fwynhau taith hamddenol ar hyd promenâd Abertawe?   Os ydych yn chwilio am ysbrydoliaeth ar gyfer eich taith feicio, edrychwch ar y map electronig cyfleus hwn o lwybrau beicio. Sicrhewch eich bod chi’n dychwelyd eich beic Santander i orsaf ddocio swyddogol pan fyddwch chi wedi gorffen, bod cyfrifiadur y beic yn dweud ei fod wedi’i ddychwelyd, a’ch bod chi’n wirio â’ch llygaid eich hun fod eich nextbike wedi’i gloi cyn gadael yr orsaf.  

Ble gallaf gael gwybod rhagor?

Gallech chi dderbyn yr holl wybodaeth y mae ei hangen arnoch chi ynghylch cofrestru ar gyfer Beiciau Santander Abertawe, gan gynnwys gwybodaeth am sut i ddod o hyd i feiciau, eu llogi, eu parcio a’u dychwelyd ar wefan y cynllun.

Mae rhwydwaith beicio Abertawe yn datblygu drwy’r amser. Mae beicio i’n campysau, oddi wrthynt a rhyngddynt yn gyfleus ac yn hawdd ac yn wych ar gyfer lles corfforol a meddyliol.

Mae’r llwybr beicio coch yn cysylltu ein dau gampws, gydag amser beicio tybiedig o 27 munud o gampws i gampws. Gweler Map Beicio Abertawe isod:

Map Beicio Abertawe

Mae’r dolenni isod yn rhoi llawer mwy o wybodaeth am le y gallwch feicio yn Abertawe ac o’i chwmpas:

• Map Beicio Bae Abertawe gan Gyngor Castell-nedd Port Talbot
• Cycle Streets

Llwybrau Bae Abertwe

Yn unol â Deddf Teithio Llesol (Cymru) 2013 Llywodraeth Cymru, mae'r Cyngor wedi ymrwymo i ddarparu a hyrwyddo llwybrau teithio llesol ar draws dinas a sir Abertawe. Mae hyn yn golygu y gall mwy ohonom deithio i'r gwaith yn hawdd ac yn ddiogel ar droed neu ar feic.

Mae Cyngor Abertawe wedi bod yn buddsoddi yn Rhwydwaith Llwybrau Beicio a Cherdded Bae Abertawe gyda dros 118km o lwybrau ac isadeiledd newydd, o ansawdd da ar gyfer cerdded a beicio. Mae rhagor o lwybrau'n cael eu hagor yn gyson er mwyn caniatáu i fwy a mwy o bobl gymryd rhan!

Ein gobaith yw y byddwn yn eich ysbrydoli i roi tro ar y rhwydwaith newydd ar gyfer eich teithiau byr arferol. Efallai y bydd cerdded neu feicio'n dod yn ddewis cyntaf i chi o ran teithio i'r gwaith ac o gwmpas y lle - hyd yn oed os mai dim ond ambell waith yr wythnos y gwnewch chi hynny, gyda'n gilydd gallwn wneud gwahaniaeth enfawr!

Dysgwch ragor am rwydwaith cerdded a beicio Llwybrau Bae Abertawe yma.

Os ydych chi'n feiciwr ym Mhrifysgol Abertawe, a ydych chi wedi ystyried marcio'ch beic gyda'r Gofrestr Feiciau?

Rydym wedi cyflwyno Bike Register, cronfa ddata feicio fwyaf y DU i’n hystod o gyfleusterau ar y campws sydd ar gael i feicwyr. Mae’r Gofrestr Feiciau, sy’n cael ei chymeradwyo gan Alistair Brownlee, enillydd medal aur ddwbl y DU, yn cael ei defnyddio gan bob Heddlu yn y DU i gynorthwyo yn y frwydr yn erbyn lladradau beiciau, gan aduno cannoedd o berchnogion â’u beiciau sydd wedi’u dwyn bob blwyddyn.

Mae dod â Chofrestr Feiciau i’r campws yn gam mawr ymlaen yn ymdrechion y Brifysgol i hyrwyddo beicio diogel i staff a myfyrwyr ar y campws.

Cael eich beic wedi'i farcio tra yn y brifysgol yw'r peth gorau y gallwch chi ei wneud fel eu bod yn dod yn llai agored i ladrad, ac yn haws i'w hailuno â pherchnogion os bydd yr heddlu'n eu hadfer. Mae’n gyflym ac yn hawdd cofrestru’ch beic. Fe welwch un o’n staff cyfeillgar a chymwynasgar y tu allan i Dŷ Fulton neu’r Ysgol Reolaeth ar y dyddiadau isod:

Digwyddiadau cofrestru beiciau bob mis, 13:00 i 14:00.

Os hoffech gysylltu â ni i gael gwybod mwy, e-bostiwch ni ar travel@swansea.ac.uk. 

Os oes gennych ddiddordeb mewn dysgu sut i gynnal a chadw beic sylfaenol, fel sut i drwsio twll, iro cadwyn, neu sut i addasu eich breciau, ymunwch â ni ar y dyddiadau isod lle bydd Bikeability Cymru yn dysgu popeth sydd angen i chi ei wybod AM DDIM!

Lleoliad: Cyfarfod y tu allan i Ty Fulton, Gampws Singleton

Amser: Amseroedd gweithdai yn rhedeg 14:00 -15:30pm

Dyddiadau:

- Dydd Iau Chwefror 29ain

- Dydd Iau 14eg a'r 28ain o Fawrth

- Dydd Iau 16eg a 30ain Mai

- Dydd Iau Mehefin 6ed

Mae myfyrwyr a staff Prifysgol Abertawe’n elwa ar ystod o ddisgowntiau mewn siopau beicio lleol trwy ddangos cerdyn adnabod dilys i staff/myfyrwyr:

Gweler y disgowntiau gwych hyn ar feiciau ac ychwanegiadau

Gallwch weld lleoliadau’r stondinau i feiciau a’r cyfleusterau cawod isod:

• Mathau a Lleoliadau Parcio Beiciau ar Gampws Parc Singleton
• Lleoliadau’r Stondinau i Feiciau ar Gampws Parc Singleton
• Cyfleusterau i Gael Cawod ar Gampws Parc Singleton

Gallwch weld lleoliadau’r stondinau i feiciau a’r cyfleusterau cawod isod:

• Lleoliadau a Rhestr Stondinau i Feiciau ar Gampws y Bae
• Cyfleusterau i Gael Cawod ar Gampws y Bae

Rydym yn gweithio’n agos gyda’n Swyddogion Cymorth Cymunedol yr Heddlu er mwyn eich helpu i gadw’ch beiciau’n ddiogel.

Rydym yn cynnal digwyddiadau marcio beiciau rheolaidd ar y campws drwy gydol y flwyddyn – edrychwch yma eto ar gyfer ddiweddariadau ar ddigwyddiadau sydd ar ddod.

Yn y cyfamser, darllenwch ein Hawgrymiadau am Ddiogelwch Beiciau ac edrychwch ar Wiriad M 11 cam gan Sustrans.

Mae gan ein campysau gysylltiadau da â ffyrdd mynediad cyhoeddus i gerddwyr ac maen nhw'n cysylltu â pharciau, traethau ac ardaloedd natur cyfagos fel Twyni Crymlyn a Pharc Singleton. Mae cyfrannau mawr o'n campysau ar gyfer cerddwyr yn unig, gyda'r "Rhodfa" wrth galon Campws Singleton yn cysylltu'r dwyrain â'r gorllewin, a cheir strydoedd dan do ac awyr agored i gerddwyr ar Gampws y Bae sy'n cysylltu ein hadeiladau academaidd ag ardaloedd preswyl a mannau hamdden. Rydyn ni wedi'n hamgylchynu gan fannau gwyrdd, coedwigoedd, gerddi botaneg, dolydd ac ardaloedd picnic ar lawntiau neu yn y twyni; ac rydyn ni'n annog cymunedau ein campws i grwydro a chymryd seibiant ym myd natur.

Mae teithio llesol yn rhan graidd o'n strategaeth ar gyfer teithio cynaliadwy. Hefyd ar ein campysau ceir ymylon palmantau wedi'u gollwng, croesfannau a mynediad hawdd i bob adeilad ar gyfer cerddwyr.

Ni oedd y sefydliad cyntaf yng Nghymru i ennill yr Achrediad i Gyflogwyr sy'n Ystyriol o Feicwyr ar y lefel uchaf, sef lefel Aur. Mae hyn yn cynnwys darparu mynediad at gawodydd a chyfleusterau sychu ar gyfer beicwyr a cherddwyr. Rydyn ni'n un o sylfaenwyr a llofnodwyr Siarter Teithio Llesol Bae Abertawe.

Gallwch weld map o fannau sy'n ystyriol o gerddwyr ar Gampws Singleton.

Gallwch weld map o fannau sy'n ystyriol o gerddwyr ar Gampws y Bae.