Clybiau Chwaraeon

Baner gyda chymysgedd o ddelweddau Varsity 2022 ym Mharc Chwaraeon Bae Abertawe

Dewch o hyd i'ch tîm delfrydol

Edrychwch ar ein rhestr o glybiau

Baner gyda chymysgedd o ddelweddau hyfforddi chwaraeon myfyrwyr a gwirfoddoli yn Chwaraeon Abertawe.

Cymerwch ran gyda Chlybiau Chwaraeon ym Mhrifysgol Abertawe

Dysgwch fwy am hyfforddiant, datblygiad a chyfleoedd i wirfoddoli.

Mwyafu eich cyfleoedd

Edrychwch ar ein Chwaraeon Ffocws

MAE GENNYM FWY NA 50 O GLYBIAU CHWARAEON I CHI DDEWIS OHONYNT

Gyda mwy na 50 o glybiau chwaraeon i chi ddewis ohonynt a mwy na 5000 o aelodau sy'n cymryd rhan ynddynt, mae Chwaraeon Abertawe wir yn cynnig rhywbeth at ddant pawb.

P'un a ydych am roi cynnig ar rygbi neu aikido, dodgeball, hoci neu tae kwon do, byddwch chi'n siŵr o ganfod eich tîm delfrydol yn Abertawe. P'un a ydych ar lefel dechreuwr, canolraddol neu elît, rydyn ni'n cynnig cyfleoedd clybiau chwaraeon i bawb.

Pan fyddwch yn rhan o glwb, fyddwch chi byth yn brin o rywbeth i'w wneud na rhywun i ddod gyda chi. Gyda sesiynau hyfforddi rheolaidd, cynghreiriau lleol, cystadlaethau cenedlaethol ac, wrth gwrs, ambell noson gymdeithasol, mae digon i'w wneud gyda Chwaraeon Abertawe.

Ac er ein bod yn hoff o gael hwyl, rydyn ni hefyd yn uchelgeisiol. Rydyn ni'n anelu at fod ar frig tabl goreuon BUCS, felly dewch i ymuno â'n tîm a bod yn rhan o'r daith.

Dau fyfyriwr yn cymryd rhan mewn ffensio yn Neuadd Parc Chwaraeon Bae Abertawe

Edrychwch ar ein rhestr o glybiau

DIDDORDEB MEWN YMUNO?

Mae popeth y mae angen i chi ei wybod ynghylch ymuno ag un o'n llu o glybiau yn Chwaraeon Abertawe, gan gynnwys gwybodaeth am ffi aelodaeth a'r rhestr lawn o'r hyn sydd ar gael, i'w weld ar Wefan Undeb y Myfyrwyr.

Cliciwch ar y botwm ar y chwith nawr.

Gwisgo'r Cit

P’un a wyt ti’n fyfyriwr sy’n athletwr, neu'n gefnogwr Chwaraeon Abertawe, gallwch brynu cit swyddogol Chwaraeon Abertawe o'r siop chwaraeon Surridge Sports trwy gydol y flwyddyn gan wisgo'r gwyrdd a gwyn gyda balchder.

O sanau a hetiau, i gotiau a chnuoedd, mae digonedd i bawb. Cliciwch yma i weld beth sydd ar gael.

Chwareon Abwertawe Cit

Edrychwch ar ddillad hamdden Chwaraeon Abertawe

Cwestiynau Cyffredin am Glybiau Chwaraeon

Beth yw Aelodaeth o Chwaraeon Abertawe?

Mae angen bod yn aelod o Chwaraeon Abertawe er mwyn cymryd rhan mewn unrhyw un o'n clybiau chwaraeon. Cewch eich annog i brynu aelodaeth cyn y gallwch ymuno â chlwb.

Beth fydd fy aelodaeth yn ei gwmpasu?

Mae aelodaeth o Chwaraeon Abertawe yn un ffi flynyddol o £35 ac mae'n cwmpasu eich yswiriant a'ch logisteg BUCS/cystadlaethau. Nid yw'n cynnwys aelodaeth o'r gampfa.

Ewch i wefan Undeb y Myfyrwyr i gael popeth sydd angen i chi ei wybod.

A yw'r clybiau chwaraeon yn darparu ar gyfer dechreuwyr?

Ydynt, mae ein clybiau yn croesawu pawb, gan gynnwys dechreuwyr.

Faint mae'n ei gostio i ymuno â chlwb?

Bydd llawer o'n clybiau yn cynnal sesiwn flasu neu dreialu am ddim er mwyn i chi roi cynnig arni. Wedyn, gall y prisiau i ymuno â chlwb amrywio o £20 i £80, yn dibynnu ar y gamp. Fel arfer, bydd hyn yn cwmpasu'r holl gostau hyfforddi a chystadlu ar gyfer y flwyddyn. Efallai y bydd ffioedd ychwanegol ar gyfer gwisg neu gyfarpar.

A oes cyfleoedd i gystadlu ac i hamddena?

Mae ein holl glybiau yn cynnwys opsiwn i gystadlu neu i hamddena, yn dibynnu ar faint o amser rydych chi am ei roi.

Pa mor aml y mae'r clybiau'n hyfforddi neu'n chwarae?

Mae ein clybiau'n hyfforddi o leiaf unwaith yr wythnos, ac mae'r timau sy'n perfformio orau yn hyfforddi ddwy neu dair gwaith yr wythnos.

Cynhelir y rhan fwyaf o'r cystadlaethau ar brynhawn dydd Mercher neu ar benwythnosau.

A oes gweithgareddau ar Gampws y Bae?

Parc Chwaraeon Bae Abertawe (Lôn Sgeti) yw ein prif leoliad ar gyfer chwaraeon, ac mae'r rhan fwyaf o'r gweithgareddau yn digwydd yno. Fodd bynnag, mae nifer o'n clybiau chwaraeon yn defnyddio cyfleusterau Campws y Bae ar gyfer sesiynau hyfforddi wythnosol.

A allaf ymuno ar unrhyw adeg yn ystod y flwyddyn?

Mae gweithgareddau'r clybiau yn rhedeg o fis Medi i fis Mai/Mehefin. Felly hyd yn oed os na fyddwch chi'n ymuno â chlwb yn y semester cyntaf, gallwch gymryd rhan ar ôl y Nadolig o hyd. Rydyn ni'n cynnal Ffair y Glas ym mis Ionawr ar gyfer myfyrwyr sy'n newydd i'r brifysgol neu sydd am ymuno â chlwb.

A oes ffyrdd eraill o gymryd rhan?

Oes, mae llawer o gyfleoedd hyd yn oed os nad ydych chi am gymryd rhan mewn chwaraeon eich hun. Gall y rhain gynnwys hyfforddi, dyfarnu, datblygu chwaraeon a chyfleoedd i wirfoddoli, rheoli timau a chymorth cyntaf. Os oes gennych ddiddordeb mewn ffyrdd eraill o gymryd rhan mewn Chwaraeon Abertawe e-bostiwch ein Swyddog Datblygu Chwaraeon Myfyrwyr.