Nofio

Amgylchedd o'r radd flaenaf

Myfyriwr o Brifysgol Abertawe yn nofio yn y pwll ym Mhwll Cenedlaethol Cymru

Lleoliad anhygoel

Aelod o dîm nofio Prifysgol Abertawe yn gwneud pili-pala

Lle caiff athletwyr talentog eu meithrin

Nofio Perfformiad Uhcel Ym Mhrifysgol Abertawe

Ym Mhrifysgol Abertawe, rydym yn meithrin nofwyr o bob lefel, gan ddarparu amgylchedd hyfforddi o'r radd flaenaf yn lleoliad anhygoel Bae Abertawe.

Wedi’i rheoli ar y cyd â Chanolfan Perfformiad Uchel Genedlaethol Nofio Cymru (SWNHPC), lleolir Rhaglen Nofio Prifysgol Abertawe yng nghanolfan Pwll Cenedlaethol Cymru ym Parc Chwaraeon Bae Abertawe. Mae’n cyfuno’r safonau uchaf o ran hyfforddiant nofio, cryfder a chyflyru, gwyddor chwaraeon â mynediad at ragoriaeth academaidd.

Mae ein nofwyr yn anelu am Bencampwriaethau Prydain, Pencampwriaethau’r Byd, Gemau’r Gymanwlad, y Gemau Olympaidd a Pharalympaidd ac maent yn cyflawni canlyniadau rhagorol ar lwyfan byd-eang.

Dengys profiad fod nofwyr dawnus ac ymroddedig yn ffynnu mewn diwylliant o uchelgais ac amgylchedd cefnogol. Dyna’n union yr hyn a ddarparwn ym Mhrifysgol Abertawe a Chanolfan Perfformiad Uchel Genedlaethol Nofio Cymru.

Mae Carfan Berfformio ein Rhaglen Nofio yn llwybr i Ganolfan Perfformiad Uchel Genedlaethol Nofio Cymru ac mae’n cynnig popeth mae ei angen ar nofiwr sy’n awyddus i ymuno â rhengoedd y perfformwyr elît.

Ein Tîm Hyfforddi Nofio

Hayley Baker, Swimming Performance Manager, Swansea University

Hayley Baker, Rheolwr Perfformiad Nofio

Hayley sy'n cefnogi ac yn cydgysylltu rhaglenni perfformiad nofio dynion a merched Prifysgol Abertawe. Mae Hayley yn helpu i ddatblygu a chyflwyno fframwaith a chynllun gweithredu perfformiad nofio â ffocws strategol, gan adlewyrchu safonau ac uchelgeisiau clwb nofio proffesiynol. Mae hi hefyd yn sicrhau bod llwybr perfformiad yn cael ei greu sy'n denu, yn datblygu ac yn cadw nofwyr talentog, gan gefnogi gyrfa ddeuol, llwybr i nofwyr o weithgareddau nofio yn y brifysgol i raglenni nofio perfformiad uchel a rhyngwladol. Mae gan Hayley gefndir helaeth ym maes nofio, mae'n gyn-fedalydd Prydeinig cenedlaethol ac yn hyfforddwr ASA Lefel 4. Cafodd Hayley ei dewis fel rhan o'r staff hyfforddi ar gyfer sawl tîm yn cynrychioli Cymru a Phrydain ond yn bwysicach na hynny, cafodd ei dewis i fod yn un o hyfforddwyr perfformiad nofio British Swimming ar gyfer y Gemau Olympaidd yn Tokyo yn 2022. Mae arddull hyfforddi unigryw a chyffrous Hayley wedi'i chynllunio nid yn unig i ddatblygu nofwyr o ansawdd uchel sy'n meddu ar dechnegau a sgiliau ardderchog o ran eu datblygu ar gyfer y dyfodol, ond hefyd i helpu i ddatblygu sgiliau bywyd a chynhyrchu pobl ifanc gytbwys.

Adam Baker, Swim Wales High Performance Lead

Adam Baker, Arweinydd Perfformiad Uchel Nofio Cymru

Penodwyd Adam yn Hyfforddwr Arweiniol yng Nghanolfan Perfformiad Uchel Genedlaethol Nofio Cymru yn 2015. Cyn hynny, bu'n Brif Hyfforddwr yn adran Campau Dŵr Dinas Abertawe (Nofio Abertawe yn flaenorol) am wyth mlynedd, cyn ymuno â Nofio Cymru fel Hyfforddwr Perfformiad Uchel Cenedlaethol yn 2013.

Mae gan Adam arbenigedd hyfforddi eithriadol ar bob lefel, o berfformiad Iau i Uwch, ac mae wedi hyfforddi nofwyr i'w dethol ar gyfer Gwyliau Olympaidd Ewropeaidd i Bobl Ifanc; Pencampwriaethau Iau Ewropeaidd; y tri digwyddiad Gemau'r Gymanwlad diwethaf, lle cafodd ei ddewis fel aelod o'r tîm hyfforddi; Pencampwriaethau Ewropeaidd a Phencampwriaethau'r Byd yn y pwll a'r Digwyddiad Dŵr Agored; a'r Gemau Olympaidd yn Tokyo yn 2020. Llwyddodd rhai o'r nofwyr a hyfforddwyd ganddo i ennill medalau yn y digwyddiadau hynny. Eleni, dewiswyd Adam fel un o hyfforddwyr Tîm Prydain ym Mhencampwriaethau'r Byd yn Budapest ac un o hyfforddwyr Tîm Cymru yng Ngemau'r Gymanwlad yn Birmingham.

___________________________________________________________________________________________________________________________________________________________