Mentergarwch Myfyrwyr

Ar gyfartaledd, mae'n costio £1,000 i gefnogi busnes myfyriwr yn ariannol. Ar hyn o bryd mae Prifysgolion Santander yn darparu cronfa fach o arian rydym yn ei defnyddio'n benodol i fuddsoddi mewn datblygu syniadau busnes a busnesau newydd myfyrwyr. Mae Go Compare hefyd yn cefnogi Myfyrwyr yr Ysgol Reolaeth fel rhan o'u modiwl -  heb yr arian hwn, ni fyddai'r myfyrwyr canlynol wedi cael cymorth ariannol ar gyfer eu busnesau...

Y Celfyddydau a'r Dyniaethau

meddygaeth

Nod Cronfa Mentergarwch Myfyrwyr yw darparu cyfleoedd i fyfyrwyr ddatblygu eu sgiliau personol a phroffesiynol. Mae cystadlaethau, megis yr her £100, Hacathons (profiad penwythnos dwys i weithio ar y cyd i ‘hacio’ atebion i broblemau) a The Big Pitch (sef cystadleuaeth a gynhelir gan REIS ym Mhrifysgol Abertawe lle gall myfyrwyr gyflwyno eu syniadau busnes ar gyfer y cyfle i ennill buddsoddiad.)
Trwy'r profiadau hyn, gall myfyrwyr fod yn fwy parod ar gyfer y byd go iawn ac mae'n eu rhoi nhw ar flaen y gad yn eu gyrfaoedd proffesiynol. Heb y cyfleoedd hyn;

• Ni fyddai EasilyEco(myfyrwyr o'r Ysgol Reolaeth a'r Cyfadran Gwyddoniaeth a Pheirianneg) wedi dechrau eu busnes yn gwerthu cynhyrchion ecogyfeillgar sy'n anelu at leihau defnyddio plastig mewn bywyd bob dydd. Heb fuddsoddiad ychwanegol o gyllid sbarduno, ni fyddent wedi gallu ehangu eu hystod o gynhyrchion i gynnig a pharhau â’u cenhadaeth ddi-blastig.
• Ni fyddai James Andrew(myfyriwr Bioleg sydd yn ei flwyddyn astudio olaf) wedi cael cyfle i weithio gyda Syr Terry Matthews OBE yng Nghanada a hefyd i gael ei ddewis ar sail ei ddoniau i ymuno â'r rhaglen Alacrity.
• Ni fyddai myfyrwyr ar draws pob coleg wedi ennill profiad o weithio mewn her fasnachol go iawn ac o ganlyniad gwnaethant ddatblygu dros 12 syniad masnachol i gefnogi Clwb Pêl-droed Dinas Abertawe, ac mae 3 ohonynt (gan fyfyrwyr o'r Gyfraith, Peirianneg a Rheolaeth) wrthi ar hyn o bryd yn cael eu profi ymhellach.
• Ni fyddai Tom Robertson, GAIN APP (myfyriwr Daearyddiaeth)  wedi gallu lansio ap a fydd yn caniatáu i bobl gael disgownt unigryw ledled Abertawe ac a fydd yn ei dro'n helpu elusennau a busnesau annibynnol lleol. "Cynigiodd Abertawe gymaint o gyfleoedd i mi fel trefnu taith i'r digwyddiad mentergarwch mwyaf i fyfyrwyr yn Ewrop, a oedd yn brofiad gwych ac a'm helpodd i rwydweithio â myfyrwyr o'r un meddylfryd, hacathon lle cwrddais i â Chlwb Pêl-droed Abertawe a bellach mae posibilrwydd y byddaf yn gallu gweithio mewn partneriaeth â nhw."
• Mae'n costio £500 i gynnal cystadleuaeth fentergarwch/hacathon a £200 i gynnal menter myfyrwyr.

Rydym yn ymrwymedig i ddarparu profiad o'r byd go iawn i'n myfyrwyr entrepreneuraidd. Gyda mynediad at leoliadau gwerthfawr o safon, mae buddion enfawr ar gyfer eu datblygiad o ran eu perfformiad academaidd a'u sgiliau cyflogadwyedd. Mae ein lleoliadau diwydiant yn rhoi'r cyfle i fyfyrwyr wella ac ennill sgiliau newydd sy'n benodol i'w pwnc neu eu diwydiant dewisol, yn ogystal â’r sgiliau cyflogadwyedd y bydd eu hangen arnynt ar gyfer eu gyrfaoedd yn y dyfodol.

Bydd yn costio £600 ar gyfartaledd ar gyfer interniaeth â thâl i fyfyrwyr.