Awdur: Hrisha Ramjee, myfyriwr BSc mewn Economeg a Chyllid gyda Blywddyn Dramor
Fy Mhrofiad Clirio
Ces i brofiad cadarnhaol iawn gyda Phrifysgol Abertawe. Roedd yr aelod o staff siaradais i ag ef yn gymwynasgar ac yn gwrtais iawn. Roeddwn i wedi gallu astudio'r cwrs roeddwn i am ei astudio ac roeddwn i'n fodlon â'r canlyniad. Pan gefais i’r cynnig, gwnaeth y brifysgol yn siŵr bod gen i'r wybodaeth angenrheidiol i fynd rhagddo.
Pam Abertawe?
Un o'r prif resymau dewisais i Brifysgol Abertawe oedd y cwrs a oedd yn cael ei gynnig. Roeddwn i am astudio Economeg a Chyllid ac nid oedd y prifysgolion eraill roeddwn i wedi'u hystyried gyda chlirio yn cynnig Economeg a Chyllid gyda'i gilydd fel gradd. Yn ogystal, roedd Prifysgol Abertawe yn cynnig blwyddyn mewn diwydiant neu flwyddyn dramor. Roedd gen i ddiddordeb yn y llwybr blwyddyn mewn diwydiant oherwydd roeddwn i am gael profiad gwaith go iawn mewn cwmni am flwyddyn. Rwy'n mwynhau dawnsio ac wedi bod yn dawnsio ers i mi fod yn blentyn bach. Mae Prifysgol Abertawe'n cynnig amrywiaeth o glybiau a chymdeithasau, gan gynnwys y gymdeithas ddawns.
Gwelais i fod y Gymdeithas Ddawns yn cynnig amrywiaeth eang o arddulliau dawnsio a oedd o ddiddordeb i mi, ac roeddwn i am barhau â'r hobi hwn. Yn olaf, mae lleoliad y brifysgol yn un gwych oherwydd bod un o'r campysau ger y traeth ac mae'r llall mewn parc. Felly, mae'r olygfa'n hyfryd, yn enwedig yn ystod y gwanwyn a'r haf oherwydd gallwch chi fynd i nofio yn y môr neu gerdded yn y parc a mwynhau'r olygfa ogoneddus.
Fy Mhrofiad yn Abertawe
Mae fy mhrofiad ym Mhrifysgol Abertawe wedi bod yn dda iawn ac yn gofiadwy iawn hyd yma. Mae'r darlithwyr wedi bod yn hynod gymwynasgar, yn enwedig gydag adborth a threfnu cyfarfodydd i esbonio ymhellach y cysyniadau nad oeddwn i'n eu deall pan oedd angen. Hefyd, mae gwasanaethau eraill a ddarparwyd gan y brifysgol, megis y tîm cyflogadwyedd neu hyb MyUni, wedi bod yn ddefnyddiol iawn pan oedd eu hangen arnaf.
Fy Nghyngor ar gyfer cyflwyno cais drwy Glirio
Rwy'n eich cynghori i ystyried cwrs yr hoffech chi ei astudio i weld a fyddwch chi'n ei fwynhau ym Mhrifysgol Abertawe yn seiliedig ar y modiwlau a gweld a oes opsiynau ar gyfer blwyddyn mewn diwydiant neu dramor ar y cwrs, pe bai diddordeb gennych chi yn y llwybrau hynny. Rwyf hefyd yn eich cynghori i ystyried y ddinas gan ei bod hi'n hardd iawn, yn enwedig yn ystod yr haf a phan fydd yr haul yn tywynnu.
Mae'n hyfryd treulio amser ar y traeth ac mae'n hawdd cyrraedd yno o'r ddau gampws. Yn ogystal, defnyddiwch y cyfleoedd amrywiol a ddarperir gan y Brifysgol, megis bod yn gynrychiolydd myfyrwyr neu ysgol a llysgennad myfyrwyr. Mae llawer o gyfleoedd eraill i gael profiad gwaith a darganfod sgiliau newydd, a gwella sgiliau presennol.
Paratowch ar gyfer clirio o flaen llaw:
